ـــــــ طرق مضحكه ولذيذه للمذاكره ــــــــ

[محمد سمير]

فعلا اتقطعت من كتر مابتترمى من مكان للتانى

الكتب اتقطعت

باين عليكى موس فى المذاكره

يعنى لو بسقط بشغل حاجة تصحينى أو أقعد مامتى جنبى لغيت ماأفوق

حلوه بسقط دى

بجد امهاتنا بتتعب معانا

تفضلى مذنباها جمبك لحد لما تفوقى

جيل ما يعلم بيه الا ربنا

طبعا الضرب لابد منه وبتوصل لشد الشعر وأكتر من كده كمان

ما انا عارف حكاية الضرب ده

بس ممكن توصل لايه اكتر من كده يعنى

عاوزين توضيح اكتر عشان اللى مش عارف يتعلم

لازم أقفله طبعا إلا لو كان ف مجتمع برة الأوضة وأنا عاوزة أعرف ايه اللى بيحصل بفتحه

لا بقه خلاص كان زمان

وانا اللى كنت بقول على قلوبكم ضعيفه

موضوع لذيذ جدا يادكتور
وياريت بقه تجيب لنا طرق جديدة للمذاكرة
مشكور كتير

Merci beaucoup

ان شاء الله

[بسطامى]

[quote=محمد سمير;341424]

الكتب اتقطعت

باين عليكى موس فى المذاكره
لا والله حاليا لا
انا بتهزق يوميا بسبب الموضوع ده لانى زى ماانتوا عارفين عندية فبعمل بالعكس


حلوه بسقط دى




ما انا عارف حكاية الضرب ده

بس ممكن توصل لايه اكتر من كده يعنى

عاوزين توضيح اكتر عشان اللى مش عارف يتعلم

يعنى شعرى وقع من ايام ثانوية عامة كنت بقعد اتسلى واقطع فيه وهما بيحسبونى اتجننت فبيسيبونى لوحدى ومحدش يقرب منى





وانا اللى كنت بقول على قلوبكم ضعيفه
ضعيفة مين
دا احنا دلوقتى ف الانتخابات شغالين

Merci beaucoup

[محمد سمير]

الكتب اتقطعت

باين عليكى موس فى المذاكره
لا والله حاليا لا
انا بتهزق يوميا بسبب الموضوع ده لانى زى ماانتوا عارفين عندية فبعمل بالعكس

يعنى كلامى طلع صح انك موس

ما انا عارف حكاية الضرب ده

بس ممكن توصل لايه اكتر من كده يعنى

عاوزين توضيح اكتر عشان اللى مش عارف يتعلم

يعنى شعرى وقع من ايام ثانوية عامة كنت بقعد اتسلى واقطع فيه وهما بيحسبونى اتجننت فبيسيبونى لوحدى ومحدش يقرب منى

تتسلى بأنك تشدى شعرك

تحذير هام لكل صاحبات بسطامى

لما تكون مضايقه ابعدوا بعيد عنها

اظن انتوا عارفين ممكن تعمل فيكم ايه

وانا اللى كنت بقول على قلوبكم ضعيفه
ضعيفة مين
دا احنا دلوقتى ف الانتخابات شغالين

وانا اللى كنت بقول على قلبى جامد

طلع ما يجيش جمبكم حاجه

ده الواحد يخاف منكم بعد كده

[طيور الجنه]

المذاكرة !!!

لاااا ده أنا بأشبع رغباتى المكبوتة فيها

دا انا لما ربنا يكرمنى واجى اذاكر

لااازم يكون مكان هااااااادى جداااا وما فيهوش نفس

لانى والحمد لله لو سمعت اى صوت بركز فيه جدا واسيب المذاكرة (ما بصدق أصلا )

وانا بذكر بقى أقعد أشرح لنفسى واتخيل انى بشرح لطلبة كتيييير وأعلى فى صوتى واعيد وازيد ده انا بتعب من الشرح

او بشرح للمدرج وكمان ممكن أجاوب على أى سؤال يسألوه مفيش مشاكل

واحب اوى افضل رايحة جاية لانى لو قعدت على السرير لمدة ثانية واحدة الثانية اللى بعدها هكون فى ساااابع نومة
وممكن بقى لو عندى مذاكرة كتير شوية تلاقونى فوق المكتب أو فارشة على الأرض أو فى المطبخ

طبعا مش بحب اشرب اى حاجة من المنبهات اللى بتنيم دى
ممكن اشرب كابتشينو كل سنة مرة كدة أو مثلجات بقى (اية الكافيتريا دى )


موضوع جميل يا دكتور
وفكرنا بالمذاكرة

[محمد سمير]

المذاكرة !!!

