الصيدلي المصري القديم

[صيدلاوي]

طبعا الواحد راجع من إمتحان الصناعية حالته ما يعلم بيها غير ربنا

فلقيت نفسي بأكتب الهبل ده

إيه رايكم ........


الصيدلي المصري القديم

:: أشرقت الشمس ذات صباح على سحاحة أتون وهو في قصرة الجميل يستعد

للخروج إلى كليته الحبية كلية الصيدلة جامعة بطليموس السابع – طبعا دي غير جامعة بطليموسة

أخته أصل كل واحد في العيلة المالكة كان عامله جامعة....... إظاهر إن البلد متباعه للي بيحكمهوها من أيامها –

وصل صاحبنا سحاحة أتون على ظهر الحمار المصري القديم

_ والقديم يفرق عن الجديد أنه ما كنشي بينهق

كان بيقول آآآآ بوووو آآآ بوووووو _ ومش بعيد كان بيتكلم ما الفراعنة عملوا كل حاجه ....

طبعا على ما وصل للكلية كان نحت له يجي بتاع أربع أحجار....... حبة إستراكشرات

على حبة مورفولوجي حاجه كده يعني تسالي وإحنا من عبطنا هنيجي بعد 7000 سنة نقول يا حوووووونتي

ده كاتب تأريخ للوضيع السياسي و الإجتماعي للحقبة الفرغونية اللي كان عايش فيها


ودور الدولة الفرعونية في حل النزاع الدائر بين دول المحور والحفاء

وهوه يا نانوس عين أمه ....... راسم الكاربون تترا كلوريد

أو الفينول فثالين

أو حتى راسم كريبس سايكل

أو يمكن راسم الأوسلو كريستاليزر ......

وأخيرا وصل صاحبنا لباب الكلية

طبعا انحنى أمام الباب تحية للعميد / الدكتور .... عميد رع

طبعا العميد لازم يكون قاعد مربع في الساحة

و رافع كفيه بمحازاة ودنه بحيث تكون البالم بإتجاه السماء

طبعا بيقول










لله يا محسنين ...... ..




ودخل صاحبنا لكليته الحبية

والتي كاد عدد طلابها 5 او سته .....

حيث كانت كلية الصيدلة لا تقبل إلا أبناء الوزراء و الأمراء .....


طبعا سحاحة اتون كان زميل تختة لخليل أحمس و زكيه امنحتب ...من علية القوم

دلوقتي بقت اللي ليه واللي مالوش بيدخل صيدلة ........

وبدأ اليوم الدراسي بمحاضرة فسيولوجي :::::::::::: من أيامها المنهج ما اتغيرش على فكرة

وبعدها سكشن فارما ..........

البنش عليه كل حاجه ::::الفار المصري القديم و الضفدعة المصرية القديمة

والأمبولات المصرية القديمة و طبعا كانوا بيحقنوا بالغاب ...... المصري القديم

يدخل المعيد المصري القديم .......... آآل إيه .....يشرح شرح العملي


وفي منتصف الشرح ينظر المعيد المصري القديم ل سحاحة ليجده (( مش قافل البالطو بتاعه))

( بردي 100% ..... صناعة فرعونيه... )


- اقفل البالطو يا دكتور( كانوا محترمين أوي )


هوه ما قلش دكتور دكتور يعني هوه قاله كلمه شكلها أولها ط وآخرها ر .........

وبدأت معركة الشغل العملي

كل طالب استلم فاااااار والمفروض إنه .................. آآآآآه نسيت استلم فار مصري قديم

والمفروض إنه يحقنه ..... حقنة استركنين مصري قديم


وهنا وجب التنويه إن الإستركنين المصري القديم مفيش فيه arching ولا العبط ده

الإستركنين المصري القديم كان بيخلي الفار المصري القديم

ينام على ظهره من سكااااات ويحط إيده الإتنين فوق صدره في شكل علامة إكس

ويقولهم هياااا إدفنوني

مش إحنا الفيران عندنا بتدلع ويقعد يتنطط لك على البنش .......... قلة تربية ووقاحة .......

هيه أول مرة يموت فيها

وووووووو طبعا الفار مش هيترمي

لازم كل طالب ياخد الفار بتاعه يحنطه ............ ومش هياخد غيابه غير لما يسلم الفار بتاعه

متحنط و يسلك التحنيطة مع الكتاب علشان يتعلم له فيه

طبعا اللي هيجيب معاه فااار إكسترنال متنحنط جاهز ستلاحقه لعنة الفيران .........

