عوده الى كرسى الاعتراف مع د *Jessy*

[dr emy.hassan]

معلش انا جيت متأخر شويه

ايه رأيك فى كليتنا العزيزة وهل لما تتخرجى هتوحشك ؟؟؟؟؟؟؟؟

ايه رأيك فى فكرة الارتباط فى الدراسه وايه هى مواصفات فارس احلامك ؟؟؟



لو اتقدملك عريس كويس جدااااااااا بس كليته عاديه هل ممكن توافقى ؟؟؟


نفسك فى المستقبل تشتغلى فى شركة ولا مجرد ان يبقى عندك صيدليه وخلاص ؟؟؟؟


ايه علاقتك بماماتك هل انتوا اصحاب و لا علاقة عاديه ؟؟؟؟


لو هتسافرى مكان تختارى ايه؟؟؟؟؟


ايه اكتر مكان فى بيتكم بتحبى تقعدى فيه ؟؟؟؟


اسئلتى سهله ولا صعبه ؟؟؟؟

[eeeman]

السلام عليكم

،،

شايفة نفسك انسانة تتحمل المسؤلية مهما كانت حدودها

هل انتى اجتماعية تحبى تتعرفى على ناس وممكن المبادرة تيجى منك انتى الاول

حسيتى قبل كدة انك وحيدة رغم ان فى ناس حواليكى

ايه اكتر مادة كنتى بتحبيها فى ابتدائى واعدادى وثانوى ؟؟ومين اكتر مدرس او مدرسة حبيتيها فى المراحل دى؟؟

كان احساسك ايه اول يوم فى صيدلة وانتى نازلة من بيتكم واول ما وصلتى الكلية ودخلتى المدرج؟؟؟؟

بشبه انا ع الاسئلة دى امممم مش دى اسئلتى لدوك اميرة ولا ايه يا دكتور محمد

...........................

منورة الكرسى يا دوك جيسى اسمحيلى اسالك شوية اسئلة

ايه الحاجة اللى شايفاها مميزة فيكى او اللى حواليكى عارفين انك مميزة فيها ؟؟ وهل حد قبل كدة قالك انتى مميزة فى كذا وانتى اتفاجئتى واكتشفتى الميزة دى فى شخصيتك ؟؟
فى صفات معينة مش فيكى وبنحاولى تكتسبيها ؟؟ ايه هى وليه ؟؟

مين اقرب حد ليكى فى العيلة ؟؟
يا ترى قابلتى فى حياتك الصديقة اللى شفتى فيها انها انتى وماتقدريش تستغنى عنها وبتشاركك فى كل حاجة ؟؟ ولو اه امتى بدات صداقتكم الحقيقية؟؟

اتصدمتى قبل كدة فى حد من اصحابك ؟؟ ولو اه ايه السبب وايه كان تصرفك ؟؟

احساس الحيرة جربتيه ؟؟؟ فى ايه ؟؟ ولو انتى محتارة بين حاجتين وكل اختيار كان ليه مميزات وفى نفس الوقت ليه عيوب خايفة منها بتعملى ايه؟؟ ولو اخترتى اى ااختيار منهم وتبينت لكى عيوبه بعد كدة بتندمى وتقولى انا اخترت غلط ؟؟

دموعك قريبة ؟؟ ايه اكتر حاجة ممكن تبكيكى ؟؟ مين اللى ممكن تبكى ادامه ؟ ولا بتدارى دموعك وتفضلى انك تكونى لوحدك؟؟ حسيتى قبل كدة انك نفسك تعيطى ودموعك معانداكى وقلبك هو اللى كان بيبكى ؟؟

ايه اكتر حاجة حبيتيها فى كلية صيدلة؟؟ وايه اللى انتى حاباه فى مهنة الصيدلة عموما ؟؟ وشايفة الصيدلى الصح ازاى؟ وهل فى مهام معينة يجب ان يمارسها الصيدلى اكثر من المهام الموكلة اليه ؟؟ وشايفة ازاى نقدر نحسن من حال المهنة؟
واااسفة ع الاطالة

[محمد سمير]

