عوده الى كرسى الاعتراف مع محمد_على_سلام

[DR.BIBO]

عقبالك يا سمير باشا .. هتيجي هتيجي .. هتروح فين يعني !!!!

نفسى يقع تحت ايدينا

ولا تزعلو نفسكو يا دكاترة خلصو انتو بس اسبوعكو على الكرسى وان شاء الله الاسبوع الجاى لدكتور محمد سمير
ماهو مش معقول ميقعدش معانا على الكرسى بعد كل الكراسى اللى قعد الناس عليها ولا ايه
هرجع اسال تانى ان شاء الله دكتور محمد على سلام

[محمد سمير]

ولا تزعلو نفسكو يا دكاترة خلصو انتو بس اسبوعكو على الكرسى وان شاء الله الاسبوع الجاى لدكتور محمد سمير
ماهو مش معقول ميقعدش معانا على الكرسى بعد كل الكراسى اللى قعد الناس عليها ولا ايه

كلكوا عليا ولا ايه

ماليش دعوه

انا عاوز اروح عند مامى

[محمد_على_سلام]

السلام عليكم ورحمة الله وبركاته

وعليكم السلام ورحمة الله وبركاته

حمـامة زاجـــل حاملـــة رســالة لـك من من تتمنـى ان تكــون
من عمى

كلمة تود سماعها كل يوم
مش عارف ايه الاسئلة الغريبة دى

لو خيروك تكون مشرف على قسم تانى بالاضافه لكلينكال أي قسم تختار

المنتدى العام

عضو داخل مزاجك

د/احمد شبند و عبد الله عبد الرحمن

عضو نفسك تغير اسمه

كل واحد حر فى اختيار اسمه هو انا هغيرهم على مزاجى

عضو تتمنى تلتقي به

احمد الريس وسامح واحمد شبند

من اغلى شخص عندك بعد الوالد والوالده والاخوات

خالتى الصغيرة

وقت فراغك بتقضيه ازاى

بص يا ابو سمير هو الحمد لله معنديش وقت فراغ حتى فى الصيف دايما مشغول تسألنى فى ايه اقولك مش عارف
بس على حسب المكان اللى انا فيه بعرف اشغل وقتى سواء فى مصر او فى السعودية

بتحب السفر ولو بتحبه تتمنى تسافر فين

بص السفر ده قطعة من العذاب كما قال الرسول فطبعا بحب الاستقرار ومبحبش السفر
لو بلد ما سفرتهاش قبل كده تبقى فرنسا

حاجه نفسك تغيرها ف البلد دى

المقصود مصر يعنى
يبقى طريقة التفكير اللى لو اتغيرت كل الشعب هيستريح
اه والبلطجة كمان

مين الشخص اللي بتشوف فيه نفسك مرايتك يعني

بص فى اصدقاء مقربين بتحبهم وترتاح لهم مفيش حد 100% مرايتك بس اقرب الناس فودة

انت بتبني رايك ف الشخصيه اللي قدامك علي اي اساس

انا مش ببنى رأى فى الشخصية من مرة واحدة ولا موقف واحد لكن هى مجموعة كبيرة من المواقف والآراء اللى بتحدد الشخصية
يعنى فى معايير كتير :
تدينه ,صدقه ,اخلاصه ,حبه ,جدعنته ,.......

قرار اخدته في لحظه تهور واثر عليك

اول ترم لى فى الكلية لما قررت اقعد مع خالتى وما اقعدش لوحدى وكانت اسوء درجة ترم لى فى الكلية

لو معاك 5جنيه ونص هتعمل بيهم ايه

هخليهم فى جيبى لحد ما احتاجهم

ياترى اعجبت ببنت قبل كده ولو كنت اعجبت ايه الحاجات اللى خلتك تعجب بيها

مرة واحدة بس مكنتش معجب بيها لكن بتدينها
يعنى معجب بالطريقة ونفسى ان كل البنات تبقى كده

مواصفات المرأه اللى عاوز تتجوزها

متدينة ,عاقلة ,هادية ,صبورة ,محترمة يعنى ده اللى فكرت فيه دلوقتى

عاوز تتجوز وانت عندك كام سنه

وقت ما يجى النصيب بس ياريت بدرى مش عاوز اتأخر

هتضرب مراتك لو عملت حاجه زعلتك ولا عمرك ما هتضربها

هضربها ايه بس يا ابو سمير !!!!
يا حبيبى الجواز بالنسبة لى علاقة قائمة على المودة والرحمة والتفاهم والحب
يعنى اسرة صغيرة هادية وجميلة تعيش فى طاعة الله

