تعقيبا على الأسئلة اللى سألتها
بشهادة الشهود طلعت مفترى جدا .. جدا .. جدا
هسأل أسئلة بسيطة فى الأول
هى فعلا بسيطة جدا ... من حيث الشكل
و بعد كده قدامنا الأيام كتير
معدتش هسأل تانى خلاص .. ولا كتير و لا قليل
حرام عليك ياسر دى مش اى اسئله
خلاص و الله يا زوزو .. معدتش هسأل تانى
بصى ياسيدى وما ستك الا انا طبعا(صح كده)
تمام كده
شجاعة .. حد يقدر يقول غير كده
------------------------------------------------------------
لا دا كده فتى ... و تهرب من السؤال كمان
قضيتى كام سنة ؟؟ إيه هى البلد ؟؟ مين كان معاكى ؟؟ أكتر حاجة عجبتك فيها ؟؟ و أكتر حاجة ضايقتك منها ؟؟
ياسر مش هحكى عن السؤال ده الان
و أنا عفيتك من السؤال .. من قبل حتى ما تفكرى
و لو مكنتيش سافرتى .. يبقى إيه سبب اللهجة ؟؟ و سيادتك كده هتتخيلى نفسك سافرتى لبلد عربى و تجاوبى على الأسئلة دى كلها
أدى سؤال متجاوبش عليه
خليها بعدين انا كنت واثقه انك هتسالنى نفس الاسئله دى
بس نهايه الكلام انا مكتوبلى ف الشهادة الميلاد مصريه
طب خلتينى أسأل من الأول ليه 
------------------------------------------------------------
تخيلى إنك واقفة دلوقتى بتتحاسبى قدام من لا يسهو .. هل إنتى راضية عن نفسك ؟؟ عن دينك ؟؟ عن لبسك ؟؟
مش راضيه عن نفسى اكيد ولا راضينى لبسى وزاد عدم رضايا لانى عرفت انى هموت قريب
برغم إن الموت مش شر .. بس برده بعد الشر عليكى .. و الدنيا كلها أمرها لله
لو مش راضية .. إيه برده السبب ؟؟ ... و السؤال هنا دينى
السبب انى اكيد مقصرة ف حق ربى
أكيد كلنا مش راضيين عن نفسنا .. و أنا لو إتسألت نفس السؤال هجاوب نفس إجابتك و ربنا يهدينا جميعا
------------------------------------------------------------
عمرك غلطتى ف حق نفسك ؟؟
اها
إزاى ؟؟ و إمتى ؟؟
لما سمحت لحد يستغلنى
ربنا يسامحه .. أو يسامحها .. و أرجو إن الناس كلها تاخد بالها .. مش كل الناس كويسة
و إزاى صلحتى الغلط ده ؟؟
انا عامه ديما بحاول اصالح نفسى
والغلط بيقتل اى حاجه حلوة كانت لصاحبه عندى
ويكون بدل صاحب انسان عادى بينى وبينه امر ربنا ف حق الناس عليك
ربنا يعينك .. و يعينا معاكى ... و هو ده فعلا برج الميزان .. قطيعة نهائية
------------------------------------------------------------
هو معنى انى اغسل رجليه انه زمن سى السيد دى حاجه عاديه ملهاش علاقه بالزمن ده
أقصد .. إنه بيتكبر عليكى .. و بيقولك .. إغسليلى رجلى .. بقرف .. 
هل طلبه ده دافع إنكوا تتخانقوا ؟؟ أو إنك تزعلى ؟؟
لا عادى ايه المكشله احنا سوا والتعبان فينا يريح السليم ده اذا لحقت اعيش واتجوز
الله عليكى يا زوزو ... ربنا يكرمك
هل لو زوجك _ اللى إنتى بتحبيه _ طلب إنك تقعدى فى البيت و مش تشتغلى و متخرجيش ألا معاه .. و مش بمنطوق زمن سى السيد .. بل بمنطوق الزوج اللى بيحب مراته .. و خايف عليها .. و بيغير عليها .. هتتصرفى إزاى ؟؟ و افرضى إنك حاولتى تقنعيه و هو مش مقتنع .. و عايزك تنفذى اللى هو قالك عليه .. هتعملى إيه ؟؟
انا هرفض اقعد ف البيت واسيب شغلى
هحاول اقنعه واذا رفض هختار شغلى انا لو قعدت ف البيت مش حلو لا ليا ولا ليه وهيكون سبب لخانقنا لانى مش بيتوتيه خالص
لو هو هيعوضنى وكده هيتعب اوى يحاول واشوف بس لو حسيت مخنوقه هنزل وان خلصت بطلاقى
الحياة فعلا تعاون .. بس مش معنى إن زوجى مش عايزنى أشتغل .. و مش مقتنع .. إنى أعمل حاجة غصب عنه .. أو ده يكون دافع للطلاق .. لأ غلط طبعا يا ست زوزو ... و طبعا طاعة الزوج واجبة فى كل مكان و زمان .. إلا فى معصية الرحمن .. لازم تسمعى الكلام .. حتى لو مكنتيش راضية .. ربنا هيجازيكى عن طاعتك خير إن شاء الله ... و خصوصا إن المرأة لما بتنزل لمجال العمل بتاخد مكان لراجل ممكن يكون محتاج أكتر منها ... صحيح العمل للمرأة مهم دلوقتى بسبب ظروف مجتمعنا .. و المرأة المطلقة و الأرملة .. بس طالما الواحدة فى مسؤلية راجل بيحبها .. و مكفى حاجتها .. إيه يدفعها تشتغل .. و الشغل أساسا مكروه ؟؟