وعليكم السلام ورحمه الله وبركاته

انا قولت ان خلاص كده خلصنا

لا لسه

قدامك النهارده وبكره

بشبه انا ع الاسئلة دى امممم مش دى اسئلتى لدوك اميرة ولا ايه يا دكتور محمد

ايون

استرى عليا

[N00R EL _SHAMS]

منوره الكرسى يا جيسى


محدش يعنى جابلك الكرسى الى هتقعدى عليه

زمان رجعلك وجعتك


هى دى اصول الضيافه

اتفضلى بقى بمناسبة العيد


ايه رايك بقى


كل سنه وانتى طيبه

عيد سعيد

[A.Elrayes]

هو اسم حضرتك سر حربي....انا مش عارف د\محمد سمير ساكت علي كده ليه؟

[*Jessy*]

معلش انا جيت متأخر شويه

لا ولا يهمك اكيد نورتي

ايه رأيك فى كليتنا العزيزة وهل لما تتخرجى هتوحشك ؟؟؟؟؟؟؟؟

حلوه الكليه .... واكيد طبعا اما هتخرج منها هتوحشني جداااااااااااااااااااااااااااااااااااااااااا

ايه رأيك فى فكرة الارتباط فى الدراسه وايه هى مواصفات فارس احلامك ؟؟؟

لا انا ضد الارتباط في الدراسه خالص لان انا شايفه ان كل مرحله من حياه الانسان لازم يديها حقها شويه وكمان اكيد كلنا تعبنا علي ما وصلنا للكليه دي واكيد كمان تعبنا فيها اكتر واكتر فيبقي حرام ان بعد كل ده حاجه تانيه تشغلني عنها ...

مواصفاته بقي :

اول حاجه يكون علي خلق ودين
ويكون بيصلي ومحافظ علي الصلاه
مش بيشرب سجاير
مش بخيل
ويكون قد المسؤليه وجدع
ويكون طيب وانسان مهذب

لو اتقدملك عريس كويس جدااااااااا بس كليته عاديه هل ممكن توافقى ؟؟؟

بصي هاقولك لو العريس ده احنا مثلا عارفينه وعارفين عيلته وعارفين ان انسان فعلا كويس ومحترم ويستاهل وضامنين انه يقدر يحافظ عليا يبقي اوك ومفيش اي مشاااااااااااااااااكل

اما لو واحد لا نعرفه ولا يعرفنا ولسه مش ضامنين ده هيطلع عامل ازاي يبقي اتنازل ليه ؟

نفسك فى المستقبل تشتغلى فى شركة ولا مجرد ان يبقى عندك صيدليه وخلاص ؟؟؟؟

لا انا فعلا نفسي اشتغل في شركه

ايه علاقتك بماماتك هل انتوا اصحاب و لا علاقة عاديه ؟؟؟؟

اها الحمدلله صحاب جدااااا

لو هتسافرى مكان تختارى ايه؟؟؟؟؟

هختار مكان يكون فيه ناس اعرفها وقريبين مني لان بالنسبالي المشكله مش في المكان الاهم الناس

ايه اكتر مكان فى بيتكم بتحبى تقعدى فيه ؟؟؟؟

لا عادي مفيش مكان محدد بفضله عن التاني

انا بأقلم نفسي في اي مكان

اسئلتى سهله ولا صعبه ؟؟؟؟

لا اسئله جميله طبعا

[*Jessy*]

لا لسه

قدامك النهارده وبكره

ايون

استرى عليا

ماشي يا دكتور

بس اتفقنا انا هسألكم سؤال قبل ماقوم من علي الكرسي

منورة الكرسى يا دوك جيسى اسمحيلى اسالك شوية اسئلة

ده نورك طبعا اتفضلي

ايه الحاجة اللى شايفاها مميزة فيكى او اللى حواليكى عارفين انك مميزة فيها ؟؟ وهل حد قبل كدة قالك انتى مميزة فى كذا وانتى اتفاجئتى واكتشفتى الميزة دى فى شخصيتك ؟؟

ممكن الخجل واني عندي ذوق

يعني بتعامل مع كل الناس بذوق جدا حتي لو حد كلمني بأسلوب مش كويس بتكسف احرجه

لا هو صحابي قالولي اني مميزه في حاجات بس انا متفجأتش اوي لان انا بالنسبالي مكنتش بهتم اوي بالمميزات اللي فيا كنت دايما عيني علي عيوبي وبحاول اني اغيرها