نفسك فى كام ابن وتحب تسميهم ايه

زى ما ربنا يقسم يا ابو سمير (لِلَّهِ مُلْكُ السَّمَاوَاتِ وَالْأَرْضِ يَخْلُقُ مَا يَشَاء يَهَبُ لِمَنْ يَشَاء إِنَاثًا وَيَهَبُ لِمَن يَشَاء الذُّكُورَ* أَوْ يُزَوِّجُهُمْ ذُكْرَانًا وَإِنَاثًا وَيَجْعَلُ مَن يَشَاء عَقِيمًا إِنَّهُ عَلِيمٌ قَدِيرٌ)

لو خيروك بين حبيبك وبين اعز صديق فمن تختار

مش عارف هو انا ليه هختار اصلا بس مقدرش استغنى عن الاتنين

((مستحيل انساك)) لمن تقولها

لكل اساتذتى

هل تؤيد الزواج العاطفي ام الزواج التقليدي ولماذا

المهم القبول والود والتفاهم بس زواج عاطفى يعنى يقعدوا يحبوا فى بعض قبل الجواز ونظام الافلام القديمة ومقابلات وكلام لا طبعا لان مش علشان اجوز اغضب ربنا

من هو اكثر شخص تفكر فيه

عامة طول الوقت بفكر فى كل الناس اللى فى حياتى سواء اهلى وقرايبى واصحابى وزمايلى
مفيش حد محدد
انما الشخصيات اللى مقابلتهاش فطبعا سيدنا محمد عليه الصلاة والسلام والصحابة والتابعين رضوان الله عليهم وممكن اسرح فيهم واتخيل حياتهم بالساعات

ما هو اقتراحك الذي تتمنى ان يحدث في هذا المنتدى ولم يحدث الى الان

يبقى فى شات داخلى علشان اعرف ابعت لصحابى علطول مش لازم رسايل خاصة

اخر مره زعلت والدتك امتى وزعلتها ليه

ابدا مبيحصلش خالص

اخر هديه جاتلك كانت من مين وايه مناسبتها

والدتى فى عيد ميلادى

كفايه كده

كفاية ده انت طلعت عينى يا راجل
-----

ولا تزعلو نفسكو يا دكاترة خلصو انتو بس اسبوعكو على الكرسى وان شاء الله الاسبوع الجاى لدكتور محمد سمير
ايوه كده الناس نفسها تنتقم
ماهو مش معقول ميقعدش معانا على الكرسى بعد كل الكراسى اللى قعد الناس عليها ولا ايه
هرجع اسال تانى ان شاء الله دكتور محمد على سلام

تنورى يا دكتورة بس يا ريت مش اكتر من سؤالين

كلكوا عليا ولا ايه

ماليش دعوه

انا عاوز اروح عند مامى

لا انسى انت الاسبوع الجاى يا حبى
ده انت حبيبنا يا ابو سمير

[a_fouda2]

