المنتدى كله اتعدى منك يا بوسى وبقى طموحبس لا بد من يوم معلوم ترد فيه المظالم ابيض علي كل مظلوم واسود على كل ظالم
وانا ارشح الدكتور جوهرى علشان يقعد على الكرسى المرة الجاية علشان اسئلته كانت كتير وظالمة
المنتدى كله اتعدى منك يا بوسى وبقى طموحبس لا بد من يوم معلوم ترد فيه المظالم ابيض علي كل مظلوم واسود على كل ظالم
وانا ارشح الدكتور جوهرى علشان يقعد على الكرسى المرة الجاية علشان اسئلته كانت كتير وظالمة
يا جوهرى انا انشن بس على اى عضو خلاص يعد على طول
مرسى الكل ع ردودكو
احمد انت لسه فى عندك اسئله؟؟؟؟؟؟؟
جيوانا مرسى ع كلامك الحلو
حاسه انك انت جوهرى الى طموووووووح زياده
اسئله سمر
يا هلا يا هلا منوره الكرسى يا زوزو
بنور بيك ياسمورا بس لما تضربينى كده النور هيطفى عندى خالص
1- كام مره حسيتى إن مالكيش لازمه فى الحياه مع ذكر السبب
مش عارفه العدد كام بس لما احس انى عاجزة انى اساعد حد محتاجلى
2-أيه الصفه الوحشه اللى فيكى ونفسك تتخلصى منها
العصبيه
3-أيه أكتر موقف أتضايقتى من نفسك فيه
مرة كنت بهزر مع اخويا الصغير فضربته ضربه صعبه غصب عنى وهو قعد يعيط
4-أكتر موضوع عجبك على المنتدى
موضوع السلاسل
5-مين أكتر عضو مثقف فى المنتدى ومين أكتر عضو دمه خفيف فى رأيك
علاء مثقف اوى بس مش عارفه مش بيرضى يكتب ليه
دمه خفيف كتييييييييير منهم جوهرى واحمد وياسر
6-أيه شعورك دلوقتى يا جميل وأنتى قاعده عالكرسى
محليه عندى وجودك ياقمر
اها اسالنى انا عن بريتى
فضلت اقول هيا الى هتقعد وهعمل فيكى وفيكى وتعابين وكلاب وقطط ورسمتلها فيلم رعب من اخراى
وف الاخر قالتلى انتى الى هتقعدتى وقعدت
وقالت جوهرى يبقى هتقعد غصب عنك مش بكيفك هنجيلك البيت ناخد مربط ادين ورجلين
ايه ده هو انتم خلصتوا على زوزو خلاص ولا ايه خلاص لو محدش ناوى يسال نخلى جوهرى يعد من بكره
والله انتم بتحلموا ..
ها يا زوزو .. " هههههههههههههههههههه "
باااااااااااااااك يا جماعة بعد ما زوزو تعبت
باقى الأسبوع كله ليا إن شاء الله
و كل أما أدخل هسأل
و أحب أشكر نور الأول على مجاملتها .. و بعد كده هفضالك يا زوزو .. و أنا و إنتى .. و الأسبوع طويلالمشاركة الأصلية كتبت بواسطة Dr nour
انا بشكر كل اللى صوتلك عشان نستمتع باجاباتك الجميله ديه على الاسئله بجد بتدل على شخصيه جامده وجميله ونادرة وانا برشح المرة الجايه lamiaa وكل سنه وانتى طيبه يا د/ زوزو
بسم الله الرحمن الرحيم
عشان لسة أول مرة أسألك
و عشان مكونش مفترى أوى
هسأل أسئلة بسيطة فى الأول
و بعد كده قدامنا الأيام كتير
بصى يا ستى .. و ما ... كملى إنتى بقى الجملة بتاعتك اللى بتحبى تقوليها علطول
نبدأ الأسئلة ... و متخافيش دا أنا هكون أخف أسئلة فى المنتدى
بس قبل ما أبدأ .. من غير زعل
دا كرسى اعتراف ... متهربيش من أسئلتى .. و إلا مش هسأل تانى
و هزعل كمان
بسم الله ... نبدأ الأسئلة
------------------------------------------------------------
أنا شايف يا زوزو إنك بتغلطى كتير فى كتابتك .. و أنا بصراحة مش متأكد إن ده عيب كى بورد .. و برغم عيوب التعليم المجانى .. و كلنا كده .. إلا إنى لاحظت فى كتابتك و لهجتك فى الكتابة لهجة عربية ... يعنى من ال Gulf من الخليج .. إنتى سافرتى بره قبل كده ؟؟
