كيف تحكم علي الناس

[Dr. Sahar]

موضوع كنت بفكر فيه وعملت بحث علي النت عشان اشوف ازاي الناس بتحكم علي غيرها وحبيت اخد رايكم كمان
فبسطت الموضوع و هأطرحه للنقاش و نشوف الأساليب

المتنوعة في الحكم على شخصيات الاخرين



هل تحكم على الشخص من : - خلال




1- أسمه ؟



2- شكله ؟

3- تعامله ؟

4- مستواه التعليمي ؟

5-منصبه أو مركزه الوظيفي ؟

6-صلة القرابة ؟



7- كبر سنه أو صغر سنه ؟

8-طباعة الواضحة لك ؟



9- أسلوبه في الكتابة ؟ ( إذا لم يكن بينك و بينه إتصال )





*أو من خلال أشياء أخرى ؟



عايزه اشوف رأيكم وأسلوبكم

[Dr/HULK]

بيتهيألى الحاجة الوحيدة اللى ممكن

احكم بيها على الشخص

هى من خلال تعامله

اما باقى الاختيارات دى فمفيش منها اى فايدة فى الحكم على الشخص

[dr mima]

فعلا التعامل بس هو اصدق حكم على اللى قدامك

[محمد سمير]

انا بالنسبه ليا اهم حاجه هيا طباعه وشخصيته وكيفية تعامله

وحديثه معايا

مرسى دكتر سحر على التوبيك

[MoRsY]

من خلال تعامله لأن دي هي الحاجة الوحيدة إلي هو يقدر يتحكم فيها ويختارها إنما الباقي (السن والمستوى التعليمي وغيرها ) كل دا ممكن ميكونش له يد فيها إنما التعامل هو إلي بيحدد الشخصية ...........وشكرا على الموضوع الجميل

[Dr. Sahar]

بيتهيألى الحاجة الوحيدة اللى ممكن

احكم بيها على الشخص

هى من خلال تعامله

اما باقى الاختيارات دى فمفيش منها اى فايدة فى الحكم على الشخص

اولا شكرا علي الرد ثانيا فعلا ده راي انا كمان وكمان مينفعش نحكم علي اي انسان ومكانته في المجتمع ده من كليته او شغله في ناس كتير صحيح محلفهاش الحظ ودخلت زينا بس ممكن في الحياه هيا احسن بكتير
-----

فعلا التعامل بس هو اصدق حكم على اللى قدامك

تمام شكرا علي المشاركه
-----

انا بالنسبه ليا اهم حاجه هيا طباعه وشخصيته وكيفية تعامله

وحديثه معايا

مرسى دكتر سحر على التوبيك

شكرا ليك انت علي مرورك
-----

من خلال تعامله لأن دي هي الحاجة الوحيدة إلي هو يقدر يتحكم فيها ويختارها إنما الباقي (السن والمستوى التعليمي وغيرها ) كل دا ممكن ميكونش له يد فيها إنما التعامل هو إلي بيحدد الشخصية ...........وشكرا على الموضوع الجميل

العفو اي خدمه يارب يكون عجبك بجد

[Mohamed Al Gohary]

المثل بيقول .. تعرف فلان ، أعرفه .. عاشرته ؟؟ لأ .. يبقى متعرفوش ..

وياما بناخد فكره معينه عن حد معين ولما بنقرب منه ونتعامل معاه بتطلع غلط .. واكيد ده حصل معانا كلنا ..

شكرا على التوبيك ..

[قناع الذهب]

اهم حاجة طبعا التعاملووجها لوجة كمان مش عن طريق شاشة
لان حتى نبرة الصوت بتغير من حكمى على اللى قدامى ممكن فلانة مثلا اكون فكراها مغرورة بس لما اخد وادى معاها فى الكلام تطلع حلوة جدا ومتكلمة بس خجولة شوية وهكذا فطبعا المعاملة المباشرة هيا احسن طريقة للحكم على اللى قدامنا
وتسلمى يا سحورة على موضوعك الجميل دا

[Dr. Sahar]

المثل بيقول .. تعرف فلان ، أعرفه .. عاشرته ؟؟ لأ .. يبقى متعرفوش ..

وياما بناخد فكره معينه عن حد معين ولما بنقرب منه ونتعامل معاه بتطلع غلط .. واكيد ده حصل معانا كلنا ..

شكرا على التوبيك ..

والله ان كان علي حصل فحصل انت عارف يادكتور انا ناس كتير اوي بتقول عليا متكبره الي ميعرفنيش لكن بعد مايكلموني بيتغير رايهم 180 درجه

ثانيا شكرا ليك جدا انت علي المرور الجميل ده نورت التوبيك
-----

اهم حاجة طبعا التعاملووجها لوجة كمان مش عن طريق شاشة
لان حتى نبرة الصوت بتغير من حكمى على اللى قدامى ممكن فلانة مثلا اكون فكراها مغرورة بس لما اخد وادى معاها فى الكلام تطلع حلوة جدا ومتكلمة بس خجولة شوية وهكذا فطبعا المعاملة المباشرة هيا احسن طريقة للحكم على اللى قدامنا
وتسلمى يا سحورة على موضوعك الجميل دا

كده كلنا تقريبا متفقين علي نفس وجهت النظر اه انا فعلا كده كلهم بيقولو عليا مغروره معرفش ليه يادوك والله انا هموت من الموضوع ده
ومرسي علي مرورك ياعسل

[محمد سمير]

كده كلنا تقريبا متفقين علي نفس وجهت النظر اه انا فعلا كده كلهم بيقولو عليا مغروره معرفش ليه يادوك والله انا هموت من الموضوع ده
ومرسي علي مرورك ياعسل

ما تحطيش فى بالك موضوع الغرور لان الانسان بيتعرف شخصيته من الكلام معاه مش هشوف حد كده من اول مره وما كلمتوش واقول عليه مغرور