عوده الى كرسى الاعتراف مع دكتور امير الموديراتور الجديد

[DR.BIBO]

بناء على طلب الجماهير هنبدا بدكتور امير الموديراتور الجديد
اولا الف مبروك يادكتور امير على الترقيه وربنا يحققلك كل اللى بتحلم بيه فى حياتك

ندخل بقى فى الكلام الجد وقد تقرر منعه من الاكل والشرب على مدار الاسبوع ويجب عليه الاجابه على كل الاسئله دون هروب من اى سؤال
ونبدا بسم الله الرحمن الرحيم
اولا :البطاقة العائليه:
الاسم الرباعى:
السن:
الحاله الاجتماعيه(متزوج او اعزب):
عدد الاخوه والاخوات:
ثانيا:ايه شعورك بعد حصولك على الترقيه؟وناوى تعمل ايه فى مهام منصبك الجديد اللى هى ايه اصلا؟
بتحب كليه الصيدله ولا دخلتها بالتنسيق؟
لو مدخلتش كليه الصيدلة كنت تحب تدخل كليه ايه؟
من هم اعز اصدقائك وايه اللى خلاهم يوصلوا للمكانه ديه عندك؟
من كاتم اسرارك؟
نفسك تحقق ايه فى حياتك؟
وكفايا عليك كده دلوقتى وهرجعلك بعد شويه ان شاء الله

[ameer]

بناء على طلب الجماهير هنبدا بدكتور امير الموديراتور الجديد
اولا الف مبروك يادكتور امير على الترقيه وربنا يحققلك كل اللى بتحلم

الله يبارك في حضرتك
وربنا يوفق الجميع

ندخل بقى فى الكلام الجد وقد تقرر منعه من الاكل والشرب على مدار الاسبوع ويجب عليه الاجابه على كل الاسئله دون هروب من اى سؤال

حكايه المنع من الاكل والشرب دي عادي بس "دون الهروب من اي سؤال " دي موعدكوش بيها

اولا :البطاقة العائليه:
الاسم الرباعى: امير مسعود
السن: 17 سنه و 11 شهر و 9 ايام
الحاله الاجتماعيه(متزوج او اعزب): واحد مكملش 18 سنه هيبقي ايه ؟ اكيد متزوج
عدد الاخوه والاخوات: اخ واخت

ثانيا:ايه شعورك بعد حصولك على الترقيه؟وناوى تعمل ايه فى مهام منصبك الجديد اللى هى ايه اصلا؟

شعوري سعيد طبعا مش ترقيه
هعمل في مهامي نفس اللي كنت بعمله قبل الترقيه
المهام هي اشراف علي قسم الفرقه الاعداديه سابقا الاولي حاليا سواء حذف المواضيع المخالفه ;تعديل المشاركات ;نقل المواضيع ....الخ

بتحب كليه الصيدله ولا دخلتها بالتنسيق؟
لو مدخلتش كليه الصيدلة كنت تحب تدخل كليه ايه؟

دخلتها تنسيق
لو ملحقتش صيدله كنت هدخل تربيه

من هم اعز اصدقائك وايه اللى خلاهم يوصلوا للمكانه ديه عندك؟
من كاتم اسرارك؟
نفسك تحقق ايه فى حياتك؟

واحد مش معايا في الكليه هو في طب اسمه الشربيني وهو كاتم اسراري
اللي خلاه يوصل للمكانه دي عندي شخصيته ;امانته ;تعاونه ;وصفات كتيره تخليه محبوب من كل اللي يعرفه

نفسك تحقق ايه فى حياتك؟

مفيش حاجه معينه حاليا غير التخرج

وكفايا عليك كده دلوقتى وهرجعلك بعد شويه ان شاء الله

في الانتظار بس اسئله سهله بقي
وفي الغالب مش هعرف اجاوب علي الاسئله الا بالليل بعد الساعه 11 او الصبح قبل الساعه 2 لانه في الفتره مابين 2 ل11 ببقي في التدريب