بص انا هوفر على كل الناس أسئلتهم و هسألك رخامة كده

بتنام اد ايه ؟
بتنام في الدراسة اكتر ولا الاجازة
اكتر حاجة بتعملها في اليوم ؟ ادام الكمبيوتر ولا فرجه على التلفزيون ..... الخ
مين اللي عرفك على المنتدى
مين الناس اللي مكنتش تعرفهم وعرفتهم من المنتدى ؟ كان في حد منهم مستغلسه في الاول ولا لأ ؟
بتحب تتعرف على الناس من على النت ولا لأ ؟
شخصيتك اتغيرت عما كنت في ثانوي ولا زي ما انت ؟
لو اتغيرت انت شايف للأحسن ولا للأسوأ ؟
شايف نفسك مقصر في المذاكرة في الكلية ؟
ولا مكنش بالامكان احسن مما كان ؟
بتحب تعمل اللي في دماغك واللي مش عاجبه مش مهم بالنسبة لك(يخبط دماغه في الحيط يعني ) ؟
ولا بتفكر الناس هتقول ايه الاول قبل ما تعمل اي حاجة ؟
بتحب تتفرج على ايه في التلفيزيون ( افلام - ماتشات كورة - تنس - رياضة تانية - اخبار - افلام وثائقية - برامج دينيه .... )
لو اكتر من حاجة رتبها بالاولوية .
حفظت قرآن قبل كده وانت صغير؟
حفظت أد ايه ولسه حافظ اد ايه ؟
اسم الدلع بتاعك وانت صغير ؟
اكتر مدرس حبيته وانت طالب ؟
اكتر دكتور حبيته من الدكاترة اللي درسولك؟
حاجة كان نفسك فيها و معملتهاش ؟
اتنصب عليك قبل كده ؟
لو اه احكي الموقف بالتفصيل .
بتحب تسهر ولا تنام بدري؟
ايه الاكلة المفضلة ليك ؟
بتحب تاكل بره ولا اكل البيت احسن ؟
بتحب الفسيخ ؟
دموعك قريبة ولا صعب انك تبكي ؟
ايه الموقف اللي يخليك تبكي ؟
بتتقبل النقد ولا بتعد تجادل شوية الاول وانت عارف انك غلط ؟
ايه المكان اللي نفسك تروحه ؟
اكتر مكان بتحس في راحه فيه ؟
قدرتك على احتمال الالم أد ايه ؟
يعني تستحمل الالم لغاية ايه (مثال لو تقدر ) دبوس ولا ضربه مثلا وجع اسنان - التهاب ... اي حاجة يعني) ؟
ايه أرخم سؤال ممكن حد يسألهولك ؟
و ايه أصعب سؤال ؟ متجاوبوش
بتحب الصيف اكتر ولا الشتا ؟ و ليه ؟
انت صبور ولا لأ ؟
بتتعصب بسرعه ولا لأ ؟
امتى ممكن تكذب ؟ حصل معاك قبل كده ؟
لو حد شتمك (|لو كان واحد زميلك بس مش صاحبك ولو كان واحد صاحبك ولو كان واحد متعرفوش) ايه رد فعلك في ساعتها ؟ هتشتمه ولا هتضربه ولا هتقوله الله يسامحك ؟
لو حد ظلمك و جه يوم وقدرت تظلمه زي ما ظلمك هتظلمه ولا هتعفو عنه ؟
اكتر موقف حصلك او حصل ادامك غير من تفكيرك او شخصيتك ؟
ليك في القراءة ؟
لو ليك بتحب تقرأ ايه ؟
بتحب تقرأ كتب على الكمبيوتر ولا لازم كتاب في ايدك ؟
بتحب تقرأ جرايد ؟
لو قرأت بتفضل اي جرنان ؟ من الجرايد القومية ومن الجرايد الخاصة برده ؟
بتتابع اخبار السياسة منين ؟
موقع معين يعني ولا تلفيزيون ولا من الفيس ولا لما بتتلكم مع اصحابك .
اخبار الرياضة برده ايه المصدر اللي بتتابع منه ؟
ايه أكتر حاجة بتعجبك في اصحابك ؟
اكتر موقف زعلت والدك او والدتك منك قبل كده . لو ينفع قول السبب
ايه اللي يخليك تقول ده صاحبي و ده مش صاحبي " أكتر صفة لو لقيتها في الشخص ده " ؟
لو قالولك انت بقيت وزير الصحة في مصر :
ايه اللي ممكن تعمله بالنسبة
للخدمة الطبية في مصر ؟
لو في أفكار في دماغك قولها لو مفيش متقولش
هل انت انسان بعيد النظر ؟
بتخطط لحياتك ولا سايبها زي ما تيجي تيجي ؟
عندك اولويات في حياتك ؟ يعني مرتب في دماغك هخلص دراسة بعدين اخش جيش بعدين اسافر بعدين ...
لو عندك قولها
هل شخصيتك ضعيفة أي حد ممكن يوجهك بكلامه ولا انت بتفرض شخصيتك على اللي بيكلمك ؟
انت متعاون في شغل البيت ولا لأ ؟ بتعمل ايه لو متعاون ؟
بتعرف تسوق عجل - موتوسكيل - عربية ؟
سؤال نفسك تسألهولي ؟
بتذاكر ازاي ؟
شايف ان في طريقة أحسن من كده و ايه هي ؟

