مطلوب اجابة البنات فى الموضوع ده

[محمد سمير]

حبيبى يا ابو رولا

وانت كمان حبيبى

[A.Elrayes]

انا مش فاهم اللي شايفين ان الشبكه دي ضمان للزوج شايفنها كده ازاي؟.......
يعني لو جابلك شبكة كبيرة جدا وبعد الجواز احتاجتوا فلوسش...مش هاتبيعوا الشبكة دي ولا ايه؟؟؟؟
فين بقي الضمان...
اقولكوا حاجه
انا ليا اختين بنات واحده اتجوزت بشبكة كبييييرة بس العريس جابها من غير ما نطلب وبعد الجواز بشهرين اخد الشبكة وباعها واشتري بيها عربيه(شوفوا بقي الشبكة كانت قد ايه) واختي معترضتش وعايشين وجبلها دهب تاني وبعد سنتين باعه وغير العربيه مش شايف يعني ان الشبكة كانت ضمان ولا حاجه يعني عادي لما بيحتجها الزوج بياخدها ولما ربنا بيكرمه بيجيب تاني
اختي التانيه اتجوزت بدبلة والحمد لله عايشه وراضيه والحمد لله جوزها متجوزش عليها يعني(مهيا سهله دبله وخلاص)
يا جماعة اللي عاوز يقرف زوجته في حياتها والله مش هايستني شبكة ولا غيره هايطهقها في حياتها وهيعيشها عيشه هم عشان كده المهم الشخص مش الشبكة وغيرها من الشكليات دي

[yasmeena]

صباح التهييس

هو الانسان لما يجيب شبكه كبيره يبقى ده شارينى

ولو جاب شبكه صغيره يبقى بخيل ومش بيحبنى

يعنى واحد اتقدم لواحده وجايب شبكه ب 100 الف بس اخلاقه مش اللى هيا

وواحد تانى متقدم لنفس الواحده وجايب شبكه ب 5 الاف بس اخلاقه كويسه

هتختارى مين ساعتها ؟

عمرها ما كانت بالدهب

اهم حاجه الانسان يلاقى جمبه الانسان اللى بيحبه بجد ويمسح دمعته لما تنزل ويحس بيه من غير ما يتكلم

الدهب والحاجات دى بتيجى وبتروح

لكن اللى بيفضل وبيبقى الحب والاخلاص

فنصيحه

اللى يلاقى انسان كويس ومتدين ومخلص ما يفرطش فيه

على فكره انا مكنتش أقصد كده
انا قولت ان لو هو امكنياته قليله أصلا وجاب أقصى حاجة يقدر عليها المفروض نقدرله ده

انما لو واحد مادياته كويسه ومستخسر يبقى فى داهيه

أنا أعرف واحدة اتقدملها واحد مستواه كويس جدااااااااااا
وقال لأهلها انا معنديش استعداد أدفع 20 ألف فى شويه دهب!!!!!!!!!
مع انه ممكن يجيب ب50 الف وهو مرتاح

لو حد شارى مش بيفكر كده
بالعكس طبعا بلاقى ناس مستعدة تتغرب وتشتغل بالسنة او اكتر عشان تجيب تمن شبكة لواحدة نفسه يسعدها

قارن كده حضرتك بين احساس البنتين فى الحالتين
هتفهم قصدى وتعرف ان الواحدة اكيد هتبقى مبسوطة باللى مدياته أقل بس بذل مجهود وتعب عشان يجيبلها حاجة
اللى حاجة اللى بتجى سهلة مش بيبقى ليها طعم


انا واحدة م الناس مش ممكن أقبل مثلا بواحد باباه هو اللى يجيبله الشبكة انشاله تكون ب 100 ألف

صدقنى هحب ان واحد شارينى يشتغل ويتعب ويجيبلى خاتم بس
أكيد هيكون ليه طعم تانى واحساس تانى كفايه أحس انه منه هو مش من باباه

انما مايجبش خاااااااااااااااالص
نوووووووو

والله أنا مش مادية ولا حاجة
بس ده بالنسبالى نوع من التقدير مهما كان حجم الشبكه او تمنها بس يكون العريس اللى جايبها واشتغل عشان يجيبها


يااااااااااااااا رب يكون رأى وصل

[muna7assan]

اكيد مش هيجى يتجوزها كده ببلاش

مش بنقول انه هيروح يتجوز وايده فاضيه

لازم هيقدم شبكه بس هتختلف نوعية الشبكه دى على حسب ظروف الانسان ده

فطالما لاقينا فيه حد كويس وهيحافظ على بنتنا ويصونها ويعيشها كويس

ما يفرقش معانا بقه جاب شبكه بأد ايه

تمام ولا غلط

دا مش معناه بردو ان الناس تفترى ..

