فين العيله؟

[DR.BIBO]

زمان كانت العيله كلها لازم تتجمع فى بيت العيله يوم فى الاسبوع وكل الاحفاد والاقارب بيبقو عارفين بعض كويس وممكن يبقو اصحاب والروابط الاسريه بتبقى عاليه ومفيش واحد من افراد العيله يقع فى مشكله الا لما يلاقى الكل بيساعده وتلاقيهم بيسالو على بعض من غير اى مصالح شخصيه كانت القرابه ليها معنى مهم اوى فى حياتنا ودايما بيقولو ان مصر بتتميز عن الدول الاخرى بلمسه الدفء الاسرى دلوقتى بقينا بنكون جزر منعزله عن بعض كل واحد اللى يهمه بيته وعياله واسرته الصغيرة وبس ودايما مشغول بالمستقبل والطموح وحياته الخاصه وبينسى انه فرع من شجرة العيله اللى من غيرها يبقى متغطى بالهواء وبقو بيشوفو بعض فى المناسبات وصعب تشوف العيله متجمعة مع بعض السؤال بقى:هو ايه سبب التحول الفظيع بين زمان ودلوقتى وياترى الكلام ده حقيقى ولا لسه فى عيله من بتوع زمان موجوده دلوقتى ياريت يكون في عشان متبقاش الحياه سوداء من غير دفء اسرى وتبقى مصر خسرت اهم ميزة بتميزها عن باقى الدول وساعتها مش هيبقى فى انتماء للاسرة ولا للعيلة ولا للوطن ولا اى شىء فى الدنيا ويارب يكون الموضوع عجبكو ومكونش سودت الدنيا فى عنيكو وياريت اكون غلطانه ويبقى لسه فى عيله واسفة للاطاله وشكرا

[قناع الذهب]

اولا بشكرك يا بيبو على موضوعك الجميل دا
تانى حاجة عندك حق فى كل اللى قلتيه وفعلا معدش فية عيله حتى ممكن تلاقى جوا الاسرة فية تفكك
كل واحد فى حاله او فى اوضتة ومالوش دعوة بالباقى خاااااالص
كان زمان كل اللى فى البيت عارفين كل حلجة عن بعض ومهتمين بامور ومشاكل بعض انما دلوقتى خلاص الا نسبه قليله طبعا
وكمان كان زمان ممكن تلاقى العيله كلها فى نفس البيت فكان بيبقى فية ترابط شويه
دلوقتى لا كل اسرة ليها شقة لواحدهل فى مكان غير او بعيد عن الباقى فطبعا كله بيكسل يسال ويروح لاقرايبه
يعنى قلما يتقابلوا بقة ممكن فى العيد او فى الافراح والماتم وكدة انما غير كدة كل واحد فى حاله
وممكن يكون الام مش بتحب اخوات الاب او العكس فبالتالى دا بياثر على الاولاد بيطلع عندهم انتماء لفرع فى العيله والفرع التانى لا وهكذا بقة
اسباب كتييييييير بس بجد ظاهرة موجودة ومنتشرة
ربنا يبعدها عننا ياااااارب

[Dr/HULK]

ههههههههههههههههه

لسة موجودة بس قليلة

ياعنى مثلا لما اروح البلد فى العيد

بقيت الاقى عيال صغيرة معانا فى العيلة ومعرفش اسمائهم حتى

وفى الاخر بيطلعوا ولاد ولاد خالتى

وبييجوا امتى مش عارف

بس بجد ببقى مذبهل

واليوم بيضيع

لانى بقضيه فى حفظ اسمائهم

عشان كده العيد ده باذن الله

هاخد كاميرا معايا واصور كل عيل وجنبه اسمه

ومماته او والده شايله

عشان باذن الله على العيد الكبير لما اروح

ابقى اعرف هما ولاد مين من ولاد خالتى

واسمائهم ايه

فكرة حلوة

بس بجد بيبقى احلى يوم

الواحد بيقضيه تلبيخ فى الاكل صحيح بس بتكون قعدة حلوة

[Nayroz]

لاسودتى الدنيا ولا حاجة يا دكتورة
بجد عندك حق فى كل اللى قولتيه
زمان ايم نينتى وتيتة الله يرحمهم
(نينتى مامة بابايا وتيتة مامة ماماتى ...للتوضيح)
كان لازم العيلة بتتلم كل شوية ونقعد مع بعض ونلعب ونتكلم مع بعض
ولو حتى فى المناسبات
لكن دلوقتى فى مناسبات زى الاعياد مثلا او مفيش العيلة بقت صعب تتلم
بالنسبة لعيلة مامتى فهى تقريبا اوشكت على الانقراض
معظمهم بقوا الله يرحمهم
ربنا يخلى لينا الباقى يارب
وبالنسبة لعيلة بابايا فهى كبيرة
بس العيلة تفرعت تفرعات كتيرة وجديدة جدا
يعنى كل عماتى بقوا جدات وكل واحدة فيها بقى ليها عيلة العيلة لواحدها وعندها ولادها واحفادها
وبقوا ليهم اهتماماتهم الخاصة
فبقى من الصعب ان العيلة تتجمع اوى نظرا للتفرعات والمسئوليات الجديدة اللى دخلت فى العيلة
ماعلينا انا هدوشكوا بعائلتنا ليه
بس مش لازم العيلة تتجمع يكفى بس انهم حتى يسالوا على بعض بس فى التليفون
وده نداء لاى عيلة
مش بس يتلموا فى الافراح والماتم
موضوع جميل
سلامااااااااااااتى

[mona_ ph]

موضوع جميل اوي ومهم
السبب اللي بيخلي العيله دلوقتي بعيده عن بعض ان كل واحد بقي ليه حياته ومسؤلياته وانشغالاته مبقاش فاضي
بس احنا الحمد لله علي اتصال كبير اوي بعيلتنا بس من ناحيه عيله بابا بس وتقريبا بنتجمع كل اسبوع او اسبوعين بالكتير
وياريت كل واحد فعلا يحاول لو حتي يسأل عن عيلته بالتليفون لو مفيش فرصه انهم يتجمعوا
وشكرا يابيبو علي الموضوع

[treka 22]

موضوع جميل يل بيبو
انتى جيتى فعلا على الوتر الحساس احنا كلا بعدنا عن بعض خالص ودا يمكن بسبب مشاكل الحياة اللى كترت اوى وكل واحد يقول يلا نفسى
دا احنا مش بس بعدنا دا الاقاريب بقوا بيبيعوا بعض علشان فلوس او حاجة من الحاجات الفانية دى
وفعلا الدم بقى مية
بس برده علشان نبقى واقعيين فى ناس قرييبين جدا من بعض بس بقوا قليين اوى

[DR.BIBO]

شكرا لكل اللى ردو وياريت كل الناس تدخل وتقول ياترى لسى فى عيله ولا لا