لاااا ده أنا بأشبع رغباتى المكبوتة فيها

دا انا لما ربنا يكرمنى واجى اذاكر

لااازم يكون مكان هااااااادى جداااا وما فيهوش نفس

لانى والحمد لله لو سمعت اى صوت بركز فيه جدا واسيب المذاكرة (ما بصدق أصلا )

وانا بذكر بقى أقعد أشرح لنفسى واتخيل انى بشرح لطلبة كتيييير وأعلى فى صوتى واعيد وازيد ده انا بتعب من الشرح

او بشرح للمدرج وكمان ممكن أجاوب على أى سؤال يسألوه مفيش مشاكل

واحب اوى افضل رايحة جاية لانى لو قعدت على السرير لمدة ثانية واحدة الثانية اللى بعدها هكون فى ساااابع نومة
وممكن بقى لو عندى مذاكرة كتير شوية تلاقونى فوق المكتب أو فارشة على الأرض أو فى المطبخ

طبعا مش بحب اشرب اى حاجة من المنبهات اللى بتنيم دى
ممكن اشرب كابتشينو كل سنة مرة كدة أو مثلجات بقى (اية الكافيتريا دى )

ههههههههههههههههههههه

هيا دى المذاكره ولا بلاش

بس ياترى بتعملى ايه فى المطبخ بالظبط

بتاكلى ( وهو ده الاحتمال الاكبر ) ولا بتذاكرى ( ما اظنش دى )

ياريت بلاش سجايرودخان فى الموضوع

فى ناس ما بتحبش ريحة السجاير

موضوع جميل يا دكتور
وفكرنا بالمذاكرة

اشكرك

[Shorouk .A. Mady]

بعد تفكير كتير قررت أرد

أنا مش بذاكر ألا بصوت عالى جدا

يعنى لو بذاكر فى الشقه محدش يذاكر جمبى

وموش بضرب بس ده انا بضرب وبهزأ كمان

غالبا بذاكر مع إيمان وبنتراهن على حاجه لمانيجى نذاكر

يعنى اللى مش هيخلص الصفحه دى بعد عشر دقايق هيضرب كذا خبطه

بذاكر على السرير والتربيزه وفى أى مكان

ده حتى مره طلعت فى دماغى وحطيت التربيزه الصغيره فوق السرير...........عادى يعنى

بس أحلى مذاكره بتكون فوق السطح فى الهواء الطلق جمب الوز والبط والفراخ

بجد احساس جميل...........

ولازم طبعا أشغل جمبى ياما قائة الفنجان لحليم أو انت عمرى للست أو أى أغنيه لماجده الرومى

بس ده طبعا كل فين وفين عما أقرر أذاكر

ربنا يهدينى لمذاكرتى على رأى الحاجه

[miss queen]

توبيك هايل يا دكتور محمد كالعادة
انا بقى بيحلالي جميع اصناف الماكولات والمشروبات وانا بذاكر عشان كدة تلاقي الناس كلها خارجة من الامتحانات وهي يا عيني معادش فيها وانا بخلص ماشاء الله زايدالي بتاع خمسة ستة كيلو كدة عالاقل

اما بالنسبة للمكان ف على حسب احيانا عالارض واحيانا عالمكتب من فوق واحيانا على رف المطبخ واحيانا عالسرير
بس اني اقعد زي البنات الحلوين عالمكتب .... ابدا

بالنسبة بقى للحاجات الي بتتسمع
بسمع المحاضرة لو اول مرة بتتقري
ولو بذاكر بسمع قرآن ولو هنام بشغل اغاني عشان افوق

وحالة شد الشعر دي بتبقى حاجة طبيعية
غير اني بتقمص دور دكتور او حد بيسالني وانا بردو برد عادي جدا

ودة طبعا مابيخلينيش اعرف اذاكر مع حد حتى لو كان حد نايم علشان بخاف حد يقوم ويشوف ويسمع الابداعات بتاعتي عشان الفضايح والمعايرات وبتاع

[محمد سمير]

