شارك معانا وخد الثواب

[Dr.Mohamed]

الحملة دي موجهة للفرقة الرابعة

خلاص قربتوا تخلصوا امتحانات العملي

وكلها كام يوم وتستريحوا من عناء السحاحة والفاس والفلاسكات والماصات وإلخ إلخ

ايه رأيكو لو تكسبوا ثواب بأدواتكو وتبقى صدقة جارية ليكو بعد ما تتخرجوا

وطول ما الأدوات موجودة ...انت كسبان بيها حسنات

والعدااااااااااااد بيعد



اللى يحب ياخد كمية الحسنات دي بإذن الله

يشارك معانا فى حملة تجميع الادوات

ويعرف اصحابه ( والدال على الخير كفاعله)


التجميع فى أوضة الأسرة بمبنى (ب) & الجمعيه العلميه أو مع أى من أعضاء الأسره

طب الأدوات دي بتعملوا بيها ايييييه؟؟

الادوات بنحاول نوصلها لزمايلنا اللى مش بيقدروا يشتروها وده بالتعاون مع رعاية الشباب


آسف على الإطالة...

وجزاكم الله كل خير

[عبدالله عبدالرحمن]

جميل جدا يادكتور
بس ليا سؤال
بالنسبة لمشروع الكلية الخاص بجمع الأدوات
من الطلبة لأنهاء عملية شراء الأدوات تماما
ماشاء الله الأثنين هدفهم نبيل
بس انا خائف ان يحصل تعارض بين الأثنين
ياترى ممكن يكون فى تنسيق بين الأسرة
ومبادرة الوقف الخيرى
تقبلوا مرورى واحترامى..

[Dr.Mohamed]

جميل جدا يادكتور
بس ليا سؤال
بالنسبة لمشروع الكلية الخاص بجمع الأدوات
من الطلبة لأنهاء عملية شراء الأدوات تماما
ماشاء الله الأثنين هدفهم نبيل
بس انا خائف ان يحصل تعارض بين الأثنين
ياترى ممكن يكون فى تنسيق بين الأسرة
ومبادرة الوقف الخيرى
تقبلوا مرورى واحترامى..

اذيك دكتور عبد الله ... يارب تكون بخير ... بالنسبه لمشروع الكليه اعتقد انو فكره فرديه لحد دلوقتى والى قايم بيها دكتوره نورا ..مش عارف بصراحه هو بقى تحت اشراف الكليه بالفعل .. احنا فى رساله بنعمل النشاط دا من 3 سنين لوحضرتك متابع وبردوا هدفنا تقريبا واحد ..يارب ان شاء الله يقدم الى فيه الخير ..أتمنالك التوفيق
وشكرا على مشاركتك

[Anas]

بالنسبه لمشروع الكليه اعتقد انو فكره فرديه لحد دلوقتى والى قايم بيها دكتوره نورا

المشروع ده برعاية قسم الكيمياء الطبية كله مش حاجة فردية ... و جميل ان يبقى في الكلية النشاطين دول

ف انا عندي اقتراح صغير ... يتم الترتيب بين الأسرة و بين القسم ...

بحيث ان مثلا بعد تجميع الادوات تكون الأولوية للطلبة الغير قادرين ... و بعد كده تكون للمعامل

و فكرة قسم الكيمياء الطبية لو اتنفذت ... في خلال سنتين الطالب هيروح المعمل بالبالطو و الكتاب فقط و مش هيشيل حاجة معاه في أي مادة ... ده بيحصل في كليات الصيدلة في جامعات كتير

بالتوفيق ان شاء الله

[..::ciZar_Resala::..]

المشروع ده برعاية قسم الكيمياء الطبية كله مش حاجة فردية ... و جميل ان يبقى في الكلية النشاطين دول

ف انا عندي اقتراح صغير ... يتم الترتيب بين الأسرة و بين القسم ...

بحيث ان مثلا بعد تجميع الادوات تكون الأولوية للطلبة الغير قادرين ... و بعد كده تكون للمعامل

و فكرة قسم الكيمياء الطبية لو اتنفذت ... في خلال سنتين الطالب هيروح المعمل بالبالطو و الكتاب فقط و مش هيشيل حاجة معاه في أي مادة ... ده بيحصل في كليات الصيدلة في جامعات كتير

بالتوفيق ان شاء الله

لاحظ ان المعامل مشتركة ما بين قسم الكيميا التحليلية و الكيميا الطبية .. يعنى حتى لو من القسم .. اعتقد ان قسم الكيميا التحليلية لازم يكون ع الأقل على علم

[Dr.Mohamed]

سلام عليكم ... والله يا دكاتره كلام جميل جدا ...وانا عاوز كليتى احسن كليه فى الدنيا

دا نشاط بنعمله كل سنه ..ايه المشكله ان الموضوع يتنفذ على توسع .ويارب يقدم الى فيه الخير ومتشكر على اهتمامكوا

[RASHAD_RESALA]

موجودين ان شاء الله يوم السبت القادم بعد امتحان الابلايد علشان اى حد عاوز يتبرع بأدواته ..

ده رقمى لو حد مش هيعرف يوصل لحد من الاسرة 0105379973