أسطــورة حياتي (بقلمي)

[Al-Shaimaa]

أسطورة حيــــــــــــــــــــــــــــــــــاتي

يــــــا رجل بدّل عندي أيــــــــام عيدي
يــــا رجل سكن شرياني قبــــل وريدي
يـــــا رجل جعل من أحلامي عالم حقيقي
يــــــا رجل اضاء كل دروب حيـــــــاتي
نزع الشوك من طرقـــــــــــــــــــــــاتي
مــــــــلأ حياتي بالبسمــــــــــــــــــــــات

يـــــــــــــــا رجل توجني امـــــــــــــيرة
واذا غــــــــــــــــاب عني أكون مريضة
يصيبني داء الــــــبعد والــــــــــــــفراقِ
داء ليس لــه ســـــــــــــــــــــواه دواء

يـــــــــا رجل علمني نطق الــــــــــــــــــكلمات
علمني نظم الشــــعر وعزف المقطوعــــــــات
يــــــــا رجل بــِتُ مــــــــبدعه بـــــــــــــــهواه

يـــــــــــا رجل لا يفارقني في صحوي ولا أحلامي
يــا رجل تمكن من داء قلبي كما تمكن من الــشفاءِ
يـــــــا رجل علمني استخدام الألـــــــــــــــــــــوانِ
ومن وقتها لم أتوقف عن رسم ملامحه في السماء

يا رجل اجلس في شرفتي كي أحدث عنه النجمات
ليس هناك من نجمه لا تعرف عنه حــــــــــــكايات
حتى الطــــــــــــير والـــــــــــــــــــــــــــــشجرات
بــــــــــــــــتن يرددن عنه روايـــــــــــــــــــــــات

يــــــا رجل بــــــــــــات في حياتي الأســـــــطورة
ومن ســـــــواه فيها ليسوا ســــــــــــوى صورة
يـــــــــــــا رجل بــــــــــكل معاني الــــــــــكلمات
يـــــــا رجل نـــــــبل وشهامـــــــة وشبـــــــــاب
يــــــــا رجل حب وحنــــــــــــــان و امـــــــــــان
يـــــــــا رجل اوقـــــــــــــعني في الـــــــــــــــحب
بــــــــــــعد ان كنت اعتزلت الــــــــــــــــــــــغرامِ


بقلمي

S.S

[ريحانة الجنة]

ماشاء الله يادكتورة
كلمات رائعة
سلمت يداكى
وفى انتظار المزيد

[Al-Shaimaa]

ماشاء الله يادكتورة
كلمات رائعة
سلمت يداكى
وفى انتظار المزيد

ربنا يكرم حضرتك يا دكتورة
وسلمكِ الله

بس انا عارفة ان مستوى الكلمات دي اقل من اللي كتبته قبلها
لكن طلبوا مني عمل حصري ينشر على المنتدى
عموما جزاك الله كل خير على ردك
ونورتيني

[eeeman]

حلوة اوى اوى اوى اوى يا مشمش ومش اقل ولا حاجة من اللى فات
with my best wishes

[friend]

بجد قصيده تحفه ورائعه جدااااااااااا

[COLOR=Purple]أسطورة حيــــــــــــــــــــــــــــــــــاتي[/COLOR

يـــــــــــا رجل لا يفارقني في صحوي ولا أحلامي
يــا رجل تمكن من داء قلبي كما تمكن من الــشفاءِ
يـــــــا رجل علمني استخدام الألـــــــــــــــــــــوانِ
ومن وقتها لم أتوقف عن رسم ملامحه في السماء

ِ

والابيات دى مش قادره اوصفلك عجبانى اد ايه

[روميساء]

جميله جدا يا مشمش
دى تحفه مين قال انها اقل بالعكس راااااااااااااائعه
والف الف الف مليووووووووووووون مبروك ليكى النجاح
ولكل دفعه اعدادى
دعواتك معانا

[Al-Shaimaa]

