صفحة 1 من 2 12 الأخيرةالأخيرة
النتائج 1 إلى 10 من 18

الموضوع: مشكله خارجه عن ارادتنا .. وحلول لها

  1. #1

    افتراضي مشكله خارجه عن ارادتنا .. وحلول لها

    الحقيقه الموضوع ده انا فكرت فيه كتير اوى .. وكلنا عانينا منه تقريبا ..

    بس بما انى فى الفرقه التانيه .. هخصص كلامى عنها شويه ..

    احنا فى فرقتنا - الفرقه التانيه - فرقه غريبه شويه .. فرقه فيها ما يقرب من 12 طالب وطالبه آبائهم وأمهاتهم دكاتره فى الكليه .. ده طبعا غير الأقارب اللى من قريب واللى من بعيد ..

    بسبب الموضوع ده اتحرمنا من دكاتره كتير .. دكتور حسن عيسى ودكتوره فاطمه النبويه .. ودكتور اسامه بشير .. ودكتور أحمد زغلول .. وغيرهم ..

    بس مش دى المشكله .. لان الكليه ما شاء الله عامره بالاساتذه الافاضل ..

    امال ايه المشكله .. المشكله اللى بجد هى ان دكتور يخش ويشرح جزء فى الماده .. ويكون له ابن او بنت او حتى قريب فى الدفعه .. فمش هو اللى يحط الامتحان ودكتور تانى هو اللى يحط الامتحان ..

    وتبدا بقى الاقاويل تنتشر .. طيب هيعرف اللى اتشرح منين .. طيب هيجيب من امتحانات السنه اللى فاتت .. بس اللى اتشرح السنه اللى فاتت مش هو اللى اتشرح السنه دى ..
    طيب هياخد تبييض محاضرات .. طيب مين اللى هيديهوله ؟؟ طيب ايه اللى ضمنا انه مظبوط ؟؟

    وعلى اى حال من الاحوال .. لما بيتحط الامتحان .. بنلاقي حاجات كتير مش مظبوطه ..

    ممكن العناوين الرئيسيه والاسئله المهمه اللى الدكتور - اللى شرح - ركز عليها .. متجيش .. وتلاقي الدكتور جاب سؤال اه هو فى المنهج بس ممكن يكون مجمع من كذا حته .. وسؤال ممكن متفهمش هو عاوز الاجابه عليه ازاى بالظبط ..

    وده اللى حصل عندنا فى الصيدلانيات بالظبط ..
    دكتوره ثناء دخلت شرحت جزء كامل بـ 30 درجه .. وفى الاخر دكتور تانى هو اللى حط الامتحان .. سواء كان دكتور جلال او دكتور حسن الصباغ مش هتفرق .. بس طبعا كلنا اتفاجئنا بسؤال effect of surfactant on drug activity .. يعني كلنا كنا مركزين على طرق قياس surface tension والاجهزه والرسومات .. وتقسيمة الـ HLB وغيره وغيره .. وطبعا السؤال اللى جه عليه 7 درجات كامله .. ومعتقدش ان فيه حد جاوب عليه اجابه كامله الا قليل ..

    ممكن كمان يبقى توزيع الدرجات مختلف .. وده اللى حصل فى الميكرو .. دكتوره رشا دخلت شرحت جزء .. والمفروض زى ما اتقال كان عليه 10 درجات .. وماجاش عليه غير سؤال واحد بدرجتين تقريبا ..

    ممكن اه ييجي فى نفس الاجزاء اللى اتشرحت .. بس ييجى بالفاظ مختلفه .. يعني مثلا carry = load مثلا يعني .. فبدل ما نقعد نفكر فى السؤال واجابته نفكر فى ترجمه للكلام اللى مكتوب في السؤال .. وده برضه اللى حصل فى الميكرو ..



    وعشان الكلام ميبقاش يخص دفعة تانيه بس .. لا فى مادة البيو فى سنه تالته .. برضه دكتور ممدوح الششتاوى .. دخل شرح جزء .. واللى حط اسئلته دكتور تاني .. وحصل لخبطه برضه .. انا بقول الموضوع بصفه عامه .. لكن أرجو من اى زميل فى الفرقه التالته يخش يقول الموضوع بالتفصيل ..