[DR.BIBO]

رجعت بسرعه اهوه ومستنيه اسئله الاعضاء
ماهى مواصفات فتاه احلامك؟
ماهى اجمل هديه اتهدتلك واجمل هديه انت اهدتها لحد؟
ايه هى اللعبه اللى كنت بتحب تلعبها وانت صغير؟ وايه اللى اللعبه اللى بتحب تلعبها دلوقتى؟
ايه هو هدفك فى الحياه؟
ايه المبدا اللى مش ممكن تتخلى عنه؟
كفايا عليك كده دلوقتى واقصر طريق بين نقطتين الخط المستقيم فمتهربش من الاسئله احسن

[harypotter]

أمير أقاعد على الكرسى
طب مش تقولو لى
هسألك كام سؤال كده وهرجع أسألك تانى فى وقت تانى

أيه الصفات الى انتا مبتحبهاش؟

أمتى أخر مرة بكيت فيها؟ وممكن نعرف السبب؟

أيه اكترصفة بتحبها فى شخصيتك؟
أكتر شىء ممكن يزعلك من اعزالناس ليك؟

مواصفات فتاة احلامك؟

بتحب الأيام دى ولا لأ؟

مين قدوتك فى الحياة؟

راضى عن نفسك كام فى الميه؟

صفاتك؟هل أنتا هادىء ام شديد الأنفعال وكدة يعنى؟
أيه الصفةالى انتى بتتمنى متبقاش فيك؟

وكفايه كده الوقتى وهرجع اسألك تانى

[AbU ElKhAiR-Let`s Go]

السلام عليكم ورحمة الله وبركاته

نقول بسم الله


وبعدين



1-أمير مسعود من هو ؟؟؟؟؟وكيف تراه ؟؟؟؟؟؟؟؟وهل فيه شئ تتضايق منه ؟؟؟؟ وبما يفتخر ؟؟؟؟؟
2-أمير مسعود كفولنتير هل تراه قد أحد ؟؟؟؟؟أو حابى أحد؟؟؟؟؟
وهل هناك خطأ وقع فيه يتمنى أن يتجاوزه كموديراتور؟؟؟؟؟
3-أمير مسعود ماذا يمثل المنتدى بالنسبه له؟؟؟؟؟؟ وماذا يفعل عند أول دخوله ؟؟؟؟؟ وأى الأقسام يفضل ؟؟؟؟؟؟؟؟
وأى نوع من الموضوعات يجذب انتباهه ؟؟؟؟؟؟؟
4-ماهى هوايتك ؟؟؟؟؟؟ وأى الفنون تفضل ؟؟؟؟؟؟؟؟
5-أى البرامج التلفزيونيه تحب سماعها ؟؟؟؟؟؟

والبقيه أكثر بعد الاجابه
واللف والدوران سيجعلك تندم

[ameer]

رجعت بسرعه اهوه ومستنيه اسئله الاعضاء
ماهى مواصفات فتاه احلامك؟

احم احم من اولها احراج كده
لازم تكون شبه نانسي وهيفاء واليسا مع بعض
لأ بجد مفيش مواصفات محدده للشكل اهم حاجة تكون الطباع هاديه والاخلاق بس مش اكتر وتكون بنت بتحترم نفسها قبل ماتحترم اهلها (والشكل يكون مقبول برضه يعني )

ماهى اجمل هديه اتهدتلك واجمل هديه انت اهدتها لحد؟

شهادة تقدير لاني كنت الاول في تانية ثانوي
مبديش هدايا لحد باخد بس .

