.. الكورسات . ذلك العالم المستفز ..

[same7]

كل سنه واحنا طيبين وسنه سعيده علينا جميعا

جاى اتكلم معاكوا النهارده فى موضوع الكورسات
الموضوع ده مستفذ بصوره مبالغ فيها بالنسبه ليا

احنا كليه من الكليات اللى اى حد متخرج من اى حته ومش لاقى شغلانه يجى ينزلنا ورق ويدى كورسات لينا

اى حد مهما كانت شهادته وحصلت قدام عينى فعلا
من اول طبيب او صيدلى او علوم او زراعه او بيطرى او الطلبه اللى بيدرسوا لسه معانا

هتصدقوا لو قولتكم
ان حد اقترح عليا انزل ورق لدفعه اعدادى عندنا
طبعا عشان الماده


للاسف فى طلبه كتير جدا فى الكليه
بتطلع اى حاجه بره
عشان الفلوس
والاخر نقول صوره الصيادله وحشه ليه



فى احد المناقشات مع دكاتره الكليه عندنا
استفزوا جدا لما عرفوا انهم بينزلولنا الداتا شو
free
واحنا ننزل نشتريها من المكتبه بفلوس

بيقولوا ليه
ايه قمه السذاجه اللى احنا فيها دى
هام مش مضايقين عشان بطلعوها فرى وبتدفعوا فلوس بره
والا كانوا عرضوا علينا انهم يسيبوهالنا بفلوس
لكن بالعكس
هما زعلانين علينا احنا

وعندهم حق فعلا

وكان نتيجه لكل تصرفاتنا دى
بعض الدكاتره منعت خروج الداتا شو بتاعتها


غير ان بعضنا بيسجل محاضرات ويطلعها للى بيدوا كورسات
مع اختلاف المقابل لكل شخص

وانا اعترض عليا فى يوم من الايام
انى اسجل المحاضرات ل 4 اشخاص ما
مقابل انى اخد كورس عندهم مجانا
كنت هاخد كورسات فى اربع مواد مجانا
ورفضت بطريقه ما


فى عندى بقى حبه استفسارات احب اسمع ارائكم فيها

كل ده ليه ؟
هل احنا اللى مدينلهم الحق ده ؟
هل فينا حاجه شجعتهم على ده ؟
شايف الحل ايه؟
تحليلك للمشكله ايه؟
حلولك للمشكله دى ايه برده؟
فين الصوره اللى بنتكلم عليها وعايزين نشوفها للصيدلى؟
هل احتياجنا للماده يخلينا نفرض فى سمعتنا كده؟
هل الماده تخلينا ننزل ورق ونخدع طلبه ونلعب بعقولهم وكل ذنبهم ان سذاجتهم خليتهم وثقوا فيك؟
ليه مصرين نضر نفسنا بنفسنا
بأن بعض الدكاتره تنزل حاجات فى الامتحانات عكس الورق
ليه ؟

[dr.monalizaa]

أنا دلوقتي بس عاوزة أفهم المشكلة ..

مشكلتك مع الكورسات بشكل عام ؟

ولا عشان أي حد بيدي كورسات وخلاص ؟

لو عشان أي حد ....انت بتروح بمزاجك يعني اتأكد انت بتاخد عند مين وشهاداته ايه وهيقدر يوصلك المعلومة ولا لاء

لو بشكل عام دة موضوع تاني خالص ولو اني مش شايفاه مستفز ولا حاجه

يصلحو نظام التعليم والكورسات هتقل لوحدها ( محدش بيحب يدفع فلوس عالفاضي ولا ايه ؟؟)

ولو الدكاترة مدايقهم الموضوع اوى كده طيب بيسيبو اولادهم ياخدو ليه كورسات ؟؟

صدقني الطلبه بتعمل اي حاجه عشان تفهم وتحل وتنجح ..حتى لو لزم الأمر انهم يجيبو ورق طلبة زيهم

ما تخافش على سمعتنا عشان كورسات .. لو عاوز تخاف عليها خاف عليها من ألف حاجه بتتم على مدار 5

سنين فما فوق وألف حاجه بتتم في حياة الصيدلي العملية

سوري طولت عليك

[same7]

تما م كلام حضرتك يا دكتوره موناليزا

ممكن تحاولى تجاوبى معانا السؤال ده من وجهه نظرك
لو شايفه ان ده ممكن يكون رأيى نوصله ونحل بيه مشكله نظام التعليم

حلولك للمشكله دى ايه برده؟

[dr.monalizaa]

السؤال دة مش انا اللي أجاوب عليه

فيه أحق مني بيه .. عندك استف الكلية كله

بس البلد لسه حالها ما اتعدلش هنقول التعليم يتعدل ؟؟؟

لسه بدري

[Dr/HULK]

هى عربية فلوس وكل واحد عايز يلم اللى يقدر عليه

وأكبر فضيحة انك تلاقى المعيدين كمان بتوع كليتنا دخلوا فى المهرجان ده

بكره هييجى اليوم اللى تلاقى فيه الدكتور يوقفك فى المحاضرة ويقولك

بتاخد كورس عندى

تقوله لأ

يقولك اطلع بره

الكلية دى لو فضلت تدار بنفس العقليات الموجودة دى فتوقع انهيار ورا انهيار

لما تلاقى الدكاترة بتجبرك على شاء مذكرات بهدف التجارة مش الافادة يبقى من حق اى حد يدى كورسات