    انا عارف انه قانونا ممنوع .. طب ايه الحل ..

    والله من وجهة نظري انا شايف .. ان ليه طالما الدكتور كده كده مش هيحط الامتحان .. خلاص بلاش هو يدي الفرقة من اصله ..
    يعني مثلا فى الصيدلانيات .. بدل ما كانت دكتوره ثناء هى الى تشرح الجزء .. كان ممكن دكتور جلال او دكتور حسن ..
    وفى الميكرو .. كان ممكن دكتور رمضان يشرح الكورس كامل .. ودكتوره رشا ودكتور وائل .. يمسكوا هما الفرقه الرابعه .. انا عارف انه هيبقى كتير على دكتور رمضان .. بس هى الظروف اللى بتجبر على كده خاصة مع قلة عدد الدكاتره فى قسم الميكرو بصورة ملحوظه .. خصوصا بعد سفر دكتور خالد حسن .. وتوفى الدكتور سامى الله يرحمه ..

    لكن بجد ان دكتور يشرح جزء .. ودكتور تانى يحط الامتحان .. بتعمل مشاكل كتير جدا جدا .. للطلبه .. وبتضيع مذاكرتهم ..
    واظن ده وضح اوى فى امتحان الميكرو .. واللى بيحضروا محاضرات على فكره هما اول ناس اشتكوا من الامتحان ..



    اتمنى من الدكتور محمود بكره والدكتور حسن الكاشف .. ان يضعوا هذا الموضوع فى اهتمامهم .. يعلمى الكامل بحرصهم على مصلحة ابنائهم الطلاب ..


    ولكم جزيل الشكر ..

  2. #2
    Super Moderator
    تاريخ التسجيل
    Sep 2007
    الدولة
    Mansoura
    المشاركات
    7,739

    افتراضي

    على فكره الحكايه دى حصلت عندنا فى اعدادى ...،،

    د.طارق كان بيشرحلنا وقال الامتحان هيجى صح وغلط ،،

    روحنا نمتحن لقينا الامتحان عباره عن سؤال واحد short note عليه درجه الجزء بتاع د.طارق كاااامله.....،،،

    وطبعا كتير ماحلش السؤال والآخر عرفنا ان د.طارق كان له حد معانا فى الدفعه علشان كده

    مش هو اللى حط السؤال الخاص بالجزء بتاعه


    انا رأيى ان الحل يبقى زى ما د.جوهرى قال


  3. #3
    Pharma Student
    تاريخ التسجيل
    Nov 2007
    الدولة
    Not alone
    المشاركات
    793

    افتراضي

    موضوع مهم جداااااا
    واكيد طلبه كتير فى دفعات كتير من صيدله عانت منه
    بس بردوا انا رايى ان حته الدكتور يشرح كورس المنهج كله دى تبقى تقيله شويه ع الدكتور

    وكمان انا فاكرة ان فى محاضرة لدكتور الشابورى لما سالوه مين هيحط الامتحان مكان د/ ثناء
    قال انه ممنوع ان دكتور يحط الامتحان كله وعشان كده دكتور غيره اللى هيحط جزءد/ ثناء

    مش عارفه منين كده ومنين د/ رمضان حط الامتحان كله
    ع العموم هيا مشكله بصراحه .... وياريت نلاقيلها حل
    شكرا ع طرح الموضوع يا دكتور

  4. #4
    Pharma Student
    تاريخ التسجيل
    Nov 2007
    الدولة
    Mansoura
    المشاركات
    2,100

    افتراضي

    جزاكم الله خيرا جزيلا د/ محمد
    على طرح الموضوع والقضيه دى اللى دفعتنا بجد بتعانى منها
    من يوم ما دخلنا الكليه ،

    بداية بحرمانا من دكاترة أفاضل زى اللى زكرتهم ونهاية باللى حصل السنة دى ووضع الامتحانات
    بالمنظر ده ..
    نقطه بالنسبه لوضع الامتحان من دكتور - غير اللى بيشرح لنا الكورس فى المدرج -
    أكيد امتحانه هيختلف عن الدكتور اللى بيشرح ،
    لانه مش هيعرف غير عناوين وقليلا لما هيهتم بالتفاصيل ،
    واحنا كناس بنحضر محاضرات بنبقى عارفين الدكتور اللى بيشرح لنا بيركز على ايه وبيحب ايه
    فاحنا بنركز على الحاجات دى كمان ،
    ولكن مع اختلاف الدكتور واضع الامتحان كل ده بيتغير تماما ومش هتفرق بقى
    اللى بيحضر محاضرات من اللى ما بيحضرش
    وحتى يمكن ساعتها اللى ما بيحضرش يكون أفضل ..

