الحلقة الثانية : lost*soul على كرسى الإعتراف

[Amira]

منوره الكرسى يا د/زوزو
ربنا يعينك على اسئله دكتور احمد
انا جايبالك شويه اسئله صغيرين وسهلين علشان صعبتى عليا

*ما أجمل مرحله عمريه مرت عليك ؟ولماذا؟
* ماهي أجمل ذكرى لاتزال عالقه في ذهنك ؟
* ماهي اسوأ ذكرى لاتزال عالقه في ذهنك ؟
*ماذا تحبى أو تكرهى في شخصك؟
* جملة بتؤمنى بيها؟؟؟؟؟
*ايه الحاجه اللى كنتى دايما تعمليها وانتى صغيره ولما تفتكريها تضحكى على نفسك؟
*لو فى يوم ركبتى المواصلات وخلاص قعدتى وجيتى تفتحى شنطتك ملقتيش الفلوس هتعملى ايه ؟
*كنتى فى بيتكوا لوحدك ولقيتى حرامى دخل هتعملى ايه؟
*موقف متحبيش تفتكريه؟
*امنيه نفسك تحققيها ؟
شوفتى سهليييين خالص
سلام بقى

[Dr nour]

ميرسى جدا ليكى يا زوزو

بصراحة أخلاق عالية .. و زوق جامد .. و ميرسى جدا ليكى و الله

بصراحة يا جماعة لما غبت عن المنتدى و الله ما حد سأل عنى غير زوزو

ربنا يخليكى .. للتايهين .. و المظلومين .. و الغايبين .. و ميرسى تانى يا زوزو و ربنا يخليكى

إنتى مكدبتيش خبر يا نور

أول ما قلتى كده النت راح فاصل

و بعد كده الكهربة قطعت

و الله فيكى شىء لله يا بنتى ... هههههههههههه

دا أنا بعد كده أخاف على نفسى

أولا احنا مسألناش عنك لان محسناش أنك مش على المنتدى .............دايما معانا بمواضيعك


أما حكايه النت فصل والكهربه اللى اتقطعت ...........ده مش مشكلتى أنتى اللى جبته لنفسك
وأنصحك تخاف على نفسك
أنا حذرتك أهه..................مليش دعوه باللى يحصل

[Dr nour]

اسئله نور


أزيك يازوزو

نور حبيبى انا بخير مادام انت بتتنفسى معايا من نفس الهوا

والله منوره الكرسى
منور بروحك حياتى

والله وجالك يوم ياجميل
واحلى ما فيه انتى

مش هطول عليكى هى شويه أسئله بسيطه
حتى لو طولتى قلبى راضى

بس عاوزه اجابه عليها بس بصراحه
حاضر نور طلباتك اوامر ع راسى

أيه رأيك فى نفسك؟
بحبها من حبك ليها

ايه الشئ اللى أنتى عملتيه ومكنتيش راضيه فيه عن نفسك؟

انى مسالتش روحى عنك ولو لثانيه


بتحبى المجامله ولا الصراحه حتى ان كانت مؤلمه...............بس ياريت الاجابه على السؤال تكون بصراحه


بحب الصراحه بس لو جارحه تكون باسلوب رقيق ويهون عليا سمعاها



بتحبى تكونى غامضه ولا كتاب مفتوح أمام الجميع

غامضه طبعا بس لاى حد بيعاملنى حلو بكون للاسف كتاب مفتوح


عمرك حسيتى بالقهر والظلم وان فى حد سالب حقك..............وعملتى ايه علشان ترجعيه

هنا اها حستها واحساس صعب اوى ويعلمك تكرهى

بس للاسف لما لقيت الكل شايفين وانى بعمل مشاكل خلاص سكتت واتنازلت بس من جوايا كرهت الى خد

حقى والى قال كلمه لخاطره يعنى طلعت من التجربه انى اتعلمت اكره


هل أتمنيتى مره أنك تكونى ولد مش بنت ..........علشان أتعرضتى لموقف حسيتى بيه بالظلم علشان أنتى بنت