امممممم

وانتهى اليوم بخير وسلام ......... وأتى دور الورق

انطلق سحاحة على حماره المصري القديم وخرج من باب الجامعة بعد ما بص لظابط الأمن اللي ع البوابة بصة قرف لأن ظابط ألأمن وقفه وهوه داخل وطالب منه إنه يوريه ورقة البردي

اللي تثبت شخصيته .......... كان فيه قانون طوارئ أيامها برضه ........ تحت شعار قتشني فتش



وشرخ بالحمار على مكتبة حورس دريم ........... ولكن كالعادة المكتبة كانت فااااااااااااضية

فاااااااضية


فااااااااضية


لدرجة إن عينه كانت مزغللة فشاف المكتبة ملاينه

وطبعا لو فضل واقف من هنا للصبح مش هيعرف يشتري ورقة واحدة

وهنا انتهى يوم في حياة الصيدلي المصري القديم .........

إيه رايكم في الهبل ده

أخوكم فارس غزة

[basma 90]

هههههههههههههههه

واضح ان إمتحان الصناعية كان ماثر اوى على حضرتك

شكرا يا دكتور على التوبيك

[dr.mada_masrawi]

بالظبط كده

إنت قلت كل اللي كنت عايز أقوله

بس فاضل حتة هزودها

وهو ده يا جماعة الإنسان المصري فمنذ قديم الزمان وهو لو ملقاش حد يتريق عليه

أخذ يبحث ويبحث ويفكر ويفكر

فلم يجدا أسهل ولا أنكى ولا أفضل من حالته لكي يتريق عليها

وأبص لغيري ليه ما أنا فيا اللي مكفيني

والحمد لله

[dano_90]

هههههههههههههههههههه

توبيك عثل يادكتور

انا على وشك انى اكتب موضوع زى ده

[صيدلاوي]

شكرا شكرا شكرا

ياجماعة

ده كططططططططططططير كطير عليا ..........

ربنا ما يحرمني من ردودكم ........

أهو القديم زي الجديد ................

[pharmacistina]

ينام على ظهره من سكااااات ويحط إيده الإتنين فوق صدره في شكل علامة إكس

ويقولهم هياااا إدفنوني

مش إحنا الفيران عندنا بتدلع ويقعد يتنطط لك على البنش .......... قلة تربية ووقاحة

الناس كلها بتتريق على عملي الأساي و التوكسو ..

و الغريب ان يوم امتحان الأساي عندنا في الفرقة الثالثة ..

بنبص للناس اللي كانوا في السكشن خايفين و بيعيطوا .. و Oh my god

لقينا الكل داخل المعمل مشمر و لابسين الـ gloves

.....

Nice topic

[BoNbOoNa]

اسلوب رائع ...لا تنقطع ابدا عن الكتابة
جزاكم الله خيرا.... كان نفسي اضحك بجد
شكرا يا د\ صيدلاوي ...فارس غزة

[صيدلاوي]

لناس كلها بتتريق على عملي الأساي و التوكسو ..

و الغريب ان يوم امتحان الأساي عندنا في الفرقة الثالثة ..

بنبص للناس اللي كانوا في السكشن خايفين و بيعيطوا .. و Oh my god

لقينا الكل داخل المعمل مشمر و لابسين الـ gloves

المهم إنكم تكونوا حليتوا حلو النهارده

ياترى عملتوا إيه في الإستراكشرات .................................................. .... المصرية القديمة
-----

ب رائع ...لا تنقطع ابدا عن الكتابة
جزاكم الله خيرا.... كان نفسي اضحك بجد
شكرا يا د\ صيدلاوي ...فارس غزة

هوه الحمد لله أنا مش منقطع عن الكتابة

لسبب بسيط جدا

إني الكتابة هيه الحاجه الوحيده اللي بتخرجني من مووووووود الكلية

فأضطر إني أحول كل مأسااااااااااااااه من المآسي اللي بأشوفها دي إلى بسمة

ترتسم على وجوه البائسين اللي زي حالاتكو


عمااااااااااااااار يا مصر






















بيلعب في الشارع ممكن تنادي لي عليه يا مصر

[SHYMAA]

شكرا يا دكتور على الموضوع
ضحكتنا بجد
وعرفتنا انه من ايام العصر القديم
مفيش تغيير على الاقل فى كليتنا الحبيبه

[رحيق الجنه]

ماشاء الله بجد يا دكتور موضوع اكتر من رائع

شوقتني للصيدله الصناعيه اللي بتطلع المواهب دي .يالا اهي كلها 3 مواد ونوصل باذن الله


اما بالنسبه لاستراكشرات النهارده فاعتقد ان الطبييه كانت مصابه بلعنه الفراعنه ..لاني بجد مش عارفه اي

جمجمه ممكن تشيل كل الاستراكشرات دي.....؟ فين ايام امتحانات د/ اخناتون ود/ نفرتيتي سنه5000

بعد الميلاد ....يالا.دنيا

مستنين جديدك