بتهتم بمظهرك ؟ لبسك - تسريحة شعرك مثلا
ولا اللي ادامك بتلبسه وخلاص و تمشي ايدك في شعرك وانتهينا
ولا بتحلق زلبطة عشان متوجعش دماغك
بتمارس رياضة يومية ؟
شايف ايه اكتر حاجة مميزة في شخصيتك ؟
اكتر نادي بتشجعه دوري انجليزي-اسباني-ايطالي-الماني؟
اكتر موقف محرج اتعرضت ليه ؟
اكتر فاكهة بتحبها؟
مشروبك المفضل؟
البرنامج التلفزيوني المفضل ؟
كسرت حاجة في البيت قبل كده ؟ احكي الموقف
مجموعك في ثانوية عامة؟
علاقتك باخواتك عاملة ازاي ؟ اتحسنت دلوقتي عن قبل كده ولا لأ ؟ وهل انت شايف انها ممكن تكون افضل؟
بتحب ايه اكتر الحاجات المسكرة الحلويات يعني ولا الحاجات الحادقة
ايه اختلاف يومك في الاجازة عن يومك في الدراسة؟
بتخاف من الاماكن العالية ؟
اول حاجة بتعملها لما بتفتح الكمبيوتر ؟
ذاكرتك قوية ولا لأ ؟
لو شفت صورة واحد وبعد كده شفته على الحققيقة هتعرفه ؟ حصلت معاك قبل كده ؟
ايه اكتر لون بتحبه ؟
3 مقالب عملتهم قبل كده .
خسرت حد من اصحابك قبل كده . لو أه ايه السبب
فارقت حد عزيز عليك قبل كده

لو قابلت سؤال مش عارفه في امتحان بتعمل ايه ؟ هتغشه ولا هتسيبه فاضي ولا هتألف ؟لو حصل معاك موقف قبل كده قوله
غشيت في امتحان قبل كده واتقفشت ؟
طب بتغشش؟
لو واحد غش منك هتعمل ايه ؟ (أنا مرة ضربت واحد قبل كده في اللجنة )
عملت عمليات قبل كده او اتجبست بعيد الشر يعني
بتحب الحيوانات ؟
اكتر 5 مناظر بيستفزوك او بيضايقوك؟
لو قابلت شخص عارفه من قبل كده وناسي اسمه ووقف وسلم عليم وسألك عن اخبارك هتعمل ايه ؟ اكيد حصل معاك عملت ايه ساعتها ؟
ترتيبك بين اخواتك ايه و مين اكير ومين اصغر ؟
لبسك كاجوال ولا كلاسيك ولا على حسب المكان اللي رايحه ؟
ايه احلى هدية جاتلك ومين جابهالك وايه المناسبة؟
انت تحب الهدية بالنسبه ليك تكون ايه (ساعة -لاب -قلم-ورد -......)
اول مرة اشتغلت على الكمبيوتر كان امتى ؟واول ويندوز اشتغلت عليه ؟
لعبت العاب قبل كده على النت (سيلك رود- ترافيان - .....)
بتحب الالعاب الاستراتيجيه؟ تعمل مدينه وجيش وحاجات من دي
هل انت شخص خجول؟
شايف ان شخصيتك قيادية ؟
اشتغلت في تيم وورك قبل كده ؟ عشان اي حاجة مسابقة مثلا اوائل طلبة كده يعني
هل كان ليك فيه دور قيادي؟
حابب فرحك تعمله ازاي ؟
والدك ووالدتك مين اقرب ليك ؟ ليه ؟
اتبرعت بالدم قبل كده ؟ كام مرة وامتى ؟
هواياتك ؟
في منتديات تانية مشترك فيها غير منتدى الكلية ؟

طبعا انا عارف اجابات الاسئلة دي بس عشان اسخن الكرسي بتاعك
وبعدين هبقى انزلك بالاسئلة اللي بجد بقى بعدين
سلام يا صاحبي

وابقى لون اجاباتك بلون تاني غير اللي انا بسأل بيه عشان مدوخش وانا بدور على اجابتك
و مش عارف الاجابة من السؤال
مش خلاف يسأل بالاحمر ترد عليه بالاحمر برده

[محمد_على_سلام]

ياريت بقه تطلع شاطر وتجاوب الاسئلة وانا هتفرج علي الاجابات

[محمد_على_سلام]

[quote=a_fouda2;434325]