لا عمرى انا بعتز اوى اوى بكونى بنوته
بعرف اخد حقى من الى ينفع التعامل معاهم كبنى ادمين حتى لو بنت ايه يمنع


ايه هو أكتر موقف محرج اتعرضتى ليه؟

كتير بس استنى عشان خاطر عيونك افتكرلك

ف ثانوى كنت مدرسه مشتكرة وكنا ف المعمل قعدت ع اكرسى وكان عليه مايه

وانت عارفه الباقى بقى


كمان ايه هو أكتر موقف صعب اتعرضتى له وحسيتى أنك مش قادره تعملى حاجه؟

يوم ماراحت منى حاجه حلوة اوى كنت هعملها وكانت هتكون انفجار ملوش حل بس سبتها ومقدرتش اكمل فيها ولا ف حاجه شبيهه


مين أكتر شخص بتحسى أنك قريبه منه أو منها قوى؟
خالى ماما اختى سالى وجاكلين بس جاكلين مش اوى


مين أكتر شخص مش متخيله أنك ممكن تنجرحى منه أو منها؟
خالى


ايه رأيك فى أختيارك للأشخاص اللى حولك ؟
تصدقينى لو قلتلك عمرى ماختارت غلط وربنا لانه عالم بقلبى بيوفقنى ف اختيارهم والليل ع كده انتى وياسر وعلاء تفتكرى انا غلطانه لما اختارتكو تكونو معايا ؟؟؟؟؟

بريتى لما اديتك ميلى واتكلمنا تفتكرى ف يوم هندم ع ده
جوهرى تفتكرى هندم بسببك؟

اكيد طبعها لاء انا الحمدلله اتوفقت ف اختياركو واتمنى اكون صح وواثقه انى صح

ده ع المنتدى وبرة كمان


ايه أكتر نقد بتتعرضى ليه ؟
عصبيه

هل حسيتى بالندم عن شئ فعلتيه وأتمنيتى أن محدش يعرفه ..............لو كان فى ايه هوالشئ ده؟
ا
اها نور حسيت

بسبب انى امنت حد ع حاجه وخان امانتها بس مش صاحبى ولا اعرفه دى شخص عادى

ماهى الأمنيه اللى لسه محققتهاش وبتتمنى تحقيقها؟
مشروعنا سوا نفسى نعمله بقى ربنا يعدى الايام بسرعه



أنا مرضتش أجيب أسئله محرجه .............بس مين عارف ممكن أغير رأى وأسأل تانى

ع راسى نور

استمتعت بيكى ومعاكى


سيبهالى نور دى ضيافه جوهرى ليا وبعدين مش حلو ع الى ف سنك اكلها كتير ممكن تاخدى واحده

والله يازوزو اجاباتك خلتنى مش عارفه أقول ايه
بجد انتى دبلوماسيه فى الحديث قوى
وربنا يخليك ياجميل
انتى عارفه بحبك قد أيه
بس برغم ده مش هسيبلك الشيكولاته .......أنسى
واحذرى تعاندينى علشان ميجراش ليكى حاجه زى ياسر
ومين قالك الشيكولاته مش حلوه ليا.................دا هى معموله علشانى
أما بالنسبه للترشيح لكرسى الاعتراف فأنا برشح دكتوره بوسى وياسر

[Mohamed Al Gohary]

تعالى شيل الشيكولاته دى خالص يا محروس ..

احسن هيحصل ..

[Dr nour]

تعالى شيل الشيكولاته دى خالص يا محروس ..

احسن هيحصل ..

