حجاب الموضة ام موضة الحجاب

[رحيق الجنة]

موضوع حجاب المرأة في مجتمعنا موضوع يتم طرحة باستمرار في مجتمعنا وقد تم طرحة كدلك في منتدانا وهدا الرابط لمن يريد معرفة شروط الحجاب الصحيح للمرأة المسلمة

ولكن اليوم ساحاول طرحة من زاوية اخرى الا وهي زاوية كيفية معرفة اسباب هده المشكلة ومحاولة حلها
فما هي السبل للتقيد بتعاليم ديننا الاسلامي فيما يخص الحجاب
فهل هي مشكلة اساسها اصحاب المحلات الدين لا يحضرون الى السوق الا الملابس المتنافية مع تعاليم ديننا من لباس ضيق او مزركش او قصير
ام هي مشكلة في الزبائن من النساء اللاتي لا يلتفتن للزي الاسلامي الصحيح وانما يبحثن على اخر صيحات الموضة دون الالتفات لتعاليم ديننا مما اضطر اصحاب المحلات بالانصياع لرغباتهم وبحث الزبائن على الموضة الغربية والتي تتنافى مع تعاليم ديننا
ام هي مشكلة التوعية من الاباء والامهات والدين لا ينهرون بناتهم عن لبس الحجاب بلا وضع اعتبارات لشروط الحجاب الصحيح
ام هي مشكلة متفشية في مجتمعنا ككل وان جميع الجوانب السابقة الدكر مشتركة فيها
فهل يمكننا حل هده المشكلة ام الوقوف مكتوفي الايدي حيالها

[قناع الذهب]

بصى يا رحيق انا هقوللك رايى بصراحة الحجاب فرض والحمد لله كلنا لابسينة بس مفيش مشكله انة يبقى بشكل حلو عشان حتى يحبب البنات اللى مش محجبين فى الحجاب ويتشجعوا يلبسوة
يعنى ممكن يبقة الحجاب اسلامى ومناسب وشكله حلو فى نفس الوقت مفيش مشكله
انا عارفة ان ممكن ناس تعترض على كدة بس انا قلت بصراحة رايى

[Chimera]

انا شايف المشكلة ان كتير من البنات بيلبسوا الحجاب كمجرد مظهر إجتماعي فقط
انه بيدل على الإلتزام مثلاً مع إني شخصياً مش شايف اي علاقة بين الحجاب و الإلتزام

يعني المشكلة مش ف التحجيب قد ما هي ف إللي لابسه الحجاب نفسها

.,,

[dr moory]

بصى يا رحيق انا هقوللك رايى بصراحة الحجاب فرض والحمد لله كلنا لابسينة بس مفيش مشكله انة يبقى بشكل حلو عشان حتى يحبب البنات اللى مش محجبين فى الحجاب ويتشجعوا يلبسوة
يعنى ممكن يبقة الحجاب اسلامى ومناسب وشكله حلو فى نفس الوقت مفيش مشكله
انا عارفة ان ممكن ناس تعترض على كدة بس انا قلت بصراحة رايى

انا رأى من رأى سمسمة ان يكون الحجاب ملتزم وشكله حلو وميكونش مبهرج قوى فى نفس الوقت

[رحيق الجنة]

على فكرة يا جماعة انا مش قاصدة خالص الزى المحتشم يعنى تونيك للركبى مثلا على بنطلون واسع شوفت ناس كتير بيلبسوا كدة وشكلهم حلو جدا ومحتشم جدا واعتقد ان دا زى اعتمدة كتير من المشايخ فى ظل التطور الفظيع فى اللبس انا دلوقتى بتكلم عن بنات البدى والبنطلون الاسكينى ةالجيبات اللى بتفصل اكتر من سترها دا قصدى ولفات الطرح الاسبانش والفلاى الجديدة و الاصعب الشعر اللى بيكون بايب تحت الطرحة وكان البنت بتقول للادمها دى عينة من شعرى اية رأيكم فية يعنى عاوزة اعرف الطرحة لزمتهت ايهانا معاكى يا سمسمة اننا لازم يكون مظهرنا كويس وجداا بس بردة اذا مكنش اسلامى خالص على الاقل لازم يكون محتشم وللاسف اللى بشوفة اليومين دول يا حد كويس اوى يا العكس خالص الفئة الوسطية دى مش موجودة غير قليل اوى

[dry_tears]

هما المشاااايخ اعتمدو الفست والبنطلون؟؟؟؟

[قناع الذهب]

هما المشاااايخ اعتمدو الفست والبنطلون؟؟؟؟

مش قصدها كدة يا توتى
قصدها لما يكون حاجة محترمة وشكلها حلو مش مشكله
اهم حاجة ميكونش شكله اوفر اوى او ماسك او كدة
اهم حاجة يكون مظهرة حلو ومحترم

[رحيق الجنة]

هما المشاااايخ اعتمدو الفست والبنطلون؟؟؟؟

هوانا قولت الفست والبنطلون بتهيئلى انا مقولتش كدة خالص انا قولت تونك واسع وشكلو كويس وبنكلون واسع وطرحة بصورة محترمة دا اللى انا قولتة ودا سمعت ناس كتير اباحتة بس انا مجبتش سيرة اللى انتى بتقولى علية دا خالص

شكرا يا سمسمة ربنا يخيليكى معايا دايما

[Ramy Saad]

يعنى تونيك للركبى مثلا على بنطلون واسع شوفت ناس كتير بيلبسوا كدة وشكلهم حلو جدا ومحتشم جدا واعتقد ان دا زى اعتمدة كتير من المشايخ فى ظل التطور الفظيع فى اللبس

مشايخ مين ؟؟؟ !!!

[dano_90]

....أنا واحده من الناس مش بعترف بالاسبانش وأى ستايل من الحجاب يبين الرقبه او الشعر ....دى حاجة ....البنطلون بقى انا شايفه انه مش حلو للبنات ....تشبه بالرجال .... انسب لبس للبنت هيا انها تلبس الحجاب الشرعى كالاسدال وغيره ...عباءات ....وممكن جيبه وبلوزه عادى ...لكن الباديهات والبنطلون الضيق دول بصراحة لاتعليق على المظهر ده .....أى لبس بالمنظر ده مفروض البنت تسأل نفسها هل لوقابلت ربنا هتخجل ولا مش هتخجل بلبسها ده !!....ممكن لو مش قادرة تغير اللبس ده تلبس تونك طويل وبنطلون واسع .!!...وف الاخر كده او كده ....هنستفيد ايه يعنى لو تبرجنا .....نظره رخيصه .....معاكسه بايخة ....والاهم غضب ربنا .....(ربنا يهدينا جميعا .....شكرا يارحيق على الموضوع)......