قضيتى كام سنة ؟؟ إيه هى البلد ؟؟ مين كان معاكى ؟؟ أكتر حاجة عجبتك فيها ؟؟ و أكتر حاجة ضايقتك منها ؟؟
و لو مكنتيش سافرتى .. يبقى إيه سبب اللهجة ؟؟ و سيادتك كده هتتخيلى نفسك سافرتى لبلد عربى و تجاوبى على الأسئلة دى كلها
الأسئلة كلها إجبارى مش اختيارى .. و مش عايز تتهربى من سؤال ... ولا تزعلى منى
------------------------------------------------------------
سؤال ممكن يوجع ... أنا معرفكش
تخيلى إنك واقفة دلوقتى بتتحاسبى قدام من لا يسهو .. هل إنتى راضية عن نفسك ؟؟ عن دينك ؟؟ عن لبسك ؟؟
لو كنتى راضية ... إيه السبب ؟؟
لو مش راضية .. إيه برده السبب ؟؟ ... و السؤال هنا دينى
------------------------------------------------------------
عمرك غلطتى ف حق نفسك ؟؟
إزاى ؟؟ و إمتى ؟؟
و إزاى صلحتى الغلط ده ؟؟
------------------------------------------------------------
بمنطوق زمن سى السيد اللى إنتى زعلانة منه .. لو زوجك .. اللى إنتى قلتى إنك لازم تكونى بتحبيه .. أو فضلتى إنك تتجوزى اللى بتحبيه .. لو زوجك قالك ف يوم إنه تعبان شوية .. و عايزك تدعكيله رجليه بميه و ملح .. بمنطوق زمن سى السيد خليكى فاكرة إنك رافضاه ... هترضى و لا لأ ؟
هل طلبه ده دافع إنكوا تتخانقوا ؟؟ أو إنك تزعلى ؟؟
هل لو زوجك _ اللى إنتى بتحبيه _ طلب إنك تقعدى فى البيت و مش تشتغلى و متخرجيش ألا معاه .. و مش بمنطوق زمن سى السيد .. بل بمنطوق الزوج اللى بيحب مراته .. و خايف عليها .. و بيغير عليها .. هتتصرفى إزاى ؟؟ و افرضى إنك حاولتى تقنعيه و هو مش مقتنع .. و عايزك تنفذى اللى هو قالك عليه .. هتعملى إيه ؟؟
هل ده سبب كافى للانفصال ؟؟
هل ده سبب كافى إنك تقولى عليه رجعى و متخلف ؟؟
------------------------------------------------------------
زى ما سألك أحمد تحبى اللى تتجوزيه و لا تتجوزى اللى بتحبيه ... أنا بسألك
تتجوزى اللى بتحبيه ؟ ولا تتجوزى اللى بيحبك ؟؟ ... و فكرى شوية .. و أنا هقولك الحل الصح
------------------------------------------------------------
تحبى الولد الغيور غيرة شديدة ؟؟ و لا البارد ؟؟ و لا النص نص ؟؟
مع احتمال إن الغيور غيرة شديدة ده يكون بيحبك موت .. و بيخاف عليكى .. و عايز يرضيكى .. بس طبعه حامى
فكرى شوية
------------------------------------------------------------
متتسرعيش فى الأسئلة و على مهلك ... أنا معاكى ... و بعد ما تجاوبى فى تعقيب
لأن الموضوع ملوش لازمة لو مخرجناش بفايدة .. و لا كلامى غلط ؟؟
------------------------------------------------------------
بالنسبة لابن الجيران ( و محدش يفهم غلط يا جماعة ) .. اللى إنتى بتقفى ف البلكونة تعاكسيه ( عيب كده يا جماعة أصبروا ) .. اللى هو طفل صغير أصلا و مامته شايلاه على إيدها .. و ده فعلا حصل .. إيه اللى عجبك فيه ؟؟
و متقوليش عاطفة الأمومة .. و البنات بطبعهم بيحبوا الأطفال ... إلعبى غيرها و شوفيلك حجة تانية
------------------------------------------------------------
إيه رأيك فى سياسة المجتمع اللى عايشين فيه ؟؟
أقولك أنا من ناحية إيه ..
