تساؤلات...وجواب واحد

[احمد شبند]

حضرتك تقصد ان يجوز انى اصلى الضهر مع العصر جمع تاخير"فى وقت العصر " او العصر مع الضهر جمع تقديم"فى وقت الضهر " ؟؟

ايوة

بس بشرط ان حضرتك تكونى على سفر فى أى من الحالتين

يعنى لو انا مشيت م الكليه قبل ما الضهر يدن ووصلت البيت بعد العصر ...المفروض انى اصلى الضهر مع العصر جمع تاخير ؟؟

لا

لا يعتبر جمع لان حضرتك اصبحتى مقيمة الان فتصلى الظهر ثم العصر فى وقته ولا تقصر الصلاة

لان زى ما قال شيخ الاسلام ابن تيمية ان العبرة بحال المصلى وقت الصلاة ووقت الصلاة أصبح حضرتك مقيمة فلا يعتبر بما سلف

انما لو وصلت قبل العصر اصلى الضهر عادى مش كده؟ واستنى لما العصر يدن واصليه عادى طبعا

تمام

وبرده لو مشيت بعد ما الضهر اذن وخايفه العصر يروح منى يبقى اصليه مع الضهر جمع تقديم قبل ما امشى مش كده

تمام

يبقى علشان الموضوع يبقى تمام


1-لو همشى بعد الظهر من الكلية

اجمع الاتنين مع بعض واقصر قبل ما اركب المواصلة .


2- لو همشى قبل الظهر من الكلية وهوصل قبل العصر البيت

يبقى اروح عادى واصلى الظهر واستنى وقت العصر وأصلى العصر واتم كل واحدة ومقصرش


3- لو همشى قبل الظهر من الكلية وهوصل بعد العصر

دى بقى معنديش علم فيها

الى اعرفه

ان كدا لو روحت هصلى الظهر قضاء يعنى أخرته عن وقته وبالتالى كدا يبقى فى تأريبا خطأ

مش عارف

هسأل ان شاء الله فى الجزئية دى وهبقى أجاوب على حضرتك أن شاء الله

[N00R EL _SHAMS]

تمام

يبقى علشان الموضوع يبقى تمام


1-لو همشى بعد الظهر من الكلية

اجمع الاتنين مع بعض واقصر قبل ما اركب المواصلة

2- لو همشى قبل الظهر من الكلية وهوصل قبل العصر البيت

يبقى اروح عادى واصلى الظهر واستنى وقت العصر وأصلى العصر واتم كل واحدة ومقصرش.

ماشى... كده تمام انا فهمت الحته دى ...

طيب معلش سؤال اخير من فضلك

لو فيه احتمال انى ممكن اوصل بيتنا قبل العصر "ده فى حاله انى خلاص صليت الضهر وماشيه "

اصليه جمع تقديم زيادة اطمئنان برده مع الضهر ولا ايه ؟؟

ولما اوصل بيتناويكون مثلا لسه وقت لصلاة العصر او حتى يكون لسه العصر ماذنش حضرتك قلت انى ممكن مصليش العصر تانى "لان العبره بالحاله الى الشخص عليها وقت الصلاه"

طب لو صليت العصرتانى ينفع ولا لأ؟

معلش عشان اكون مطمنه اكتر ...انا مصدقت الاقى موضوع زى ده

- لو همشى قبل الظهر من الكلية وهوصل بعد العصر

دى بقى معنديش علم فيها

الى اعرفه

ان كدا لو روحت هصلى الظهر قضاء يعنى أخرته عن وقته وبالتالى كدا يبقى فى تأريبا خطأ

مش عارف

هسأل ان شاء الله فى الجزئية دى وهبقى أجاوب على حضرتك أن شاء الله

ان شاء الله متوصلش لكده

بس كنت حابه اطمن عشان لو حصل اى ظروف .
.....

ربنا يكرمك يارب ويرزقك جنة الفردوس


-----
طب استفسار بسيط لانى حاسه انى اتخلبطت...