بص انا هوفر على كل الناس أسئلتهم و هسألك رخامة كده

ده المتوقع بردو

بتنام اد ايه ؟
فى الدراسة 8 -12 ساعات على حسب اليوم
فى الاجازة 5-8 ساعات
بتنام في الدراسة اكتر ولا الاجازة
فى الدراسة طبعا ساعتها النوم بيحلى
اكتر حاجة بتعملها في اليوم ؟ ادام الكمبيوتر ولا فرجه على التلفزيون ..... الخ
حاليا لا تلفزيون ولا كمبيوتر بقعد قدامهم كتير
انما فى العادى التلفزيون اكتر ولو انى بحط اللاب مع التلفزيون واشتغل واتفرج فى نفس الوقت
مين اللي عرفك على المنتدى
عرفت عن المنتدى من الورق اللى كان ملزوق على الحيطة فى الكلية وقعدت حوالى شهر كل يوم انسى ادخل اسجل وبعدين سجلت الحمد لله وده كانت اول مرة اسجل فى منتدى ومكنتش فاهم فيه حاجة وقعدت فترة ما ادخلش وبعدين زميلتنا بونبونا قالت لنا عليه وابتديت ادخل على قسم كلينيكال واشارك فيه وواحدة واحدة بقه المنتدى ادمان
مين الناس اللي مكنتش تعرفهم وعرفتهم من المنتدى ؟ كان في حد منهم مستغلسه في الاول ولا لأ ؟
خلاف و عبدالله عبد الرحمن ورفعت عادل ومحمد سمير
لا مكنتش مستغلس حد وعلى فكرة ما باستغلس حد على المنتدى اصلا
بتحب تتعرف على الناس من على النت ولا لأ ؟
يعنى على حسب الشخصية بس احب اتعرف على الواقع اكتر
شخصيتك اتغيرت عما كنت في ثانوي ولا زي ما انت ؟
اتغيرت بس مش كتير
لو اتغيرت انت شايف للأحسن ولا للأسوأ ؟
فى حاجات للاحسن وفى حاجات للاسوأ يعنى الاحسن انى بقيت اجرأ واكتر وعى للى حوالى وبقيت اكتر قدرة على فهم الناس تحديد نوعيتهم
انما الاسوأ انى بقيت مبذاكرش زى زمان وفقدت كتير من ثقتى فى نفسى من بعد اول سنة فى الكلية
شايف نفسك مقصر في المذاكرة في الكلية ؟
انت اكتر واحد عارف
ايوه طبعا مقصر وبضيع نفسى فى اخر كل ترم لانى بكون زهقت ومبكملش المشوار للاخر
ولا مكنش بالامكان احسن مما كان ؟
بص كل شئ مكتوب بس انا مقصر
بتحب تعمل اللي في دماغك واللي مش عاجبه مش مهم بالنسبة لك(يخبط دماغه في الحيط يعني ) ؟
انت عارف مش بحب ازعل حد وبعدين احنا مش عايشين ف الدنيا لوحدنا بس اكيد لو اللى هعمله هو الصح اكيد هعمله حتى لو مفيش حد عاجبه ولو ان ده لسه محصلش
ولا بتفكر الناس هتقول ايه الاول قبل ما تعمل اي حاجة ؟
فى بعض الحاجات لازم افكر هيكون رد فعل الناس ايه
بتحب تتفرج على ايه في التلفيزيون ( افلام - ماتشات كورة - تنس - رياضة تانية - اخبار - افلام وثائقية - برامج دينيه .... )
لو اكتر من حاجة رتبها بالاولوية .
برامج دينية -اخبار-افلام وثائقية-افلام - ماتشات كورة
بص هو مفيش ترتيب اوى هو على حسب مزاجى ساعتها
حفظت قرآن قبل كده وانت صغير؟
اه حفظت
حفظت أد ايه ولسه حافظ اد ايه ؟
وانا صغير حوالى جزئين ونص وبعدين سافرت ومبقاش فيه شيخ متابع معاه بس الحمد لله بحفظ صحيح بنسى كتير واقعد اراجع وانسى واحفظ جديد وانت سيد العارفين بس تمام دعواتكم ان ربنا يعينى
بس بقيت حافظ سور كتير بس متفرقة مش اجزاء
اسم الدلع بتاعك وانت صغير ؟
لا مكنتش بدلع كنا رجالة وطول عمرنا رجالة
اكتر مدرس حبيته وانت طالب ؟
لا كتير بس اول مدرسة فى ابتدائى كان اسمها استاذة حنان من الناس اللى كان لها اثر كبير فى حياتى

