اخر الايام....بل الساعات علي الامتحانات

[reda2001]

أنا بقى هيبقى جدولى كده؟


فى أيام العضويه هاخد يومين حيوان


ويومين فيزياء


وهبدأفى الأورجانيك فى باقى السبع أيام دوول وربنا يوفقنى وأخلصها


وبعدين أكمل مذاكرة الحيوان فى أيامه


والنبات بتهيألى 6 أيام هيكفوه مع ملاحظة الاستغناء عن التاكسونومى "لا تعليق"



والفيزياء أكمل مزاكرتها فى أيامها برضه



وربنا معانا

[طيور الجنه]

بالنسبة لتنظيم الوقت والجداول والجو ده
فأنا أجدع واحدة تحط جدول وما تمشيش عليه أو اكنسل نصه
دا أنا آخر ما زهقت بقيت أذاكر الاول وفى آخر اليوم أكتب أنا ذاكرت اية

الفترة الجاية ان شاء الله وهى مش كبيرة اوى يعنى بس فعلا محتاجة ارادة وصبر وهاجى على نفسى وانظم مذاكرتى الى حد ما

يعنى ان شاء الله هسيب حقوق الانسان لبكرة
وبعدها باذن الله هذاكر حيوان مع عضوية لحد ما الحيوان يخلص واذاكر عضوية لوحدها ( العضوية ان شاء الله لها النصيب الكبير من الوقت لانى بذاكرها ومش بعرف احل عليها مش عارفة اعمل اية ؟)
لان الحيوان هو الوحيد اللى وقتة مش كفاية
النبات قدامة اسبوع (ويا خوفى من الاسبوع ده ....ربنا يستر )
والفيزيا كفاية عليها 3 ايام اللى قبلها (ولو هتذاكرها لاول مرة ان شاء الله تلحق تخلصها ...عن تجربة )

[dr.emy91]

ايه ده كله يا جماعة و انا اللي كنت فاكره اني انا لوحدي اللي دايخة الدوخة دي واضح اني متلعطش لوحدي

[الواثقة بالله]

مش لوحدى

من الواضح ان احنا كلنا كدة فى التاكسونومى
وانا كنت فاكرة ان انا لوحدى
انا فى الايام اللى فاتت دى كنت بعمل شوية فى الفسيولوجى والتاكسونومى بس الحمد للة اتعقدت خااااااااااااااااااااااااااالص ومابقتش عارفة اعمل اية وكنت كل ماافتح مذكرة تاكسونومى يحصل حاجة ويبوظ اليوم كلة عملت 3 مذكرات وحلفت ماانا مكملة
بس ان شاء اللة فى 11يوم قبل الكيميا
هخلى ان شاء اللة 3 ايام للفارما لان يومين مش هينفعو خالص للامبريو اللى قراتها مرة من يوم ما خلصت
ولمذكرة الرعب ( الفارما ) يعنى ...................... ركزو معايا

وان شاء اللة هخلى 8 ايام للكيميا لانى لسة مافتحتش الاستريو خااااااااااااااااااااااالص وجزء الدكتورة ماجدة ماكنتش لسة خلصتة وجزء دكتور سرى نسيتة يعنى ضايعة خالص بس ان شاء اللة ربنا يذكرنى
واعتقد ان شاء اللة كدة ممكن اراجع على الحيوان فى اليومين دول
واعتقد ان 6 ايام للنبات حلوين ............................... انا ماجبتش سيرة التاكسونومى فى الموضوع !!!!!!!!!!!!!!! اصل انا صراحة خايفة لانى كل اما اجيب سيرتة يحصل حاجة !!!!!!!!!!! بينى وبينكم شكلة كدة بينحسنى
وان شاء اللة 3 ايام للفيزيا كويسين
ان شاء اللة ربنا يوفقنا كلنا
وهذة كانت موجز الانباء
-----
مع تحياتى والى القاء

[Messi]

بسم الله الرحمن الرحيم

انا حطيت جدول لنفسي اخيرا...اتمني ينجز معايا...ويكون احد الاسباب التي تعينني علي تجاوز هذه السنه الفريده من نوعها....ان شاء الله...

هدخل ع الجدول علي طول:


3/6 مراجعه الاناتومي كاملا
4/6 امبريو كامل+1الي5 انترودكشن+ (تاكسونومي وفسيولوجي)
5/6 د.شحته كامل+5الي10 انترودكشن+(تاكسونومي وفسيولوجي)
6/6 د.سيد عمار كامل+10الي14 انترودكشن+(تاكسونومي وفسيولوجي)

7/6 كيميكال ريأكسن
8/6 كيميكال ريأكشن
9/6 كيميكال ريأكشن
10/6 ستيريو
11/6 انترودكشن كامل
12/6 مراجعه عامه
13/6 مراجعه عامه
14/6 مراجعه عامه

15/6 (بعد امتحان العضويه) مراجعه د.حمدي غنيم كاملا
16/6 مراجعه امبريو +د.شحته كاملا
17/6 مراجعه د.سيد عمار+مراجعه عامه باقي اليوم

18/6 (بعد امتحان الحيوان ربنا يستر) مراجعه الاناتومي كاملا
19/6 مراجعه المورفولوجي كاملا
20/6 مراجعه فسيولوجي قدر المستطاع
21/6 مراجعه تاكسونومي قدر المستطاع
22/6 مراجعه ما تبقي من الفسيولوجي اولا ثم التاكسونومي
23/6 مراجعه عامه
24/6 مراجعه عامه

25/6 (بعد امتحان النبات) خصائص ماده
26/6 اوبتكس
27/6 مودرن
28/6 مراجعه عامه

29/6 (بعد امتحان الفيزياء) .......انشاء موضوع ساحه حوار الاجازه
30/6 انشاء موضوع ال icdl

[ameer]

(بعد امتحان الفيزياء) .......انشاء موضوع ساحه حوار الاجازه
30/6 انشاء موضوع ال icdl

نسيت اهم حاجة
15\7 الفضيحه ..قصدي النتيجة

[Messi]

نسيت اهم حاجة
15\7 الفضيحه ..قصدي النتيجة

لأ ....مهي دي انا عامل حسابها
اكيد.....اكيد
مش هلحق اخلص الicdl في عشر ايام....وامتحن عليها
يبقي....اكيد هتتحجب
وانا مش عايزها....المهم اطلع اولي وخلاص

[فراشة الربيع]

نسيت اهم حاجة
15\7 الفضيحه ..قصدي النتيجة

ايه ده هى هتبان بدرى كدة؟

[asmaa2010]

هى النتيجة هتبقى ١٥\٧ يعنى مش هنلحق نفرح بالاجازه

[Messi]

ايه ده هى هتبان بدرى كدة؟

هى النتيجة هتبقى ١٥\٧ يعنى مش هنلحق نفرح بالاجازه

لا اكيد مش 15/7
امير اكيد بيتوقع بس.....
انا اتوقع انها 20...25 كده يعني