ليه كده. .................متشلهاش يامحروس
وكمان زوزو حبيبتى مش هنخسر بعض علشان شيكولاته............أكيد فى الآخر هتسبهالى

[Mohamed Al Gohary]

خلاص اتفقوا مع بعض والا .... محروس ..
وبعدين انتى مستعجله ليه يا نور .. هييجى يوم تقعدى واجيب لك كل اللى نفسك فيه

[lost*soul]

مرسى ليكو الكل

مرسى ع المساعدات كمان

انا مش زعلانه من الاسئله بالعكس ممكن اخرج من الكرسى ده بتغير فكر حد عنى او حد جديد يقولى عنى كلمه حلوة

اسئلتك كتير احمد وفيها حاجات شخصيه بس هجاوب حاضر عليك


مرسى ع تعاطفكو ولو عايزن تسالو اسلو





مش عارف أقول حاجة بعد الأسئلة الجميلة اللي إنتو سألتوها

زاد جمالها اصحابها


بس يلا مش مهم جاوبيني علي شوية الاسئلة دول
حاضر مرنى

بس يلا مش مهم جاوبيني علي شوية الاسئلة دول

الالف ده اول حروف الهجاء واول حرف ف اغلى اسمين امى - ابى

كوز الدرة ده بنات


..انتي ليه .....وعشان ايه ....وازاي.....ده سؤال وجاوبي بكل صراحه؟..؟.؟.؟

انا ليه عشان اكون معاكو ف يوم زى ده
عشان ايه اضحك معاكو وبعدها نستفيد من شخصيات بعض
ازاى ربنا خلقنى معاكو زيكو تمام كونى ازاى فانى اكون متميزة


ايه هو اكتر موقف احرجك اوي وياتري كان من مين ؟

مرة وانا صغيرةومعايا اولا د خالتى كنا نجيب ورق ونقصه ونعمله طويل ولبان على بابا كان فيه صور بتلزق واى حد ف الشارع نلزقله ورقه ع ضهره عملتها ف واحد ومسكنى بس اولاد خالتى انقذونى

رحت المدرسه بعدها بحوالى اسبوع لقيته هو المدرس الى هيدينى عربى ودينى

وعملت نفس الحركه دى ف خطيب خالتى واحرجت اهلى كلهم


ياتري تعترفى بصداقه بين الرجل والمرأه وتقدرى تفرقى بين الصداقه والحب

احنا الاتنين اتخلقنا لهدف واحد وممكن نتفع صداقه بينهم بس يكون ف حدود مش صداقه زياده زى البنت معايا او الولد معاك لازم ف وقت يكون لسانى جاهز بكلمه ستوب
كده ممكن تنجح الصداقه
بس احنا عايشين ف مجتمع هيبصلنا ازاى؟؟؟؟؟
مش مهم راى المجتمع
طيب ربنا ورسوله الكريم رايهم ايه وطبعا دى الاهم
ولا متخذات اخدان
يبقى نخليها زماله احسن

الحب حق من حقوق صاحبك عليه بس حب بنوع تانى غير الحب الرومانسى
مفيش حاجه تكتمل بدون حب


هل لو غلطتى انت غلط جامد وعرفت انك غلطانة وعايز تصلحي غلطك بتعتذرى ؟
حتى لو مش غلانه ممكن ابدا واصالح بس ع حسب سبب زعلى ف حاجات متقدرش تسامح فيها ومحتاجه زمن عشان يداويها فيكون ف حياتى انسان عادى بس مش زى ماكان الاول


هل تتزوجى من تحبى .. ام تحبى من تتزوجى !! وايهما اجمل ؟

اتزوج من احب
حب قبل الزواج اختيارى
حب بعد الزواج اجبارى زوجى وغصب عنى احبه
بس مش هو اختيارى ومش هو الى دخل قلبى لا انا الى دخلته يعنى ممكن لو شفت واحد تانى يدخل قلبى لكن لو قلبى من البدايه اختيار الوضع مختلف

ماهي الكلمة التي تربكك من الرجل ؟

اسئلتك كلها جرئيه وشخصيه
بس زى اى بنوته
كمان
واى كلمه تتقال من بنت او ولد ومعاها نظرة ف عيونى


