يوميات BoNbOoNa في الصيدلية !

[BoNbOoNa]

جزاكم الله خير الجزاء جميعا ,,,, نكمل اليوم ان شاء الله
سيكون الموضوع عن المضادات الحيوية باذن الله
لم يبقي امامنا سوي 5 حلقات و ننهي اليوميات ... بحيث تكون 30 يوما -اي شهرا- باذن الله
دمتم في حفظ الله و رعايته
" وحشتوني "

[lonley]

وانتي كمان وحشتينا يابنبونه
وهنفتقدك جدا بعد ال5 حلقات مايخلصوا كان نفسنا يبقوا أكتر
متابعينك

[Ramy Saad]

عودا حميدا د . BoNbOoNa

في انتظار الحلقة الجديدة .....

[BoNbOoNa]

وانتي كمان وحشتينا يابنبونه
وهنفتقدك جدا بعد ال5 حلقات مايخلصوا كان نفسنا يبقوا أكتر
متابعينك

جزاكم الله خيرا و شكرا علي المتابعة

عودا حميدا د . BoNbOoNa

في انتظار الحلقة الجديدة .....

جزاكم الله خيرا يا د\ رامي
=-=-=-=-=-=-
writing....

[..::ciZar_Resala::..]

حمدالله بالسلامة يا بنبونة .. و ف انتظار اكتمال الحلقات ..

====

فزورة جديدة ..

واحد جه النهاردة و قال " القطرة الزرقا " .. يا ترى إيه هى ؟؟؟

====

دى إيه ؟؟

يا ترى فاكرينها من كلام بنبونة .. ؟؟

liposomal base

كنت قاعد النهاردة مع الدكتورة زوزو .. جزاها الله كل خير ..

و سألتها عنها ..

قالت إنها تمام كده زى ما بنبونة قالت .. بتزود الامتصاص ..

بس الغرض الأساسى منها هو إن الامتصاص ده يكون local و ميحصلش systemic absorption ..

و دى بتستخدم ف عمل كريمات " البواسير" .. و زى ما قلنا الغرض الأساسى منها إيه ..

========

جالنا النهاردة روشتة فيها 4 حقن ثيوفينيكول ..

المعروف إن حقن الثيوفينيكول ناقصة ف السوق بقالها فترة كبيرة ..

طب يا ترى نطلع إيه بدالها ؟؟

مستنى رأيكوا ..

[سندريلا]

مساء الخير
أنا أول مرة أشارك فى الموضوع ده وبجد هو موضوع رائع
ربنا يوفقك يا بنبونة
والفوازير كمان لذيذة وبتتكرر معايا بجد
وبالنسبة لفزورة النهارده أنا أول حد ها يرد ويارب تكون صح
أولا بالنسبة لبديل الثيوفينيكول هو cidocetin 1000
ان شاء الله صح

[احمد شبند]

========

جالنا النهاردة روشتة فيها 4 حقن ثيوفينيكول ..

المعروف إن حقن الثيوفينيكول ناقصة ف السوق بقالها فترة كبيرة ..

طب يا ترى نطلع إيه بدالها ؟؟

مستنى رأيكوا ..

اولا حمدا لله على سلامة حضرتك د\ بونبونا

ثانيا:
ازيك يا ياسر انا بطلع بدلها السيدوستين ب3 جنيه بس طبعا زى ما انت عارف ان ضررها اكبر من الثايوفينكول

على فكرة احنا عندنا ثايوفينكول فى الصيدلة بس مش بنطلعو غير فى تركيبات الجلوكوز بس ....مصدر جذب عندنا زيها زى حقن الافيل كدا تاريبا ههتحول جدول قريب هى كمان

[BoNbOoNa]

Day 26

بعد اسبوع شااااق ... ودعت فيه البالطو ..... و احتلت مكانه "مريلة المطبخ "
عدت الحمد لله لنكمل ما بدأناه .. و اعتذر عن تأخري
---------------
توكلنا علي الله

نبدأ بموقف...
يدخل ولدٌ صغير قائلا :
لو سمحتي يا " طنط " عاوز حبايتين مضاد حيوي

و يتكرر الموقف بدخول رجل كبير :
بعد اذنك يا دكتورة .. شريط مضاد حيوي بس يكون قوي !

