هى والشغل و البيت

[Pharmcist_girl]

بسم الله الرحمن الرحيم

--------------------------------

اتمنى ان يكون الجميع بخير وصحة وسلامة

موضوع خطر علي بالي نتنقاش فيه بما إن

كلنا ان لم يكن بعضنا بدأ فعلا حياة


جديدة ربنا يوفق الجميع،نفسي أشوف





أرائكم بالنسبة لشغل المرأة سواء عند


البنات او الولاد فيه بنات مستحيل تقعد


من غير شغل و فيه ولاد مش تحب غير كده




لأسباب عديدة من وجهة نظرهم و العكس صحيح فمثلا لو لقيتي شريك حياتك اللي

تتمنيه و عايزك بشدة انك مش تشتغلي لسبب عنده و انتي مش بتحبي قعدة البيت

او انتا لقيت شريكة حياتك وهي مصرة علي الشغل و نفسك تكمل حياتك معاها

تعمل أيه،علي فكرة انا مش مع او ضد شغل المرأة عشان نكون علي حياد من الأول

بس مع ان الناس و ظروفهم مختلفة و ضد الإجبار بدون تفاهم من أي طرف


للأخر،معلش كتبت كتير بس الموضوع ده بلاقي عليه نقاش دايما فحبيت ننقشه سوا ...

[asfourelgana]

بسم الله الرحمن الرحيم

اولا السلام عليكم ورحمة الله وبركاته

ثانيا بجد اشكر حضرتك يا دكتورة على الموضوع الممتاز ده

فعلا حاجة تستحق النقاش لأنه موجود بنسبه كبيرة جدا

ثالثا احب اوضح رأيي بعد اذن حضرتك

انا قولت انى موافقه بس زي ما انا دايما بقول مفيش حاجة مطلقه

يعني مثلا انا شخصيه الحمد لله اكتف جدا والحمد لله مشهود لي بكده

واللي زيي بيبقى صعب عليه جدا القعده ف البيت صحيح بحب الجو الاسري جدا

وبحب التربيه اوى وشغل البيت بحب اعمله بمزاج لكن ده ميعنيش

انى مش بحب احقق ذاتي بردو بره

عشان كده الشغل بالنسبه ليا حاجة مهمه جدا بس ف نفس الوقت لو الزوج ان شاء الله

معترض يبقى نتناقش ويا تقنعني ويا اقنعك حتى لو مقتنعتش في الاول

انا هصبر وهعدي اول فترة كده زي ما هو عايز لكن بعد كده ارجع احاول تانى

ولو موافقش يبقى نكرر الحكاية واسيبه وانتى عارفه ان الزن ع الودان امر م السحر

وانا اسفه جدا للاطاله بس بجد كان نفسي اتكلم اكتر

فسامحوني بقه

وتقبلي فائق احترامي وتحياتي

[Amira]

بنات كتير بشوفهم يقولوا ان خطيبها لو رفض شغلها ممكن يحصل مشاكل !
رأيى محدش من اصحابى موافق عليه لانهم بيقولولى تضيعى 5 سنين من عمرك عشان تقعدى فى البيت
انا رأيي ان البنت شغلها مش اساسى يعنى لما اتخرج لو والدى وافق على شغلى وكان فى فرصه شغل مناسبه مفيش مشاكل
برضو لو خطيبى او زوجى وافق على الشغل والبيت كان محتاج شغلى ده يبقى ايه المشكله انى اشتغل وفى نفس الوقت اصون نفسى الاول لان اى شغل بيعرض البنات للتعامل مع ناس كتير لازم تحافظ على نفسها وكمان اصون بيتى وعيلتى اذا كنت هقصر فيهم يبقى ملوش لازمه الشغل

يعنى اوافق على رأيه عادى بس ميكونش رأيه ده تعنت وخلاص لان فى ناس تقولك لا مفيش شغل وهو يا كده يا بلاش ! او بنات تقول لا ياشغلى يا خطوبتى مثلا !