هل ده سبب كافى إنك تقولى عليه رجعى و متخلف ؟؟
لا حاجات كتير تخلينى اقول كده مش بس ده
لا طبعا .. دا مش سبب أساسا ممكن تعتبرى بيه الراجل رجعى و متخلف
------------------------------------------------------------
تتجوزى اللى بتحبيه ؟ ولا تتجوزى اللى بيحبك ؟؟ ... و فكرى شوية .. و أنا هقولك الحل الصح
لا بيحبنى الاول واكتر ما بحبه انا
معنديش استعداد اقول انا هخليه يحبنى هو هيجى متنيل لوحده
تمام كده .. 100 100 .. خدى اللى يحبك .. و لا تاخدى اللى بتحبيه .. إلا إذا كان بيحبك أكتر منك
------------------------------------------------------------
تحبى الولد الغيور غيرة شديدة ؟؟ و لا البارد ؟؟ و لا النص نص ؟؟
غيور اوى بس بيثق فيا
الغيور غيرة شديدة مش بيثق حتى فى إخواته ... فما بالك بمراته ؟؟
------------------------------------------------------------
لأن الموضوع ملوش لازمة لو مخرجناش بفايدة .. و لا كلامى غلط ؟؟
اكيد لازم تعقب ع الاجابه والا متكنش ياسر
تعرفى إيه عن ياسر .. ولا حد يعرف حاجة عنى .. حتى أعز أصدقائى .. أنا بالنسبة ليه إنسان مبهم .. مش عارف ده عيب منى و لا منهم
------------------------------------------------------------
إيه رأيك فى سياسة المجتمع اللى عايشين فيه ؟؟
فيها الكويس والوحش اكيد الوحش فيها رد فل لافعالنا
إجابة السؤال هنا ناقصة يا زوزو .. شوفى الجملتين اللى تحت ..
أقولك أنا من ناحية إيه ..
الدين ؟؟ الاجتماعيات ؟؟ الاعتقادات ؟؟ السياسة
؟؟ أحوال الناس ؟؟
مطلوب منك كل حاجة لوحدها .. سياسة الدين .. خدى بالك إن لازم النهار يقصر فى رمضان عشان الناس تعرف تصوم .. سياسة الإجتماعيات .. الاعتقادات .. إلخ كل على حدة
------------------------------------------------------------
الأخ ..... الصديق ..... الحبيب ..... الأب .... الأم
احلاهم لو كلهم اجتمعو ف شخص واحد
كل حاجة لوحدها .. منفصلة عن التانية
الكره شئ لا ادمى والمفروض يتمسح من قاموس التعامل بين البشر
دا عالم من الأحلام .. كون فوق الخيال .. على رأى اللى بيقول "زين .. عالم من اختيارى"
------------------------------------------------------------
يعنى انت مش راضى تسال وقلتلى انى صعبانه عليك قلت انا مش مضايقه من الاسئله اسال بس
و الله .. مش عارف أقولك إيه .. أنا بجد كحتار فى ردى .. بس برده أنحنى و أرفع القبعة 
------------------------------------------------------------
بس ياسر مش انا بس الى اتصدمت ف اجتماعنا بيك كل الموجودين صدمو
منا عايز أعرف إيه سبب الصدمة ؟؟ هل عشان أنا مش كتير الكلام ؟؟ ولا عشان مضايقتكوش زى ما بعمل علطول ؟
------------------------------------------------------------
باعتبار لإنك جميلة ... أو إنتى فعلا جميلة ... إزاى تحكمى على بنت إنها جميلة ؟؟
ارتياحى ف الى قدامى هو الجمال
يعنى لما ابص لحد احس انه ينفع احكى معاه واقوله ع اسرارى
يعنى الجمال مش بس الشكل وف ناس تتكره مهما كان جمالها
يعنى مهند التركى الكل بيقول عليه جميل انا لاء حاسه انه عادى لانى شخص وهمى بحياتى مش مرتاحه ليه
فهمت؟؟؟؟
ردك عجبنى .. خصوصا إنى بعتبر اللى تحب ممثل أو مغنى أو حاجة من دى تبقى تافهة .. و ده رأيى الشخصى يا جماعة
------------------------------------------------------------