الدين ؟؟ الاجتماعيات ؟؟ الاعتقادات ؟؟ السياسة؟؟ أحوال الناس ؟؟
------------------------------------------------------------
إيه معنى الكلام ده بالنسبالك:
الأخ ..... الصديق ..... الحبيب ..... الأب .... الأم
الدنيا .... الآخرة .... الصدق .... الكدب .... الخيانة
الوعد ... الليل ... الفجر .... الحب .... الكره
خطيبك ... زوجك .... ابنك ... بنتك .... أختك
الضحك .... المرح .... الحزن .... الألم .... العذاب
------------------------------------------------------------
حيث إنك كبيرة القعدة دى ... و ستنا كلنا .. و على راسنا من فوق ... نحب نستفيد من خبرتك فى الحياة
و سيادتك هتقوليلنا
إيه الفرق بين المرح و التفاهة ؟؟ إيه أوجه الشبه ؟؟ و إيه أوجه الإختلاف ؟؟
إيه هو الخيط الرفيع اللى بيفصل المرح عن التفاهة ؟؟
إيه الفرق بين الحب و العشق ؟؟
و إيه برده الخيط اللى بيفصل بينهم ؟؟؟
إيه الفرق بين الغضب و الكراهية ؟؟
و برده بكرر كلامى كله إجبارى ... و مفيش تهرب .. و الأيام بيننا
------------------------------------------------------------
أحب أشكرك قبل السؤال ده على اعتبارى من الشخصيات اللى بتحبيها و بتضحكك ..
و السؤال ده خاص و محدش يشوفه
و من غير زعل لا منى و لا منك .... إيه الفرق ما بين شخصيتى فى الواقع ؟؟ و بين كلامى ع النت ؟؟؟
------------------------------------------------------------
بحكم الزمالة فى كلية واحدة ... و بحكم كرسى الاعتراف ... و اللى محدش يزعل منه
إيه رأيك فى سياسة الكلية ؟؟
------------------------------------------------------------
باعتبار لإنك جميلة ... أو إنتى فعلا جميلة ... إزاى تحكمى على بنت إنها جميلة ؟؟
و متتسرعيش تانى ... السؤال محتاج شغل شوية و كلام كتير
------------------------------------------------------------
نصيحة قبل ما أكمل ... متجاوبيش على أسئلتى دفعة واحدة
براحتك .... كل 3 أو أربع أسئلة فى رد لوحدهم .. عشان متتعبيش
------------------------------------------------------------
" دخلت النت داعية .. خرجت منه عاشقة "
إيه رأيك فى العنوان ده ؟؟ هل قابلتك قصة زى دى قبل كده ؟؟
هل تتخيلى إن بنت تعرف ربنا كويس .. و داخلة على النت بهدف الدعوة إلى سبيل الله .. و إلى الإسلام .. تغرم بشاب .. و تتهافت عليه ؟؟
تخيلى إيه رد الشاب ده ؟؟؟ لو هو أعذب ... و لو هو خاطب ... و لو هو متزوج
------------------------------------------------------------
قبل ما أكمل .. أحب أقولك إنك شخصية كويسة جدا .. و الناس كلها اللى بتشاهد الموضوع ده دلوقتى بتشهد بكده
و من غير زعل ... زى ما قلنا ... ده مجرد حوار .. ع الهوا
تعقيبا على السؤال اللى فات ... لو تخيلتى نفسك مكان الشابة دى ... خدى بالك " لو " تفيد الامتناع .. لأن إنتى أكبر من كده بكتير طبعا
لو تخيلتى نفسك مكانها ... و الشاب ده .. و بعد أيام و ليالى طويلة ع النت .. و محادثات .. و تليفونات .. فى الآخر يقول للشابة دى " أنتى لا تصلحى إلا عاشقة " ... إيه الرد ؟؟ و إيه اللى ممكن يحصلــ(للفتاة دى ) اللى إنتى متقمصة شخصيتها دلوقتى ؟؟؟؟
------------------------------------------------------------
الموضوع سخن .... لو حد عنده تكييف يشغله ...