حضرتك قلت ان ممكن اننا نصلى الضهر مع العصر فى وقت العصر جمع تاخير "فى حالة السفر "

طب هو امته ده يتم ؟

مش لو انى مشيت قبل الظهر ووصلت بيتنا مثلا وخلاص العصر اذن ؟؟

مش ده رد للسؤال دوت

- لو همشى قبل الظهر من الكلية وهوصل بعد العصر

دى بقى معنديش علم فيها

ولا ايه

اسفه يا دكتور على ع الاسئله الكتير دى

[احمد شبند]

لو فيه احتمال انى ممكن اوصل بيتنا قبل العصر "ده فى حاله انى خلاص صليت الضهر وماشيه "

اصليه جمع تقديم زيادة اطمئنان برده مع الضهر ولا ايه ؟؟

ينفع الاتنين

وورد الفعلين

ولما اوصل بيتناويكون مثلا لسه وقت لصلاة العصر او حتى يكون لسه العصر ماذنش حضرتك قلت انى ممكن مصليش العصر تانى "لان العبره بالحاله الى الشخص عليها وقت الصلاه"

طب لو صليت العصرتانى ينفع ولا لأ؟

لا طبعا ما ينفعش لانه لا يجوز ان يصلى احد الصلاة مرتين حتى الوتر قال فيه النبى (لا وتران فى ليلة )

حضرتك قلت ان ممكن اننا نصلى الضهر مع العصر فى وقت العصر جمع تاخير "فى حالة السفر "

طب هو امته ده يتم ؟

دا يتم لو حضرتك فى الكلية من قبل الضهر لبعد العصر يعنى لسة على حالة السفر ومروحتيش البيت

مش لو انى مشيت قبل الظهر ووصلت بيتنا مثلا وخلاص العصر اذن ؟؟

دا بقى الى عاوزين نعرفه ان شاء الله نعمل فيه ايه

[buffy]

انا كنت عايزة اسال الناس اللى بياجلها فى الاحلام حاجات تخوفهم وعايزين يستعيزوا بالله من الشيطان الرجيم ومش قادرين يخرجو الكلام دة يبقى اية

[الجنة مرادى]

كتير من الملتزمين أثناء فترة الخطوبة بيتكلموا فى التليفون

أو على الإيميل مرات متفرقة ( مش دايما يعنى) وممكن يكون الكلام عادى جدا

وخصوصا لما تطول فترة الخطوبة هل دا يجوز ولا دى تعتبر خلوة؟؟؟




بعتذر لو كنت أثقلت على حضرتك

[احمد شبند]

انا كنت عايزة اسال الناس اللى بياجلها فى الاحلام حاجات تخوفهم وعايزين يستعيزوا بالله من الشيطان الرجيم ومش قادرين يخرجو الكلام دة يبقى اية

مش قادرين يخرجوا ايه بزبط الاستعاذة ولا الحجات الى شايفنها ؟؟؟


وعلى العموم (هفترض انهم مش قادرين يحكوا لحد الاحلام دى )


قال النبى

( الرؤيا من الله والحلم من الشيطان فإذا رأى أحدكم شيئا يكرهه فلينفث حين يستيقظ ثلاث مرات ويستعذ من شرها ) البخارى


قال أبو سلمة رضى الله عنه لما سمع هذا الكلام من النبى

وإن كنت لأرى الرؤيا أثقل من الجبل فما إن سمعت هذا الحديث فما أباليها



يعنى اول ما سمع كلام النبى دا خلاص معدش بيحطلها أى اعتبار ودا المفروض ولا تحكيها ولا أى حاجة



ولكن هناك نصيحة

وهى

1- أذكار قبل النوم مهمة جدا للجميع مثل :

- قراءة ءاية الكرسى

- قولك اللهم أسلمت نفسى إليك ووجهت وجهى إليك وفوضت أمرى إليك وألجأت ظهرى إلأيك لا ملجأ ولا منجى منك إلا إليك ءامنت بكتابك الذى أنزلت وبنبيك الذى أرسلت .

- بسمك اللهم وضعت جنبى وبك أرفعه فإن أمسكت نفسى فارحمها وان ارسلتها فاحفظها بما تحفظ به عبادك الصالحين.