جربتي الحب ولا لسه بتدورلي عنه ؟

جربت كل انواعه ماعدا الرومانسى

ايه رد فعلك لو واحد عمل معاكى حركه مش حلوه و انتي ماشية فى الشارع و الناس كلها قعدت تتفرج عليكي

اكيد هعيط

الكلمات دي تهديها لمين؟

بهدى كلمات طيب مفيش حد يهدينى كلمه

يا أناني.....
الزوج المعدد



حبيب قلبي....
ف المنتدى

نور وبريتى هنودا ودريمى جيرل ونونا SEHERALIANياسر جوهرى احمد الذهبى

يعنى من الاخر الى دخلو هنا


عمري ما أستغنى عنك......
ضحكتى وقلبى


ربنا ياخدك.......
ولا لاى حد


يا عبيط..........
اها اقولها لحد عشان اكون صريحه معاك بس مش هقول مين هو

نفسي اشوفك..........
حنين بنت اختى


اسأل عليا......
محتارة اوى ف الرد
بس ف واحده صاحبتى زعلنا سوا عرفت ان مامتها عندها برد اتصلت اسلم ع مامتها ردت عليا بقرف وخليتنى اندم انى اتصلت
وبستناها هيا تسال عليا ومش هرد عليها وحش

هات 4 جنيه سلف......
ليك احمد



ماما بتسلم عليك.....
مش عارفه ماما تسلم ع مين

وحشتني......
جدى


وحشتيني.......
رانيا صاحبتى

وحشتوني.....
اصحابى بتوع ثانوى ف رحله لمصيف


مش عاوز اشوف وشك.....
نفس الى قلته ياعبيط



انتي ناويه تصوم رمضان ان شاء الله و لا زى كل سنه ؟؟؟؟؟؟؟
اتمنى اصومه بس احسن من كل سنه


لسه شوية كمااااااااااااااان


دى مش اسئله كرسى دى نماذج الامتحانت بتاع سلاح التلميذ


كم مرة تنازلت عن مبادئك ؟

عمرى ماتنازلت عن حاجه غير لما بيكون خالى مش هنا بحس انى لوحدىوضعيفه فبتنازل وبسهوله للاسف


اية اكتر حاجة بتحبيها واكتر حاجة بتكرهيها ؟
بحب الرحلات مع ناس مجنونه
بكره اوحده




هل تعرضتى لطعنة فى ظهرك من أقرب الناس لديك؟
زمان بابا صدمنى بكلمه كانت فعلا طعنه

قالى انتى مش بنتى وانا قلبتها دراما ولميت هدومى ورحت قعدت عند جدتى والدنيا كلها تصالحنا وهو يفهمنى ولاول مرة بابا يعتزر ليا

بس مش قادرة انساها


ياترى إيه هي أهم لحظة عدت عليكى ومش ممكن تنسيها أبدا؟

يوم مااختى جابتلنا حنين


هل الزواج هو نهاية الحب أم بدايته؟

بدايه لهدوءه ودخول اشياء اهم منه


من هو أقرب شخص ليكى فى الحياة ؟؟؟؟ وهل هو يعتبر ك أقرب شخص له ؟؟؟؟؟

كل الكلام الحلو ف قلبى لخالى والى وصله لكونه كده بحياتى اكيد لانه بيحبنى بصدق بس اكيد مش انا الاولى بحياته زى ماهو الاول بحياتى لانه متزوج
اتجوز ترتيبى قل فحياته بس زوجته صاحبتى يعنى كسبت


امتى بتحسي بالحزن الشديد؟؟؟؟؟
لما اشوف حد بيتعذب


ما هو حلمك الذى لم يتحقق؟؟؟؟
بحاول احقق احلامى بس من فترة قريبه كنت بحلم ومحققتش ومش لازم احكيه