ايه هى اللعبه اللى كنت بتحب تلعبها وانت صغير؟ وايه اللى اللعبه اللى بتحب تلعبها دلوقتى؟

اللعبه اللي وانا صغير اكيد بلي مسافات طويله
اللعبه دلوقتي medal of honor:allied assault

ايه هو هدفك فى الحياه؟

حاليا التخرج فقط

ايه المبدا اللى مش ممكن تتخلى عنه؟

"طنش تعش "





-----

أمير أقاعد على الكرسى
طب مش تقولو لى
هسألك كام سؤال كده وهرجع أسألك تانى فى وقت تانى

أيه الصفات الى انتا مبتحبهاش؟

العصبيه -التسرع -الغرور

أمتى أخر مرة بكيت فيها؟ وممكن نعرف السبب؟

من فتره بسيطه
لأ للأسف مش هينفع

أيه اكترصفة بتحبها فى شخصيتك؟

لأ مش انا اللي المفروض اكلم عني نفسي (اترك الاخرين يتحدثون عنك "

أكتر شىء ممكن يزعلك من اعزالناس ليك؟

انت قلت " اعز الناس" يبقي مينفعش ازعل منه لاي سبب بس ممكن اللي يضايقني لما يفهموني غلط

مواصفات فتاة احلامك؟

جاوبت عليه فوق

بتحب الأيام دى ولا لأ؟

ايام الجامعه يعني؟
يعني مرغم اني احبها والا هتبقي كئيبه
بس بحب ثانوي اكتير واعدادي اكتر وابتدائي اكتر واكتر
وعارف اني بعد ما خلص جامعه هتمني انها ترجع بس هي الدنيا كده

مين قدوتك فى الحياة؟

مش حد معين يعني بحب اخد من كل شخصيه تعجبني حاجة معينه
لان مستحيل تبقي زي واحد بالظبط لازم يبقي ليك شخصيه خاصه

راضى عن نفسك كام فى الميه؟

40%

؟

صفاتك؟هل أنتا هادىء ام شديد الأنفعال وكدة يعنى؟
أيه الصفةالى انتى بتتمنى متبقاش فيك؟

هادئ غالبا بس لما بتنرفز ببقي شديد الانفعال جدا
الصفه اللي متبقاش فيا كانت لغايه وقت قريب العصبيه بس لكن ضيف ليها كمان التسرع
-----
الباقي بالليل بقي ياجماعه علشان اتاخرت

[Messi]

ياريت الكرسي يكون عاجبك يا امير .........


جايب لك شويه اسئله كده......ان شاء الله هيعجبوك خالث ......







وهبدأ مع الدفعه الاولي:

اكمل:

1.((.....)) عضو بتخاف منه

2- (( . . . )) عضو نشيط بصراحة .

3- (( . . . )) عضو مفقود .

4- (( . . . )) عضو خفيف الدم .

5- (( . . . )) عضو واثق من نفسه .

6- (( . . . )) عضو داخل مزاجي .

7- (( . . . )) عضو أتمنى ألتقي به .

8- (( . . . )) عضو تحس أنه مثقف .

9- (( . . . )) عضو عايز أعرف معنى اسمه .

10- (( . . . )) عضو عايز أغير اسمه .

11- (( . . . )) عضو عايز اتخانق معه .

12- (( . . . )) عضو عايز أقول له ( كلامك سكر ) .

13- (( . . . )) عضو يناسبه لقب ( الطموح ) .

14 ـ (( . . . )) عضو تحس ان دايما يرد بسرررعه ......

15 ـ (( . . . )) عضو عاجبك اسمه .

16 ـ (( . . . )) عضو يستحق الإشراف .

17-((. . .)) عضو محيرك.

18-(. . . )) عضو بتدخل عشانه مخفى

19-(. . .)) عضو بتدخل المنتدى عشانه مخصوص







الدفعه التانيه:

اقرا القطعه جيدا ....... ثم اجب عن الاسئله


(( امير.....هو اسم احد الاعضاء المميزين بالمنتدي.......بدأ مسيرته بتنزيل المحاضرات والسكاشن و التجارب
مما نال اعجاب الجميل......
سرعان ما اصبح فولينتير وتغير لون اسمه الي اللون النيلي ..........وفي فتره قصيره اصبح موديراتور باللون الاخضر المميز....
ليضرب بذلك الارقام القياسيه في سرعه تدرجه بالمناصب))......