اكتر دكتور حبيته من الدكاترة اللي درسولك؟
الدكتور هانى نشأت والدكتور محمد عبد الوهاب ودكاترة كتير حبيتهم بس دول اكتر
حاجة كان نفسك فيها و معملتهاش ؟
انى اتعلم السواقة وانا صغير
اتنصب عليك قبل كده ؟
لو اه احكي الموقف بالتفصيل
لا يا معلم مفيش الحمد لله.
بتحب تسهر ولا تنام بدري؟
على حسب المزاج بس عامة كائن ليلى
ايه الاكلة المفضلة ليك ؟
المشويات
بتحب تاكل بره ولا اكل البيت احسن ؟
لا اكل البيت احسن
بتحب الفسيخ ؟
وبتضحك ليه لا طبعا مش باكله غير لو متقطع ومحطوط عليه زيت ولمون ويدوبك اكل حاجة بسيطة
عامة احنا مش بنجيبه خالتى هى اللى بتبقى تشتريه
دموعك قريبة ولا صعب انك تبكي ؟
على حسب الموقف بس لو حاسس بالظلم ممكن تبقى قريبة بس عامة صعبة
ايه الموقف اللي يخليك تبكي ؟
وانا بقرأ قرآن ولو شفت مآسى زى الصومال وغيرها من الكوارث ولو حد اتظلم قدامى بس عادة محدش بيشوفها
بتتقبل النقد ولا بتعد تجادل شوية الاول وانت عارف انك غلط ؟
لا طالما عارف انى غلطان مش بجادل وبتقبل النقد
ايه المكان اللي نفسك تروحه ؟
فرنسا والمانيا
اكتر مكان بتحس في راحه فيه ؟
فى الحرمين وفى المسجد
قدرتك على احتمال الالم أد ايه ؟
الحمد لله عالية اوى
يعني تستحمل الالم لغاية ايه (مثال لو تقدر ) دبوس ولا ضربه مثلا وجع اسنان - التهاب ... اي حاجة يعني) ؟
اى حاجة
ايه أرخم سؤال ممكن حد يسألهولك ؟
مرتب والدك ووالدتك قد ايه؟؟
و ايه أصعب سؤال ؟ متجاوبوش
لا مش عارف
بتحب الصيف اكتر ولا الشتا ؟ و ليه ؟
لا الصيف اكتر لانه بيبقى اجازة والواحد بيبقى نايم ف البيت وعامل بيات صيفى
انت صبور ولا لأ ؟
صبور
بتتعصب بسرعه ولا لأ ؟
لا مبتعصبش بسرعة بس لو اتعصبت يبقى اتقى شر الحليم اذا غضب
امتى ممكن تكذب ؟ حصل معاك قبل كده ؟
لو حد سألنى السؤال الغلس اللى قولته فوق بقوله مش عارف وانا عارف
واذا كنت هصلح بين ناس ونفعت على فكرة
لو حد شتمك (|لو كان واحد زميلك بس مش صاحبك ولو كان واحد صاحبك ولو كان واحد متعرفوش) ايه رد فعلك في ساعتها ؟ هتشتمه ولا هتضربه ولا هتقوله الله يسامحك ؟
انت جاوب على السؤال ده من خلال معرفتك بيا وانا هقولك اذا كانت اجابتك صح ولا غلط
لو حد ظلمك و جه يوم وقدرت تظلمه زي ما ظلمك هتظلمه ولا هتعفو عنه ؟
لا هعفو عنه وكمان لان الظلم ظلمات يوم القيامة
اكتر موقف حصلك او حصل ادامك غير من تفكيرك او شخصيتك ؟
لا مش فاكر اى مواقف
ليك في القراءة ؟
شكلك مش بتشوف اجاباتى على ابو سمير
لو ليك بتحب تقرأ ايه ؟
كتب دينية رقم واحد ثم تاريخية ثم علمية
بتحب تقرأ كتب على الكمبيوتر ولا لازم كتاب في ايدك ؟
لا لازم كتاب فى ايدى
بتحب تقرأ جرايد ؟
ايووووووون
لو قرأت بتفضل اي جرنان ؟ من الجرايد القومية ومن الجرايد الخاصة برده ؟
الجرائد القومية :الاهرام رغم انى كنت مبحبش رئيس تحريرها
الجرائد الخاصة :المصرى اليوم والدستور والشروق
متستغربش ممكن اشترى اكتر من جورنال
بتتابع اخبار السياسة منين ؟
موقع معين يعني ولا تلفيزيون ولا من الفيس ولا لما بتتلكم مع اصحابك .
من التلفزيون
اخبار الرياضة برده ايه المصدر اللي بتتابع منه ؟
التلفزيون
ايه أكتر حاجة بتعجبك في اصحابك ؟
انهم طيبين وجدعان
اكتر موقف زعلت والدك او والدتك منك قبل كده . لو ينفع قول السبب
مش فاكر بس مفيش اساسا الحمد لله
ايه اللي يخليك تقول ده صاحبي و ده مش صاحبي " أكتر صفة لو لقيتها في الشخص ده " ؟
اولا الارتياح النفسى بس لو قصدك صفة يبقى الصدق والوفاء
لو قالولك انت بقيت وزير الصحة في مصر :
ايه اللي ممكن تعمله بالنسبة
للخدمة الطبية في مصر ؟
لو في أفكار في دماغك قولها لو مفيش متقولش
هلغى قطاع الصيادلة
لا على حسب حالة الوزارة هعمل تقييم واعمل خطة عمل واشتغل واوريهم الويل لو مشتغلوش
هل انت انسان بعيد النظر ؟
الى حد كبير
بتخطط لحياتك ولا سايبها زي ما تيجي تيجي ؟
من ده على ده بس مخطط خطط كتير وعامل بدايل
يعنى لو منفعتش صيدلى ابقى سواق ميكروباص كده يعنى
لا بجد هو كان فى خطة واحدة على اساس انى هدخل كلية الطب بس طالما الحمد لله دخلت صيدلة فغيرت الخطة وعملت خطط (متقلقش على انا عارف انك قلقان )
عندك اولويات في حياتك ؟ يعني مرتب في دماغك هخلص دراسة بعدين اخش جيش بعدين اسافر بعدين ...
لو عندك قولها
اساسا مليش جيش لازمته ايه السؤال ده
هل شخصيتك ضعيفة أي حد ممكن يوجهك بكلامه ولا انت بتفرض شخصيتك على اللي بيكلمك ؟
لا شخصيتى قوية وقوية جدا بس فى ناس بحبهم زيك وممكن اسمع كلامهم
انت متعاون في شغل البيت ولا لأ ؟ بتعمل ايه لو متعاون ؟
بص طالما قاعد مع اهلى فانا باشا ما انا طول السنة قاعد لوحدى وطالع عينى فبستريح بقه
بعمل ايه :بطبخ ماشى بنظف ايووووون بغسل المواعين تمام
بتعرف تسوق عجل - موتوسكيل - عربية ؟
كله الا الموتسيكل
سؤال نفسك تسألهولي ؟
انت بتعمل فيه كده ليه
بتذاكر ازاي ؟
لا متنوع شوية على المكتب ممكن على السرير المهم ازاكر
شايف ان في طريقة أحسن من كده و ايه هي ؟
طبعا انى ازاكر زى زمان على المكتب واركز فى مذاكرتى

