الجدول المقترح

[*ذكريات*]

وانا برضوه بقول ياريت يتبدل التحليلة مع النباتات
بس

انا برضوا بقول كدة هيبقى احسن
بس ياريت منبقاش نتاخر فى امتحان الشفوى اللى بعد النظرى او يطحط جدول شفوى بحيث ان احنا نيجى فى اليوم اللى بعد امتحانا لان اساسا الفترة هتبقى قليلة اوى ومش ناقصة تضيع وقت فاياريت كمان الشفوى يبقى كلة فى نفس اليوم على الاقل

[BluE]

انا سمعت ان الشفوى هيكون فى نفس اليوم بليل
لو كده يبقى تمام اوى
والجدول والله كويس ولو العقاقير والتحليلية اتبدلوا هيكون تمام اوى
ولازم نعرف ان ده مش قرار الكلية
ده من وزير التربية والتعليم
يعنى هيمشى على كل الكليات مش احنا بس واحنا مش عندنا غير خمس مواد
غيرنا هيتحط تلت مواد فى الاسبوع

فربنا معانا والسنة دى تعدى

[المشمرون للجنة]

انا يا جماعة بطالب بتبديل العقاقير والتحليلية مع بعض

[SARA18]

وانا كمان معاكو موافقة على تبديل العقاقير والتحليلية لكن موضوع تغيير اليوم الاول لالا العضوية لازم تبقى اول يوم ويارب ما تتغير

[Mohamed Al Gohary]

جزاكم الله خيرا يا دكاتره على تفاعلكم وان شاء الله يكون ترتيب المواد زى ما قلتم ..

[BluE]

ان شاء الله يارب
واكيد والله الادارة هتشوف ايه الصح لينا
والمناسب لينا وهتعمله
يعنى باذن الله الجدول هيكون فى صالحنا كلنا

[M.Hegazy]

السلام عليكم جميعا ..

يا رب الكل يكون بصحة و بخير ..

السنة دي من أولها و هيا ملخبطة ربنا يعديها على خير .. سنة غريبة و عجيبة بس إن شاء الله مفيش حاجة تغلب علينا ..

و بإذن الله الكلية إدارة و دكاترة و طلبة يتعاونو مع بعض و يساندو بعض كويس عشان نكبر بكليتنا ..

الجدول غريب آه و صعب آه .. بس مش بإيدينا حاجة ..

هوا فعلا كويس قوي العضوية أول يوم بس صعبة قوي يجي وراها العقاقير كده علطول .. لو التحليلية مكان العقاقير هيبقى كده كويس ..

إن شاء الله نشد حيلنا و نذاكر و كله هيبقى تمام بإذن الله و مفيش إلا كل حاجة كويسة و يا رب تكون سنة سهلة و سعيدة على الجميع ..

تقبلوا تحياتي ..

[frida]

ما دامت المدة مش هتتغير
ترتيب المواد كدة كويس


-----
ما دامت المدة مش هتتغير
ترتيب المواد كدة كويس

[muna7assan]

السلام عليكم
ازيكم يا جماعه
طبعا شكرا لمروه (skull )على توصيلها الجدول للمنتدى

ان شاء الله اول ما الجدول الاسترشادى ينزل فى الكليه

هاننزله هنا على المنتدى

وهايتعمل عليه استفتاء

سواء ان كان اللى نزله اى حد من المنتدى او لمياء او انا

وطبعا هيكون مطلوب مننا اننا نقول رأينا فيه

بس ناخد فى اعتبارنا ان قرار ضغط الامتحانات دا جاى من وزير التعليم العالى

يعنى على كل الكليات

وصعب تخطيه

وصعب كمان اننا ننفذه لأنه ها يضغطنا جدااا

فبالتالى احنا هانقول رأينا فيه

وانا متاكده والله ان د.محمود بكر ود.حسن الكاشف هيبذلوا قصارى جهدهم فى انهم يعملوا

اللى يريحنا

بس ما تتوقعوش اننا نقول لا مش حلو

فيرجع الجدول طبيعى زى السنه اللى فاتت

لأ هما هايعملوا اللى يقدروا عليه

ودا هيكون متعب ليهم زى ما هوا متعب لينا تمام

وربنا يقدم اللى فيه الخير ان شاء الله

انا عن نفسى اقتنعت تماما برأى د.حسن الكاشف اللى قاله النهارده فى المحاضره
دا قرار سيادى
من مجلس الوزراء

وهما عملوا اللى يقدروا عليه ودخلوا لينا اسبوع تالت
وصعب انهم يعملوا اكتر من كده لأن دا قرار على كل الكليات فى كل جامعات مصر

الفكره ان الاطار الزمنى للجدول ثابت
واحنا هانقترح تغيير فى ترتيب المواد
ودا اللى يقدروا يوافقونا فيه

وبتهيألى الراى الخاص بتبديل العقاقير والتحليليه دا احسن حاجه

[متفائل]

السلام عليكم
ازيكم يا جماعه
طبعا شكرا لمروه (skull )على توصيلها الجدول للمنتدى

انا عن نفسى اقتنعت تماما برأى د.حسن الكاشف اللى قاله النهارده فى المحاضره
دا قرار سيادى
من مجلس الوزراء

وهما عملوا اللى يقدروا عليه ودخلوا لينا اسبوع تالت
وصعب انهم يعملوا اكتر من كده لأن دا قرار على كل الكليات فى كل جامعات مصر

كان لازم يدخلوا أسبوع تالت لأنه من وجه نظرى إمكانيات الكلية لا تسمح
بعقد امتحان أكثر من 5000 طالب و طالبة فى أسبوعين
من حيث المكان و المراقبين و الدكاترة اللى بيمتحنوا شفوى

و وفى رأيى أنهم زى ما قدروا يدخلوا أسبوع زيادة
ممكن يدخلوا ألف
لأن الوزير قال أسبوعين فقط
و إن كان الوزير نفسه يعوضنا و يدينا أجازة
فأنا عن نفسى متنازل عن الأجازة
المهم أنى امتحن و أنا مستريح
و بعين مفرقتش أسبوع
مفيش أسرع من الأيام
بس كله إلا أيام الامتحانات

الفكره ان الاطار الزمنى للجدول ثابت
واحنا هانقترح تغيير فى ترتيب المواد
ودا اللى يقدروا يوافقونا فيه

و بالنسبة لباقى الكليات مفيش ضرر غير على صيدلة
لأنه فى طب و طب أسنان مفيش ترم
و بيطرى و علوم و هندسة آخدين أصلا على كده
و الكليات النظرية مش فارقة معاهم كتير
و معندهمش عملى

باختصار
احنا الكلية الوحيدة فى الجامعة اللى متضررة بشكل بالغ

وبتهيألى الراى الخاص بتبديل العقاقير والتحليليه دا احسن حاجه

و ربنا يعديها على خير

قولوا ... آمين