يعنى الاولويه لبيتى وعيلتى .... والاتفاق بينى وبين الطرف التانى

يمكن كلامى اللى جاى ده علاقته ضعيفه بالموضوع بس الحديث ده جه فى بالى دلوقت حالا

لا تمنعوا نسائكم المساجد ، و بيوتهن خير لهن
الشغل ولا المسجد ؟؟؟
اكيد المسجد اعلى قدرا واولى بإن النساء تروحله
اذا كان فى حاله المسجد الرسول محرمهاش وممنعهاش بس قال ان البيت افضل وهيحفظ البنت اكتر
يبقى فى حاله الشغل ايه الوضع بقى

[same7]

اولا

بشكر حضرتك عــ الموضوع ده

ثانيا

لازم تعرف انها ف الاساس مطلوب منها الحفاظ على اسرتها
قدرت تعمل ده وعندها وقت تشتغل فيه
اوك معنديش اى مانع
وبما ان ده مستحيل هيستمر وهيحتاج منها مجهود بعد كده
عشان توفق بين البيت وشغلها
فهتبطل لواحدها



بس انا محبهاش مثلا تشتغل
فلو هفرض عليها انها تقعد
وده مرفوض انى افرض حاجه عليها

لان بعد كده الولاد هيجبروها ع القعاد عشان تحافظ ع اول سبب وهوه البيت اولا وده اهم حاجه
فمستعجلش على حاجه



لكن لو انا عايز اقعدها م الاول يبقى لازم اشوفلها البديل

مينفعش انا اخرج اشتغل
واجى تعبان ويمكن مخرجهاش كل يوم وفتره قعادى معاها تبقى قليله لظروف الشغل
وهيه قاعده ف الشقه لواحدها يدوبك بتكلم دى ف التليفون ولا بتنضف ولا بتطبخ
مش كل يوم هتعمل كده
ولو عملت كده هيجى اليوم اللى تزهق فيه

يبقى لازم اشوفلها البديل
البديل ممكن يكون صيدليه وتديرها

او على حسب الوقت ساعتها البديل هيبقى ايه
ويناسبها ايه ساعتها

[lamiaa]

ما شاء الله موضوع فعلا مهم

انا مقدرتش اختار موافقة او معارضة ولا مش فارقة

انا زمان كنت بقول لا مش عايزة اشتغل خالص وبيتى اهم
ومازلت طبعا بقول ان البيت اهم طبعا

بس رجعت فكرت تانى وقلت لو مثلا هشتغل شغل خفيف افيد بيه مجتمعى واخدم بيه الناس
وممكن اساعد زوجى بيه يبقى ايه المشكلة طالما زوجى موافق وراضى وطبعا يكون العمل مش فيه اختلاط كتير

واكيد طبعا يكون مش هياثر ع بيتى واولادى باذن الله

فهى حسب الظروف باذن الله وحسب الاتفاق برده

اهم حاجة كل واحدة فينا تراعى زوجها وبيتها اولا ومش تقصر ف حقهم
وبعد كده تراعى شغلها وبرده مش تقصر فيه

جزاكى الله خير ع الموضوع بجد....

[chocolata]

اولا شكرا ليكى على طرح الموضوع من خلال نظرة سريعه على المساركات انا
هقول برده نفس الكلام

انا بصراحه معنديش مانع انها كتون عامله طالما انها تسيتطيع انها تتحمل مسئوليه البيت مع ذلك والحمد لله نساء كتير نجحوا فى دا وفى تانيين بيتفرغوا تماما للتربيه ودى بحد ذاتها بتبقى رساله كامله هم بيفضلوها وبيحطوها فى المقام الاول والاخير ولهم كل الاحترام برده المهم ان الرجل ميعارضش رغبه المراة فى كده طالما مفيش تقصير واتمنى انها تلاقى منه التشجيع لما تحب انها ترجتعمل لو كانت اتنقطعت عن العمل من اجل البيت

[same7]

لكن لو انا عايز اقعدها م الاول يبقى لازم اشوفلها البديل

يبقى لازم اشوفلها البديل
البديل ممكن يكون صيدليه وتديرها

او على حسب الوقت ساعتها البديل هيبقى ايه
ويناسبها ايه ساعتها

بالنسبه للنقطه دى

مجرد نزولها الصيدليه وانها مشاركه حاجه
ده هيحل مكان الشغل بالنسبه ليها

وفكره ان الحاجه " الصيدليه " بتاعتها
ده هيحدد نوع التعامل زى ما هيه تحدد

مش زى ما رئيسها يحدد لو شغاله عند حد
واكيد هيه هتحدد التعامل بالشكل اللى يرضينى


وكمان انى اعوضها بالوقت اللى موجود معاها فيه عن الملل او الزهق بتاع باقى اليوم


اى حل ممكن
بغرض انه يبعدها عن حاله الملل

[Dr/HULK]