بتهتم بمظهرك ؟ لبسك - تسريحة شعرك مثلا
ولا اللي ادامك بتلبسه وخلاص و تمشي ايدك في شعرك وانتهينا
على حسب المشوار يعنى لو الكلية يا عم اللى قدامك البسه خاصة ممكن اكون مكويتش اللبس او مجبتهوش من المكوجى
بس برضو بهتم لحد كبير
انما لو مشوار حلو مش الكلية يبقى فى اهتمام كبير
ولا بتحلق زلبطة عشان متوجعش دماغك
عمرها ما حصلت
بتمارس رياضة يومية ؟
لا مش يوميا
شايف ايه اكتر حاجة مميزة في شخصيتك ؟
انى بسامح بسرعة جدا
اكتر نادي بتشجعه دوري انجليزي-اسباني-ايطالي-الماني؟
مش بتفرج عليهم بس ببقى اتفرج على مانشستر وتشيلسى
انا حصرى للدورى المصرى
اكتر موقف محرج اتعرضت ليه ؟
ان طلع لى حب شباب وانا بكره احط كريمات وفى ناس بتقابلنى تقولى يعنى والدتك دكتورة جلدية وانت طالع لك حب شباب
طب انا مش بحب الكريمات اعمل ايه وبتحرج وبحس انى مسبب احراج لوالدتى
اكتر فاكهة بتحبها؟
الموز والمانجه والبطيخ
مشروبك المفضل؟
البيبسى وعصير المانجه
البرنامج التلفزيوني المفضل ؟
كتير قلتهم قبل كده
كسرت حاجة في البيت قبل كده ؟ احكي الموقف
عادى يعنى كوبيات اطباق بس مش كتير
ومرة فازة كبيرة
مجموعك في ثانوية عامة؟
96,2
علاقتك باخواتك عاملة ازاي ؟ اتحسنت دلوقتي عن قبل كده ولا لأ ؟ وهل انت شايف انها ممكن تكون افضل؟
كويسة جدا جدا خاصة باختى اللى اصغر منى علطول
ممكن تكون احسن كمان
بتحب ايه اكتر الحاجات المسكرة الحلويات يعني ولا الحاجات الحادقة
الاتنين
ايه اختلاف يومك في الاجازة عن يومك في الدراسة؟
انى مش حاسس بالم نفسى
بتخاف من الاماكن العالية ؟
اه لو ببص منها على اللى تحت
اول حاجة بتعملها لما بتفتح الكمبيوتر ؟
بقول بسم الله الرحمن الرحيم وافتح المنتدى
ذاكرتك قوية ولا لأ ؟
زمان كانت قوية جداجدابس الوقتى
زهايمر
لو شفت صورة واحد وبعد كده شفته على الحققيقة هتعرفه ؟
ممكن
حصلت معاك قبل كده ؟
لا
ايه اكتر لون بتحبه ؟
الازرق

