مش هخاف .. يا رب بكرة يكون جمعة الرحيل

[pharmacistina]

السلام عليكم ورحمة الله وبركاته


اخوتي و أخواتي

ادعوا في صلواتكم لمصر ربنا يحررها من حاكم جائر سلب خيراتها 30 سنة


افتكروا اتفاقية الغاز مع اسرائيل , افتكروا قانون الطوارئ , الناس اللي مش لاقية شغل و مش لاقية تاكل

احنا في قطاع الصحة عارفين التخلف الصحي اللي احنا فيه

مصر ثرواتها كتير ( القناة و السياحة و الزراعة و البترول الخ ... ) مفيش حاجة باينة على الشعب


أرض مدينتي اتباعت بكام ؟؟؟


أحمد عز ثروته جابها منين ؟؟


زمان أيام السلف الصالح كان الحاكم يخاف انه حيوان يتعثر في الطريق فيسأله الله لماذا لم يمهد له الطريق


حاكم الدولة مسئول عن كل واحد مات من شحنة أغذية فاسدة جت بالبلد , كل مصري مات من الفشل الكلوي من الماية الملوثة , كل واحد مش لاقي يصرف على أولاده


علماؤنا اللي سافروا و طفشوا من البلد لأن رئيسنا لا يمول للعلم


لو سمحتم اشراف المنتدى محدش يمسح موضوعاتنا , دي وجهات نظر

[Alaa Elemam]

انا كنت معاكى فى كل اللى بيتقال

بس لازم نفكر بالعقل والمنطق

ونرجع عن رحيل مبارك مش عشان خاطر

حد لكن عشان خاطر مــــــــــصــــــــــــــر

بكره الشيخ محمد حسان هيكون موجود

فى ميدان التحرير عشان لازم الازمة دى تتحل وبسرعة

[pharmacistina]

لازم نحكم صوت العقل، اتقوا الله وكفايه كده، مالراجل هيمشي بعد ٨ شهور متبقوش عنيدين ... كلام بيتردد علي السنه مصريين كتير، منهم حتي ناس نزلت المظاهرات و منهم اللي علي الاقل كان متعاطف معاهم.
لا تتخيلوا ألم مثل هذه الانتقادات علي نفسيه المتظاهريين، الم اشد من سياط البلطجيه و نيران مولوتوفهم. صوت عقل اي مجتمع مثقفينه، ومثقفين مصر الشرفاء بيقولوا لا تراجع. واللي بيتكلموا بالدين و عن حرمانيه اثاره الفتنه، اقولهم دعاه مصر كلهم كانوا في المظاهرات و القرضاوي قال لازم تنزلوا ... و بعدين اللي بيعمل الفتنه عشان يقعد علي كرسيه هو اللي تلومه.. اللي بيوقد الفتنه بجد هو اللي تلومه، ده مش بس بيوقد الفتنه، ده بيخترعها و يفبركها عشان انت تقول كده.
مفيش حريه من غير تمن و مفيش انتصار ببلاش. اوعوا يخوفوكوا من حرب اهليه، دول بلطجيه و لصوص و مأجوريين... احنا مش زي لبنان كل حلف عاوز شخص، احنا كلنا عاوزيين ديمقراطيه كلنا ... الاعلام المصري متواطيء متبقاش سهل التأثير عليك ... اللي بيحصل دلوقتي حرب نفسيه مدروسه غرضها خلق حاله من البلبله، تفتكروا هما فتحوا النت ليه دلوقتي بالذات .. ايوه عشان نتخانق ... لما كنا متفقين قفلوها ...
مبدئياً لازم ناخد بالنا ان زي مالشعب المصري اتعلم خطوات الثوره من التوانسه، برضه اتعلم النظام المصري من درس تونس. و أهم و اسوأ درس اتعلمه النظام انه لو انهزم هيتمسح من الحياه، ممتلكاته ، ارصدته ، شرفه و حتي هيبقي مطارد في كل مكان في العالم. الانتربول اصدر مذكره بالقبض علي الرئيس التونسي .عشان كده هما بيحاربوا بإستماته مع ان الحرب خلصانه. يا جماعه مفيش امل واحد في المليون ان المتظاهريين يرجعوا بيوتهم من غير الحريه. الحريه مش ان مبارك ميرشحش نفسه تاني او انه يمشي بعد ٨ شهور ... الحريه ان الانتخابات تبقي حره و الله العظيم ما في مثقف ولا محلل سياسي محايد شايف ان ده هيحصل بالتعديلات الهشه اللي عملوها و الله العظيم لو ادونا حريه حقيقيه "برلمان جديد، اشراف قضائي، الغاء قانون الطواريء، حكومه وحده وطنيه" لأنزل امشي الناس من الميدان وا قولهم استحملوا مبارك التسع شهور اللي جايه.
اللي عاوز الدنيا تستقر يقول للنظام يدي الناس الحريه، و يبقي منطقي و عقلاني .. انهه اسهل ؟ .. تقنع واحد علي باطل ولا تقنع ملايين علي حق؟ ملايين داقت طعم الحريه و عرفت ان لو تمنها الموت هندفعه و علي وشوشنا ابتسامه و هنبقي شهدا
للأخوه المتدينين ... فين قصص الثبات و العزم والناس اللي ضحت بنفسها ... فين قصه عبدالله بن الزبير و الحسين؟ فين فضل الشهاده ؟ يا اخي انت عارف وانت عمال تقول اتقوا الله واهدوا انت بتعمل ايه؟ انت زي واحد بيقول لعمر مكرم في ثوره القاهره الاولي ارجعوا لو هيبقي فيه خساير!!! لا يا راجل هما الناس اللي رايحيين و نيتهم ربنا و اجبي الديني اني ارجعهم و اشككهم في نفسهم ... فكر انت قبل ما ربنا يحاسبك و اضعف الايمان ادعيلهم .. مش عاوزيين غير دعوه ... كلنا طالع عينينا من الموقف و زهقنا .. نرجع دلوقتي و يمسكنا القتله تاني ... نرجع دلوقتي و يستخدموا التمن شهور الحايين في اصطياد كل واحد قال لأ ... نرجع دلوقتي عشان الحراميه يلحقوا يلموا فلوسهم و يهربوا، التحليل النفسي للمصريين دلوقتي بيقول اننا كلنا نفسنا نقنع نفسنا بأي حل سهل، يوقف الموضوع حالاً و بنستخدم في اقناع نفسنا بالوهم ده كلام زي ان ده صوت العقل، مع ان الواقع ان ده صوت العاطفه الخائفه، واللي مش بتفكر ولا بتحلل صح، وبعدين عاوزين استقرار، والله العظيم ما هيبقي فيه استقرار غير مع دوله نحترمها و يبقالها هيبه و ده مستحييييييييييييييييل يحصل في ظل دوله الحزب الوطني ... انا بتكلم علي الواقع مش العاطفه ... الناس واقعياً لو ما خدوش مطالبهم هيبقوا مش طايققين الوضع و هيتلككوا مع كل قرار مش عاجبهم ينزلوا الشارع و هتفضل الدوله فوضي الي مالا نهايه.
هو الناس بتتظاهر ليه ضد النظام؟؟؟ عشان مش عارفيين يعترضوا في صندوق الانتخابات .. اديني فرصه اعترض في الصندوق و عمرك ما هتشوف وشي تاني.
اللي عارفني كويس يعرف اني بفكر قبل ما اتكلم، اللي عارفني كويس يعرف اني مستحيل انصح بحاجه مش متأكد انها صح، اللي عارفني كويس يعرف اني براعي ربنا في تصرفاتي ... و هقول الكلمه دي وانا واثق ميه في الميه انها قمه العقلانيه : كل واحد بيهدي قبل المطالب ما تحقق "برلمان جديد، اشراف قضائي، الغاء قانون الطواريء، حكومه وحده وطنيه" بيضيع البلد و بيفسد في الارض و بيضيع مجهود الشهداء و بيساعد الحراميه والقتله يهربوا و بيساعد ان ناس اكتر تموت ... المطالب هتحقق هتحقق، فساعدونا الموضوع يخلص اسرع.
انزل يوم الجمعه و كل يوم تقدر عليه و فهم الناس اللي ضحكوا عليهم بخطاب عاطفي انهم بيخدعوهم ... و لو مش قادر تاخد قرار ارجوك اسكت و ادعي ربنا يوفق البلد للي فيه الخير و لو قررت تبقي محايد، اضعف الايمان متقولش كلمه محبطه ربنا هيسألك عليها ... انا بقول الكلام ده وانا ببكي عشان واحده بعتتلي بتقولي انا المسؤل عن اصابه اخوها المتظاهر و بقولها و انا بتألم علي ألمه معتقدش هو هيلومني و ان شاء الله هيجي يوم في الدنيا ويوم في الآخره يشكرني و يشكر كل اللي نوروا طريقه ... و بدعي اني مش اصاب، لأ اموت ... يارب اموت شهيد عشان بلدي و مصلحتها و حريتها ... عشان نقدر نبدأ علي نضافه ... عشان لما الدنيا ترجع يحس كل مصري انه قهر المستحييل وانه يقدر يعمل اي حاجه، و لو ده بس مكسبنا من كل اللي بيحصل و الله العظيم الموت تمن رخيص ليه.
-----

