عندما يرتبط مصيرك بكلية الصيدلة

[dr-aya]

10/10 يا آية والله
بجد موضوع تحفة وفعلا معاده قبل الامتحانات ده واقعي جدا
ربنا يستر ومنوصلش لمرحلة use a knife دي

منتظرين جديدك دايما

لالالالالالالالالالالالالالالالالالالالالالالالالا لالالالالالا يا دعاء إن شاء الله مفيش use aknife ولا حاجة
أصل العلم إتطور خلاص وبقى فيه مسدسات دلوقتى وصواريخ وحاجات تانية كتير
أو أقلك حاجة أسرع أى تحضيرة من اللى بنعملهم فى الصيدلانيات ممكن تأدى الغرض
ونورتى الموضوع يا جميل وإن شاء الله الإمتحانات تعدى على خير

هههههههههههه مية مية

شكراً على المرور (دا أقل حاجة عندى..........ههههههههه (بهزر طبعاً*) نورت الموضوع

[mansalkaloid]

عندما يرتبط مصيرك بكلية الصيدلة
فاعلم أن فيه إن في المسألة
ولا تتعجل الفرح متسرعاً
إنك لم تبلغ المجد بسلم
فلتوك بدأت طريقاً بلا نهاية
وحكايتك يا عينى هتبقى حكاية
ستبدأ طريقك بالإلتحاق بإعدادي
وسيراودك ساعتها إحساس غير عادى
ستصحو وتنام تهلوس
يارب أعدى نضيف السنة دى
ولكن الكيمياء بنوعيها تأبى أن تسيبك
فتظاهر أمام نفسك بأنك راضى
وإحمد ربك إنك دخلت أولي وفلت
ودا البادى
و إبدأ بإقناع نفسك أنك ستبدأ من جديد
و إقعد قول حب ما تعمل لتعمل ما تحب
وإحلم إنك يوم ترجع سعيد
بس مالآخر بقولك مهما تقول أو تعيد
لا حياة لمن تنادى...................
لا أمل في يوم عيد
وبعد سنتين أو تلاتة لما يتملك العبور
وتدخل تانية وتحلم ببصيص نور
هتفتح عينيك تلاقيك ياحبى فى الظلام مغمور
وتقعد تصرخ.............مين طفى النور
وتلاقى المصايب نازلة عليك بالدور
فلا تبتئس ولا تحزن
كلها خمس ست سنين وتعدى منها زى الشطور
تآخد كل بلوة.........قصدي كل مادة فى سنة
وتخلص منهم جميعاً إستعداداً لتالتة يا أمور
وتالتة لوحدها تكفى لجعلك
تشد فى شعرك لو لسه موجود وتقول
آآآآآآآععععععع ..............مش عاوز أبقى دكتور
ولما تيجى تجرى تجارب على الفئران
و تبصلها وهى بتموت وتبقى زعلان
فجأة يطرق عقلك سؤال
أى منكما أحسن حال
تلاقى الفار قام فجأة يقولك
أكيد مش إنتي دا شئ محال
أنا وبلا فخر هموت شهيد العلم
لكن إنتى مكمل معاهم يا غلبان
وبعد كاااااام سنة غير قابلة للعد
تلاقى رابعة بتوصل معاك الود
وتقريباً بتآخد فيها مراجعات عاللى فات
مناهج أكل عليها الدهر وشرب فتسمم ومات
وبعد ما فات وما هو آت
وبعد تعبك سنوات وسنوات
بمقبول أخدت لقب دكتور
ولا تحلم بأكثر من ذلك
هيهااات.........هيهات
وابدأ التفكير فى حياتك
مع العلم بإمكانياتك وأولوياتك
وهم كالآتى:.............
40years, deseases series, it’s okay giving tears
No jop ,No future,also in failure become ateature
No wife ,No life ,go ahead ,,,,,use aknife

ما شاء الله
اسلوب بليغ وتمكن فى الصياغة
وكويس انك عارفه الكلام ده من بدرى
بس برده احب اقولك
نبص لنص الكوب المليان
الطريق لسه طويل
دول خمس سنين كتير مش قليل
ونصيحة من واحد مجرب
ذاكروا كل ما يفرض عليك من مناهج
اولا:لانها بتخدم مواد السنة اللة بعدها
ثانيا:لانك مهما حاولت تطنش اجزاء ما تزاكرهاش هتبقى انت الخسران
لانك بتدر سبكالوريوس كيمياء وعلوم صيدليه
اى كل ما يحتوى على اى معلومه تفيد الصيدلة
ذاكروا وربنا يعينكم وتتخرجوا ان شاء الله بتقديرات عاليه
ان شاء الله
سلااااااااااااااام

[same7]

كلام جميل كلام معقول مقدرش اقول حاجه عنه

[dr-aya]

نبص لنص الكوب المليان
الطريق لسه طويل
دول خمس سنين كتير مش قليل



ونصيحة من واحد مجرب
ذاكروا كل ما يفرض عليك من مناهج
اولا:لانها بتخدم مواد السنة اللة بعدها
ثانيا:لانك مهما حاولت تطنش اجزاء ما تزاكرهاش هتبقى انت الخسران
لانك بتدر س بكالوريوس كيمياء وعلوم صيدليه
اى كل ما يحتوى على اى معلومه تفيد الصيدلة

على فكرة يا دكتور حضرتك عندك حق فى كل كلمة وعايزة أزود بس إن طلب العلم علشان العلم فى حد ذاته متعة قليل أوى اللى بيلاقيها سواء كان بكالوريوس علوم صيدلية أو أى حاجة تانية وفعلاً التطنيش والمذاكرة بس عشان الأمتحان هى أول الطريق لإنشاء دكتور فااااااااااااااشل
ونورت التوبيك يا دكتور

كلام جميل كلام معقول مقدرش اقول حاجه عنه

تيراااريرااااااا ريراااااااا
دا شكل الصيدلانيات مأثرة جامد يا حرام
على العموم شكراً يا دكتور على رأيك كويس إنه عجبك المهم متكنش مقتنع بيه فعلاً لأن الطريق لسه طوييييييييييييييييييييييل

[شاهندا]

جميلة جدا جداوياريت تنزلى تانى لان مواضيعك بجد حلوة قوى

[sokar-resala]

الكل اجمع علي ان ديه الحكايه
وانا دلوقتي منتظره مكاني النهايه

[محبة الله]

بجدموضوعك حلو كتير ساعات بحس اني مش عارفه اتعامل مع الكليه ربنا يوفقنا كلنا ان شاء الله

[M_DE3BES]

جميل جدا اسلوبك اتمنى الاستمرار وفى انتظار حاجات جديدة

[sunshine]

بجد الموضوع ده تحفه انا قرات العنوان كتير قبل كده بس اول مره اقرأ الموضوع ويا ريتنى قرأته من زمان
شكرا ليكى يا دكتوره ايه

[The Best Pharmacist]

يا خبر ابيض ؟!!
كل ده هيحصللي ؟!!
ده انا اسيب الكلية من دلوقتي احسن
وشكرا ع الموضوع يا دكتورة