1.هل تعتقد مواصله امير التألق و السرعه في التدرج في المناصب الاداريه بالمنتدي؟؟؟؟

2.لماذا تدرج امير بهذه السرعه في المناصب حتي الان؟؟؟؟

3.هل تعتقد انه سيأتي اليوم الذي يصبح به امير ((ادمن لفارمابورد))؟؟؟؟

4.سوبر موديراتور......ما المده التي تفصل امير عنها؟؟؟؟(من وجهه نظرك)

5.هناك (موديراتورز) كثيرين بالمنتدي وهم : GOHARY ...SAME7 .. WHITE BIRD...AMEERA...AMERA SAID ..BONBONA..د.بوسي ربيع
واخيرا ينضم اليهم ((AMEER))

هل تعتقد ان امير الان شعر بمساواته بهم .....ام يحتاج لبعض الوقت؟؟؟؟


6.امير سبق الاكبر منه سنا الي منصب موديراتور.........فلماذا؟؟؟؟

7.ما هي الصلحيات الجديده التي تمت اضافتها لامير؟؟؟؟؟

8.ما الفرق بين AMEER و AMEER ؟؟؟؟؟

9. هل تعتقد ان الرتبه الجديده ستصيبك بالغرور؟؟؟؟؟

10. اي الاقسام الاخري بالمنتدي تتمني ان تشرف عليها ؟؟؟؟






مع مزيد من الاسئله ......








ولكن بعد الفاااااااااااااااااااااااااااصل ....

[ameer]

السلام عليكم ورحمة الله وبركاته

نقول بسم الله


وبعدين



1-أمير مسعود من هو ؟؟؟؟؟وكيف تراه ؟؟؟؟؟؟؟؟وهل فيه شئ تتضايق منه ؟؟؟؟ وبما يفتخر ؟؟؟؟؟

امير مسعود هو .....انا
وتقدر تقرا البطاقة العائليه اللي في اول مشاركه ليا
كيف اراه ...اكيد في المرايا يعني مش معقوله هري نفسي من غير مرايا
لو عايز كلام بجد بدون لف ودوران انا اراه شخص عادي
بما يفتخر ... مفيش حاجه تستحق ان الواحد يفتخر بها

2-أمير مسعود كفولنتير هل تراه قد أحد ؟؟؟؟؟أو حابى أحد؟؟؟؟؟
وهل هناك خطأ وقع فيه يتمنى أن يتجاوزه كموديراتور؟؟؟؟؟

هو اكيد في كلمه بعد "قد" اتوقع ان السؤال "هل ظلم احد"
ممكن اكون ظلمت حد بس اكيد بدون قصد لاني معرفش معظم اللي علي المنتدي شخصيا فمفيش حاجة تخليني استقصد حد او احابي حد

اكيد في اخطاء كتير منها الانفعال الزياده فغي بعض المواقف

3-أمير مسعود ماذا يمثل المنتدى بالنسبه له؟؟؟؟؟؟ وماذا يفعل عند أول دخوله ؟؟؟؟؟ وأى الأقسام يفضل ؟؟؟؟؟؟؟؟
وأى نوع من الموضوعات يجذب انتباهه ؟؟؟؟؟؟؟

في الدراسه مكان للتواصل ومعرفه الاخبار اليل فاتتني من الكليه بالاضافه للمحاضرات وكده
في الاجزه مكان لتقضيه الوقت والتواصل مع زمايل الكليه
اول حاجة بعملها لو مفيش رسال خاصه بعمل بحث عن المشاركات الجديده وابتدي بقي اقرا الموضوعات الجديده والردود الي اتضافت من اخر مره كنت موجود