حد لكن عشان خاطر مــــــــــصــــــــــــــر

عشان خاطر مصر نسيبه كمان شوية لحد لما يحول ثروات مصر في الحسابات خارج البلد ؟ و يعتقل الناس دي و يذلهم ؟؟ نديهم مهلة من الوقت يهربوا ؟؟ هو دة الحل

[Ahmed Nada]

يا اخي اتقي الله انت عاوز البلد تولع وتخرب اكتر من كده
يا اخي مبارك لو مشي دلوقتي يبقى الدستور مينفعش يتصلح و هتنتخب رئيس جديد بالقوانين القديمه
وكل الخراب اللي في البلد هيرجع على دماغ الشعب في الاخر ..

راجعوا عقولوكم و وطنيتكم اذا كنتم وطنين اصلا او بتنتموا للبلد دي من الاساس

[D.NOOR]

فالاول انا قلت مفيش حاجة لو نسيب الريس الشهور اللى باقية ف حكمه وبكدا هنكون حافظنا ع امن واستقرار مصر ومش هتكون مطمع لاى تدخل اجنبى ويتنازل عن السلطة بشكل رسمى وعادى00000
بس بجد فكرت لو فعلا الريس فضل الشهور دى فالحكم كدا ممكن نتعرض لايام صعبة الله اعلم هتكون من اى جانب اولها ممكن تكون من خلال الناس المعترضة كلها ممكن تروح ف الرجلين كلهم والله اعلم ايه تانى هيحصل0000000
كل اللى ف ايدينا ااننا ندعى ربنا يحفظ امن مصر ويقدرنا اننا نحافظ عليها
اميــــــن00000000

[pharmacistina]

نرجع دلوقتي و يستخدموا التمن شهور الحايين في اصطياد كل واحد قال لأ ... نرجع دلوقتي عشان الحراميه يلحقوا يلموا فلوسهم و يهربوا،


الناس المتدينة اللي بيقولوا الفتن و معرفش ايه

يا جماعة ان الله لا يغير ما بقوم حتى يغيروا ما بأنفسهم ,

افهموا يا جماعة اللي ما اتعملش من 30 سنة مش هيتعمل

دة جهاد ضد حاكم جائر بيصدر الغاز الطبيعي لليهود عشان يضربوا القدس أولى القبلتين و ثالث الحرمين يا مسلمين

الجهاد ضد مبارك واجب على كل مسلم و مسلمة

المسلم ينزل اما ينتصر أو يستشهد في الدفاع عن حرية و استقرار بلده

المسلمة تدعي في كل ركعة و كل سجدة ان ربنا يحرر مصر من حاكم جائر نهب ثرواتها و باعها لليهود , و ساعدي بأكل أو تقديم أي شيء للمتظاهرين بطاطين أو أي شيء

ولادنا هيسألوانا على الأيام التاريخية اللي بنعيشها دي , عايزين نكون مصدر تشريف لأولادنا و أقسم بالله أنا نفسي مصر تبقى كويسة و مفيهاش بطالة و فيها مستوى صحي كويس و فيها تقدم عشان أولادنا مش عشانا , احنا خلاص نهب حكومة مبارك سلب الفرحة و الأمل من الشباب المصري , الكلام دة أنا فعلا حساه


اصنع لأولادك كرامة و مستقبل افهموا دي الفرصة الأخيرة لو ضاعت هنذل طول عمرنا

الـ 8 شهور دول يكون مبارك عمل فيهم كتير يكون حول كل ثروات مصر لحساباته في الخارج , يكون بهدل المتظاهرين و عذبهم في المعتقلات و تكون أمريكا و اسرائيل ظبطوا لهم عميل تاني يحكم مصر

العضو الفاسد المتعفن لازم يتبتر فورا علشان الجسم يعيش , أيوة هيحصل ألم جسدي و نفسي لكن لازم يتبتر عشان الانسان في الآخر يعيش

انشروا المقال دة عشان الناس الطيبة الساذجة اللي صدقت مبارك تفوق
-----

واضح ان كل الكبار المتخرجين في المنتدى ده
متخلفين عقليا د اذا كان عندهم عقل اساسا

يا اخي اتقي الله انت عاوز البلد تولع وتخرب اكتر من كده
يا اخي مبارك لو مشي دلوقتي يبقى الدستور مينفعش يتصلح و هتنتخب رئيس جديد بالقوانين القديمه
وكل الخراب اللي في البلد هيرجع على دماغ الشعب في الاخر ..

