رساله فى رمضان ..

[Dr.Mohamed]

السلام عليكم و رحمة الله و بركاته


كل عام انتم بكل خير .... رمضان خلاص على الأبواب.

نشاطنا في رمضان ينقسم جزئين

أولاً شنط رمضان


بدأنا حالياً التجهيز لشنط رمضان اللي هتنزل لعمال الكلية
الشنط دي بتنزل للعمال حسب الأولوية وبالأخص " العمال المؤقتين ".
واحنا بنفسنا اللي بنسلمها ليهم يداً بيد



مكوناتها
3 كيلو أرز
3 أكياس مكرونة
1 كيلو سكر
2 زجاجة زيت
1 كيلو سمن
1 كيلو تمر
1 كيلو فول
1 كيلو فاصوليا
1 قمر الدين
علبه شاي + كيس صلصه

لو حد حابب يشارك معانا في تكلفة او تجهيز الشنطة " تتبرع - تجمع - تكيس - توزع " ..

ومش شرط اللي يشارك يشارك بتكلفة شنطة كاملة.. ومش شرط المشاركة تبقى مادية... ممكن حاجات عينية وممكن تشاركوا معانا في تكييس الشنط نفسها..

For Contact

عن طريق البريد الالكترونى



او صفحتنا على الفيس بووك
Resala Family ( أسرة رسالة - كلية الصيدلة )

Tel: 0166737111

أو مع أى من أعضاء الأسرة





ــــــــــــــــــــــــــــــــــــــــــــــــــ ــــــ
ثانياً إفطار العمال



للسنة الخامسة على التوالي
ذي كل سنة.... بنجهز افطار بيكون في مدرج في الكلية بنفطر فيه مع العمال وبنحاول نشاركهم اليوم دا على قد ما نقدر ...

يعني ايه؟؟
تفطير الصائم في اليوم ده معناه انك تتحمل تمن وجبتك ووجبة عامل معاك
والوجبة تكلفتها 20 جنيه

الفكرة في الافطار ده حاجتين

أولا ثواب تفطير صائم:
عن زيد بن خالد الجهني قال : قال : " مَن فطَّر صائماً كان له مثل أجره غير أنه لا ينقص من أجر الصائم شيء " .

ثانيا اننا نفطر مع العمال
العمال دول طول السنة من اول يوم في الدراسة لآخر يوم في الامتحانات بيتعبوا معانا في كل حاجة...في المعامل...في المدرجات....في كل مكان في الكلية فاليوم ده بنحاول نرد ليهم جزء من تعبهم ده ونخدمهم احنا في اليوم ده ونفطر معاهم

محتاجينكم معانا في كل حاجة في الافطار
في توفير تمن الوجبات .... في تجهيز الافطار .... في تعبئة الوجبات ..... و الاهم في الافطار نفسه تكونوا معانا ومع العمال في اليوم ده.

أخر موعد لتلقى التبرعات بالنسبه للإفطار 19 رمضان ان شاء الله
ميعاد الإفطار .. 25 رمضان..

مدرج .. الفرقه الأولي ..


((اللهم اجعل اعمالنا كلها خالصة لوجهك الكريم ياربنا ولاتجعل لانفسنا ولا الدنيا ولاالشيطان منها حظ ولانصيب وتقبلها كلها بقبول حسن يارب العالمين))


For Contact

عن طريق البريد الالكترونى



او صفحتنا على الفيس بووك
Resala Family ( أسرة رسالة - كلية الصيدلة )

Tel: 0166737111

أو مع أى من أعضاء الأسرة

[موظفه طموحه]

بالتوفيق ان شاء الله

[تابعة محمد]

بسم الله الرحمن الرحيم
اعمال متميزة و جزاكم الله كل خير .

[Dr.Mohamed]

جزاكم الله مثله

[L SMA7Y]

جزااااكم الله كل خيرا
وبالتوفيق ان شاء الله

[نعمة]

جزاكم الله خيرا وتقبل منا أعمالنا

[Dr.Mohamed]

جزااااكم الله كل خيرا
وبالتوفيق ان شاء الله

جزاكم الله خيرا وتقبل منا أعمالنا

وجزاكم الله مثله

[Wagdy*Resala]

ان شاء الله يكون رائع بيكم زي كل سنة

[chocolata]

دى حاجه جميله اوى وانا حابه انى اشارك بس ممكن يعرفنى ازاى اتواصل من خلال الفيس بوك
يعنى اعرف امتب فى السيرش ايه بالظبط ؟؟
ممكن يكون فى اكتر من حاجه بعنوان رساله وانا عاوزة اللى يخص الكليه عندى وبس وبالنسبه لشنطه رمضان امتى هتبداوا تشتغلوا فيها ؟

يعنى انتم بداتم انا دروى ايه انزل لكم واقابلكم ازاى وكده؟

[Dr.Mohamed]

دى حاجه جميله اوى وانا حابه انى اشارك بس ممكن يعرفنى ازاى اتواصل من خلال الفيس بوك
يعنى اعرف امتب فى السيرش ايه بالظبط ؟؟
ممكن يكون فى اكتر من حاجه بعنوان رساله وانا عاوزة اللى يخص الكليه عندى وبس وبالنسبه لشنطه رمضان امتى هتبداوا تشتغلوا فيها ؟

يعنى انتم بداتم انا دروى ايه انزل لكم واقابلكم ازاى وكده؟

سلام عليكم ... أولا شكرا ليكى ..
ثانيا لو كتبتى فى السيرش على الفيس بوك
Resala Family ( أسرة رسالة - كلية الصيدلة )
هتدخلى البيج بتاعتنا وهناك تلاقى الإيفنت
بالنسبه لشنطة رمضان عندنا اجتماع بكره الساعه 11 بالكليه ان شاء الله لو تحبى تكونى موجوده تشرفينا طبعا ..
دا اجتماع بخصوص التجهيز للشنط وكمان الإفطار ..
0166737111