بعد تفكير كتير قررت أرد

أنا مش بذاكر ألا بصوت عالى جدا

يعنى لو بذاكر فى الشقه محدش يذاكر جمبى

وموش بضرب بس ده انا بضرب وبهزأ كمان

يااااااااااااااه

بتضربى وبتهزئى كمان

ده كتر خير نفسك انها مستحمله كل ده منك

غالبا بذاكر مع إيمان وبنتراهن على حاجه لمانيجى نذاكر

يعنى اللى مش هيخلص الصفحه دى بعد عشر دقايق هيضرب كذا خبطه

لأ الرهان حرام

نخليها بنتنافس ( ايه الحكمه اللى انا فيها دى )

بذاكر على السرير والتربيزه وفى أى مكان

ده حتى مره طلعت فى دماغى وحطيت التربيزه الصغيره فوق السرير...........عادى يعنى

بس أحلى مذاكره بتكون فوق السطح فى الهواء الطلق جمب الوز والبط والفراخ

بجد احساس جميل...........

ما الاقيش عندكم وزتين مليانين كده عشان اجيب رقابيهم

ولازم طبعا أشغل جمبى ياما قائة الفنجان لحليم أو انت عمرى للست أو أى أغنيه لماجده الرومى

ياعينى على السلطنه

بس ده طبعا كل فين وفين عما أقرر أذاكر

علينا برضه الكلام ده

ما تخافيش احنا مش بنحسد

ربنا يهدينى لمذاكرتى على رأى الحاجه

يارب

[dr\h elfe2e]

هههههههههههههههههه
ايه الموضوع اللذوذ ده؟؟؟؟؟؟؟؟؟؟؟؟؟؟
المذاكره يعنى ايه؟

قاعده حطه رجل ع رجل ع المكتب والقلم
فى ودنى متشعلق
والمحاضره فى ايدى بقراْ
وباب الاوضه مفتوح ع الاخر
اناحى فى اللى رايح واللى جاى
وبابا مش ماما ماشى
بيصوت حرام عليكى
شيبتينى
انت مانتش نافعه جبتيلى الضغط
ربنا يهديكى .
قادر يهديكى ربنا.
لان ماما بتكون خلاص زهقت فبتبعد عنى.
واحيانا افتح التلفزيون ع اى فيلم او برنامج
واقعد اقرا فى المحاضره من 2الى 3 ساعات
وتيجى ايام الامتحانات والكل يفرح فيه
ببقى عمله زى اللى عندها 5 عيال تؤم

ملبوخه وقافله الباب ع نفسى ومش عاوزه
نفس ماتسكت يابابا ماخلاص ياماما
وانت ياعم الظريف (اخويا) وانت
ياتحفه(اختى)
عاوزه اتنيل ازاكر
انا لو سقط يبقى انتو السبب
وعينى تحمر وما فيش نوم وحاجه اخر بهدله.
(ايه اللك ده)
طولت اوووووووووووووى عليكم

[Dr\Emy]

انا بذاكر باسلوب عجيب جداااااااااااا
وللاسف حاولت اغيره ومش بعرف
اولا باخد نصف الشقة لحسابي
باخد اوضة المكتب والصالون والسفرة والانتريه لحسابي
بافضل الف ع رجلي وصوتي عالي جدااااااااااااااااا في الشقة
ماسكة الورق ومقرباه لعينيا واقرا بصوت عالي
ولاوم ابقي ماسكة عصاية في ايدي
في مرة ملقتش عصاية مسكت في ايدي ماصة بالب 10
واقعد اخبط ع اي حاجة واكرر المعلومة 5او 6 مرات عشان تدخل
ولو معلومة مش راضية تدخل اسرع رجلي في المشي
لازم البيت كله يبقي هادي
بقالي 8 سنين بزاكر بالطريقة دي والحمد لله مفيدة
بس مؤلمة مووووووووووووت
السنة اللي فاتت في عز ازمة الامتحانات
رجلي كانت بتزرق ومرة خرت دم
ماما كانت بتزعقلي وتقولي هيجيلك دوالي
بس مبسمعش الكلام
مرة زاكرت وانا قاعدة زاكرت صفحة في اربع ساعات وبدون مبالغة
فحرمت بقي ازاكر وانا قاعدة تاني
طولت عليكم
بس عامة موضوع جميل جداااااااااااا يا دكتور