كل ده ليه ؟

عادى ياسامح ماهو لما يتعمل محاضرة فى الكلية لمحاربة الكورسات وتكتشف ان الدكاترة اللى بيحاضروا ولادهم بياخدوا كورسات يبقى اكيد احنا بنهرج
هل احنا اللى مدينلهم الحق ده ؟

طبعا لأن ده بيأدى لطالب عاجز مش قادر يدير اموره بنفسه
أنا معظم أصحابى مكنوش بياخدوا كورسات وماشاء الله معانا اللى قدر يجيب امتياز
صحيح اعتمدنا على الورق الخارجى لكن السبب هو ان معظم الكتب كانت شبه كتب ميكى (مع الاعتذار لبطوط)
هل فينا حاجه شجعتهم على ده ؟

طبعا ياابنى دا جبل فلوس الطالب بيدفع حوالى 700 ل 1000 جنيه فى المادة فى السنة
شايف الحل ايه؟
البداية كانت بتطبيق الميد تيرم لأنها هتخلى الطلبة تذاكر من بدرى فالطالب مش هيتزنق فى الاخر وهيكون مذاكر قبل كده ومش هيحتاج لكورس
كمان لازم مذكرات المواد تتحسن وتتبسط أكتر من كده عشان نستفيد منها أكتر
وكمان لازم الطلبة تتعود على انها تقرأ فى المراجع وده بان يبقى فيه طلب أبحاث دورية من الطلبة
فيه حاجات كتيرة لو اتطبقت الدروس هتنتتهى من الكلية
كلينيكال عندهم نفس المواد عندنا ومفيش عندهم كورسات
تحليلك للمشكله ايه؟
حلولك للمشكله دى ايه برده؟
فين الصوره اللى بنتكلم عليها وعايزين نشوفها للصيدلى؟

هههههههههه أكيد مش ده
هل احتياجنا للماده يخلينا نفرض فى سمعتنا كده؟

مش عارف عشان موصلتش للمرحلة دى عشان احكم
هل الماده تخلينا ننزل ورق ونخدع طلبه ونلعب بعقولهم وكل ذنبهم ان سذاجتهم خليتهم وثقوا فيك؟
ليه مصرين نضر نفسنا بنفسنا
بأن بعض الدكاتره تنزل حاجات فى الامتحانات عكس الورق
ليه ؟

بص ياسامح انا قعدت فى اعدادى اذاكر من الكتب والمحاضرات اللى سجلتها والحمدلله جبت 67.5 % وكنت فرحان بس اتقفلت لما لقيت مسأله جات فى امتحان كيمياء فيزيائية
المسألة لا خدناها فى محاضرة ولا فى موجودة فى كتاب بس واحد ورانى المسألة فى اخر ورقة من الورق بتاع أسعد

فقررت انى أجرب الورق فى التيرم التانى

وسبحان الله برضه جبت 67 %

[a_fouda2]

كلينيكال عندهم نفس المواد عندنا ومفيش عندهم كورسات

بس يا خلاف
متفتيش في اللي متعرفوش
انت اللي مصاحب منهم عيال فاشلة بيحضروا محاضرات وبيكتبوا ورا الدكاترة
و بيذاكروا من ورق دكاترة الكلية
ولو مش عارفين حاجة بيسألوا بعض او بيسألوا الدكاترة

و بعدين احنا بنعمل ورق تلخيصات كده بينا وبين بعضينا في الدفعه

[Dr/HULK]

بس يا خلاف
متفتيش في اللي متعرفوش
انت اللي مصاحب منهم عيال فاشلة بيحضروا محاضرات وبيكتبوا ورا الدكاترة
و بيذاكروا من ورق دكاترة الكلية
ولو مش عارفين حاجة بيسألوا بعض او بيسألوا الدكاترة

هههههههههههه

أدى اخرة اللى يصاحب فشلة زيكوا

خلاص ياعم سامح

ليا اصحاب تانيين فى جامعات خاصة برضه لا عندهم ورق ولا عندهم كورسات

دا حتى لا عندهم مناهج ولا حتى امتحانات

على فكرة بهزر

الموضوع كله هو ان المنهج عندهم بيبقى محدد شوية عن عندنا

دا غير انه درجاتهم بتترفع شوية

[a_fouda2]

دا غير انه درجاتهم بتترفع شوية
[/center]

انا مش لسه قايلك متفتيش في اللي ملكش فيه

معندناش رفع يا حبيبي

الماده ممكن تتشال على درجه

و ممكن نص الدفعه تشيل ماده واحده

[Dr/HULK]

انا مش لسه قايلك متفتيش في اللي ملكش فيه

معندناش رفع يا حبيبي

الماده ممكن تتشال على درجه

و ممكن نص الدفعه تشيل ماده واحده

هههههههههههههههه

انت بتاخد الكلام اللى على مزاجك ليه

انا بتكلم عن الجامعات الخاصة ياعم فوده

وبعدين انا هبلغ ابو على انك بتشهر بيه وبتقول عليه فاشل

أنا بهدى النفوس

[a_fouda2]

هههههههههههههههه

انت بتاخد الكلام اللى على مزاجك ليه

انا بتكلم عن الجامعات الخاصة ياعم فوده

و بتتكلم عننا كمان

وبعدين انا هبلغ ابو على انك بتشهر بيه وبتقول عليه فاشل

أنا بهدى النفوس

ملكش دعوة
و بعدين ما انا بقلهاله عادي يعني