الشفوي الظالم لكل الفرق

[drH.M]

السلام عليكم ورحمة الله وبركاته
طبعا احنا بنمر الأيام دي بأيام صعبة "أيام الأمتحانات"
احنا بنطلع من الأمتحان التحريري نيجي بأه علي الشفوي "هذه اللفظة الظالمة في مضمونها"
عشرات بل المئات من بيننا يظلمون في امتحان الشفوي
طبعا لأن الأمتحان الشفوي مش موحد سواء في الأسئلة أوالدكاترة منهم انترنال ومنهم اكسترنال
وطبعا اللي بيدخل الأول مش زي اللي بيدخل الأخر
طب انا داخل لدكتور الmaximumعنده بياخد 25 وناس تانية تدخل مش تجاوب عند دكاترة تانيين
وتأخد ال25 علي- سبيل المثال يعني - طيب فين عدلك يا شفوي
ومن ناحية تانية الأسئلة اللي بتتسأل للطلبة سعات مش بتكون من المنهج طيب انا هعمل ايه
طالع من امتحان نظري دماغي مستوية ومش طايق نفسي سواء من الأرهاق أو التعب

بس انا برجع الأخر وبقول ان اللي بيتعب ويعمل اللي عليه ربنا بيسخر له الظروف اللي توفقه
بس احنا لازم نأخد بالأسباب برده يعني
طيب عايز أشوف الناس بتعاني زيي كده ولا أنا لوحدي اللي في المأساة دي
عايز أسمع أرائكم في الشفوي اللذيذ ده

[انجالى]

لا طبعا وانا كمان معاك فى الكلام ده انا الدكتوره اللى كانت عندنا كان اقصاها للى مواجب اوى اوى اوى 24 ومش بتزيد شوف اللى غلط بقه او عامل اى غلطه هياخد كام

[SHYMAA]

مفيش حد يسالنى عن الشفوى لانى باكرهه قوى مش بعرف اجاوب اصلا كل حاجه بتطير

[treka 22]

موضوع الشفوى دا حظوظ مش تقدر تعمل فيه حاجة
هو الحل دعوة حلوة الصبح من ست الكل وكل حاجة تبقى تمام ان شاء الله

[same7]

بس انا برجع الأخر وبقول ان اللي بيتعب ويعمل اللي عليه ربنا بيسخر له الظروف اللي توفقه

اعتقد ان حضرتك قولت الخلاصه

[Amira]

انا معاك فى كل اللى قولته

فى ناس بجد بتتظلم جاااامد وبيقعوا فى ايد دكاتره مش عارفين المنهج اصلا



وبعدين اسمه شفوى ازاى وانا فى العضويه الدكتوره قالتلى اختارى 3اسئله من الامتحان وحليهم


ولما روحتلها تصحح عملت قدامهم علامه صح وخدت الدرجه وخلاص من غير ولا كلمه........ايه ده؟؟



والله الشفوى بالنظام اللى شغالين بيه دلوقتى ده تضييع وقت لينا وللدكاتره

وفى الاخر طبعا "قل لن يصيبنا الا ماكتب الله لنا"

[Dr.N.Samy]

اه فعلا والله انما ببقا شايلة هم الشفوي اكتر حاجة بجد بحس اني مخنوقة لما بخلصه يبقا كدا خلصت الامتحان
مش بعرف اجاوب اصلا حتى لو سؤال كان في الامتحان وانا مجاوباه ببقا في توتر جااااااااااااااااامد جدااااااااا
ربنا يستر ويعدي على خير وبعدين بيبقى في ظلم يلا هنعمل ايه بقا الحمد لله على كل حاااااااال

[Dr Deya]

[NonY]

انا شايفة ان الشفوى محتاج تعديلات رهيبة عشان يبأة له معنى
و طبعا كلنا عارفين مشاكله

[lonley]

كفايه الزحمة
ربنا يعافينا