    منتظرين حل للقضيه دى واهتمام أعضاء هيئة التدريس بيها ،

    وجزاكم الله خيرا مرة تانيه ..

  5. #5
    Pharma Student
    تاريخ التسجيل
    Apr 2007
    الدولة
    المنصورة
    المشاركات
    183

    افتراضي

    احنا كمان عانينا من المشكلة دي السنة اللي فاتت

    د.محاسن شرحت جزء في الصيدلانيات ولم تضع الامتحان ود.اسماعيل رمضان هو اللي حط الامتحان والكل عارف ايه اللي حصل...لكن بصراحة د.اسماعيل أكرمنا في التصحيح الترم الثاني السنة اللي فاتت.

    السنة دي بقي

    اللي شرح البابليك د.رمضان ود.رشا
    واللي هيحط الامتحان د.وائل النجار ...
    وطبعاً شوية قلقانين من النقطة دي

    ربنا يستر


    بس فعلا من وجهة نظري ان اللي يضع الامتحان هو الأستاذ اللي درس المادة.

  6. #6

    افتراضي

    ياريت يا جماعه اللى يخش يقول حلول ..

    عشان نبقى ماشيين صح .. لان المفروض ان اللى يقول على مشكله او عيب او اى سلبيه .. يقول حلها او هى اللى ممكن يتعمل عشان نتغلب عليها ..

    بلاش نبرز السلبيات وخلاص ..

  7. #7
    Co-Admin
    تاريخ التسجيل
    Aug 2007
    الدولة
    Away from the Away
    المشاركات
    5,843

    افتراضي

    الحل ... من وجهة نظري حاجة من الاتنين ... ألخصهم في أقل قدر من الكلمات ان شاء الله

    الأولى : يتم وضع منهج محدد و يتم شرحه بالكامل
    و يتم الالتزام بيه من جميع الأطراف ... مدرس المادة ... الطلبة ... الدكتور واضع الامتحان " سواء هو اللي درس أو مش هو ... في الحالة دي مش هتفرق " ... و كذلك من قبل السادة ممتحني الشفوي

    و مثال على كده يمكن بعيد شوية ... امتحانات الثانوية العامة و أي امتحانات في التعليم الأساسي

    مجموعة من الخبراء بتحط المنهج ... و المدرسين على مستوى الجمهورية بيشرحوه
    و واحد تاني خالص هو اللي بيحط الامتحان

    و محدش بيطلع بعد الامتحان يشتكي ان في جزئية مش اتشرحت او ان في سؤال من بره المنهج
    " باستثناء الصراخ و العويل و الاستهبال اللي بنشوفه في الجمهورية "

    أظن في الحالة دي لو النظام ده اتطبق هيبقى الوضع احسن


    الثانية :

    اقتباس المشاركة الأصلية كتبت بواسطة Gohary
    ليه طالما الدكتور كده كده مش هيحط الامتحان .. خلاص بلاش هو يدي الفرقة من اصله ..

    يا ريت نسمع آراء من الطلبة كلها ... و من اعضاء هيئة التدريس ... و من إدارة الكلية

    و شكرا ؛

  8. #8
    Pharma Student
    تاريخ التسجيل
    Dec 2007
    المشاركات
    478

    افتراضي

    فالدكتور محمود قال انه انه حوله للدكتور حسن الكاشف وكيل الكلية لشئون التعليم والطلاب .. لاتخاذ اللازم ومناقشة هذا الموضوع لمصلحة الطالب والعمليه التعليميه ..


    - الدكتور محمود قال ان القادم فى التطوير والاصلاح هو المعامل ان شاء الله .. بعد ما بقت المدرجات فله شمعه منوره .. تكييف وداتا شو وكل حاجه تمام ..


    - برضه الدكتور محمود قال لى ان فيه اخبار ساره جدا عن موضوع الدواليب
    انا ماعرفتش ارد هناك طبعا عشان الموضوع مغلق
    بس بجد انا عايزة اشـــكر د/محمود جدا جدا
    علي استجابته السريعة واحساسه بينا وبمشاكلنا
    جزاك الله كل خيـــر يا دكتور ووفقك دائما الي مايحبه ويرضاه
    ــــــــــــــــــــــــــــــــــــــــــــــــــ ــــــــــــ
    بالنسبة للحل


    يتم وضع منهج محدد و يتم شرحه بالكامل


    و يتم الالتزام بيه من جميع الأطراف ... مدرس المادة ... الطلبة ... الدكتور واضع الامتحان " سواء هو اللي درس أو مش هو ... في الحالة دي مش هتفرق " ... و كذلك من قبل السادة ممتحني الشفوي

    الحل ده كويس بس المشكلة ان حكاية المنهج المحدد دي ممكن تضايق الدكتور الي بيشرح

    او تقيده خاصة اذا ماكانش من واضعي المنهج دة.

    عشان كدة انا شايفة ان الحل دة انسب

    ليه طالما الدكتور كده كده مش هيحط الامتحان .. خلاص بلاش هو يدي الفرقة من اصله ..




  9. #9
    Co-Admin
    تاريخ التسجيل
    Aug 2007
    الدولة
    Away from the Away
    المشاركات
    5,843

    افتراضي

    اقتباس المشاركة الأصلية كتبت بواسطة ms_Belladona مشاهدة المشاركة
    الحل ده كويس بس المشكلة ان حكاية المنهج المحدد دي ممكن تضايق الدكتور الي بيشرح
    او تقيده خاصة اذا ماكانش من واضعي المنهج دة.


    المنهج ده المفروض انه يكون محطوط بمشاركة من كل أساتذة و مدرسي القسم

    يعني بالاتفاق بينهم كلهم ... بحيث ان أي حد يدرسه من القسم كأن هو اللي حاطط المنهج

    و لو الدكتور اللي هيدرس عاوز يضيف أي اضافات جديدة صغيرة يبقى تتجمع في ملحق صغير و تنزل مع الكتاب

    ده رأيي ... و هو خطأ يحتمل الصواب

  10. #10

    افتراضي

    انا ماعرفتش ارد هناك طبعا عشان الموضوع مغلق
    بس بجد انا عايزة اشـــكر د/محمود جدا جدا
    علي استجابته السريعة واحساسه بينا وبمشاكلنا
    جزاك الله كل خيـــر يا دكتور ووفقك دائما الي مايحبه ويرضاه

    وانا كمان بشكر الدكتور محمود جدا على حرصه على متابعة مشاكلنا باستمرار والعمل على حلها حل جذري ..

    ==========

    برضه لسه عاوز حلول اكتر واكتر ..

صفحة 1 من 2 12 الأخيرةالأخيرة

المواضيع المتشابهه

  1. دمك فى انسان(((صدقه جاريه))) توحيد الجهود
    بواسطة thelovertiger في المنتدى المنتـدى العـام
    مشاركات: 0
    آخر مشاركة: 17-04-2010, 12:53 PM
  2. أعمل ايه لما مشكله تقابلنى؟؟؟؟؟
    بواسطة salwa raafat في المنتدى المنتـدى العـام
    مشاركات: 12
    آخر مشاركة: 22-09-2008, 09:42 PM
  3. بيت العيله ياترى حل ولا مشكله ؟؟؟؟؟؟
    بواسطة summer breeze في المنتدى منتدى المناقشات
    مشاركات: 38
    آخر مشاركة: 08-09-2008, 02:40 AM
  4. مشكله لطلبه الفرقه الرابعه .....نريد الحل..
    بواسطة نسومه في المنتدى الفرقة الرابعة 2008
    مشاركات: 9
    آخر مشاركة: 03-12-2007, 10:41 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •