صفحة 3 من 3 الأولىالأولى 123
النتائج 21 إلى 29 من 29

الموضوع: تباين الشخصيه مابين الواقع والانترنت

  1. #21
    Pharma Student
    تاريخ التسجيل
    Oct 2008
    المشاركات
    34

    افتراضي ياترى دا واقع أم خيال؟



    السلام عليكم ورحمة الله وبركاته

    ازيكم اعضاء المنتدى الكرام
    حبيت اشارك معاكم فى أول موضوع ليا على المنتدى بموضوع اثير فى ذهنى منذ فتره وظاهره تعرضت لها

    موضوعى هو عن



    شخصيات المنتدى ... واقع أم خيال ؟



    كثيرا منا يسجل ويكتب بعدة منتديات

    ويتبادل التعامل والمناقشة مع عدة شخصيات

    وقد ترتاح في الحديث مع شخص ما

    وقد تتطور العلاقة إلى تعارف وصداقة ..

    لكن
    فى بعض الأحيان تأتى الرياح بما لا تشتهى السفن
    ففى ببعض الاحيان حينما تصطدم ببعض الاشخاص ممن تعرفت اليهم واعجبت بشخصيتهم وردودهم ورسمت فى ذهنك صوره جميله لهم
    حينما تصطدم بهم على ارض الواقع قد تجد صوره أخرى من الممكن أن تفزعك
    إلا أن مايتعجب منه العقل هو تعدد الشخصية لشخص ما ..

    كاتب مميز بموضوعاته العامة ومناقشاته وحواراته

    كاتب مرح وتسلية وابتسامات

    وآخر .... وآخر ...

    جميعها أسماء مختلفة لشخصية واحدة

    لتكتشف بأن الشخص نفسه أحيانا يثير الموضوع

    ويرد على نفسه باسم آخر وقد يكون بشكل معارض أو سلبي .. (اعتقد من وجهة نظري انه شخص فاضي )

    وهناك البعض ما يظهر بشخصيه معينه بمبادئ معينه تعجب بها وبفكره لكن حينما تقترب منه وتراقب فعله تجد متناقضات كثيره

    ما يثير اهتمامي لم الفرد يتقمص شخصية أخرى تختلف في كل مرة .. ؟

    هل هو نقص بذاته يريد إكماله عن طريق مسمى آخر ؟

    أم أنها متعة تقمص الشخصيات ؟


    ربما أحب الشخص شخصية واراد العيش بها لو خيالا ..

    ومن الممكن أن يكون هذا جانب من جوانب شخصيته لم يظهر للآخرين وحينما وجد طريقه على صفحات المنتديات أطلق لنفسه العنان للخروج والاعلان عن وجوده

    الأسباب كثيرة ... والدوافع غير معروفة

    أرى بأن الثقة بالنفس هي أهم دور بتكوين الشخصية

    وتعامل الفرد مع من حوله

    فلا ضرربأن الكاتب المميز يتحلى بالمرح أو بالرومانسية

    أو بعدة صفات تتواجد في داخله ويتعامل بها .

    لعلنا ما زلنا نحتاج إلى الآن الجرأة في الكشف عن كياننا الداخلي

    والتعبير عما بداخلنا دون خجل

    أو تغليف لشخصيتنا لنصل لفكرة أو رأي ..

    وقد نكون نحتاج وقتا إضافيا للوقوف على جوانب شخصيتنا وأعماقنا

    ونقف وقفة صدق وصراحة معها

    فمن صدق مع نفسه صدق مع الغير ..

    هذه الظواهر ترفضها بعض العقول

    ولكنها متواجدة ونراها كل يوم بيننا ...

    اتمنى المشاركه معى بالرأى

    ملحوظه
    لم أقصد بموضوعى اننا جميعا نتوارى وراء شخصيات مختلفه عننا فى الشبكه العنكبوتيه ولا أقصد التعميم
    بل كل ماتناولته هى بعض الشخصيات التى من الممكن ان نقابلها

  2. #22
    Pharma Student
    تاريخ التسجيل
    Jan 2009
    الدولة
    Under the blue sky
    المشاركات
    1,748

    افتراضي

    فكره حلوة بجد
    انا بتهيالي ان اللي يعمل كده ده ما عندوش شخصيه او حاسس بنقص معين في شخصيته بيحاول دايما يظهر نفسه كامل عشان يداري شخصه الحقيقي ويبرر لنفسه خطؤه ب( انني لا اكذب ولكني اتجمل )
    بس ده ما ينفعش دا بصراحه كده اسمه نفاق
    وشكرا ليكي

  3. #23
    Moderator
    تاريخ التسجيل
    Nov 2008
    الدولة
    Heart 0f My Lover
    المشاركات
    4,321

    Cool

    فعلا يا دكتورة الشخصيات دى موجودة وبصراحه لما اتعرف على واحد منهم استغرب هوة ليه بيعمل كدة
    ولما سألته قالى انه بيلعب ..بيضيع وقته ..عادى يعنى
    لكن بصراحه اعتبرت ان اللى هوة بيعمله دة كدب
    بيكدب على نفسه وعلى غيرة وكان نفسى اعرف بيستفيد ايه لكن انا كنت اضايقت لما عرفت انه بيعمل كدة وقطعت الحوار علطول
    لكن الحمد الله كل مشاركاتى بجد لان بعتبرها اكتشاف للنفس وربما ارشاد لها او تعليمها او ربما لايضاح صورتى امام من لا يعرفنى ويود معرفتى
    يمكن لانى بعتبر الكليه دى اسرتى الثانيه واللى فيها دول اخواتى بجد بحس بجو غريب على المنتدى وكمان فى الكليه وبحس انى فى صفات متميزة موجودة فى طلبه كليه صيدله عجبتنى شخصيا يمكن مسمعتش عنها فى اى كليه تانيه
    بجد شكرا على الموضوع الجميل دة

  4. #24

    افتراضي

    http://www.pharma-board.com/board/showthread.php?t=5188

    التوبيك ده انا فتحته من زمان واكلمنا فى الموضوع ده اقراه هتلاقى فيها اراء حلوه وكويسه اوى ..

  5. #25
    Pb Elite
    تاريخ التسجيل
    Oct 2007
    الدولة
    In eyes of my lover
    المشاركات
    1,074

    افتراضي

    موضوع جميل جدا
    بس أنا أعتقد ان الشخص ده ممكن يكون فيه الصفات اللي بتعبر عنها ردوده في المنتديات بس مش ظاهرة من خلال التعامل معاه على أرض الواقع
    يعني..ممكن يكون تبع الموقف أو ان المنتديات بتتيح له الفرصة أكتر انه يظهر صفات فيه حتى ممكن هو نفسه يكون بيكتشفها جواه لأول مرة..

  6. #26
    Volunteer
    تاريخ التسجيل
    Oct 2008
    الدولة
    على كوكب سحلقون
    المشاركات
    3,955

    افتراضي

    شكرا جدا يا دكتور جوهرى عالموضوع الجيد
    فهل انت من هؤلاء ؟؟

    الواحد مش هيقدر يحكم على نفسه

    وما رايك فيهم ؟؟ هل تعتقد ان هذا شيء طبيعى ؟؟
    احيانا بيكون شىء طبيعى واحيانا لا بمعنى
    ان فى بعض الاشخاص موش بيقدرو يعبرو عن شخصياته م فى الواقع مع الناس
    وعلى النت عندهم لباقة ولياقة محدش يقدر يصدقها
    وطبعا احيانا العكس



