نتيجة انتخابات اتحاد الطلاب للفرقة التالتة

**نور العين** · 31-03-2011, 07:58 PM

ألف مليون مبروك
وبالتوفيق للجميع

**Dr snow white** · 31-03-2011, 08:22 PM

ألف ألف مبروك لأول اتحاد يمثلنا بجد وربنا يوفقكم

**mohamed adel** · 31-03-2011, 08:53 PM

الف مبروك للناس اللي نجحت ( وخصوصا ضياء حبيب قلبي وكسبة ومازن وخالد زيادة اللي خايف يحصلهم حاجة من الحسد وطبعا الشامي الراجل الطيب المحترم اللي مهما اكلمت عليه مش هيكفي اوصفه ) وهارد لاك للناس اللي خسرت بمن فيهم انا (هههههههههههههه) بس والله يا جماعة انا فرحان بالرغم من الهزيمة لاني كسبت حاجات كتير من التجربة دي كسبت اصحاب كسبت خبرة كسبت معرفة واكتر حاجة فرحتني ان القوايم كلها كانت قاعدة تهزر مع بعض والناس كلها كانت عارفة ان النتيجة كده كده هتبقي حلوه لان كل اللي كانوا متقدمين كانوا محترمين وان شاء الله هيكونوا قد المسؤولية وعاوز اقول في الاخر للناس اللي خسرت ما تزعلش وما تفتكرش ان الناس اللي عاوزينك قليليين هو السبب في خروج ناس كتير بالرغم انها محبوبة هو عدم الخبرة في الانتخابات واديكوا اتعلمتوا من الهزيمة وان شاء الله السنة اللي جاية تحاولوا بخبرة اكبر

**Wagdy*Resala** · 31-03-2011, 08:54 PM

السلام عليكم و رحمة الله و بركاته

مبروك لكل أعضاء الاتحاد و ربنا يوفقهم جميعا

كنت عاوز اعرف رأي الفرقة فى ادارة انتخابات اتحاد الطلاب الفرقة الثالثة

يعني السلبيات و الايجابيات و اي اقتراحات تانية تهدف

لتسهيل العملية الانتخابية المرة القادمة

الطالب / محمد وجدي ناجي
عضو لجنة الاشراف على انتخابات اتحاد الطلبة

**raghda** · 31-03-2011, 08:54 PM

ألف مليوووووووووووووووووووووووووووون مبرووووووووووك
لكل اللي كسبواوخصوصا

حبيبه قلبي زينب بدارن

اللي هطلعنا أول رحله ببلاش

عادي بدبسها علي المنتدي

بجد كانت تجربة أكثر من رائعه
ورغم إني ما كسبتش
بس فرحانه جدا
وجمعت فيها ذكريات جميله
وبجد من أجمل أيام عمري في الكليه

ومليوووووووووووووووووووووونمبرووووووووووووووووك
لميلاد الحرية في كليتنا حبيبتنا

-----

بالنسبة لسؤال دكتور محمد
بسم الله ماشاء الله
كلمة حق :حضرتك نعم العضو وشخص محترم جدا
ربنا يكرمك ويوفقك.

ممكن إقتراح إن يكون فيه لجنه إنتخاب للطلبة ولجنه أخري للطالبات
لأن الزحمة أمام اللجنه كانت صعبه
مع إننا حاولنا علي قد ما نقدر ننظم البنات.
وجزاكم الله خيرا

**kakato** · 31-03-2011, 10:12 PM

mabroooooooooooooook lelninooooooooooooo
aw elqaisaaaaaaaaaaaaaaaaaaaar
aw elna2eb elgadeeeeeeeeeeeeeeeed

**Retag** · 31-03-2011, 11:00 PM

الف مبروووووووووووووووك

**blue sky** · 31-03-2011, 11:08 PM

الف مبروك ليكو جميعا وبجد انا مبسوطه لكو كلكو حتي اللي مختارتهومش بس بجد كلكو اشخاص كويسين جدا ومحترمين وروحكو حلوه وتقبلكم للنجاح او الخساره جميل
وان شاء الله تتعوض مع اللي مش كسبو ويارب اللي نجحو فيها يكونو اد المسئوليه بجد
ومش هنسي دور الديزاينر بتاع اعرف حقك لان بجد شغل جامد جدا جدا وعالي اخر حاجه
dr kakato
وبالتوفيق لكم جميعا

**lavandula** · 01-04-2011, 01:10 AM

مليون مبرووووووووووووووك لكل اللى نجحوا فى الانتخابات ومبروك علينا اول اتحاد حر
واول انتخابات نزيهه فى كليتنا
بجد حاجه تفرح مش بس اننا بقى لنا اتحاد يمثلنا لا بقى لينا كمان راى فى كليتنا

-----

المشاركة الأصلية كتبت بواسطة Wagdy*Resala

السلام عليكم و رحمة الله و بركاته

مبروك لكل أعضاء الاتحاد و ربنا يوفقهم جميعا

كنت عاوز اعرف رأي الفرقة فى ادارة انتخابات اتحاد الطلاب الفرقة الثالثة

يعني السلبيات و الايجابيات و اي اقتراحات تانية تهدف

لتسهيل العملية الانتخابية المرة القادمة

الطالب / محمد وجدي ناجي
عضو لجنة الاشراف على انتخابات اتحاد الطلبة

بجد يا دكتور محمد الاشراف كان اكتر من نزيه والمعامله كانت اكتر من رائعه ما سمعتش اى شكوى من اى حد من زميلى والكل كان بيشكر فى الاداره و الاشراف

**Mai Mostafa** · 01-04-2011, 01:29 AM

أنا فعلا عايزة أهني زينب بدران اللي كانت منافسة جامدة جدا جدا جدا، وبقولها ربنا يعينك عليا في طلباتي ، أصل أنا هاطلب و هارخم

،،
وماتنسيش إني أنا كمان كنت منافسة جامدة وفرق الأصوات كان قريب،، خافي مني بقى السنة الجاية إن شاء الله

وتحية خاصة لـ كاكاتو اللي عملنا أحلى شغل في التصميمات اللي كانت واكلة الجو وكانت سبب في نجاح قائمة إعرف حقك،،
مبروووك لكل الكسبانين، و بشكر كل الناس اللي صوتتلي و وقفت جنبي

الموضوع: نتيجة انتخابات اتحاد الطلاب للفرقة التالتة

أدوات الموضوع

عرض

مبروك لأول إتحاد حر في مصر

ضوابط المشاركة