فى صفات معينة مش فيكى وبنحاولى تكتسبيها ؟؟ ايه هى وليه ؟

اه وهي اني اكتسب البرود شويه وابطل حسن النيه

عشان انا لم بتعصب .. بتعصب

بس مهما وصلت درجه تعصبي عمري عمري اما اغلط في اللي قدامي او اقوله كلمه تحرجه دايما بتعصب علي نفسي وبس

بس نفسي فعلا اكتسب البرود ان متنرفزش ... واكيد يعني عشان الواحد اما بيتعصب ممكن ياخد قرار مش سليم اوي بعكس اما تبقي هاديه وتاخدي قرار بعد تفكير

وكمان ابطل حسن النيه بتاعي ده لاني عندي حسن نيه اوي ووثقت في ناس ومطلعوش قد الثقه دي

مين اقرب حد ليكى فى العيلة ؟؟

اختي ربنا يخليهالي يارب

يا ترى قابلتى فى حياتك الصديقة اللى شفتى فيها انها انتى وماتقدريش تستغنى عنها وبتشاركك فى كل حاجة ؟؟ ولو اه امتى بدات صداقتكم الحقيقية؟؟

اه الحمدلله قابلتها فعلا وجايز اكون عرفت ده متأخر او بعد فتره لان جايز عشان انا طبيعتي مش بعرف اخد علي الناس بسرعه

بدأت صداقتنا السنه اللي فاتت تقريبا

اتصدمتى قبل كدة فى حد من اصحابك ؟؟ ولو اه ايه السبب وايه كان تصرفك ؟؟

كتييييييييييييييييييير

السبب ان فيه واحده بعد ماكنت اعتبرها صاحبتي بجد وكنت فعلا بعملها كل حاجه هي عاوزها اكتشفت انها كانت مصحباني عشان اجيبلها الورق والاسئله وكده وبعدها اتعصبت عليا وغلطت شويه فيا وكده

اتصرفت معاها .. بأن انا زي ما انا عمر ما اسلوبي او طباعي تتغير ولو طلبت مني دلوقتي اي طلب اكيد مش هتأخر
بس انا قللت معاملتي معاها بقت علي قد المناسبات وخلاص

احساس الحيرة جربتيه ؟؟؟ فى ايه ؟؟ ولو انتى محتارة بين حاجتين وكل اختيار كان ليه مميزات وفى نفس الوقت ليه عيوب خايفة منها بتعملى ايه؟؟ ولو اخترتى اى ااختيار منهم وتبينت لكى عيوبه بعد كدة بتندمى وتقولى انا اخترت غلط ؟؟

اكيد جربته ان احتار بين حاجتين بس بصراحه مش فاكره موقف معين حاليا
لو محتاره بين حاجتين : بصي انا الاول بشوف المميزات بتاعه الاتنين وبشوف انهي واحده مميزاتها احسن بالنسبالي وبشوف العيوب واشوف انهي واحده اللي عيوبها ممكن اتغاضي عنها او استحملها وانهي الاصلح ليا وبناءا علي ده بختار

بالنسبه لو بعد كده اختارت ولاقيت عيوب تانيه ... عمري ماندم ابدا لان الحمدلله راضيه بأي حاجه ودايما علي يقين ان اي حاجه ربنا بيجبهالي بتبقي هي الاحسن والاصلح والخير ليا .. وبقول اكيد ان ربنا ليه حكمه في ده

انا الحمدلله من صغري عودت نفسي ان عمري اما اندم علي اي اختيار انا بختاره وان حتي لو اختارت وطلع الاختيار ليه عيوب خلاص برضي وبحاول اعرف اتعامل مع العيوب دي وبأقلم نفسي عليها

دموعك قريبة ؟؟ ايه اكتر حاجة ممكن تبكيكى ؟؟ مين اللى ممكن تبكى ادامه ؟ ولا بتدارى دموعك وتفضلى انك تكونى لوحدك؟؟ حسيتى قبل كدة انك نفسك تعيطى ودموعك معانداكى وقلبك هو اللى كان بيبكى ؟؟