انا هحكيلك بصراحه ع الى يخصنى لكن حاجه تسبب جرح لحد بلاش احسن
اتفقنا؟؟؟؟؟؟؟



أيه الصفات اللى شوفتيها فى غيرك وتتمناها لنفسك ؟؟؟

البرود اصلى عصبيه شويه

ماهو أول قسم فتحتيه بمجرد دخولك المنتدى؟؟؟؟؟؟
بصراحه مش فاكرة بس انا بحب الصحه


كلمه سمعتيها ودايما على بالك ولاتقدر تنسيها ؟

خالى مرة قالى ف لعبه تهادو تحبو

انتى ارق بنت انا شفتها



ماذا تعني لكي الكلمات الآتية .... العاطفة .... الرحمة ..... العقلانية .. موضحة إجاباتك بمواقف حدثت لكي؟

العاطفه شئ يحركنا للخير
موقف:: كنت ف مرة ناوييه اذى حد وفعلا خلاص كنت ع وشك ومنعتنى عاطفتى

الرحمه تالمك لحال غيرك
بحسها فيا لما اتفرج ع المجازر الى بتحصل او اشوف حد بيتالم


العقلانيه يعنى ان يكون عقلك رقم واحد ف قرارتك

عمرى ماكان عقلى الاول عشان كده اوقات بتاخد قرارات غلط



عندك كام صديقة ممكن تثقي فيها جدا لكي تطلعيها على أسرارك؟.
من برة اهلى واحده بس الى معاها اى حاجه احكيها



إيه أكتر موقف محرج حدث ليكي في الجامعه؟
بلاش دى ربنا يخليك

خلينا ايام زمان احسن


إيه أفضل بلد تحبي تعيشي فيها في جمهورية مصر العربية؟ .
مش مهم المكان الاهم مين هيكون معايا



ايه مواصفات زوجك المستقبلى؟
مش عارفه

كم مره حسيتى ان ملكيش لزمه فى الحياه؟
لما بحس بالعجز ان اساعد حد



كااااااام مره مقدرتيش تكتمى دموعك؟
ولا مرة هيا اقوى منى


تعملى اية لو واحد قاللك بحبك و انت مبتحبهوش؟

عيب ياحمد


مين ندمت انك ضفتيه على ميلك ؟
صاحبتى الى مامتها تعبانه وحرجتنى وانا بصالحها


قوليلى تعملى إيه لو عرفتى ان خطيبك وحبيب قلبك (بافتراض إنك اتخطبتي)متجوز وعنده بيبى كمان ايه هيكون رد فعلك؟؟؟؟؟؟

هغنيله اغنيه انا مش انانيه لمريم فارس

واكيد هرفض اتجوز نهائى

مش حابه اكون زوجه لواحد بيعدد اكيد مش هحب لبنت زى زوجها يعدد


بتقولى لمين أسرارك؟؟؟؟؟؟؟؟؟
سالته قبل كده
خالى من العيله
رانيا من برة العيله


عيونك لونها إيه؟؟(سؤال برئ والله)
مش فاكرة نسيت


__ لو معاكى 1000 جنيه وانتى فى السوق هتجيبى ايه بيهم؟؟؟؟؟؟؟؟

بمناسبه رمان هجيب تحضيراته واجيب فوانيس وورد

ولو لسه فلوس ممكن اشترى حاجات رمضان لناس تانيه


استنى بقى بلاش الاستعجال ده اصبرى شويه لما اقوم اجبلك شويه اسئله كمان...........

شكلك بتجمع نقط مع كل حرف بتكتبه


الاجابه على الاسئله الاتيه بـ نعم او تؤ...........

