تتجوزينى
عمرى ما اتخيلت انى أقول لحد كلمه زى دى
ودايما كنت بضحك على أى فيلم فيه مشهد بينزل فيه البطل على رجله ويطلب الجواز من البنت اللى خطفت عقله
... بس الوضع معاكى مختلف ..
بحلم أقابلك وأقولك : تتجوزينى
وأشوف على عينيكى نظرة كسوف عمرى ما شفتها
تتجوزينى
ترضى تكونى أم لأشقى وأحلى اطفال فـ الدنيا
وتستحمليهم وقبل منهم تستحملينى ؟
هتقفى جمبى وأحس انك أمى اللى بتخاف عليّا من الهوا ولما أخفف لبسى فى عز البرد
تتخانقى معايا كأنى إبنك الصغير
تتجوزينى
تقبلى تكونى نص تانى لواحد كان ضايع منه نص دنيته
وفضل يدور على النص ده لحد ما لقاكى
وحس بالفرحه معاكى انتى ..
تقبلى تسيبى كل الدنيا وتختارينى أنا
وترضى بيّا دنيتك
من قبل ما أعرفك خطفتينى
خطفتى منى احلامى وبقيتى أنتى أكبر حلم فى حياتى
ونفسى احققه
خطفتينى من اللى حواليّا وبكون معاهم بس معاكى وبفكر فيكى انتى
لحد ما قالوا عنى بدأت ألسع
خطفتينى من نفسى
ونسيت كلمة "أنا" لما فكرت فيكى
وتخيلت اد ايه هتكون عظيمه البنت اللى تسيب أهلها وتعيش جوايّا أنا
واد ايه أنا لازم أردلك الجميل ده وأكون اد المسؤليه بجد
..
وعرفتينى إزاى أحميكى واكون ليكى أب قبل ما اكون زوج ولما تقعى فى مشكله
أكون صاحب ليكى
وما أسبكيش إلا وانتى مبسوطه
بدعى ربنا أشوفك .. مع انى متأكد انك جميله
وفــ عيونى هتبقى أحلى ملكه فى الدنيا
وهحافظ عليكــى
نفسى أفرحك
واكون ليكى الزوج الصالح
اللى أكيد بتدعى ربنا تقابليه ويجمعكوا فى الحلال
وعايزك تكون زوجه شاكره فـ وقت النعمه
صابره فـ وقت الشده
وتبقى الإيد اللى بتشد على كتفى لما أزعل ولا أكون مهموم
ونفسى ربنا يقدرنى وأسعدك
وما احرمكيش من حاجه أبداً
موافقه .. تتجوزينـــى ؟؟
اه ه ه ه ه ه ه ه ه
موافقه نص نص![]()
( بينى وبينكم انا طايره من الفرح - لان ده الانسان اللى كنت بحلم بيه ودعيت ربنا يرزقنى بيه - بس بسوق التقل عليه
)
ما اتحرمش منك ابدا
♥♥