المشاركة الأصلية كتبت بواسطة رامي بن سعد
جزاكم الله خيرا يا دكتورة على حصركم على نشر الخير وأخذ الثواب
بارك الله فيكم
ولكن هذا الدعاء لا يصح ولا يثبت عن النبي
لما نيجي نحسبها كدة
ده دعاء ... والدعاء من الدين .... والدين عبارة عن آية أو حديث صحيح
فالموضوع في أوله
( المعلومة بتقول )
المعلومة ديه جات منين ؟
من رحمة ربنا بينا إن ديننا مافيش فيه حاجات مالهاش أصل
الحمد لله كل حاجة عندنا ليها دليل ... احنا بنعبد ربنا على بصيرة
ولو المعلومة مالهاش أصل أو دليل تبقة مش من الدين
الكلام عام لتعم الفائدة والله للتوضيح فقط
طيب مثلا ممكن ناس تقول فيها ايه لما ندعي بدعاء زي ده
احنا بنتقرب إلى الله ... ودعاء كلماته جميلة ومريحة
طيب نفكر بالراحة كدة
الدعاء ده في نظر اللي وضعه ايه ؟ طبعا بيقول أنا بشجع الناس على الخير ( وجاب ثواب من عنده كمان عشان يشجع الناس أكتر ) واهوه مش خسران حاجة .. بالعكس بيخلي الناس تدعي ربنا وتذكره
طيب نقوله إنت دلوقتي بوضعك وتأليفك بالحديث ده أو نشرك ليه وإنت عارف إنه مش صحيح ولا يثبت عن النبي
يبقة حاجة من اتنين ...
الأولى
إنك كدة تدَّعي إنك جيت بخير واكتشفت حاجة كويسة والنبي ماكنش عارفها
يعني انت عرفت حاجة ليها ثواب كبير في الدين والنبي ماعرفهاش ( حاشا وكلا )
وربنا قال ( اليوم أكملت لكم دينكم وأتممت عليكم نعمتي ورضيت لكم اﻹسلام دينا )
يعني الحمد لله الدين بتاعنا كمل ومافيش فيه حاجة جديدة الناس تكتشفها
والحديث الصحيح عن أمنا عائشة رضي الله عنها عن النبي
( من أحدث في أمرنا هذا ما ليس فيه فهو رد )
الثانية
يبقة انت بتتهم النبي
بإنه كان عارف الخير ده والنبي لم ينقله لنا ( حاشا وكلا )
وهو في كلتا الحالتين كذاب
ماهو لما يقول الدعاء الجديد ده حاجة كويسة وخير كبير يبقة مش هيخرج برة الاحتمالين دول
ياإما عرف حاجة النبي ماعرفهاش أو إن النبي كان عارفها وكتمها عننا
والنبي
ما ترك من خير إلا ودلنا عليه وما ترك من شر إلا وحذرنا منه
فكيف يدعي إنسان أنه أتي بخير لم يأت به المصطفى
جزاكم الله خيرا مرة أخرى على حرصكم على نشر الخير والثواب
أسأل الله أن يأجركم على نيتكم الحسنة وألا يحرمكم الأجر والثواب
كلامي والله عام لأن المشكلة ديه منتشرة في مواقع كتير جدا وعلى رسائل اﻹيميل
عند نشر كلام النبي بالذات لازم نتأكد من صحة الحديث عشان نساهم في نشر سنة النبي الصحيحة ونهدم الروايات المكذوبة والموضوعة
احنا اتعودنا لما نشوف حاجة علمية جديدة أو غريبة نقول فين اﻹثبات على صحة الكلام ده ... وكلام النبي أولى إننا نتأكد من صحته لأنه دين ... والدين أغلى ما يمتلك المسلم
فيه موضوع مثبت في المنتدى الإسلامي للتأكد من الأحاديث
http://www.pharma-board.com/board/showthread.php?t=5135
سبحان الله أنا باتسغرب جدا لما أشوف واحد بيألف حديث وعندنا حديث ( من كذب عليا متعمدا فليتبوأ مقعده من النار )
يالجرأته .... !!!!
مكسرات (تظبيطة .......لمدة سنة)
رد مع اقتباس