لا دموعي مش قريبه في اي حاجه .... مبتنزلش الا علي الحاجه المستاهله فعلا لانها عزيزه عليا برضه

اكتر حاجه ممكن تبكيني لو فارقت حد بحبه جدا ... وكمان لو حد ظلمني اوي ومعرفتش ادافع عن نفسي

مين اللي ممكن ابكي قدامه ؟؟؟ قدام اخواتي او صحابي المقربين لكن لو حد مثلا غريب ولاقيته جرحني بفضل ماسكه دموعي لغايه اما ابعد عنه واروح في اي مكان لوحدي

احساس ان دموعي معانداني وقلبي بيبكي ... بصراحه اه حسيت الاحساس ده كتير جدا خاصه اما اشوف حاجه قدامي او حد مثلا مش قادره اساعده خالص بحس ان قلبي بيبكي فعلا بس مش قادره انزل دموعي عشان مابقاش انا كمان عليه واحزنه اكتر

ايه اكتر حاجة حبيتيها فى كلية صيدلة؟؟ وايه اللى انتى حاباه فى مهنة الصيدلة عموما ؟؟ وشايفة الصيدلى الصح ازاى؟ وهل فى مهام معينة يجب ان يمارسها الصيدلى اكثر من المهام الموكلة اليه ؟؟ وشايفة ازاى نقدر نحسن من حال المهنة؟

اكتر حاجه بجد حبيتها في الكليه هما صحابي وكمان بعض الدكاتره اللي عندنا اللي بجد بحترمهم جدا
اللي حباه في المهنه : هو اننا نقدر نصنع الدواء وانا بحب الشغل ده اوي
الصيدلي الصح وتحسين المهنه ؟؟ علي قد ما بيتعلم يعني لازم الاول يتعلم صح عشان يبقي صح في شغله وكمان ان البلد تساعد ان كل واحد يبقي في مهنته بس مش المهنات كلها علي بعضها كده

يعني انا مش شايفه ان مهنتي ان ابقي واقفه في صيدله اصرف روشتات واطلع ادويه من ع الرف وخلاص علي كده خاصه اننا مطحونين جامد في الدراسه

المفروض التركيبات بتاعه الادويه ترجع تاني عشان علي الاقل اللي واقف يبقي صيدلي وبس وهو اللي يقدر يقوم بشغله مش اي حد يعرف يعمل زيه ....

واااسفة ع الاطالة

ولا يهمك ... اسئلتك جميله اوي

تورتيني

[*Jessy*]

هو اسم حضرتك سر حربي....انا مش عارف د\محمد سمير ساكت علي كده ليه؟

هو حضرتك داخل تهدي النفوس

منوره الكرسى يا جيسى


محدش يعنى جابلك الكرسى الى هتقعدى عليه

زمان رجعلك وجعتك


هى دى اصول الضيافه

اتفضلى بقى بمناسبة العيد


ايه رايك بقى


كل سنه وانتى طيبه

عيد سعيد

ده بنورك يا جميل وكل سنه وانتي طيبه وعيد سعيد علينا كلنا يارب

اخيرا حد جابلي كرسي ده رجلي وجعتني من الوقفه ... ازاي اسمه كرسي الاعتراف ومفيهوش كراسي بقي

ربنا يخليكي يارب كرسي شكله جميل اووووووووي ده انا مش هقوم من عليه بقي

نورتيني

[eeeman]

ايون

استرى عليا

خلاص خلاص ربنا امر بالستر

لا دموعي مش قريبه في اي حاجه .... مبتنزلش الا علي الحاجه المستاهله فعلا لانها عزيزه عليا برضه

حلوة اوووى دموعى عزيزة عليا دى طبعا والاحلى انها تكون عزيزة على اللى حوالينا








ولا يهمك ... اسئلتك جميله اوي

تورتيني

الله يخليكى ..وانتى اجاباتك اجمــــــــــــل

[*Jessy*]

خلاص خلاص ربنا امر بالستر


الله يخليكى ..وانتى اجاباتك اجمــــــــــــل

لا ستر ايه بقي ده كل البلد عرفت

ويخليكي يارب وفعلا عجبتني جمله انها الاحلي انها تكون عزيزه علي اللي حوالينا عندك حق بجد