غنوة وفكرة

[DR.BIBO]

اذيكو يادكاترة يارب تكونو بخير حلقتنا النهارده بتتكلم عن المستقبل تعالو نسمع غنوتنا ونبدا نتكلم

الحلقة التاسعه

الغنوه
لو بطلنا نحلم نموت
لوعاندنا نقدر نفوت
لو عدينا مرة خلاص
لو ردينا ضاع الخلاص
حبة صبر حبة حماس
يبقى الحلم صورة وصوت
لو بطلنا نحلم نموت
...............
حضن فى غربة ملمس مثير
بعد مشاغبة حاترقلك
مرة فى مرة حاول كتير
اى مغامرة رح تنفعك
وفى الحلم وقتة فى سكون
لو بطلنا نحلم نموت
حبة صبر حبة حماس
يبقى الحلم صورة وصوت
لو بطلنا نحلم نموت
لو بطلنا نحلم نموت
...................
رقصة شهية هى الحياة
دى العشقية والمعشقة
مرة فى مرة حلمك هواك
يملا الدنيا بالزقزقة
يبقى الحلم صورة وصوت
لو بطلنا نحلم نموت
حبة صبر حبة حماس
لو بطلنا نحلم نموت
او بطلنا نحلم نموت
لو عندنا نقدر نفوت
او بطلنا نحلم نموت
لو عندنا نقدر نفوت

الله عليك يامنير
الفكرة:بتحلم بايه , ياترى بنحلم وحاطين لنفسنا هدف واتنين وتلاته فى اكتر من مجال او اتجاه ؟ ياترى مستعدين نحاول مرة واتنين وتلاته ورابعة عشان الحلم ده ولا لا ؟بنختار الحلم ده على انهى اساس؟ شايفين امكانياتنا وقدراتنا بتاهلنا لده ولا بنحاول نطورها عشان نقدر نوصل لاحلامنا ؟ ممكن نغير حلمنا لو حسينا انه مش مناسب لظروفنا فى فترة ما وبعد كده نرجعله ولا لا ؟ اتكلموا عن كل احلامكو عن افكاركو عن نفسكو شايفين مستقبلكو ازاى يارب يكون دايما مشرق وجميل

اتمنى الحلقة تعجبكو

[محمد فهمي]

فعلاً: الله عليك يامنير
كلماتها حلوة...وأداء عالي منه

الأحلام لازم طبعاً تمس الواقع بأي شكل من الأشكال واللي يقدر يفرق بينها وبين الأوهام...يبقي ده الرابح ويقدر بالفعل يمشي وهوا مطمن في تحقيق حلم بكل جهده..بس لازم التأكد الأول هل ده أوهام ولا لأ!!
وطبعاً موضوع الأحلام ده المفروض كل واحد يخليه في كذا منطقة وكذا مجال علشان يبقي قدامه متسع...لأني أتخيل لو واحد كل همه حاجة واحدة وفشل فيها مراراً.أعتقد كده ممكن ينتهي تماماًَ ويضيع ويعيش في دائرة يأس مريعة
ودائماً لازم السعي والصمود والكفاح في كل حاجة..
حلقة جميلة يادكتورة هبة كالعادة
واعتذر عن تأخري في الإدلاء بدلوي في الحلقة دي
منتظر باقي الآراء وباقي الحلقات إن شاء الله وربنا يقدرنا علي تحقيق أحلامنا..

[DR.BIBO]

فعلاً: الله عليك يامنير
كلماتها حلوة...وأداء عالي منه

الأحلام لازم طبعاً تمس الواقع بأي شكل من الأشكال واللي يقدر يفرق بينها وبين الأوهام...يبقي ده الرابح ويقدر بالفعل يمشي وهوا مطمن في تحقيق حلم بكل جهده..بس لازم التأكد الأول هل ده أوهام ولا لأ!!
وطبعاً موضوع الأحلام ده المفروض كل واحد يخليه في كذا منطقة وكذا مجال علشان يبقي قدامه متسع...لأني أتخيل لو واحد كل همه حاجة واحدة وفشل فيها مراراً.أعتقد كده ممكن ينتهي تماماًَ ويضيع ويعيش في دائرة يأس مريعة
ودائماً لازم السعي والصمود والكفاح في كل حاجة..
حلقة جميلة يادكتورة هبة كالعادة
منتظر باقي الآراء وباقي الحلقات إن شاء الله وربنا يقدرنا علي تحقيق أحلامنا..

نورت الحلقة دكتور محمد
بس تقريبا حضرتك مجاوبتش على اول سؤال فى الحلقة بتحلم بايه عايزين امثلة تطبيقيه للاحلام والمجالات المختلفة اللى ممكن نفكر فيها بيتهيالى هتقربلنا الفكرة اكتر
شكرا لاضافة حضرتك للحلقة

[Nayroz]

الفكرة:بتحلم بايه , ياترى بنحلم وحاطين لنفسنا هدف واتنين وتلاته فى اكتر من مجال او اتجاه ؟ ياترى مستعدين نحاول مرة واتنين وتلاته ورابعة عشان الحلم ده ولا لا ؟بنختار الحلم ده على انهى اساس؟ شايفين امكانياتنا وقدراتنا بتاهلنا لده ولا بنحاول نطورها عشان نقدر نوصل لاحلامنا ؟ ممكن نغير حلمنا لو حسينا انه مش مناسب لظروفنا فى فترة ما وبعد كده نرجعله ولا لا ؟ اتكلموا عن كل احلامكو عن افكاركو عن نفسكو شايفين مستقبلكو ازاى يارب يكون دايما مشرق وجميل

احم احم ....
اممممم ...