    هل هؤلاء قد تستصغرهم ؟؟ وترى ان هذا ما هو الا نقص فى شخصياتهم ؟؟

    انا عن نفسى عمرى ما هاصتصغر حد لمجرد ان فى تناقض فى شخصيته
    الا بعد ما اكتشف التناقض دة وهل التناقض دة صحى ولالا لانى اعرف ناس كتير كدة
    لكن احيانا بيحصل التصادم ودة الصعب ان الشخصية تبقى من خلال النت حاجة والواقع حاجة مختلفة احيانا فى ناس تحس من كلامهم بالتلون وتصنع الاحترام خصوصا لما تقابلهم فى الواقع ودول ناس انا مش باحترمهم

    ام ترى ان النت غير الواقع فى الحكم على الشخصيه ؟؟
    مبدئيا مش مع كل الناس
    ولكن فى الغالب طبعا
    احنا هنا بنتكلم كلنا سوا
    وبنرد على بعض
    مش عارفين شكل بعضنا
    وماننساش اننا بنتكلم من ورا شاشات ازاز لا اكتر ولا اقل
    والواقع دايما مختلف بلاش نحكم على بعضنا من خلال النت
    لان اعتقد ان التعرف كدة بيبقى سطحي
    الا اذا كنت بتتكلم مع ناس عارفهم كويس اوى
    ولكن برضة احيانا بتعرف من كلام الشخصية دى هل هى كويسة ولالا
    واكيد محدش يقدر انه يترسم ويخلى نفسه فى احلى صورة ويبقى مخادع
    لازم هيقع او ينكشف
    و برضة حصلت معايا وقابلت ناس من خلال النت
    ولكن قابلتهم فى الحقيقة احلى من النت
    فدايما نفترض الافضل يا جماعة

    ::::::::::::::::::::::::::::
    وميرسى يا دكتور جوهرى مرة تانية
    واسفى على الاطالة
    التعديل الأخير تم بواسطة د///*مطحونة*\\\ ; 23-02-2009 الساعة 12:33 AM

  7. #27
    Pharma Student
    تاريخ التسجيل
    Apr 2007
    المشاركات
    261

    افتراضي

    مساء الخير
    الموضوع جميل و مهم جدا جدا
    انا لما فكرت فى الشخصية دى قلت مثلا جايز بتخاف تقول رايها فى العلن خوفا من عواقب الراى دة لكن اعتقد ان صلحب هذا الراى شخصية ضعيفة


    لكن انا عن نفسى اظن ان شخصيتى على النت هى عى اللى فى الطبيعة وكل ارائى واضحة سواء على النت او فى العلن
    الحقيقة انا بتبع مبدأ (انا خفت متعملش وان عملت متخافش )

  8. #28
    Pharma Student
    تاريخ التسجيل
    Oct 2008
    المشاركات
    34

    افتراضي

    ميرسى على ارائكم الجميله وبعتذر على تأخرى فى الرد بسبب ظروف النت والدراسه
    اقتباس المشاركة الأصلية كتبت بواسطة yojeena مشاهدة المشاركة
    فكره حلوة بجد

    انا بتهيالي ان اللي يعمل كده ده ما عندوش شخصيه او حاسس بنقص معين في شخصيته بيحاول دايما يظهر نفسه كامل عشان يداري شخصه الحقيقي ويبرر لنفسه خطؤه ب( انني لا اكذب ولكني اتجمل )
    بس ده ما ينفعش دا بصراحه كده اسمه نفاق
    وشكرا ليكي
    ميرسي كتير علي ردك يوجينا
    زى ما ذكرتى هو حاسس بنقص في الشخصية يعنى نفسه فى سلوك معين وواجهه معينه لنفسه وللأسف مش لاقيها فبيحاول يوصل لبغيته دى لكن فى بعض الأحيان ممكن نلاقى اشخاص نعرفهم كويس قوى ولما ننظر لمشاركتهم على المنتدى نفاجأ بشخصيه تانيه هو ممكن يكون دا جزء من شخصيته وجزء مجهول بس هو مش عارف يخرجه فى الواقع ولقى طريقه على صفحات المنتديات ويبقى فى هذه الحاله الشخص دا بيعبر عن نفسه وعن جزء من شخصيتعه فشل انه يظهره فى الواقع أو ممكن لم يجد فرصته للتعبير عن وجوده ودا بيكون عيب مشترك بينا وبين الشخص دا اننا لم نعطيه الفرصه ليعبر عن نفسه أو ممكن بكون دا عيب منه انه مش قادر يوصل نفسه وفكره


