مقتل دكتور صيدلى بالمنصورة ..إنا لله وإنا إليه راجعون

[عامر إبراهيم]

بيقولوا عشان كان فى 3 عاوزين ياخدوا ادويه مخدره من الصيدليه وهو رفض فضربوه ومشوا

هو فعلآ اللى وصلى إن الحادث كان فى ساعة متأخرة من الليل و كان أكيد بنفس السبب ده

لكن ماعرفش موضوع عدد اللى ضربوه دول إتعرف إزاى لأن المعلومات اللى عندى برده إن ماحدش يعرف مين ضربه ولا كام واحد ولا ليه !!!

واللى شافم إن هما 3 أشخاص ماعرفش إن هما قتلوه ليه بقى إلا لما حد دخل لقى الراجل مقتول !!!

[dr/noony]

حسبى الله ونعم الوكيل
ربنا يرحمه ويغفرله ويصبر عائلته يارب

[قناع الذهب]

لا كانت الساعة 11 واخر حاجة سمعتها ان كان اتنصب عليه وهوا رفع قضيه غالبا وبعدين هما دول اللى نصبوا عليه راحوا علشان ينتقموا منه
يللا ربنا ينتقم منهم وخلاص هيا اصلا منطقة ضلمة وهاديه اوى

[dr queen]

كان لازم انا اللى اعمل التوبيك ده

علشان انا جار الصيدليه دى

أنا كمان جارة الصيدليه دى

على فكره انا كنت هعمل التوبيك النهارده
واتفاجات ان حد عمله

اعتبر نفسك اللى عملته يا د/prince ..

للأسف معظم الكلام اللى بتقولوه هو اللى أنا سمعته ،
بس أنا مش عارفه ازاى بتقولوا انهم تلاته والمفروض ان محدش لسه يعرفهم ..

بس هيروحوا فين ؟؟؟؟؟؟؟
مافيش جريمه كامله ،
وان شاء الله هيتمسكوا وياخدوا جزاءهم
وربنا ينتقم من كل ظالم ..

حسبنا الله ونعم الوكيل ..

[dr moory]

انا لله وانا اليه راجعون

لا حول ولا قوة الا بالله

[dr.monalizaa]

رحمة الله عليه

[A7MD]

إنا لله وإنا إليه راجعــــــــــــــــون

[ahmed_sakr727]

السبب فى مقتل الصيدلى بسبب مجموعة من الشباب المدمين عديمى الاخلاق دخلوا الصيدلية وهو لوحده وكانوا عايزين مخدرات وهى نوع معين من الادوية مش عارف بالظبط بس هو فى عزبة الشال فى شارع المصرف بالمنصورة

[NonY]

السبب فى مقتل الصيدلى بسبب مجموعة من الشباب المدمين عديمى الاخلاق دخلوا الصيدلية وهو لوحده وكانوا عايزين مخدرات وهى نوع معين من الادوية مش عارف بالظبط بس هو فى عزبة الشال فى شارع المصرف بالمنصورة

و حضرتك جبت المعلومات دى منين بأة ؟

[Dr Anonymous]

و حضرتك جبت المعلومات دى منين بأة ؟

المعلومات دى اكيده
انا جار الصيدليه دى