و لو حد عارف نمرة المطافى يبلغها
و لو حد عارف نمرة الإسعاف يبلغه ... شكلى هطلع من هنا متكسر
------------------------------------------------------------
هل بتحبى المغنيين ؟؟ أو الغناء ؟؟
صوتك حلو ؟؟؟ أقصد فى الغنى يعنى
إيه رأيك ... لو فتحنا محل لاستبدال شرائط الكاسيت و الاسطوانات بتاعة الأغانى دى بأخرى عليهم قرآن
الاستبدال .. بنص جنيه للشريط .. و ربع جنيه للإسطوانة
هل المحل ده هيكسب ؟؟؟ فى الزمن اللى إحنا فيه ده ؟؟
------------------------------------------------------------
الخلع .... إيه اللى الكلمة دى بتمثلهولك كفتاة ؟؟ بضم الخاء
الطلاق ؟؟ الزواج ؟؟ الخطوبة ؟؟؟
------------------------------------------------------------
تعرفى فى كام واحدة عانس فى مصر ؟؟؟
بجد .. لو عارفة قولى
تعرفى إيه السبب ؟؟
------------------------------------------------------------
لو قلتلك دلوقتى .. أنا بعفيكى من إجابة كل الأسئلة دى ... هتقوليلى إيه ؟؟
أنا بقول كفاية كده المرة دى .... و أشوفك المرة الجاية على خير
------------------------------------------------------------
استنوا لسة فى كتــــــــــــــــــير ... زوزو مش هتخلص منى
زوزو ........ إنتى اللى قلتى لو أنا مسألتش هتزعلى
آخرسؤال عشان أمشى بقى
كنت مسألش أحسن و أسيبك تزعلى ؟؟ و لا أسأل و برده تزعلى ؟؟
نفسك تعملى فيا إيه دلوقتى .... عادى براحتك ... كله متاح
Make Your Own Rules
المطافى موجودة ... و الإسعاف موجود ... و المستشفى قريبة .. و أنا مش هقاوم
------------------------------------------------------------
سلامى ليكى.. و لكل من شارك فى الموضوع ... و إلى اللقاء فى المجموعة الجاية
و ما زلت متعاطف معاكى ... و مش عايز أسأل
ازيكم يا اعضاء المندى انا بعتذر منكم قوي على الانقطاع المفاجئ وبشكر طبعا كل اللي سالوا عليا بس صدقوني ياجماعه اضطريت فجاه اني اسافر القاهره وبعد ما رجعت لقيت النت عندنا قاطع وطبعا عملت هليله وحكايه لحد لما رجعته علشان ارجع ادخل واشوفكم من تاني
بس واضح ياجماعه انكم جبتولي حقي تالت ومتلت من د/زوزو لانها ياعيني اتهرت اسئله بس والله حلقتها جميله والاسئله روعه والاجابات اروع يلا ربنا يعينك يا بنتي انا كنت داخله بنيه الثار والانتقام وكنت ناويه اسالك بس دلوقتي بعد اسئله د/ ياسر انت صعبانه عليا علشان كده انا كلفت الواد محروس انه ينزلك قهوه وشاي طول الاسبوع على حسابي يلا بس علشان تفتكري الجمايل
انا هسيبك دلوقتي واقولك بالتوفيق ياجميل وهرجع تاني اشوف اجاباتك
ملحوظه / ياد/ جوهري الكرسي بتاعي يوصل احسن والا مش هيحصل كويس
ضوابط المشاركة
