الجدول النهائي للفصل الدراسي الثاني - الفرقة الرابعة 2011

[Anas]

والسكاشن الساعة 8 الصبح

انا عندي تلات أيام الساعة 8 الصبح ... و يومين الساعة 9 الحمد لله

[AhmadRaed]

هو انا عارف إن ردي مش هيعجب حد
بس توكلنا ع الله

موضوع السكاشن ده معمول بيه من زمان و إتغير بس على أيامنا
و التغيير بيكون للأفضل من حيث العملية التعليمية مش الأفضل لينا شخصياً .. يعني مش هنغيير المواعيد علشان ما نصحاش بدري

السكاشن كل أسبوع دي بهدلة للمعيدين أكثر منا على فكرة .. السكشن بتاعنا كان بيكون 5 ساعات و نمشي بعد ساعتين ثلاثة و الباقي المعيدين يريحوا .. دلوقتي إحنا هنخلص و هما هيكملوا شغل على السكشن اللي بعده.

و موضوع الصناعية الحمد لله إتعدل مع إننا هنبقى الصبح بس ده العدل ..

أظن المشكلة الكبيرة هي إن عدد الطلاب كبير أوي و لازم نستحمل بعض .. هنعمل إيه !!!

حاجة تانية الناس اللي بتحضر محاضرات - و ده الأصل في الكلية العملية بتاعتنا - مش هيفرق معاها الجدول ده بس الناس اللي بتحضر سكاشن بس هي اللي نظامها و نظام يومهم هيتغيير تماماً

و أظن إن الأصل هو الحضور )
طبعاً كل واحد حر في طريقة التعليم اللي هو عايزها ... انا مش بأقول على حد غلطان لا سمح الله .. بس الأولى إن الكلية تعدل الجدول حسب الأصل مش حسب الإسنثتاء

ده يا جماعة رأيي الشخصي بس

لكن لو الأغلبية عايزة الجدول يتغير يبقى لهم الحق

[رقة القلب]

هو اللى معاه الجدول القديم يقسمه من عند الساعة واحده ويخلى اللى الصبح بعد الضهر والعكس صحيح
ربنا يسهل يارب

[Anas]

هو اللى معاه الجدول القديم يقسمه من عند الساعة واحده ويخلى اللى الصبح بعد الضهر والعكس صحيح
ربنا يسهل يارب

تمام كده ... حصل اللي كان المفروض يحصل

و ان الجدول يتبدل بين المجموعتين كل ترم

[صيدلانية*]

شكرااااااا لجهودكم
كان متوقع ان النظام صعب يتغير
ربنا يعينا جميعا وييسر لنا امورنا

[Pharmcist_girl]

شكرا ليك يا دكتور

و الحمد لله

على العموم ده اخر ترم لينا فى الكلية

وان شاء الله يكون ترم سعيد علينا

[cendrella]

احسن حاجة فثي الجدول ده انه بيحقق الغرض الاساسي في سنة رابعة
وهو اننا نفضل اطول مدة ممكنة في الكلية مش ورانا حاجة


عندي سؤال لجروب ب
انتو كنتو بتقدرو تحضرو الصناعية الساعة 9 ازااااااااااااااااااااااااااااااااااااي

[M.Elessawey]

للاسف الجدول اشبه بقرارات الرئيس مبارك

اولا: الساعة 8 ليــــــــــه!!!!!!!!!!
على اساس الطلبة كلها حنب الكلية ..ولا واخدين جناح فى المدرج؟؟؟

موضوع السكاشن ده معمول بيه من زمان و إتغير بس على أيامنا
و التغيير بيكون للأفضل من حيث العملية التعليمية مش الأفضل لينا شخصياً .. يعني مش هنغيير المواعيد علشان ما نصحاش بدري
لا مش الصحيان بدرى..بس فى حاجة اسمها ناس بتسافر ومواصلات...كدا كدا هتصحى بدرى..

السكاشن كل أسبوع دي بهدلة للمعيدين أكثر منا على فكرة .. السكشن بتاعنا كان بيكون 5 ساعات و نمشي بعد ساعتين ثلاثة و الباقي المعيدين يريحوا .. دلوقتي إحنا هنخلص و هما هيكملوا شغل على السكشن اللي بعده.



و موضوع الصناعية الحمد لله إتعدل مع إننا هنبقى الصبح بس ده العدل ..

المفروض نقول الحمدلله وكفاية ان حصل تغيير

أظن المشكلة الكبيرة هي إن عدد الطلاب كبير أوي و لازم نستحمل بعض .. هنعمل إيه !!!

عدد الطلاب كبير ..نعمل سكاشن كل يوم!!!!!!!!!
نظام كل اسبوعين اتغيرعلشان الاعداد الكبيرة....فجأة الاعداد قلت فى ترم واحد

حاجة تانية الناس اللي بتحضر محاضرات - و ده الأصل في الكلية العملية بتاعتنا - مش هيفرق معاها الجدول ده بس الناس اللي بتحضر سكاشن بس هي اللي نظامها و نظام يومهم هيتغيير تماماً

و أظن إن الأصل هو الحضور )

اظن العكس..لان اللى بيحضر سكاشن بس هياخد نفس الوقت ويمكن اقل لانه قل للنص
بس يمكن هينزل اكتر من يوم..اما اللى بيحضر محاضرات..هيقضى اليوم كله فى الكلية

طبعاً كل واحد حر في طريقة التعليم اللي هو عايزها ... انا مش بأقول على حد غلطان لا سمح الله .. بس الأولى إن الكلية تعدل الجدول حسب الأصل مش حسب الإسنثتاء

ده يا جماعة رأيي الشخصي بس

اكيد.... لازم اختلاف فى وجهات النظر...بس التعديل بيتعمل علشان يصلح ..او يطور..

لكن لو الأغلبية عايزة الجدول يتغير يبقى لهم الحق

طالما حصل تغيير حسب رغبة الطلبة فى محاضرة الصناعية..ياريت تحصل استجابة وخصوصا لموضوع الساعة 8 ده

[Anas]

طالما حصل تغيير حسب رغبة الطلبة فى محاضرة الصناعية..ياريت تحصل استجابة وخصوصا لموضوع الساعة 8 ده

توضيح بس صغير

يوم السبت متغيرش عشان الصناعية

الجدول كله اتعكس عشان كان زي بتاع الترم الاولاني على عكس ما جرت عليه العادة

[bosyy]

ايه الجدول الغبى ده والله ده تهريج وهى دى الجوده بقى ان شاء الله ده جدول مهبب
-----
ايه الجدول ده ده جدول غبى وتهريج اللى بيحصل ده وهى دى الجوده بفى ان شاء الله ده جدول مهبب