راجعوا عقولوكم و وطنيتكم اذا كنتم وطنين اصلا او بتنتموا للبلد دي من الاساس

افهم يا ابني , البلد بتتقسم على أنصار الرئيس و انت لسة هتتذل بعدما تتخرج عشان تلاقي وظيفة تاخد فيها 500 جنيه دة لو لقيت

ساعتها هنشوفك هتقول ايه

يا ابني بص حواليك , مترددش أي كلام اللي جواليك بيقولوه و خلاص

فكر متبقاش منقاد كدة

الناس اللي عايزة تمشي جمب الحيط و تعيش في ذل دي مش فاهمة

أنا سافرت و عارفة البني آدمين برة عايشين في مستوى شكله ايه

[Alaa Elemam]

نرجع دلوقتي و يستخدموا التمن شهور الحايين في اصطياد كل واحد قال لأ ... نرجع دلوقتي عشان الحراميه يلحقوا يلموا فلوسهم و يهربوا،


الناس المتدينة اللي بيقولوا الفتن و معرفش ايه

يا جماعة ان الله لا يغير ما بقوم حتى يغيروا ما بأنفسهم ,

افهموا يا جماعة اللي ما اتعملش من 30 سنة مش هيتعمل

دة جهاد ضد حاكم جائر بيصدر الغاز الطبيعي لليهود عشان يضربوا القدس أولى القبلتين و ثالث الحرمين يا مسلمين

الجهاد ضد مبارك واجب على كل مسلم و مسلمة

المسلم ينزل اما ينتصر أو يستشهد في الدفاع عن حرية و استقرار بلده

المسلمة تدعي في كل ركعة و كل سجدة ان ربنا يحرر مصر من حاكم جائر نهب ثرواتها و باعها لليهود , و ساعدي بأكل أو تقديم أي شيء للمتظاهرين بطاطين أو أي شيء

ولادنا هيسألوانا على الأيام التاريخية اللي بنعيشها دي , عايزين نكون مصدر تشريف لأولادنا و أقسم بالله أنا نفسي مصر تبقى كويسة و مفيهاش بطالة و فيها مستوى صحي كويس و فيها تقدم عشان أولادنا مش عشانا , احنا خلاص نهب حكومة مبارك سلب الفرحة و الأمل من الشباب المصري , الكلام دة أنا فعلا حساه


اصنع لأولادك كرامة و مستقبل افهموا دي الفرصة الأخيرة لو ضاعت هنذل طول عمرنا

الـ 8 شهور دول يكون مبارك عمل فيهم كتير يكون حول كل ثروات مصر لحساباته في الخارج , يكون بهدل المتظاهرين و عذبهم في المعتقلات و تكون أمريكا و اسرائيل ظبطوا لهم عميل تاني يحكم مصر

العضو الفاسد المتعفن لازم يتبتر فورا علشان الجسم يعيش , أيوة هيحصل ألم جسدي و نفسي لكن لازم يتبتر عشان الانسان في الآخر يعيش

انشروا المقال دة عشان الناس الطيبة الساذجة اللي صدقت مبارك تفوق

اللى بيحصل فى مصر مش قليل

مبارك فى تصريح ل BBC قال انه مش هيقدم استقالته عشان الفوضى يبقى المظاهرات ملهاش لازمه انا نفسى يمشى النهارده قبل بكره والله العظيم بس مش هيمشى

[pharmacistina]

مبارك فى تصريح ل Bbc قال انه مش هيقدم استقالته عشان الفوضى

آه قرأت الخبر

لولا الفوضى كان استقال

بعد 30 سنة من حكمه حد لسة عاد بيصدق كلام من دة ؟؟
-----
الدعاء الدعاء الصادق

[Ahmed Nada]

الجهاد ضد مبارك واجب على كل مسلم و مسلمة

وده مين اللي قال كده بقى القرآن ولا السنه
هنبدئ بقى نطلع كلام مالهوش اي اساس من الصحه
انا مش هغلط فيكي يا دكتورة لانك اكبر مني وفي مستوى احسن من كده للحوار
لكن بكلمتك دي واضح انك في غيبوبه ولا تفقهين اي شئ بداية من الدين لحد الاحداث اللي بتمر بيها بلدنا دلوقتي

[pharmacistina]

أنا بحب بلدي جدااا عايزاها تنهض ,