ساحه حوار طلبه الفرقه الثالثه 2008/2009

[..::ciZar_Resala::..]

أقدر أعرض هنا ع المنتدى يا جماعة

بحث الفيتو QACD اللي كلفونا بيها في مادة الفيتو - في الفرقة الثالثة - كلية الصيدلة - جامعة المنصورة

ولا برده خارج المنهج ؟؟؟

الكلام ده ليا أكيد .. ..أكيد بره المنهج ..



بهزّر يا جماعة و الله ..

إحنا عملنا الكلام ده السنة اللى فاتت فى منتدى الصحة تقريباً مش فاكر بالظبط .. و جمّعنا فيه أبحاث التدريب الصيفى .. بس للأسف مكنش فى استجابة كبيرة من الناس .. بس أكيد الناس اللى تابعت الموضوع استفادت ..

أهم حاجة كل حاجة تتعمل ف مكانها .. و اعتقد إننا نعملها فى قسم articles and papers .. و عمل لينك إعادة توجيه ليها هنا ف المنتدى

ده رأيى .. و اللى تشوفوه صح طبقوه ..

---------------

الناس اللى بعتتلى ع الخاص .. أنا مش بزعل من حد .. و أى حاجة ع المنتدى هنا أكيد بتتقال بهزار ..

[pharmacistina]

الناس اللي بعتت لحضرتك ع الخاص رسالة تقولك ماتزعلش عشان مابتحبش تزعل الناس ..

الكلام برده فيه اشارة الى ان الـ Qacd حاجة علينا و عليها درجات و مع ذلك اطلاع عام و بحث مننا ..

وهي دي الدراسة الجامعية و فيها ايه لو عرضنا فكرة مش علينا في المنهج ..

[pharmacistina]

بالنسبة لعدد الطلبة اللى بيحضروا .. و مشكلة الحضور ف الميديسنال ..

الأسبوع ده هيبقى آخر أسبوع مجموعة أ تاخد فيه الميديسنال منفصلة عن مجموعة ب ..

و من أول الأسبوع الجاى .. " السبت بتاع بكرة .. لأ اللى بعده " .. مجموعة أ و مجموعة ب هياخدوا محاضرات الميديسنال سوا فى ميعاد مجموعة أ الصبح .. و مفيش محاضرات بعد الضهر ..

و الحاضر يبلغ الغايب ..

اللهم بلغت .. اللهم فاشهد ..

أحسن بالنسبة لمجموعة ب و عموما دة اللي كان بيحصل من قبل ما يكون رسمي ..

لكن يا خوفي من بكرة ..

متخيلة منظر المدرج ..

كل الدفعة هتيجي عشان الكويز ..

ود- سعدية هتعرف العدد الحقيقي للدفعة و الذي لا يخطر على بال أحد ..

أما د- عزة عارفة الحقيقة ..




بكرة دة هيكون يوم حااااااااااااافل ..

مخلصتش حاجة و مع ذلك مزاجي حلو ومش عارفة عايزة أضحك أوي و مش جايلي مزاج أذاكر ..

و أنا لما حالة الضحك و الـ Euphoria بتجيلي خلاااااص انسوني لمدة أربع أيام كدة ..

هستريا قبل الكويز ..

اللي عنده نكتة يقولها يا جماعة لو سمحتم ..

[..::ciZar_Resala::..]

الناس اللي بعتت لحضرتك ع الخاص رسالة تقولك ماتزعلش عشان مابتحبش تزعل الناس ..

الكلام برده فيه اشارة الى ان الـ Qacd حاجة علينا و عليها درجات و مع ذلك اطلاع عام و بحث مننا ..

وهي دي الدراسة الجامعية و فيها ايه لو عرضنا فكرة مش علينا في المنهج ..

لا إله إلا الله .. طب أنا قلت حاجة

إحنا عملنا الكلام ده السنة اللى فاتت فى منتدى الصحة تقريباً مش فاكر بالظبط .. و جمّعنا فيه أبحاث التدريب الصيفى .. بس للأسف مكنش فى استجابة كبيرة من الناس .. بس أكيد الناس اللى تابعت الموضوع استفادت ..

أهم حاجة كل حاجة تتعمل ف مكانها .. و اعتقد إننا نعملها فى قسم articles and papers .. و عمل لينك إعادة توجيه ليها هنا ف المنتدى

ده رأيى .. و اللى تشوفوه صح طبقوه ..

و زى ما قلت .. أنا شايف ده الصح .. و إنتوا أدرى

[د\بوسى ربيع]

على فكره انا كنت هعرض فكر ان الليدرز يحطوا ابحاثهم فى موضوع منفصل دى تبقى فكره جامده ومفيده كمان

[د\بوسى ربيع]

جماعه مش عارفه ليه حاسه انى مخنوقه وقلبى مقبوض جايز من الامتحانات ولا ايه

[..::ciZar_Resala::..]

جماعه مش عارفه ليه حاسه انى مخنوقه وقلبى مقبوض جايز من الامتحانات ولا ايه

سيبيها لله يا بوسى .. و توكلى على الله .. و ثقى " إن الله لا يضيع أجر من أحسن عملاً " ..

[د\بوسى ربيع]

بجد والله يا ياسر مخنوقه وعايزه اعيط ومش عارفه ليه مفيش اى سبب تخيل

[..::ciZar_Resala::..]

بجد والله يا ياسر مخنوقه وعايزه اعيط ومش عارفه ليه مفيش اى سبب تخيل

بتحصل كتير .. و الله أنا شخصياً بتحصلى أكتر مما أى حد يقدر يتخيل ..و دى بتبقى تراكمات من اللاوعى ..

الحل بسيط .. خدى نفس عميق كده شوية .. و حاولى تصّفى ذهنك .. و اتوضى و صلى ركعتين .. و قولى الحمد لله ..

هتحسى كأن سحر .. و هتبقى مفرفشة و عال العال ..

[drsherbiny]

كله كدا والله يا د بوسي صدقيني المود زي الزفت عند كل الدفعه الله يسهل