و يتكرر مجددا
تدخل شابة تبدوا في مثل عمري :
هاتيلي حبايتين مضاد حيوي يا دكتورة

و يتكرر و يتكرر ........ الي ما لا نهاية
=-=-=-=-=-=-=-=-=-=
كتير اوي بييجي المريض يطلب مني قرص او اتنين مضاد حيوي
غالبا بيكون بسبب الحالة الاقتصادية او " الاستخسار " و الغالبية العظمي عندها ثقافة عجيبة بتقول ان المضاد الحيوي ده بيعالج كل حاجة ...
و بما ان كل من يقف معي مش صيادلة ... بيتم بيع القرص او الاتنين عادي... و المشكلة انه في اغلب الاحوال بيصرف
" بـدون داعــي"
فطبعا ...انا لو اعترضت .. او حتي حاولت اتكلم مع حد .. هيبان اني من كوكب تاني ...و هحرج نفسي و خلاص
----------
انا اعلم ان ما يقرب ال50% من الصيدلية عبارة عن مضادات حيوية ... و قد تكون اكثر من ذلك
ولكن .... عفوا
لا يصح الا الصحـيـــح
امتي ناخد مضاد حيوي ؟؟؟
ببساطة لما يكون عندنا infection بـmicro organisms بشرط تكون
" حية و ترزق " .. زي الـbacteria مثلا
من الاسم ... مضاد حيوي = مضاد للحياة ... مضاد لحياة كائن
Antibiotic
anti = aganist
Biotic = bio = life
انما بقي الـviral infections
دي سببها virus و كلنا عارفين ان الفايروس لا يعامل معاملة الكائنات الحية
لانه لا بياكل ولا بيشرب و لا بيتكاثر
هو شوية DNA متغلفة ببروتين و بس
بيضاعف عدده عن طريق انه يسيطر علي living cell و يشغلها لمصلحته
انما هو لوحده ...ولا حاجة
اذن الـantibiotic اللي هو مضاد للحياة مش هيلاقي "حياة" اصلا عشان يقضي عليها ...
يبقي المضاد الحيوي بنديه في حالات الـviral infection
لأ لأ .... نصحصح !!
المضاد في حالات العدوي البكتيرية
العدوي الفيروسية ...
=-=-=-=-=-=-=
لو قلت لحد كده ...
هيقولك جيبه بس... و لو مش هيفيد ... مش هيضر
مين قال انه مش هيضر
problem 1

لما البكتيريا تتعرض للدواء مرة و اتنين ... و الدواء يبتدي يعاكسها و يدوخها ...
اعراض المرض هتخف ... تمام
الوجع هيروح ... مظبوط
بس بسبب عدم اكتمال كورس العلاج ( حضرتك اخدت حبايتين او تلاتة بس )
للأسف ربع كورس العلاج او حتي نصفه لا يكفي لحصول complete killing للـbacteria
البكتيريا مش بتقف ساكتة ... بتحضر للاتنقام
تقوم تعمل حاجة في منتهي الخطورة
و هي الـresistance
فبتغير الجزء اللي الدواء كان بيتعرف عليها منه و بالتالي يبقي المضاد الحيوي ineffective
و تبدأ البكتيريا تزيد تاني ... فترجع الاعراض و الوجع تاني
ناخد المضاد مرة تانية ميعملش الحاجة
لانه البكتيريا خلاص لبست زيًا تنكريًا فلم يتعرف عليها المضاد الحيوي المسكين
و الحل بيكون انك تاخد مضاد اقوي ... عشان يقدر يتعرف عليها
و لو استعملته بشكل خاطئ
هتتكرر نفس المشكلة و هنحتاج مضاد حيوي اقوي ... الي ان نصل الي سلالات غريبة منقدرش نوصفلها مضاد حيوي مناسب
و المشكلة ان المريض بقي لما يعطس ولا حاجة .. بيعرض من حوله بالاصابة بهذا النوع الجديد من البكتيريا
و هنا تكمن الخطورة ...
حضرتك كده مش بتضر نفسك بس ... لا بتضرنا كلنا معاك
مع ان الحل بسيط جدا....
"من فضلك ...لا تهمل صحتك و استشر الطبيب "
-=-=-=-=-=-=-=-=-=-
problem 2

استخدام الـantibiotics "عمّال علي بطّال" قد يتسبب في قتل البكتيريا النافعة الموجودة في الـintestine مما يسهل إصابتها بهجمات بكتيرية ضارة تؤدي إلى infection من تاني
يبقي ولا كأننا عملنا حاجة
=-=-=-=-=-=-=