حلوة اوى اوى اوى اوى يا مشمش ومش اقل ولا حاجة من اللى فات
with my best wishes

ربنا يكرمك يا دكتورة
اسعدني رأي حضرتك بجد
ودايما منوراني بتعليقاتك ومرورك الرائع

بجد قصيده تحفه ورائعه جدااااااااااا


والابيات دى مش قادره اوصفلك عجبانى اد ايه

متشكرة لرأي حضرتِك جداااااااااااااااااااااااً
واعجبني من تلك الابيات انها راقت لكي

جميله جدا يا مشمش
دى تحفه مين قال انها اقل بالعكس راااااااااااااائعه
والف الف الف مليووووووووووووون مبروك ليكى النجاح
ولكل دفعه اعدادى
دعواتك معانا

جزاكِ الله كل خير
حقيقي ردود حضراتكم هي اللي بتشجعني انزل اعمال تاني على المنتدى

والله يبارك في حضرتك
وبدعيلكم كلكم بالنجاح
وان شاء الله تكون نتيجة مرضية ومفرحة

[asfourelgana]

لكن طلبوا مني عمل حصري ينشر على المنتدى
عموما جزاك الله كل خير على ردك
ونورتيني

ميرسي يا مشمشه جزاكى الله خيرا يا حبي

بالنسبه للقصيده جمييييييييله

ومش اقل ولا حاجة

ده انا حسيت في جزء منها بحاجة من بتوع نذار

بس احنا كنا عايزين الانفراد في البرنامج

بس يللا ملحوقه وكويس انك قولتي انها انفراد

سلمت يداكِ يا قمر

وتقبلي مروري

[Al-Shaimaa]

ميرسي يا مشمشه جزاكى الله خيرا يا حبي
وجزيت بالمثل حبيبتي في الله

بالنسبه للقصيده جمييييييييله

ومش اقل ولا حاجة

ده انا حسيت في جزء منها بحاجة من بتوع نذار
كمــــــان نزار؟
مش واسعة شوية دي يا دودو؟

بس احنا كنا عايزين الانفراد في البرنامج

بس يللا ملحوقه وكويس انك قولتي انها انفراد
انتِ اصلا لسه مذيعة مبتدئة ومش عارفة توضحي الاسئلة كويسة للضيوف بتوعك
بس مذيعة زي القمر
سلمت يداكِ يا قمر
سلمكِ الله
وتقبلي مروري

ده شرف ليا تعليقك على كلماتي
ربنا يكرمك على رأيك وتعليقك

[M.Hegazy]

السلام عليكم و رحمة الله و بركاته ..

أولا : بأشكرك على الانفراد اللي خلتينا نحظى بشرفه ..
ثانيا : نيجي بقى للجد .. و ننقد هذا العمل نقدا كاملا و شاملا ..

أسطورة حيــــــــــــــــــــــــــــــــــاتي

العنوان بسيط و غير مبتذل يجهز القارئ نفسيا لمحتوياته .. يعني أنا دلوقتي بعد ما قرأت العنوان .. مستني أشوف حاجة أسطورة سواء قصة أو حدث أو حتى شخصية ..

يــــــا رجل بدّل عندي أيــــــــام عيدي
يــــا رجل سكن شرياني قبــــل وريدي
يـــــا رجل جعل من أحلامي عالم حقيقي
يــــــا رجل اضاء كل دروب حيـــــــاتي
نزع الشوك من طرقـــــــــــــــــــــــاتي
مــــــــلأ حياتي بالبسمــــــــــــــــــــــات
البيت الثالث لوحده جميل لكنه مع البقية لا يناسب المحتوى و لا يتماشى مع القافية .. و ملحوظة بسيطة وجب عليكي البدأ ب رجلاً و ليس رجل .. لأنه أتى بعد أداة نداء " يا " .. استخدام حرف الواو ( و هو حرف عطف ) في البيت الخامس لتحقيق التوازن و تقوية المعنى ..