بحلم بإيه ، بحلم بإيه .... !!
حقيقة مش عارفة بالظبط بحلم بإيه مهنيا أوى ..... !!

حاسة إنى اتعلمت أى كلام ، لا يؤهلنى إنى أكون صيدلانية بجد و دكتورة و كدة حاليا .....
و عشان ابقى كدة ان شاء الله هيحتاج مجهود منى كبير ......

نفسى طبعا إن شاء الله اتخرج و اخلص من الكلية دى مع انى متأكدة إن الكلية هتوحشنى أوى ......
بس كفاية عليها كدة أوى ......

مش عارفة ليه حاسة إنى ممكن إن شاء الله يطلع منى حاجة كويسة ، بس مش فى مجال دراستنا ....
( ده مجرد إحساس ، مش عارف ة إيه مصدره ..... !! )

بأمانة .....
نفسى لو ربنا أكرمنى و بقيت زوجة فى يوم من الأيام أكون إن شاء الله زوجة صالحة بمعنى الكلمة .....
و ربنا يرزقنى بعيال كتير و يباركلى فيهم و يجنبهم الشيطان و أقدر بإذن الله اربيهم كويس
عشان يبقوا ناس كويسين و مفيدين ، و أفضل جنب والدهم علطول لحد ما يبقى و أنا جنبه من أعظم عظماء الرجال ....
و أدخل بيهم و معاهم الجنة إن شاء الله .....

و عشان ابقى كدة بحاول ابنى نفسى و عقلى الاول ، عشان اقدر اقف جنبهم لما يجوا إن شاء الله ....

بتضحكى طبعا عليا دلوقتى صح .... ،،

[DR.BIBO]

احم احم ....
اممممم ...

بحلم بإيه ، بحلم بإيه .... !!
حقيقة مش عارفة بالظبط بحلم بإيه مهنيا أوى ..... !!

حاسة إنى اتعلمت أى كلام ، لا يؤهلنى إنى أكون صيدلانية بجد و دكتورة و كدة حاليا .....
و عشان ابقى كدة ان شاء الله هيحتاج مجهود منى كبير ......

نفسى طبعا إن شاء الله اتخرج و اخلص من الكلية دى مع انى متأكدة إن الكلية هتوحشنى أوى ......
بس كفاية عليها كدة أوى ......

مش عارفة ليه حاسة إنى ممكن إن شاء الله يطلع منى حاجة كويسة ، بس مش فى مجال دراستنا ....
( ده مجرد إحساس ، مش عارف ة إيه مصدره ..... !! )

بأمانة .....
نفسى لو ربنا أكرمنى و بقيت زوجة فى يوم من الأيام أكون إن شاء الله زوجة صالحة بمعنى الكلمة .....
و ربنا يرزقنى بعيال كتير و يباركلى فيهم و يجنبهم الشيطان و أقدر بإذن الله اربيهم كويس
عشان يبقوا ناس كويسين و مفيدين ، و أفضل جنب والدهم علطول لحد ما يبقى و أنا جنبه من أعظم عظماء الرجال ....
و أدخل بيهم و معاهم الجنة إن شاء الله .....

و عشان ابقى كدة بحاول ابنى نفسى و عقلى الاول ، عشان اقدر اقف جنبهم لما يجوا إن شاء الله ....

بتضحكى طبعا عليا دلوقتى صح .... ،،

اممممممممم عارفة يانونه اكتر حاجة بتعجبنى فيكى تفكيرك المنطقى اهم حاجة انك تبقى محدده هدفك وحلمك ده وتبدعى فيه بجدوتقدرى تحققيه على اكمل وجه وحلمك فى حد اته جميل اوى ورساله ليها هدف نبيل وعظيم بجد يارب تقدرى تحققيه على اكمل وجه ونشوف اولادك علماء او ادباء او اى حاجة عظيمه يبدعو فيها ونشاور عليهم ونقول وراهم بجد انسانه عظيمه اوى كانت السبب فى النجاح ده
تحياتى بجد وشكرا لاضافتك للحلقة ادتيها بعد مختلف كالعاده

[Nayroz]

اممممممممم عارفة يانونه اكتر حاجة بتعجبنى فيكى تفكيرك المنطقى اهم حاجة انك تبقى محدده هدفك وحلمك ده وتبدعى فيه بجدوتقدرى تحققيه على اكمل وجه وحلمك فى حد اته جميل اوى ورساله ليها هدف نبيل وعظيم بجد يارب تقدرى تحققيه على اكمل وجه ونشوف اولادك علماء او ادباء او اى حاجة عظيمه يبدعو فيها ونشاور عليهم ونقول وراهم بجد انسانه عظيمه اوى كانت السبب فى النجاح ده
تحياتى بجد وشكرا لاضافتك للحلقة ادتيها بعد مختلف كالعاده

ياااااااااا رب ....
ثااانكس يا بوب ، جزاكى الله خيرا ....