الباقى بقه بعدين انا تعبت

[حنين الأمس]

وبعدين هبقى انزلك بالاسئلة اللي بجد بقى بعدين
سلام يا صاحبي
حظك حلو الواحد في الاجازة دماغه مش فايقة زي الدراسة

الباقى بقه بعدين انا تعبت

وااااضح الصداقة جدااااااا...
وواضح كمان إن دكتور عبد الرحمن مش فايق...احمد ربنا بقى يا دكتور محمد إنها جت ع قد كدة
استمرووووا....

[محمد_على_سلام]

وااااضح الصداقة جدااااااا...
صداقة صداقة مش كده

وواضح كمان إن دكتور عبد الرحمن مش فايق...احمد ربنا بقى يا دكتور محمد إنها جت ع قد كدة
استمرووووا....

هو انت فاكرة انه هيكتفى بكده
ده بينتقم للى عملته فيه

[حنين الأمس]

هو انت فاكرة انه هيكتفى بكده
ده بينتقم للى عملته فيه

كما تدين تدان ....ودكتور عبد الرحمن ما بيسبش حقه أبداااا
ربنا يعينك بقى....مش صداقة

[a_fouda2]

لا مكنتش بدلع كنا رجالة وطول عمرنا رجالة
اه صحيح انت كبرت واحنا كنا لسه صغيرين
واخد بالك انت
شكلك مش بتشوف اجاباتى على ابو سمير
هو انا مخي دفتر
انت بتعمل فيه كده ليه
عشان انت حبيبي بس
و بعدين بردلك الجميل
(متقلقش على انا عارف انك قلقان)

هههههههه
انا قلقان لتنسى الخطط اللي انت عاملها
الباقى بقه بعدين انا تعبت

امال فين الرجالة و طول عمرنا رجالة

لو حد شتمك (|لو كان واحد زميلك بس مش صاحبك ولو كان واحد صاحبك ولو كان واحد متعرفوش) ايه رد فعلك في ساعتها ؟ هتشتمه ولا هتضربه ولا هتقوله الله يسامحك ؟
انت جاوب على السؤال ده من خلال معرفتك بيا وانا هقولك اذا كانت اجابتك صح ولا غلط

احنا هنهزر ولا ايه
انت هنا تجاوب بس
و متسألش

هو انت فاكرة انه هيكتفى بكده
ده بينتقم للى عملته فيه

وااااضح الصداقة جدااااااا...
وواضح كمان إن دكتور عبد الرحمن مش فايق...احمد ربنا بقى يا دكتور محمد إنها جت ع قد كدة
استمرووووا....

ده انا هشغل دماغي مخصوص عشان خاطر ابو علي
هو انا عندي اعز منه
بس انا عايز مساعده برده