يـــــــــــــــا رجل توجني امـــــــــــــيرة
واذا غــــــــــــــــاب عني أكون مريضة
يصيبني داء الــــــبعد والــــــــــــــفراقِ
داء ليس لــه ســـــــــــــــــــــواه دواء
أنا كده محتار .. هوا حضرتك كاتبة شعر و لا خاطرة ( نثر ) !!!

يـــــــــا رجل علمني نطق الــــــــــــــــــكلمات
علمني نظم الشــــعر وعزف المقطوعــــــــات
يــــــــا رجل بــِتُ مــــــــبدعه بـــــــــــــــهواه
عجبني التشبيه هنا .. حيث قامت الشاعرة بإيصال هذا المعنى بأنها أصبحت فنانة تجيد الكلام و الشعر و العزف و الأجمل أنها أصبحت تجيد الإبداع و التجديد في الهوى ..

يـــــــــــا رجل لا يفارقني في صحوي ولا أحلامي
يــا رجل تمكن من داء قلبي كما تمكن من الــشفاءِ
يـــــــا رجل علمني استخدام الألـــــــــــــــــــــوانِ
ومن وقتها لم أتوقف عن رسم ملامحه في السماء
تدفع هذه الأبيات إلى لفت النظر أن هذه الشخصية تسطير على تفكير الشاعرة صبح مساء في الصحو و حتى في المنام و لكن الجميل هنا أنها تسطير سيطرة إيجابية بحيث تدفع الشاعرة إلى الإبداع ..

يا رجل اجلس في شرفتي كي أحدث عنه النجمات
ليس هناك من نجمه لا تعرف عنه حــــــــــــكايات
حتى الطــــــــــــير والـــــــــــــــــــــــــــــشجرات
بــــــــــــــــتن يرددن عنه روايـــــــــــــــــــــــات
أجمل مقطع ف القصيدة بأكملها .. لا بد أن نفهم من سياق هذا الحديث أنه رجل يستحق الذكر .. حتى يصل الحال بشاعرتنا لتحدث عنه النجوم و لربما أرادت بالحديث عن النجوم أن توصل لنا قدره و مكانته عندها و هي بالطبع مكانة عالية جدا .. و احتواء الكلام بين طياته على الطير و الشجر يشير غلى أنه شخصية جميلة بطبعها و هيئتها .. هاديء متزن و رزين .. لا يحب الصخب و يهوى الهدوء .. بالإضافة إلى أنه شخصية بسيطة و ليست ساذجة كما أنه غير متكلف و لا يتصنع و لا ينافق .. شخصية شفافة جذابة تخطف العقول و الألباب ..

يــــــا رجل بــــــــــــات في حياتي الأســـــــطورة
ومن ســـــــواه فيها ليسوا ســــــــــــوى صورة
يـــــــــــــا رجل بــــــــــكل معاني الــــــــــكلمات
يـــــــا رجل نـــــــبل وشهامـــــــة وشبـــــــــاب
يــــــــا رجل حب وحنــــــــــــــان و امـــــــــــان
يـــــــــا رجل اوقـــــــــــــعني في الـــــــــــــــحب
بــــــــــــعد ان كنت اعتزلت الــــــــــــــــــــــغرام

بالطبع بعد كل ما استنجناه من الأبيات السابقة فها هي الأسطورة .. فهو الأصل في كل شيء و ليس له شبيه أو حتى قريب منه .. و بالطبع فهذه صفات الأسطورة


بقلمي

S.S

فيها حاجات جميلة لكن .. مستواكي أكبر و أفضل من كده .. أرجو إنك تعيدي النظر فيها .. عشان هيا لو شعر مينفعش فيها غير المقطعين اللي اتكلمت فيهم .. أما لو نثر أو خاطرة فهي ممتازة ..

اعذريني على كلامي .. فأنا صريح و لا أحب المجاملة ..

و منتظر عملك القادم بفارغ الصبر .. و أنا متأكد من إنه سيكستني و لن استطيع التعليق عليه ..

سلمت يمينك و دمتي مبدعة و دام قلمك المتألق ..

تقبلي تحياتي .. و شكرا لحضرتك ..