    اقتباس المشاركة الأصلية كتبت بواسطة same7 مشاهدة المشاركة
    فعلا يا دكتورة الشخصيات دى موجودة وبصراحه لما اتعرف على واحد منهم استغرب هوة ليه بيعمل كدة

    ولما سألته قالى انه بيلعب ..بيضيع وقته ..عادى يعنى
    لكن بصراحه اعتبرت ان اللى هوة بيعمله دة كدب
    بيكدب على نفسه وعلى غيرة وكان نفسى اعرف بيستفيد ايه لكن انا كنت اضايقت لما عرفت انه بيعمل كدة وقطعت الحوار علطول
    لكن الحمد الله كل مشاركاتى بجد لان بعتبرها اكتشاف للنفس وربما ارشاد لها او تعليمها او ربما لايضاح صورتى امام من لا يعرفنى ويود معرفتى
    يمكن لانى بعتبر الكليه دى اسرتى الثانيه واللى فيها دول اخواتى بجد بحس بجو غريب على المنتدى وكمان فى الكليه وبحس انى فى صفات متميزة موجودة فى طلبه كليه صيدله عجبتنى شخصيا يمكن مسمعتش عنها فى اى كليه تانيه
    بجد شكرا على الموضوع الجميل دة

    شكرا لحضرتك على الرد الأجمل بس فى الحاله اللى ذكرتها حضرتك دا مجرد قناع الشخص دا بيلبسه أمام الآخرين ودا يمكن يكون جزء من بعض الشخصيات اللى ممكن نواجهها ودى شخصيات ان صح التعبير بتكون شخصيات منافقه تلهو وتلعب بالاخرين وهى شخصيه ممكن تكون سيكو او شخصيه غير جديره بالاحترام



    اقتباس المشاركة الأصلية كتبت بواسطة Gohary مشاهدة المشاركة
    http://www.pharma-board.com/board/showthread.php?t=5188

    التوبيك ده انا فتحته من زمان واكلمنا فى الموضوع ده اقراه هتلاقى فيها اراء حلوه وكويسه اوى ..
    انا بعتذر بجد عن تكرار الموضوع بس فى الفتره اللى حضرتك كنت كاتب فيها الموضوع انا مكنتش لسه سجلت على المنتدى بعتذر كتير على اللخبطه دى معلش بقى مكنتش أعرف
    بقى ياربى أول مره اشارك فى موضوع على المنتدى يحصل كدا
    بس فعلا الردود اللى كانت على موضوع حضرتك يادكتور ردود امتعتنى جدا وانا بقرأها

    اقتباس المشاركة الأصلية كتبت بواسطة SALMA مشاهدة المشاركة
    موضوع جميل جدا
    بس أنا أعتقد ان الشخص ده ممكن يكون فيه الصفات اللي بتعبر عنها ردوده في المنتديات بس مش ظاهرة من خلال التعامل معاه على أرض الواقع
    يعني..ممكن يكون تبع الموقف أو ان المنتديات بتتيح له الفرصة أكتر انه يظهر صفات فيه حتى ممكن هو نفسه يكون بيكتشفها جواه لأول مرة..
    دا نفس رأيى سلمى وانا بتفق معاكى وميرسى كتير على مروك وردك الجميل

  9. #29
    Pb Elite
    تاريخ التسجيل
    Nov 2007
    الدولة
    Dakahleia
    المشاركات
    2,549

    افتراضي

    موضوع حلو جداااا ..

    في رأيي أيوة قد يكون الاختلاف بين النت و الواقع موجود بس لما يكون الشخص قاصد كدة..

