[ خلصــت مـذاكــرة ؟ ]

[Monaliza]

السلام عليكم



الموضوع ده عشان نشجع بعض .. للتحفيز يعني ..

ولأن فترة المذاكرة الحقيقية بدأت ..
وقت ضربات الجزاء .. وإن شاء الله مش الوقت الضائع ..

بدأتوا تذاكروا يا ترى ؟
وصلتوا لفين ؟
وخلصتوا ايه ؟

بانتظار مشاركاتكم يا سنة تالتة ..

ويلا نشجع بعض .. لأن ماشي في الدفعة حالة اكتئاب وملل مش طبيعية !!

[pharmacistina]

أنا عن نفسي البداية اللي بجد هتكون يوم ما أخلص امتحانات عملي ..

زي الترم اللي فات ..

غالبا البداية هتكون Biochemistry لأنها أقل درجة عندي الترم الأول ولأنها مش سهلة الترم دة ..

خليكي بقى متابعة معانا فترة الامتحانات ..

[ملكة الدموع]

انا كمان لسه مش بدأت وتقريبا كده مش هبدا فعلا غير لما اخلص امتحانات العملى
لو انى كل سنه بقول كده زمش ببدا غير قبل الامتحان على طول
السنه دى ان شاء الله هحاول ازاكر بيو لانه فعلا اصعب ماده الترم ده
ومحتاجه تركيز شويه
بس اى ماده محتاجه حفظ بس هسيبها قبل امتحانها على طول
وربنا معانا كلنا...

[:|©؛°¨¨°؛©الصيدلى الذهبى©]

انا تقريبا لسه مابدأتش هو قريت شويه فى المدسنال من فتره وجزء فى البايو بس مجرد قرأه ان شاء الله لما ربنا يسهل ونخلص عملى هبدأ بجد بس نصيحه للناس اللى عاوزه تبدأ بايو اصحابى قالولى ان الليبيد اسهل من الكربوهيدرات وان شاء الله ربنا يقوينا ع المذاكره وعلى امتحانات العملى

[dr mayooya]

هو بالرغم من ان فيه وقت معقول قبل امتحانات العملي الجايه يسمح للواحد انه بذاكر اي حاجه ف النظري او حتي يقراها بس الواحد نفسيا مش بيبقي مرتاح وهو فاتح كذا حاجه قدامه كده
فانا من موقعي هذا بقول اني غالبا مش هذاكر نظري الا لما ربنا يخرجنا بالسلامة من مطحنه العملي دي
وربنا يوفقنا جميعا

[محمد سمير]

أنا عن نفسي البداية اللي بجد هتكون يوم ما أخلص امتحانات عملي ..

زي الترم اللي فات ..

غالبا البداية هتكون Biochemistry لأنها أقل درجة عندي الترم الأول ولأنها مش سهلة الترم دة ..

خليكي بقى متابعة معانا فترة الامتحانات ..

على فكره انا عملت كده الترم الاول وربنا كرمنى يارب يسترها فى الترم ده ذى الاول والترم التانى يعدى على خير الواحد نفسه يغمض ويفتح يلاقى الواحد خلص النظرى والنتيجه بانت ونجحنا كمان يارب وفقنا جميعا

[جمال الشافعي]

على فكره انا عملت كده الترم الاول وربنا كرمنى يارب يسترها فى الترم ده ذى الاول والترم التانى يعدى على خير الواحد نفسه يغمض ويفتح يلاقى الواحد خلص النظرى والنتيجه بانت ونجحنا كمان يارب وفقنا جميعا

يارب يا محمد يارب وان شاء الله ربنا يقوينا علي مذاكرة النظري بعد لما نخلص العملي باذن الله ويبارك في الكام يوم اللس قبل النظري دول يارب

[سوزران]

مش عارفه الترم ده انا حاسه ان كل حاجه متلخبطه يعنى امتحانات العملى بدرى اوى وحاسه انها جت فجأه والواحد لسه لحد الوقتى مش عارف يدخل فى مود المذاكره ربنا يستر

[جمال الشافعي]

مش عارفه الترم ده انا حاسه ان كل حاجه متلخبطه يعنى امتحانات العملى بدرى اوى وحاسه انها جت فجأه والواحد لسه لحد الوقتى مش عارف يدخل فى مود المذاكره ربنا يستر

ربنا يسهل ان شاء الله الفترة اللي جايه وكمان في قبل كل مادة 6 ايام في النظري يعني ان شاء الله خير يا جماعه

[yojeena]

يا دكاترة تفاااااااااااااااءلوا
الترم التاني بيبقي دايما احسن من الترم الاول
وبالذات السنه دي
يعني كلنا كنا حاسين ان احنا في اعدادي
تايهين و الكلام كله جديد علينا دا غير انهم كمان 6 مواد و تقيله
و الحمد لله عدي الترم الاول علي خير
انما الترم التاني اكيد كلنا حسينا ان احنا اتعودنا شويه او ع الاقل عرفنا النظام
و كمان ما ننساش الفترة اللي بين كل ماده والتانيه ,,,,,,,,,يعني هنستوي من المذاكرة
ان شاء الله ربنا هيعديها علي خير
ونبارك لبعض كلنا علي خروجنا من السنه دي