الاقسام اللي بفضلها المناقشات والعام والصحه والترفيهي

الموضوعات اللي فيها مناقشات بحب اشوف ردود الاشخاص كده

4-ماهى هوايتك ؟؟؟؟؟؟ وأى الفنون تفضل ؟؟؟؟؟؟؟؟

النت
الفن اللي افضله الزمالك "فن ولعب وهندسه "
بجد "شكلك بتزعل من الهزار وبتقولي سيجعلك تندم ده الواحد يخاف منك بعد كده " مليش في الفن

5-أى البرامج التلفزيونيه تحب سماعها ؟؟؟؟؟؟

90 دقيقه

[AbU ElKhAiR-Let`s Go]

شكلك بتلف وتدور يا أمير
بس على مين يا دك
لازم أظبطك وأعمل معاك الواجب
وزياده شويتين


بعود سريعا بس عايز اجابات صريحه يا أمير
ماشى اتفقنا

1-ماذا تمثل الحياه بالنسبه لك ؟؟؟؟؟؟
2-وماذا يمثل الحب ؟؟؟؟؟؟
3-وماذا تعنى الصداقه ؟؟؟؟؟؟؟
4-وما هى الذكرى التى لن تنساها ؟؟؟؟؟؟
5-ومن الشخص الذى تود أن تعتذر له ؟؟؟؟؟؟؟؟
6-وما هى أجمل لحظه عشتها حتى الأااااااااان ؟؟؟؟؟؟؟؟؟؟
7-وما هى أسوأ لحظه ؟؟؟؟؟؟؟؟؟؟
8-ومتى يتألم قلبك ؟؟؟؟
9-وما هو رأيك فى الحم الجامعى ؟؟وما يدور بداخله ؟؟؟؟؟؟
10-هل أحسست بالظلم ؟؟؟؟؟؟؟ ومن الذى ظلمك ؟؟؟؟؟؟
11-وهل أخطأت نظرتك لشخص ما قبل ذلك ؟؟؟؟ ومن هو ؟؟؟؟
12-كيف تصدر أحكامك على الأشخاص ؟؟؟؟؟؟
13-ما هى ميولك ؟؟؟؟؟؟ وما هو أكثر موضوع يشغل بالك الأااااااان ؟؟؟؟
14-ما هو الشئ الذى يخيفك ؟؟؟؟؟(حيوان مثلا)
15-اذا حاورت انسان حول نقطة خلاف بينك وبينه لكنه تعصب لرأيه وقام بالتعرض لك ؟
ما هو موقفك منه ؟؟؟؟؟؟
وماذا لو كان أعز صديق لك ؟؟؟؟؟

[ameer]

ياريت الكرسي يكون عاجبك يا امير .........


جايب لك شويه اسئله كده......ان شاء الله هيعجبوك خالث ......

لأ ده انت متوصي علي الاخر يعني عامل الواجب وزياده

وهبدأ مع الدفعه الاولي:

اكمل:

1.((محدش)) عضو بتخاف منه
اخاف من عضو ليه ؟
2- (( اليومين دول كل اعضاء المنتدي نشيطين بس انت وهاري بوتر اكتر اتنين بشوفلهم موضوعات )) عضو نشيط بصراحة .

3- (( احد شبند)) عضو مفقود .
واضح ان التخرج هيشغلوا عننا بقي
4- ((كل الاعضاء )) عضو خفيف الدم .

5- (( عبدالله عبدالرحمن)) عضو واثق من نفسه .

6- (( Dr/HULK)) عضو داخل مزاجي .

7- (( مفيش حد معين )) عضو أتمنى ألتقي به .

8- (( احمد شبند وعبدالله عبدالرحمن )) عضو تحس أنه مثقف .

9- ((dr.rasras)) عضو عايز أعرف معنى اسمه .

10- (( انت )) عضو عايز أغير اسمه .

11- ((انت)) عضو عايز اتخانق معه .
بسبب الاسئلة اللي انت جايبها دي
12- ((محدش )) عضو عايز أقول له ( كلامك سكر ) .

13- (( pharmacistina)) عضو يناسبه لقب ( الطموح ) .

14 ـ (( انت )) عضو تحس ان دايما يرد بسرررعه ......

15 ـ (( محدش )) عضو عاجبك اسمه .

16 ـ (( انا اعترض عايز توقعنا في المحظور في تاني يوم بس)) عضو يستحق الإشراف ."غير مسموح التدخل في الشئون الإدارية للمنتدى .. كطلبات الإشراف اوالادارة ."

17-((Dr/HULK)) عضو محيرك.

18-(محدش طبعا )) عضو بتدخل عشانه مخفى

19-(محدش برضه)) عضو بتدخل المنتدى عشانه مخصوص

-----

الدفعه التانيه:

اقرا القطعه جيدا ....... ثم اجب عن الاسئله


(( امير.....هو اسم احد الاعضاء المميزين بالمنتدي.......بدأ مسيرته بتنزيل المحاضرات والسكاشن و التجارب
مما نال اعجاب الجميل......
سرعان ما اصبح فولينتير وتغير لون اسمه الي اللون النيلي ..........وفي فتره قصيره اصبح موديراتور باللون الاخضر المميز....
ليضرب بذلك الارقام القياسيه في سرعه تدرجه بالمناصب))......


1.هل تعتقد مواصله امير التألق و السرعه في التدرج في المناصب الاداريه بالمنتدي؟؟؟؟
لا ,لان في ناس كتير اقدم مني واحق مني انهم يبقوا super moderator
ومفيش حد ممكن يبقي ادمن غير الادمن الحالين يبقي كده خلاص التدرج في المناصب وقف



2.لماذا تدرج امير بهذه السرعه في المناصب حتي الان؟؟؟؟
الاداره هي اللي ممكن تجاوب عليه


3.هل تعتقد انه سيأتي اليوم الذي يصبح به امير ((ادمن لفارمابورد))؟؟؟؟
لأ ,
4.سوبر موديراتور......ما المده التي تفصل امير عنها؟؟؟؟(من وجهه نظرك)
مش في المستقبل القريب لنفس السبب اللي قلته في السؤال لاول
5.هناك (موديراتورز) كثيرين بالمنتدي وهم : GOHARY ...SAME7 .. WHITE BIRD...AMEERA...AMERA SAID ..BONBONA..د.بوسي ربيع
واخيرا ينضم اليهم ((AMEER))

هل تعتقد ان امير الان شعر بمساواته بهم .....ام يحتاج لبعض الوقت؟؟؟؟
لأ طبعا كل واحد ليه مكانته واكيد في فرق بين اللي لسه جديد والقدام

6.امير سبق الاكبر منه سنا الي منصب موديراتور.........فلماذا؟؟؟؟
ملهاش علاقه بالسن هي بدات بان قسم اعدادي محتاج فولنتير فكان لازم واحد من اعدادي
والاداره هي اللي بتختار بدون تدخل من اي حد
7.ما هي الصلحيات الجديده التي تمت اضافتها لامير؟؟؟؟؟
مكتشفت اي صلاحيات جديده لغايه دلوقتي
هي نفس الصلاحيات

8.ما الفرق بين AMEER و AMEER ؟؟؟؟؟
باستثناء فرق اللون مفيش فرق واضح الاتنين نفس المهام
9. هل تعتقد ان الرتبه الجديده ستصيبك بالغرور؟؟؟؟؟
يعني بالسؤال ده انت مستني اني اقول اه ولا اقول لأ ؟

10. اي الاقسام الاخري بالمنتدي تتمني ان تشرف عليها ؟؟؟؟
لأ كفايه عليا كده


مع مزيد من الاسئله ......








ولكن بعد الفاااااااااااااااااااااااااااصل ....

مستنيك بعد الفاصل بس افتكر ان ليك اسبوع وهتقعد مكاني