اشهر viral infection الناس بتتخدع فيه و تعامله علي انه bacterial هو البرد ... common cold
لو واحد عنده برد نتيجة viral infection
المفروض مياخدش مضاد حيوي
الحالة اللي ندي فيها مضاد حيوي لو كان البرد نتيجة bacterial infection
و السؤال هو...
نعرف منين عشان نحدد ندِّي ولا منديش ؟؟
ببساطة شديدة
نسأل المريض عن طبيعة افرازات الانف.... لو :
yellow & thick secretion -------> bacterial infection
transparent & loose secretion -------> viral infection
ملحوظة : احيانا الـinfection بيبدأ بـtransparent secretion و بيكون بسسب فايروس زي ما قلت ... بس المناعة بتتضعف .. فبيحصل secondary bacterial infection
فيتحول الافراز الي yellow و thick
=-=-=-=-=-=-=
بعض المواقف الناجحة
__ __
*1*
واحد عنده " رشح "
المريض : عايز كبسولة مضاد حيوي
BoNbOoNa : ليه يا فندم ؟
المريض : عشان البرد
BoNbOoNa : كبسولة المضاد الحيوي مش هتفيد حضرتك اوي..هجيب لحضرتك حاجة افضل باذن الله ( بكل ثقة !)
- قرص كونجستال مثلا-
و الحمد لله اقتنع دون اي جدال ... و اخد الدواء التاني بدل الـantibiotic
Mission accomplished
=-=-=-=-=-=-=-=-=
*2*
واحد ظروفه مش متيسرة ... و فعلا محتاج مضاد حيوي
فبيشتري الدواء علي مراحل ..
ممكن ياخد شريط و بعد يومين تلاتة ياخد شريط تاني
و احيانا بيشتري الشريط علي مراحل..
كبسولتين الصبح ...و يعدي تاني يشتري اتنين بالليل و هكذا ..
في الحالة دي ... اظهر له اهتمامك و خليه يشوفك و انت بتعين علبة الدواء علي جنب ( بتحجزها له يعني )
و ممكن تكتب عليها اسمه مثلا او تعمل اي علامة علي العلبة ...
انت كده بتشجعه انه يكمل العلاج ... و ان شاء الله مش هيكسل و هييجي ياخد باقي الدواء ... اذا استطاع ان يوفر ثمنه
=-=-=-==-=-=
*3*
ذات مرة جائتنا ام و ولديها .. و كان معها روشتة عبارة عن مضاد حيوي و مكمل غذائي ... و لم تكمن تملك نقودا كافية لشراء المضاد ... فاشترت المكمل الغذائي فقط
فتحملنا ثمن المضاد و صرفناه لها ... و الموقف ده بنقع فيه كتير
=-=-=-=-=-=-=-=-=
=-=-=-=-=-=-=
=-=-=-=-=
=-=-=

حذااااري من ان تبيع للناس الدواء... و هو في الحقيقة " تراب "
حاول ان تنصح المريض بهدوء و باختصار ... حاول علي قد ما تقدر
ابتعد عن ( اعتقد - اظن - بيتهيألي ) عشان متفقدش ثقة اللي قدامك
بعضهم هيوافق علي مضض ... بعضهم هيقتنع
بعضهم هيتعصب و مش هيوافق
بس يكفيك شرف المحاولة...عشان تبقي عملت اللي عليك

اياك ان تسمح للمال ولو للحظة ان يخترق جيبك و يقترب من قلبك
طبعا جمع النقود امر هام ... ولكن لا يجب ان تقدمها علي مصلحة المريض ولا تجعل الربح اكبر همك ولا في مقدمة اولوياتك...
-------------------
"{ لو أنكم تتوكلون على الله حق توكله لرزقكم كما يرزق الطير، تغدو خماصاً - جياعاً - وتروح بطاناً - شباعاً } [رواه أحمد والترمذي] "
--------------------
عندي سؤال بقي....
بعض علب المضادات الحيوية تحتوي اصلا علي عدد قليل من الاقراص
مثلا الـ Unizithrin

فيه 3 أقراص بس....يعني عكس الكلام اللي قلته
ازاي بقي..؟؟ .... هل بيتصرف منه كذا علبة مثلا؟؟
مش عارفة
نفس الحكاية في الـXithrone

ما زلت ابحث عن اجابة ....
هسأل بكرة ان شاء الله ... يا رب الهمهم الصبر علي أسألتي
لا تنسوني من صالح دعائكم
اللهم بارك لنا في شعبان و بلغنا رمضان و ارزقنا العتق من النيران يا رحمن
سبحانك اللهم و بحمدك...أشهد ان لا اله الا انت ...أستغفرك و أتوب اليك

~تم بحمد الله~

[الشربيني الوادع]

السلام عليكم ورحمه الله وبركاته
بجد جزاك الله خير وجعله في ميزان حسناتك وبصراحه أنا عجزت الحروف عن الرد في هذا الموضوع لأنه فاق كل حدود الجمال والأهميه والروعه و........................




بجد شكرا جزاك الله خير






أخوك
أحمد الشربيني

[shimoaa]

بنبونا وحشتينا موت ووحشتنا يومياتك
بس اهم حاجه انك رجعتلنا تاني بالسلامه
جزاكي الله خيرا