الفكره ان الشبكه دى هديه العريس يعنى حتى ما يصّحش انها اننا نقوله لو سمحت هات للعروسه هديه بكذا ,بس

مادام احنا رضينا بدينه واخلاقه ووضعه الاجتماعى وشغله ووو يبقى ان شاء الله هديته هتبقى مناسبه .. المهم

هوا يبقى مناسب

لولا اختلاف الأذواق ماكناش لقينا حد يشترى الدهب اللى فى السوق

تقريبا خلاصه الموضوع دا ان اللى يناسب غيرى ما يناسبنيش واللى يناسبك ما يناسبش غيرك .. وسبحان مٌرضى العباد

[محمد سمير]

لولا اختلاف الأذواق ماكناش لقينا حد يشترى الدهب اللى فى السوق

تقريبا خلاصه الموضوع دا ان اللى يناسب غيرى ما يناسبنيش واللى يناسبك ما يناسبش غيرك .. وسبحان مٌرضى العباد

اللى انا شايفه ان الكل غالبا موافق على اللى يجيبه العريس فى الشبكه طالما دى امكانياته

والاهم عندهم هيا الاخلاق والشخصيه وان الشخص ده يحافظ عليهم

[A.Elrayes]

اللى انا شايفه ان الكل غالبا موافق على اللى يجيبه العريس فى الشبكه طالما دى امكانياته

والاهم عندهم هيا الاخلاق والشخصيه وان الشخص ده يحافظ عليهم

لا لا مش الكل خالص يا دكتور.....في ناس كتير بتهتم بالماده وبتقيس مقدار حب اللي قدامها ليها عن طريق هو هايقدم قد ايه وللاسف كثيرا ما هن ولكن مفيش حد هايدخل في الموضوع يقول انا كده

[DR/saad]

اه رأيكم فى حمعه مقطعه الدهب و الحمه

ونشوف اه الى هيحصل ؟؟؟؟؟؟؟

مين معايا

[jojo_m]

لو برده يا دكتور محمد شوفنا الموضوع من وجهة نظر تانيه مؤخرا سمعنا كتير عن شباب بيكونو خاطبين اكتر من بنت فى نفس الوقت كل واحده خاطبها بدبله واهو بيضيع وقت وفى الآخر بيسيبهم مهو مش خسران حاجه
وبرده شوفنا واحد بيكون خاطب واحده وبعدين حب واحده تانيه او حصل اى ظرف او واحد مكنش جد من الاول وبعدين ساب خطيبته وفى الآخر كلهم مش هيكونو خسرانين حاجه علشان كده الناس دى مبتترددش قبل ما يعملو التصرفات دى واهم داخلين خارجين على بيوت الناس ولا فارقه معاهم وفى الآخر تلاقى البنت اسمها كانت مخطوبه وخطيبها سابها
إيه اللى هيضمن للبنات ان اللى مش هيجيب اى حاجه خالص ده مش داخل يتسلى
وبرده فى ناس كتير بتمثل على الناس فالمظاهر مش ضمان لاى حد اليومين دول
ومش معنى كده ان الواحد لازم يجيب شبكه بارقام فلكيه
ممكن تكون اى حاجه بسيطه رمزيه يعنى
ومع ذلك انا مازلت مع رأيي الاول فى الموضوع بس حبيت انقل لحضرتك وجهة نظر تانيه

[drsherbiny]

محمد سمير سيبك من ااراء البنات ساعتها كل حاجة بتتغير اهم حاجة وانته داخل البيت احساسك الناس شرياك ولا لا لو مش شرياك متعتبش البيت تاني
-----
الشبكه انته تحددها علي قد امكانياتك والطرف الاخر ليه حريه الموافقه او الرفض وتاكد ان لو بيت رفض ميه هيوافقو انته راجل صيدلي ومحترم وعلي خلق ومستقبلك مضمون ان شاء الله وتوزن دهب في اي بيت تدخله وربنا يكرمك بالناس الطيبه وتاكد ان الطيور علي اشكالها تقع
الطيبون للطيبات

[محمد سمير]

لا لا مش الكل خالص يا دكتور.....في ناس كتير بتهتم بالماده وبتقيس مقدار حب اللي قدامها ليها عن طريق هو هايقدم قد ايه وللاسف كثيرا ما هن ولكن مفيش حد هايدخل في الموضوع يقول انا كده

انا اقصد بالكل

البنات اللى ردت فى الموضوع

محمد سمير سيبك من ااراء البنات ساعتها كل حاجة بتتغير اهم حاجة وانته داخل البيت احساسك الناس شرياك ولا لا لو مش شرياك متعتبش البيت تاني
-----
الشبكه انته تحددها علي قد امكانياتك والطرف الاخر ليه حريه الموافقه او الرفض وتاكد ان لو بيت رفض ميه هيوافقو انته راجل صيدلي ومحترم وعلي خلق ومستقبلك مضمون انشاء الله وتوزن دهب في اي بيت تدخله وربنا يكرمك بالناس الطيبه وتاكد ان الطيور علي اشكالها تقع
الطيبون للطيبات

كلام جميل وموزون

شكرا ياشربينى

وربنا يرزقك ببنت الحلال

اه رأيكم فى حمعه مقطعه الدهب و الحمه

ونشوف اه الى هيحصل ؟؟؟؟؟؟؟

مين معايا

ههههههههههههههههه