تخيلى إيه رد الشاب ده ؟؟؟ لو هو أعذب ... و لو هو خاطب ... و لو هو متزوج
بحس لو انا ولد او ولد قريبى بيحكيلى ان بنت معجبه بيه بحسها مش ظريفه خالص
ولو مكانه (بعتز بانوثتى بس للتوضيح) هبصلها بقرف وامشى
لو هو أعذب أكيد فى رد .. و لو هو خطب ممكن يختلف .. و لو هو متزوج .. دى الطامة الكبرى
------------------------------------------------------------
قبل ما أكمل .. أحب أقولك إنك شخصية كويسة جدا .. و الناس كلها اللى بتشاهد الموضوع ده دلوقتى بتشهد بكده
و أنا ما زلت عند كلمتى
حرااااااام عليك العشق مش بايدنا وغصب عننا بس ربنا يساعدنى ومكون ابدا ف موقف زى دى انا ممكن اموت فيها
طبعا إن شاء الله عمرك ما تكونى فى موقف زى ده .. و لا أنا أتمنى إنى أشوف أى بنت فى الموقف ده .. و زى ما قلت ده مجرد حوار
------------------------------------------------------------
بعيد الشر عليك بس ربنا يستر واكون حليتهم وكلهم ومش نسيت حاجه
و اللهأنا عاجز عن الرد
------------------------------------------------------------
هبقى اغنى هنا ع المنتدى واحكمو
بلاش ... بلاش ... بلاش عتاااااااااااااااااااااب ياااااااااااااااا .......... زوزو
انا حاسه ان الزمن ده بدا الاسلام ينتشر وبصورة واضحه عارف ياسر انا بمشى ف الشارع الاقى كتييييييييييييير منتقبات وملتزمات
تخيل عندنا ف المنزله بشوف منتقبات اينعم هما قله اوى بس موجودين
انا عمرى ماشفت حد منتقب ف المنزله نفسها(ممكن الارياف الى جنبها) والان شفت
زى ما قلنا يا زوزو اللبس مش مقياس التدين و لا الأخلاق .. إطلاقا ... أذكر على سبيل المثال حادثة حصلت فى قرية صغيرة جنبنا ... شبكة دعارة كاملة ممسوكة من المنتقبات ... و مش معنى كده إنى بشوه سمعتهم ... لا بس أنا حبيت أقول إن اللبس لا مقياس أخلاق و لا مقياس تدين ... و صور محاضر الضبط و الإحضار موجودة .. و كمان المحاضر بالكامل ... بس لو نشرتها يعتبر تشهير .. و حرام عليا
------------------------------------------------------------
تعرفى فى كام واحدة عانس فى مصر ؟؟؟
سؤال بلا جواب .... لكن أكيد كتير جدا ... فوق ما نتصور
بجد .. لو عارفة قولى
بجد مش عارفه كل الى اعرفهم اتجوزو
دا على أساس إن اللى إنتى تعرفيهم هم بنات مصر المحروسة
تعرفى إيه السبب ؟؟
السبب اما لبنت رافضه المبدا نفسه وفضلت لنفسها وضع اخر برايها افضل من الزواج
او بحياتها قصه حب وفشلت وحرمت تجرب تانى
السبب مغالاة الأهل فى الطلبات .. مع إن كلهم .. كلهم .. و أقسم بعزة جلال الله ... هيقفوا قدام زجه كريم و يتحاسبوا على أعمالهم دى .. إنهم خلوا واحد يتداين ... أو صعبوا الزواج ... ربنا يسترها معانا .. و معاهم
------------------------------------------------------------
لو قلتلك دلوقتى .. أنا بعفيكى من إجابة كل الأسئلة دى ... هتقوليلى إيه ؟؟
ما زال السؤال قائم
بس بصراحة .. ده بعدك
عادى هجاوبك عليها اتسالت يبقى احترامى للسائل لازم اجاوب
عاجز عن شكرك يا زوزو ... و أنا بجد بحترمك جدا و الله
------------------------------------------------------------
يااااااااااااااااااه قد ايه متعاطف
لا اسال بالله عليك
كان ممكن تقلى احكى قصه حياتك والى فدماغك احسن
او سلميلى دماغك وقلبك ادور فيهم براحتى
ليك يوم
هخلص ع كل الموجودين واحد واحد
فعلا و الله متعاطف .. فعلا كده .. و عشان كده .. سكتم بكتم ... معدش فى أسئلة
بس يا ريت تديلى دماغك و قلبك ... و أنا أرجعلهم فاضيـــــــــــــــــــــيــــــــــــــن .. بس خلاص بقى
بح .. خلاص ... شطبنا
المشاركة الأصلية كتبت بواسطة dr\pretty
أول 3 كلمات فى السطر ممكن نسمعهم تانى ... شكلك كنتى بتاكلى يا بوسى
ضوابط المشاركة
