ما بين الاهبل والرزين ^_^

[**mahasen mohamed fouad**]

جلس العقل بكل كبرياء على كرسيه يتحكم فى شتى الامور ....ليسمع فجأه العديد من الطرقات المتتاليه ....
فتح الباب فاذا بآلاف الأعصاب الحسيه ...فنظر اليها باستغراب .......ما بك تدقى عليا الباب ....قالت ما نحن سوى مرسال ...نحمل اليك الاخبار ........من قلب يشكو ليل نهار ......لم يترك لنا أى أمل بالاستقرار .....
فقال :حسنا ...حسنا سأرى كيف أصل فى هذا الأمر لقرار .....قرر العقل أن يذهب لملاقاة المتسبب عن كل هذه الاضرار ...وصل الى باب القلب وطرق الباب باصرار ....فُتح الباب فقال العقل :ما بك أيها القلب تصرخ دقاتك ...بالدمع والحسرة تقضى أوقاتك ....رد القلب ساخرا :اهلا اهلا بفاعل الخير ...آل يعنى جى تسأل وأنت الى قاتل القتيل ....يا ترى جى تشمت وتقول ما أنا قلتلك كتير ....لا شكرا بجد الى حصل مفيش له تغيير ...شكرا سعيكم مشكور يا جميل .....
تمالك العقل أعصابه ورد بفخر كبير :لن أقل قلت لك ونصحتك كثير ....فما أفعله من نصح واجب عليا ليس له تبديل ...ولكنك من اختار الوقوع لاهوائه أسير ....تركت نفسك تحملك المشاعر ...كمن يبحر بمركب ورقى فى بحر كبير ....واليوم تلومنى على غرقك وكأنك تملك غيره مصير!!!!!.....رد القلب غاضبا :ايوه انا للمشاعر أسير ...حبر يدوب فى كلمة حب يكتب للهوى قصايد تفوح بأحلى عبير ....لكن انت معقد وحياتك كلها تفكير ...تتحرك الخطوه بحذر وكأنك هتقع فى بير ...اجاب العقل :حسنا ...ما دمت سعيد فى جرحك العقيم ....وتأسى على نفسك وتجد فى ذلك الالم الجميل ...فلتمضى فى طريقك فليس لك عليا سبيل ...ومن اليوم وصاعدا لن التفت لصراخك الطويل ...
فأجاب القلب ساخرا :خطوه عزيزه شرفت يا أمير ....
وهكذا ظل العقل ملك التصرفات .....وظل القلب برنس الجوابات....
وتوته توته ...خلصت الحدوته ...حلوه ^_^..ولا ملتوته *_*.

[قطر الندى]

حلوووووووووووووة طبعااااااااااااا مفيش كلام
دايما فى صراع بين الاتنين ،أوقات العقل بيطغو على القلب والعكس
ولكن للأسف الغالبية بتكون للقلب لأن صعب إننا نتحكم فى مشاعرنا على خلاف أفعالنا
فتسلم الأيادى وبالتوفيق الدائم

[A.Elrayes]

راااااااااااااااااااااااااائعة وبجد حسيت الصراع اللي بنمر فيه كل يوم
وللاسف عندي العقل بيكسب والقلب دايما عايش حزين

[same7]

اسلوب جميل سهل وبسيط
بس انا متوقعتهاش تتنهى كده
كنت فاكرهم هيتفقوا سوى
لان عاده لو قعدوا يتكلموا سوى ويناقروا فى بعض كده بيتفقوا على حاجه وسط
مش بيمشوا كل واحد فى اتجاه اومال ايه جمعهم

والصوره معبره جدا

بس معترض شويه على العنوان
لان لا اللى بيستعمل عقله بس رزين ولا اللى بيستعمل قلبه بس اهبل
اعتقد الرزين اللى يتخليهم يتفقوا والاهبل اللى يمشي كل واحد فيهم فى اتجاه
زى ما انا كنت عايزها تنتهى يعنى


منتظرين كتابات كتير

[**mahasen mohamed fouad**]

حلوووووووووووووة طبعااااااااااااا مفيش كلام
دايما فى صراع بين الاتنين ،أوقات العقل بيطغو على القلب والعكس
ولكن للأسف الغالبية بتكون للقلب لأن صعب إننا نتحكم فى مشاعرنا على خلاف أفعالنا
فتسلم الأيادى وبالتوفيق الدائم

فعلا معاكى حق يا د.ندى دايما الصراع ده مستمر و يا ترى ايه اخرته الله اعلم ...تسلميلى يا د.ندى والله دايما بفرح جدا بمرورك وبتعليقك وسعيده جدا انها عجبتك والله

راااااااااااااااااااااااااائعة وبجد حسيت الصراع اللي بنمر فيه كل يوم
وللاسف عندي العقل بيكسب والقلب دايما عايش حزين

