فى ايه فى دماغك

[@Noh]

على غرار الاعلان التلفزيونى (فى ايه فى دماغ الشباب) حبيت اسأل السؤال ده ياريت كل واحد يدخل يقول لنا دماغه فيها ايه؟

[@Noh]

شكرا ياشباب على الردود

[Dr/HULK]

لأ بجد من كتر الردود انا زهقت

هو حضرتك بتشكرى مين بالظبت!!!!!!!!!!!!

اما بالنسبة لسؤالك

فانا دلوقتى مش بفكر غير فى الاكل

لانى اول مرة من زمان اجوع كده

[متفائل]

معلش يا جماعة التمسوا للناس العذر

بصراحة الواحد مشغول ازاى هيودع شهر رمضان

ازاى الواحد هيعيش اللحظات الأخيرة فى هذا الشهر

تقريبا معدش غير 48 ساعة على رحيل هذا الضيف الكريم

وبعد ال 48 ساعة دول هنفضل نستنى 11 شهر لحد اما نستقبل رمضان جديد

سبحان الله ......اد ايه العمر بيجرى هوا

الوقتى انا قاعد افتكر الناس اللى كانت معانا رمضان اللى فات
لكن هما الوقتى فى عداد الأموات
.
.
.
بعضهم كان من زمايلى و بعضهم كان من اقاربى و بعضهم كان من جيرانى ............

أسال الله لهم فى هذه اللحظات الغالية أن يتقبلهم و أن يعفو عنهم

معلش طولت عليكم بس الواحد حزين جدا لفراق رمضان ..شهر الرحمة و المغفرة و العتق من النار

يا رب إن كنا لسنا أهلا لرحمتك و نحن كذلك
فرحمتك أهلٌ لأن تشملنا و ههى كذلك

[قناع الذهب]

الكورة
الفيديو جيم
حاجات كتير قوى
الا القشرة ههههههههههههههههه
لا بجد اكيد فى دماغى حاجات كتير زى الكليه وانفلونزا الخنازير واهلى واصحابى ومستقبلى ورمضان والعيد وحاجات كتييييييييير

[@Noh]

ميرسى دكتور hulk ومتفائل وقناع الذهب على ردودكم أما بالنسبة لحكاية انا باشكر مين دى فأنا باشكر كل اللى دخل وماردش على الموضوع حتى لو قال انه بايخ بس الظاهر الناس بترد على حسب الناشر مش المنشور ده اللى لاحظته فى المنتدى وياريت ميكونش كلامك ده تريقة.

[mona_ ph]

انفلونزا الخنازير والعيد
شكرا علي التوبيك الحلو ده

[Dr/HULK]

الظاهر الناس بترد على حسب الناشر مش المنشور ده اللى لاحظته فى المنتدى وياريت ميكونش كلامك ده تريقة

الحمدلله مش انا لواحدى اللى ملاحظ الحكاية دى

اما دلوقتى فبفكر فى موضوع

هنزله بعد العيد

بس هو عاوز تحضير جامد لانه هيبقى

كارثة للى هيصدقوه

[@Noh]

شكرا mona_ph على ردك وكل عام وانتم بخير

[DR.BIBO]

بفكر فى الدراسه اللى اتاجلت وانفاونزا الخنازير والعيد