قصيده - الفيس

**Mimo Atef** · 17-05-2011, 11:56 PM

بما ان اغلبنا ع الفيس من زمان ف انا كتبت القصيده دى
عشان اعبر عن اللى بيحصل

ماوسى زهق
كفاية لايكات
كيبوردى طهق
كفاية كومنتات
فين ايام زمان
جروبات وبوستات زمان
الألش بقى العنوان
والنكت تخنق كمان

تلاقى النوتيفكاشن مليانه
بكل كومنت ومش شبعانه
كان زمان تقفِّل الكومنتات
تبدأ الكلام بالهايات
تنهيه بكلام مليان اهات
او حبه كلام وسلامات
توصل ل تسعه وتسعين
اكنك مفتحتوش من سنين
وانت عامله بقالك يومين

تلاقى صاحبك عاملك تاج
ف صورته اكنه لابس تاج
وفرحانلك بحتة باج
تقوله جامد يا واد
يرد عليك بعناد
ده شغل الكاب
ونضارة عمك جاد

تلاقى طلب الادد
خير العدد زاد
تدوس بوشّ جاد
وبرده يطلعوا ولاد
وتبقى ساعتها ماد
تبعتلها طلب ادد
تعملك اجنور
اكنها شافت طور
اوعيل مغرور
او تطلع فرفور
تبعتلها مسج حابب نتعرف
متخافيش بيكى هتشرف
اصل جمالك جننى
وبروفايلك مش فاهمنى
المفروض متعبرهاش
و تقولها يا حواش
وتضربلها الطناش
ماهى فاكراك هواش

البورد بقت دوكات
والجروبات ليها شاتات
زهقنا من الايفنتات
كرهنا كتر الاتندات
و برده بيجيلنا مسجات
اخترعولنا البووكات
عملولنا بيدجات
فتحولنا الوولات
كومنتات كل البوستات
اكس دى وشوية اسميلات
وتلاقى كمان هههه او هاهات
وبيدجات حب وكلمات
و أحلى حكى وأهات
ولا كمان الحوارات
ولاد عاملين بنات
قاعدين عليه بالساعات
خانقين ماما وال اخوات

عملو جروب التفييس
وكله هيبقى ع الفيس
هنقضيها كلنا تهييس
وهنسيب الدنيا تهيص
مش عايزين غير الفيس
مش عايزين غير الفيس

Mimo Atef

**same7** · 18-05-2011, 01:29 AM

مش عايزين غير الفيس

تسلم يا غالى

**Mimo Atef** · 18-05-2011, 01:52 AM

المشاركة الأصلية كتبت بواسطة same7

مش عايزين غير الفيس

تسلم يا غالى

مش عايزين غير الفيس
تسلملى انت يا كبير

**A.Elrayes** · 19-05-2011, 07:33 PM

الفكره حلوه بس اكيد ده مش شعر......
لانه مينفعش يكون شعر
تقبل مروري

**Sara Saso** · 19-05-2011, 10:59 PM

ههههههههه حلوة
وده حال الكل

**Mimo Atef** · 20-05-2011, 02:17 PM

المشاركة الأصلية كتبت بواسطة A.Elrayes

الفكره حلوه بس اكيد ده مش شعر......
لانه مينفعش يكون شعر
تقبل مروري

اولا انا مش قصدى بيها انها شعر
ممكن تقول دردشه مع نفسى
انا كتبتها و مش عارف اصلا نوعها ايه
و عموما انا اصلا مبعرفش اكتب شعر
و اترددت كتير على ما احطلها اسم

الموضوع ككل انها فكره جات ف بالى
هوا الشعر ينفع يتحط فيه كلام بالانجليزى اصلا

شكرا على اهتمامك
-----

المشاركة الأصلية كتبت بواسطة Sara Saso

ههههههههه حلوة
وده حال الكل

شكرا على مرورك

**AbU ElKhAiR-Let`s Go** · 29-05-2011, 02:17 PM

فكره جميله ومعبر

تسلم على الكلام ده

**M.Hegazy** · 29-05-2011, 04:15 PM

أضحك الله سنك يا فتى ..

تحبيكة زي الفل و الله ..

في انتظار جديدك دائما ..

تقبلي مروري و تحياتي ..

Dr/ M.Hegazy

الموضوع: قصيده - الفيس

أدوات الموضوع

عرض

قصيده - الفيس

ضوابط المشاركة