ربنا يكرمك يا دوك والله من ذوق حضرتك مش اكتر .....موضوع انه العقل الى يكسب والله يا دوك انا فى وجهه نظرى المتواضعه انه ده الصح وانه الامان ومع ذلك صعب جدا جدا انه العقل هو الى يتغلب ده بيتطلب اراده قويه احيى حضرتك عليها ..و وجع القلب لما يبقى باختيارك احسن اما يبقى من حد سلمتله قلبك وجرحك يا دوك ...سورى لو طولت على حضرتك ونورتنى بمرورك يا دوك

اسلوب جميل سهل وبسيط
ربنا يكرمك يا دوك والله من ذوقك

بس انا متوقعتهاش تتنهى كده
كنت فاكرهم هيتفقوا سوى
لان عاده لو قعدوا يتكلموا سوى ويناقروا فى بعض كده بيتفقوا على حاجه وسط
مش بيمشوا كل واحد فى اتجاه اومال ايه جمعهم
اممممممم مش شرط يا دوك اخره النقاش الاتفاق وخصوصا لو كان نقاش لوووووز يتسم بالعند المسلح من قبل جهه من جهات النقاش ...وهذا هو الهدف السامى توضيح هذا الخلاف وانه مستمر من قبل الطرفين القلب يعتنق مبدأ ضرب الحبيب زى اكل الزبيب والعقل يرى القلب يعتنق مبدأ يموت الزمار وصوابعه بتلعب
والصوره معبره جدا

بس معترض شويه على العنوان
بدأنا الاعتراضات بقى

لان لا اللى بيستعمل عقله بس رزين ولا اللى بيستعمل قلبه بس اهبل
اعتقد الرزين اللى يتخليهم يتفقوا والاهبل اللى يمشي كل واحد فيهم فى اتجاه
زى ما انا كنت عايزها تنتهى يعنى

اممم كلام لوز وبييييس خالص .. فعلا والله معاك حق يا دوك الصح الموازنه بين الاتنين وخير الامور اوسطها ...بس الوصول للموضوع ده صعب جدا عشان كده انا حبيبت اوضح بس التناقض ما بين طريقه الاتنين فاخترت صفتين متناقضتين بس مش قاعده يعنى
منتظرين كتابات كتير

منتحرمش من مرورك يا دوك ....نورتنى بجد والله

[قطر الندى]

فعلا معاكى حق يا د.ندى(أسماء) دايما الصراع ده مستمر و يا ترى ايه اخرته الله اعلم ...تسلميلى يا د.ندى والله دايما بفرح جدا بمرورك وبتعليقك وسعيده جدا انها عجبتك والله

دا من ذوقك والله وربنا يخليكى يا جميل

[صاحبة القلم الحائر]

رووووعة يا دكتورة
فعلا الصراع بين العقل والقلب
دايما موجود وللاسف قليل اوى اللى بيقدر
يوازن بين قرارات الاتنين
دايما بحس فى كتاباتك طابع فلسفى
ما تحرمينا من روائعك وفى انتظارك دايما

[M.Hegazy]

المضمون جميل و كويس ,, و الحوار - من رأيي - يعيبه المزج بين العامية و العربية الفصحى ،،

جمل كثيرة بسبب التزامك بقافية معينة ، اختل توازنها و بناءها ،، ركزي في المواضيع دي على المضمون ، و مش لازم القافية و الوزن بتاع الكلام يقيدك بحيث تغيري تركيبات الجمل و تبوظ بسبب كده ..

مجملا الموضوع جميل ،، و تسلم الأيادي يا دوك .. ^_^

[محمد فهمي]

مرحة
اولاً الفكرة: جميلة جداً، وفيها شوية فلسفة خفيفة.....الحوار: بسيط وحلو........اللغة: أنا شايف التنوع بين العامية والفصحي ده بيدي نوع من البساطة والخفة.........النهاية: كنت عايزهم يصالحوا يادوك زي ماسامح قال بس مش مشكلة....تسلم ايدك وعايزين جديدك بإستمرار يادك محاسن

[DR.BIBO]

صراع جميل ودمه خفيف وده احلى مافيه يامحاسن
بس انا متفقة مع الدكاترة انى كنت متوقعه انهم هيتفقوا فى الاخر بدل ماينتهى الحال باستمرار الصراع للأبد
عارفة يامحاسن ممكن القلب والعقل يختلفوا بس محدش فيهم هيرتاح ولايحس كده ان مزاجه عالى ولوز الا لو حس ان التانى مرتاح ممكن كل واحد فيهم يحاول يثبت انه صح بس من جواه نفسه يلاقى اللى يريحهم هما الاتنين لانه عارف ومتأكد انه مش هيرتاح من غير التانى ممكن يكون الاتفاق بينهم صعب بس من غيره مش هنرتاح يبقى نحاول دايما نعمل ده لحد مانوصل وهنوصل ان شاء الله

جميلة بجد فى انتظار المزيد ياجميل بس متتأخريش علينا