2- النوم على وضوء

لم يدعه النبى أبدا حتى وان غشى أهله كان يتوضأ دون أن يغتسل






(لمن أراد شئ من التفصيل فى موضوع الاحلام وتفسيرها )


ما نراه فى المنام ينقسم إلى ثلاثة أقسام :

1- الرؤيا الصالحة ودى من الله

ويستحب أن تحدث فيها من تحب كما قال النبى

ودى دائما بتكون خير

ودائما لاتلهيك عن صلاة يعنى متكنش نايم والصلاة تفوتك (دم أهم علمتين ليهم )


2- الحلم

ودى من الشيطان وبتكون سئية

وممكن تلهيك عن صلاة

ومنحكهاش لحد

3- أشياء تتعلق بالحالة النفسية

زى الى عطشان يشوف ماء وهكذا





بالنسبة لتفسير الأحلام

بنمشى تبع للتدريج دوت

1-اولا نشوف أحاديث النبى إلى ذكر فيها حجات مماثلة لم نرى أو مشابهه


2- ثانياإن لم نجد ننظر لعموم القراءن

ازاى يعنى واحد شاف نفسه بيقرأ سورة يونس

( يبقى أقله فى بلاء مستنيك لان يونس عليه السلام فى القرءان مبتلى )

واحد شاف رأيت نفسى أؤذن فى المنام

( يبقى ادور كلمة الاذان وردت فين فى القرءان )

وردت مرتين

1- وأذن فى الناس بالحج

2- وأذن مؤذن أيتها العير انكم لسارقون

واشوف حال الراجل الى شا الرؤيا لو صالح ابشره بانه ان شاء الله يحج

لو طالح اقله احذره السرقة



كدا يعنى


3- ثالثا أرجع لكتب السلف

الى فسروا احلام لاناس راو اشياء وفسرولهم تفسير معين والتفسير طلع صح

4- رابعا اجتهد بقى مع نفسى

فى التفسير تبعا لحال من رأى الرؤيا


وتفسير الاحلام دا علم كبير جدا وله علماء ولكنهم قلة قليلة جدا فى عصرنا الحالى....

كتير من الملتزمين أثناء فترة الخطوبة بيتكلموا فى التليفون

أو على الإيميل مرات متفرقة ( مش دايما يعنى) وممكن يكون الكلام عادى جدا

وخصوصا لما تطول فترة الخطوبة هل دا يجوز ولا دى تعتبر خلوة؟؟؟

نقلا عن شخنا الشيخ مصطفى العدوى حفظه الله بتصرف:


أولا:

حكم كلام الرجل مع المرأه الأجنبية عموما :

يجوز مع شروط

1- أن يكون من وراء حجاب .

2- لا يوجد خلوة محرمة .

3- أن لا تخشى الفتنة .


والفتنة أهم عامل فيها فى الحكم عليها هو عامل السن

فكلما زاد فارق السن تؤمن الفتنة

( يعنى واحد عنده عشرين سنة والست مثلا عندها سبعين سنة أكيد مفيش أى مجال للفتنة او العكس)


وكلما أقترب السن زادت احتمال الوقوع فى الفتنة


والفتنة هنا تنقسم لشيئان

1- فتنة كبرى وهى والعياذ بالله الزنا .

2- فتنة أقل وهى الوقوع فى العشق المحرم ودا الى للاسف بنسمية الحب والكلام دا .


وعلى ذلك
فان كلام الخطيب لمخطوبته فى التلفون او الميل يتحقق فيه الاتى

1- من وارء حجاب... تمام

2- مفيش خلطه محرمه ...تمام


3- لا تؤمن الفتنة .... أكيد لا تؤمن

( وطبعا الى بنسمعه دلوقت الصراحة بقة زيادة اوى حتى مع من يطلق عليهم لفظ ملتزمين ربنا يعافينا جميعا )


أكمل كلام الشيخ :


وعلى ذلك يكون كلام الخاطب لمخطوبته (فى التلفون او الميل) فى حدود ضيقة جدا جدا و ان

امكن الامتناع خشية الفتنة فهو الأولى


والله أعلم

[الجنة مرادى]

جزاكم الله خيرا

[احمد شبند]

جزاكم الله مثله

- لو همشى قبل الظهر من الكلية وهوصل بعد العصر

دى بقى معنديش علم فيها

الى اعرفه

ان كدا لو روحت هصلى الظهر قضاء يعنى أخرته عن وقته وبالتالى كدا يبقى فى تأريبا خطأ

مش عارف

هسأل ان شاء الله فى الجزئية دى وهبقى أجاوب على حضرتك أن شاء الله

الجواب للشيخ

حازم نوفل ( مسند لابن عيينة فى الفقه )


قال

فعل النبى هو

النزول من راحلته ثم صلاة الظهر والعصر جمعا وقصرا ثم يتابع مسيره


هذا ان كان الامر بيدك وفى سعة من الوقت

( يعنى لو راكب العربية بتاعك مثلا او السواق بتاع المايكروباص تبعك وكدا )