نعم او تؤ او نص نص


هل انتى خجوله؟

اكيد ف اوقات بس مش لدرجه المرض او انى متعرفش اتكلم واكون انسانه بمجتمع



عنيده؟
اينعم



تنفذى كل ما يطلب منكى؟
لو اقدر اه


لا تستقرى على رأى؟

اوقات اه


خائفه باستمرار؟
تؤ مش باستمرار


تشكى دائما فى الغير؟
لا الا لو هو خلانى اشك فيه


تشكى دائما فى الغير؟
لاء بس لو مرة حد زعلنى ممكن اقل حاجه منه تبقى مشكله عندى وسبب شكوى


منعزله؟
تؤ

تبالغى فى وصف نفسك؟
تؤ


لا تتحملى الوحده؟
اها


مندفعه فى الرد؟
اها



تتأثرى بالاخرين بسهوله؟
نص نص

ع حسب قربهم ليا



خيالك ونشاطك غير طبيعى؟
بحس انه اه



تسمحى بالتدخل فى أمورك الشخصيه؟
اها عادى مفيش حاجه عندى اخبيها


تشعرى بالدنيه؟

يعنى ايه الكلمه دى


تميلى للانطواء؟
لاء



مشاعرك سطحيه؟
لاء



تهتمى بنفسك؟
اها



تلتزمى بالعادات والتقاليد؟

لاء




لو عرفتى ان رايك غلط من الممكن ان تتراجعى فيه؟
اها


تلقى بالمسؤليه على غيرك؟
لا



كثيره الشجار؟

ع حسب
وزى ماقلتلك قبل كده لو حد زعلنى اقل كلمه منه مشكله




أفكارك خرافيه؟
لاء بس انا قد افكارى


توظفى الناس لخدمتك؟
تؤ



مغروره؟(بدون مبلاغه)

تؤ



تحبى الاحترام والتقدير؟
اها


تحبى تظهرى الاشياء التى تخصك للناس؟
تؤ





قسيه؟
تؤ



كثيره الاحتياجات؟
تؤ





















لا تصاحب أحد إلا بضمان؟
تؤ




تطلبى من الناس ألا يهجرونك؟
نعم



تناقد دائما لمطالب الغير؟

تؤ

حواسك تخدعك دائما؟
تؤ



هادئه أكثر من الازم؟
تؤ



سريعه النفور والضيق؟
نص نص



مرحه؟
نص نص


ترتكبى مخالفات؟
اها



لا تحبى ان يعترض عليكى أحد؟
تؤ هو انا كامله



عندك إصرار وعناد؟
اها


تحبى النظام؟
اها



تحبى المقالب والخدع؟
موووووووووت


لا تتحملى المسؤليه؟
اتحملها


تشوهى ما انجزه الاخرون؟
تؤ


غامضه وصعبه؟
تؤ


تتمسك بالروتين؟
تؤ



انتى وصوليه؟(يعنى)ممكن تكلمى حد حتى لو انتى مش بتحبيه عشان توصلى للى انتى عايزاه؟

تؤ






يلا يا زوزو كفايه عليكى ده بس خدى اخر سؤال
فعلا كفااايه اسئلتك كتيييييييييييييير اوى انت وجوهرى


اخر سوؤال هو لسه فيه

قوليلى

هو ف لسه حاجه مقلتهاش



-مين اكتر حد انتى بتحبيه فى الدنيا بعد (الله)(والرسول)؟؟؟؟؟؟؟؟

خالى

-صــفي نفســـك بكلمتيـــن فقـــط..!

مش عارفه اقول ايه



-مــاهــو الشــئ الذي ندمــت علــي عمـلــــه؟!؟

مرة ندمت انى حبيت استشير حد ف حاجه



-كـلمـــة تمنيـــــت ان تسـتطيـــع سحـبهــــا؟!؟
لا مفيش



-آخـــر شخـــص تتـــذكــــره قبـــل أن تنـــــام؟!؟
انت ونونا نفس السؤال ونفس الرد عليك

لمى حاجات وامشى برة الكرسى وخد ربع جنيه وموبايل 3310


-جــريمــة تتمنـــي لـــو تستطيـــع ارتكابهــــا؟!؟
لا مفيش



-حمــامة زاجـــل حاملـــة رســالة لــك,,,من من تتمنـــي ان تكــوون؟!؟
منك تقولى خلصت اسئله