الموضوع كله واقف على نوع ومواعيد العمل

يعنى مثلا أنا مش هنزل زوجتى تشتغل فى صيدلية حد مهما كان بقى مين الحد ده

دا لو كانت صيدلانية

وطبعا لو بتشتغل فى الدعاية يبقى من رابع المستحيلات ان الموضوع هيتم أساسا لو فضلت متعلقة بعملها

لو مدرسة أو حاجة يبقى كفاية عليها مدرستها ومفيش حاجة اسمها دروس

فى الاغلب العمل اللى ممكن يسمح بيه للزوجة هو العمل الحكومى لأن مواعيده ثابته وأجازاته معروفه أو يكون عمل خاص بيا أو بيها أو بأسرتها أو أسرتى غير كده هيبقى الموضوع صعب

[تابعة محمد]

بسم الله الرحمن الرحيم
طب بصوا ......... الحقيقة انا معرفش .
بس على الاقل لو ربنا اكرمنى ، اكيد الشخص الى هيتقدم ليا ، الاول هساله هو رايه ايه ؟
لو كان رايه متفتح و مطلع على الدنيا ومش قفل زى مابيقولوا او متعصب او عايز شغالة ، اكيد ساعتها القرار هيكون راجع للظروف المعيشية ، يعنى لو قدرت كان بها و لو مقدرتش اوفق يبقى خلاص مش لازم .

اما لو الراجل الى هيتقدم حسيت انه متزمت و كل حاجة لأه ، فمن الاول الشخص مرفوض .

بمعنى تانى هتكون كشريط اختبار علشان افهم طريقة تفكير الى قدامى .

بعيد عن الجواز ........ انا شخصيا من خلال وقفتى فى التدريب حبيت وقفة الصيدلية ، واعتقد من الصعب انى مش اشتغل خصوصا فى مجال الصيدلة المجتمعية ......
-----

بالنسبه للنقطه دى

مجرد نزولها الصيدليه وانها مشاركه حاجه
ده هيحل مكان الشغل بالنسبه ليها

وفكره ان الحاجه " الصيدليه " بتاعتها
ده هيحدد نوع التعامل زى ما هيه تحدد

مش زى ما رئيسها يحدد لو شغاله عند حد
واكيد هيه هتحدد التعامل بالشكل اللى يرضينى


وكمان انى اعوضها بالوقت اللى موجود معاها فيه عن الملل او الزهق بتاع باقى اليوم


اى حل ممكن
بغرض انه يبعدها عن حاله الملل

عاجبنى جدا ان حضرتك مراعى ظروف زوجتك المستقبلية ، و مش فرضت عليها رايك لكن حطيت ليها كمان حل فى المقابل ....
و ده شئ مهم جدا فى العلاقات بين الناس ....... مهم جدا مرعاة شعور الاخرين .

[Pharmcist_girl]

اولا شكرا لمشاركتكم الرائعة

بسم الله الرحمن الرحيم
طب بصوا ......... الحقيقة انا معرفش .
بس على الاقل لو ربنا اكرمنى ، اكيد الشخص الى هيتقدم ليا ، الاول هساله هو رايه ايه ؟
لو كان رايه متفتح و مطلع على الدنيا ومش قفل زى مابيقولوا او متعصب او عايز شغالة ، اكيد ساعتها القرار هيكون راجع للظروف المعيشية ، يعنى لو قدرت كان بها و لو مقدرتش اوفق يبقى خلاص مش لازم .

عايزة اقول ان الراجل اللى يرفض شغل زوجته مش معناه خالص انه راجل زى ما قلت كمصطلح قفل او متعصب كل واحد عنده قناعات ولازم تحترم

اما لو الراجل الى هيتقدم حسيت انه متزمت و كل حاجة لأه ، فمن الاول الشخص مرفوض .

بمعنى تانى هتكون كشريط اختبار علشان افهم طريقة تفكير الى قدامى .

بعيد عن الجواز ........ انا شخصيا من خلال وقفتى فى التدريب حبيت وقفة الصيدلية ، واعتقد من الصعب انى مش اشتغل خصوصا فى مجال الصيدلة المجتمعية ......
-----