حقك عليا

[صاحبة القلم الحائر]

حقك عليا يا صديقة عشقت روحها وعشت ليها

خدتنى دنيتى منك بس عمرى ما نسيتك واسأليها

اسألى روحى اللى بتسأل عليكى واللى كنتى بتقويها

فاكرة كلامنا وهزارنا وضحكنا ع الشوارع واللى فيها ؟

عينى مشتاقة ليكى مشتاقة تلمحك أو تلمحيها

همومى كترت عليا عايزاكى عنى تبعديها

دموعى على خدى سايلة مستنياكى تمسحيها

وروحى جوايا تايهة ياريت تيجى تطمنيها

ياريت ما تنسيش انسانة رافضة فى يوم تودعيها

عايزاكى دايما معاها وفى بعدها تكلميها


أنا عارفة انها مش قوى بس بصراحة أنا كان جوايا حزن عايزة أخرجه فياريت تستحملونى شوية

[M.Hegazy]

يا الله يا دكتورة .. رائعة جدا جدا جدا .. حضرتك بتعرفي توصفي إحساسك بالكلمات قوي ..

معبرة جدا و حزينة جدا و رائعة جدا .. تسلم إيدك بجد .. أبدعتِ فأمتعتِ ..

و خمس نجوم طبعا مفيش فيها كلام ..

و ربنا يجمعك بأحبتك و لا يفرقك عنهم أبدا يا رب ..

و على فكرة يا دكتورة .. حضرتك ليكي مستقبل مشرق في الشعر إن شاء الله و إنتي كمان من الموهوبين جدا ( ربنا يحفظك ) .. و ما شاء الله عليكي بحس بثبات و إتقان شديد في كلماتك و في تصويرك .. بجد موهوبة .. ربنا يديمها عليكي نعمة و إن شاء الله نشوفك على التلفزيون قريب ..

تحياتي ..

Dr/ M.Hegazy

[egyptian and proud]

بسم الله ماشاء الله يادكتوره
بجد جميله اوي

[صاحبة القلم الحائر]

يا الله يا دكتورة .. رائعة جدا جدا جدا .. حضرتك بتعرفي توصفي إحساسك بالكلمات قوي ..

معبرة جدا و حزينة جدا و رائعة جدا .. تسلم إيدك بجد .. أبدعتِ فأمتعتِ ..

و خمس نجوم طبعا مفيش فيها كلام ..

و ربنا يجمعك بأحبتك و لا يفرقك عنهم أبدا يا رب ..

و على فكرة يا دكتورة .. حضرتك ليكي مستقبل مشرق في الشعر إن شاء الله و إنتي كمان من الموهوبين جدا ( ربنا يحفظك ) .. و ما شاء الله عليكي بحس بثبات و إتقان شديد في كلماتك و في تصويرك .. بجد موهوبة .. ربنا يديمها عليكي نعمة و إن شاء الله نشوفك على التلفزيون قريب ..

تحياتي ..

Dr/ M.Hegazy

أنا مش قد الكلام الجميييييل ده يا دكتور حجازى
كل اللى بعمله انى بكتب اللى بحسه
وعمر ما كان هدفى انى اكون مشهورة كشاعرة
أنا اساسا بكتب ومفيش حد من أهلى يعرف الموضوع ده
ربنا يكرمك يا دكتور
دايما بتشجعنى وبتزود ثقتى فى كتاباتى
شرفت التوبيك

-----

بسم الله ماشاء الله يادكتوره
بجد جميله اوي

ميرسى أوى يا دكتورة
ربنا يكرمك نورتى التوبيك

[الملاك الضاحك]

ايه الكلام الحلو ده
بس ليه الحزن ده كله ربنا يسعدك يا حبيبتى
وتعيشى انتى وصديقتك دى فى سعاده دائمه
جزاكى الله خيرا

[thunder sky]

ماشاء الله عليكى جميله جدا ربنا يوفقك

[صاحبة القلم الحائر]

ايه الكلام الحلو ده
بس ليه الحزن ده كله ربنا يسعدك يا حبيبتى
وتعيشى انتى وصديقتك دى فى سعاده دائمه
جزاكى الله خيرا

ربنا يكرمك يا قلبى
واكيد انتى عارفة أنا كتبتها لمين وليه
ربنا يبعد عننا الحزن وأنا عارفة انك مضايقة منى
لأن كتاباتى كلها حزينة ان شاء الله هحاول اكتب حاجة فيها بهجة
نورتى يا عمرى

-----

ماشاء الله عليكى جميله جدا ربنا يوفقك

شرف ليا والله انك تردى على كتاباتى
جزاكى ربى خيرا

[* lovely heart *]

مين دى هااااااااااا ايه ياصاحبتى

مين دى اللى انتى مشتقالها وعينيكى مشتاقة ليها ؟؟؟؟؟؟؟؟

خلاص ماشى نتفاهم فى الموضوع دة بعدين عشان محدش ياخد باله

بجد ياقلبى مش عارفة اقولك ايه على الخاطرة الجميلة دى
انتى بسم الله ماشاء الله عليكى

ربنا يبارك فيكى يارب
وانتى احساسك جميل جدااااااااا يابيرو والله
وكمان بتوصليه بطريقة وتنسيق كلمات فى غاية الروعة
مش عارفة اقدرك بجد

ربنا يحميكى من كل شر وعين ويوفقك لما تحبه وترضيه

تقبل تحياتى لكى لقد رفعة راية الاستسلام امامك

[صاحبة القلم الحائر]

مين دى هااااااااااا ايه ياصاحبتى

مين دى اللى انتى مشتقالها وعينيكى مشتاقة ليها ؟؟؟؟؟؟؟؟

خلاص ماشى نتفاهم فى الموضوع دة بعدين عشان محدش ياخد باله

بجد ياقلبى مش عارفة اقولك ايه على الخاطرة الجميلة دى
انتى بسم الله ماشاء الله عليكى

ربنا يبارك فيكى يارب
وانتى احساسك جميل جدااااااااا يابيرو والله
وكمان بتوصليه بطريقة وتنسيق كلمات فى غاية الروعة
مش عارفة اقدرك بجد

ربنا يحميكى من كل شر وعين ويوفقك لما تحبه وترضيه

تقبل تحياتى لكى لقد رفعة راية الاستسلام امامك

ربنا يكرمك يا لولو على كلامك الجميييييل ده
أنا كتبتها لأعز وأغلى صديقة عندى هيا للأسف مش معايا فى الكلية بس أنا أهملتها الفترة الأخيرة غصب عنى
فكتبتلها دى عشان تغفرلى اهمالى ليها
ربنا يكرمها ويجازيها كل خير
نورتى التوبيك يا قلبى وشكرااا مرة تانية على كلامك الجمييييييل

[Dr_Cinderellaaaaa]

ما شاء الله..
رائعة جدا جدا يا قلبى..
ومعبرة جدا جدا..
سلمت أناملك وربنا يخليكى لينا..
تقبلى مرورى