-شخـــص لطــالما حـــلمـــت بــــه؟!؟
لو مش عاجبك الربع جنيه والموبايل مقابل انك تسيب الكرسى
خد جنيه وكمبيوتر





-دمـعـــه انـذرفــــت رغـمــاً عنـــك؟!؟

ديمااااا



-مـوقـــف صــدمــك ولــن تنســــاه؟!؟
مش فاكرة


-شـخــص تتمنــي الإنتقــام منـــه؟!؟
انتقام شرعى ومش حرام اها فى



-شــئ او عمــل لا تستطيــع مســامحته؟!؟
اكيد الخيانه بكل معانيها حتى لو خيانه بنظرة



-شــئ او شخــص غيــّر مجــري حياتـــك؟!؟
عمرو خالد



ويارب ما اكون طولت عليكي
لا ابد دول كلهم الف سؤال ولا حاجه


وانا برشح زوزو كمان مرة
انسى الاسم ده قال زوزو قال

خلاص خلاص ما تضربيش
تستاهل الضرب واكتر

جوهري طبعا


كده ماشى موافقه

[lost*soul]

مرسى الكل بصراحه انا حاسه انى هاجى اقف مش هعرف جسمى بقى ع شكل الكرسى من كتر القعده

نور انا الضيفه عيب تاخدى حاجه من قدام الضيفه صح ولا لاء


جوهرى انسى حتت مشرف دى هتقعد يعنى هتقعد

نونا اها احنا عاملين فريق زورى اعلانات منتدى الصحه الصفح 3 اخر اعلان عن السلاسل


انا هروح اصلى وارجعلكو باليل

[lost*soul]

منوره الكرسى يا د/زوزو

منور بعطرك حبيبى

ربنا يعينك على اسئله دكتور احمد
اها كانت كتيرة وكمان جوهرى

انا جايبالك شويه اسئله صغيرين وسهلين علشان صعبتى عليا

المدلله انى صعبت عليك بس ملاقيش اسئله تقول العكس


*ما أجمل مرحله عمريه مرت عليك ؟ولماذا؟
الشباب لانى كنت كبيرة وعندى مساحه حريه شويه

* ماهي أجمل ذكرى لاتزال عالقه في ذهنك ؟
رحلاتى مع اصابى للمصايف


* ماهي اسوأ ذكرى لاتزال عالقه في ذهنك ؟
النتيجه


*ماذا تحبى أو تكرهى في شخصك؟
اكره فيا عصبيتى
بحب فيا كل حاجه حد يكره نفسه



* جملة بتؤمنى بيها؟؟؟؟؟

الصمت ف حرم الجمال جمال

*ايه الحاجه اللى كنتى دايما تعمليها وانتى صغيره ولما تفتكريها تضحكى على نفسك؟

بلاش تضحكى عليا المنتدى كله

*لو فى يوم ركبتى المواصلات وخلاص قعدتى وجيتى تفتحى شنطتك ملقتيش الفلوس هتعملى ايه


حرام عليكى بس هفهم السواق واتصل بحد يجبلى فلوس

؟
*كنتى فى بيتكوا لوحدك ولقيتى حرامى دخل هتعملى ايه؟

هعمل نفسى نايمه

*موقف متحبيش تفتكريه؟

يوم وفاه جدى

*امنيه نفسك تحققيها ؟

اعمل حاجه تخلد زكريا مدى الدهر

شوفتى سهليييين خالص

اها فعلا سهلين ربنا يخليكى ياميرة والله سعيده بيكى


سلام بقى

سلام الله اشوفك بخير

[Mohamed Al Gohary]

والله انما مستمتع جدا .. ايه رايكم يا جماعه نخلى زوزو على الكرسى على طول

طبعا كلكم موافقين