لكن ان لم يكن الامر بيدك ( زى القطر مثلا )

فيصلى وقت العصر جمع دون قصر عند الوصول


والله أعلم

[N00R EL _SHAMS]

السلام عليكم

-عايزه اعرف حكم التصوير وايه الفرق بين التصوير بالكاميرا والتصوير بالموبايل

-وايه حكم تعليق استكرات زى بتاع الكارتون مثلا فى الغرف ولو كانت صور الكارتون دى خياليه ... يعنى مش بتمثل روح مثلا

دا يبقى حرام ؟؟

-بالنسبه بقى لصلاة المغرب والعشا
يعنى مثلا لو مشينا قبل المغرب ووصلنا بعد العشا هيبقى حكمها نفس حكم

- لو همشى قبل الظهر من الكلية وهوصل بعد العصر

؟؟

وجزاكم الله خيرا

[احمد شبند]

وعليكم السلام ورحمة الله وبركاته

حكم التصوير وايه الفرق بين التصوير بالكاميرا والتصوير بالموبايل

-وايه حكم تعليق استكرات زى بتاع الكارتون مثلا فى الغرف ولو كانت صور الكارتون دى خياليه ... يعنى مش بتمثل روح مثلا

دا يبقى حرام ؟؟

بسم الله والصلاة والسلام على رسول الله وبعد :


فى فرق بين حكم التصوير وحكم تعليق الصور !!


حكم التصوير والرسم :

( نقلا عن شيخنا الشيخ مصطفى العدوى حفظه الله )

يقول :

وفيه ما جاء فى البخارى ومسلم


(ان الذين يصنعون هذه الصور يعذبون يوم القيامة يقال لهم أحيوا ما خلقتم )

(اشد الناس عذابا يوم القيامة المصورون يضاهئون خلق الله تعالى )

وقال ابن عباس (كل مصور فى النار).

وفى المقابل

فى معنى الحديث ابن عباس انه رأى رجلا يرسم الناس قال ان كنت لابد فاعلا فعليك برسم الجبال والشجر.


وعليه فالجمع بين كل ذلك ما يلى :

1- من يصور أو يرسم او ينحت مضاهة لخلق الله متعمدا فهذا فعل كفر والعياذ بالله .

2- وأما ما دون ذلك فيقع فى الحديث ويذكر بالله وينهى عن ذلك فهو حرام .








سؤال

هل يدخل فى ذلك الصور الفوتوغرافية ؟؟

(يقول الشيخ )


ان كانت الصور كما هى (يعنى مفهاش لعب بالفوتوشوب وكدا )

فالحكم دائر بين الكراهة والتحريم( يعنى اهل العلم على واحد منهم )

و لا يمكن لاحد ان ينزل عليها قول التحريم بالجزم


فتفعل للضرورة والله أعلم

كالتصوير للبطاقات الشخصية فهى من الضروريات التى لا بد منها درأة لمفاسد عظيمة قد تترتب على تركها والله أعلم .







اما التصوير بالموبايل

فهذا فتاوى

الشيخ أبو اسحاق

+ YouTube Video

الشيخ حسان

http://www.safeshare.tv/v/81XGiYKgdwU

الشيخ محمد العريفى

+ YouTube Video

اما التصوير الفيديو

+ YouTube Video

بالنسبة لتعليق الصور

يقول الشيخ(أى الشيخ مصطفى ) :
فى هذا الباب

(ان الملائكة لا يدخلون بيت فيه كلب او صورة )

وحديش عائشة عندما علقت شئ من هذا ونهاها النبى عن ذلك

وحديث نهى النبي عن الصور


قال ان الحكم بين التحريم والكراهه

(العلماء منهم من حمل النهى على الكراهة ومنهم من حمله على التحريم )




ولكن من يرضى بأن لا تدخل الملائكة بيته ؟؟!!!!

فلا تعلق ولم يرد عن أى من السلف فعل هذا

وتكرار النهى من النبى وغضبه لذلك يقرب القول بالتحريم

فأميل الى القول بالتحريم والله أعلم ...


وجزاكم الله خيرا

-----

-بالنسبه بقى لصلاة المغرب والعشا
يعنى مثلا لو مشينا قبل المغرب ووصلنا بعد العشا هيبقى حكمها نفس حكم

نعم نفس فتوى الشيخ حازم