    لكن في جوانب مفيهاش اختلاف ..

    آراء أي شخص مننا بخصوص موضوع معين ع المنتدى المفروض انها نفس رأيه لو اتسأل فيها مش ع المنتدى ..

    أما ان شخص يقصد انه يظهر شيء مش حقيقي أو يرسم شخصية مش حقيقية لنفسه و دة ما أكثره على صفحات الشات بشكل خاص فدة بيكون له أهداف تانية تندرج تحت مفهوم ( البحث عن السعادة )

    وعشان كدة ..

    لازم اللي يكون داخل عالم النت يكون هدفه انه يقرأ و يسلي وقته بشيء مفيد لا يغضب الله ..

    و الله الناس يختلفوا عن الواقع ولا يتفقوا مع الواقع عادي دة شيء مش مهم بالنسبة ليا ..
    لذلك لا أفضل أبدا التعارف الذي كانت بدايته على الانترنت ..
    و أحب ان تكون شخصيات الانترنت منفصلة عن شخصيات الواقع ..
    بستثني من كدة معرفتي ببعض زميلاتي من هنا من المنتدى دة ..
    معرفتهم شيء بعتز بيه ..
    و دة مش وارد انه يحصل كتير ..

    دة لأنهم زميلاتي معايا في نفس الكلية و الفرقة ..
    ولأن منتدانا دة بيجمع ناس محترمة سواء زملاء أو زميلات ..
    الناس بتسجل بالـ Id بتاع الكارنيه فمش أي حد بيدخل هنا و دة أجمل شيء ..
    لكن عموما ع الانترنت مش مستحب التعارف ..
    ليه ؟؟
    قريت مرة حكاية قبل كدة ..
    واحد مثل ع الماسنجر انه بنت و عاش الدور و فضل يكلم في واحد تاني بالسنين و ياعيني صاحبنا العبيط كان الموضوع كبير عنده أوي ..
    وكان التاني المخادع قايله على مكانه بالضبط من قبل كدة مش متخيل ان ....
    المخدوع راح سافر بلد محبوبته الجميلة اللي عرفها م النت ( معرفة الندامة ) ههههههههه
    ولما عرف الموضوع راح رفع قضية ..
    وفي الآخر خسرها ..
    يستاهل طبعا ..

    اللي يدخل نت يعرف كويس ازاي يستخدمه و ايه حدوده ..
    النت للاستفادة و للقراءة و للتسلية فيما لا يغضب الله ..

صفحة 3 من 3 الأولىالأولى 123

المواضيع المتشابهه

  1. من مقالاتي,,,عقلي يريد أن يطال السماء و لكن الواقع شيء أخر,,,
    بواسطة HappY bE في المنتدى منتدى المناقشات
    مشاركات: 3
    آخر مشاركة: 19-09-2010, 05:23 AM
  2. مابين الواقع والخيال ( برجاء توخي الحذر)
    بواسطة العقرب في المنتدى المنتـدى العـام
    مشاركات: 10
    آخر مشاركة: 07-09-2010, 10:14 AM
  3. **مابين التنظير والتطبيق ...... لماذا نجد هذه الفجوه المهوله ؟؟؟؟؟؟؟؟
    بواسطة AbU ElKhAiR-Let`s Go في المنتدى منتدى المناقشات
    مشاركات: 10
    آخر مشاركة: 29-07-2010, 12:59 AM
  4. الممتلكات الشخصيه والشك؟؟؟؟؟
    بواسطة summer breeze في المنتدى منتدى المناقشات
    مشاركات: 19
    آخر مشاركة: 06-05-2010, 07:01 PM
  5. & خطوات عمليه لزياده سعادتك الشخصيه &
    بواسطة * Esraa_resala * في المنتدى التنمية البشرية وتطوير الذات
    مشاركات: 8
    آخر مشاركة: 20-02-2009, 11:06 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •