ماذا تفعل عندما يتغير عليك أعز الاعزاء؟؟؟

[تابعة محمد]

بسم الله الرحمن الرحيم
زين ما كتبتى لان فعلا ده الى حصلى و بجد بسبب الموضوع ده انا بعيش اتعس ايام و كنت فكرت انى نسيت بس لقيت ان الموضوع مينفعش يتنسى خصوصا انها كانت بجد غالية عندك و انتك لما دخلتى حياتها مكنتشى شخص عادى لا بالعكس كنت غالية عليها فاكيد هيبقى صعب عليكى انك تكونى و لا شئ بالنسبة ليها .
اما من حيث المناقشة فاظن انها مطلوبة بس ايه لزمتها لو كنتى متاكده انكم مش هتبقوا اصحاب تانى و الفراق هو الخاتمة . اعتقد الحاجة الوحيدة الى ممكن اعملها انى افضل احبها و اخاف و اطمن عليها و احترمها و احافظ عليها على قد ما اقدر . ادعولى اعدى المحنة ديه .

[Dr nour]

موضوع جميل ومؤثر ................أشكرك عليه

مـــاذا ســـتكون ردة فعــلك تــجاهه..؟

رده فعلى هتكون حسب طبيعه الشخص اللى أمامى يعنى لو صاحبتى وفعلا هى عزيزه عليا قوى مش هستحمل انها تكون زعلانه منى وأكيد هحاول أعرف السبب وبالنسبه لها لو كنت فعلا عملت شئ يزعلها أكيد هى كمان مش هتقدر تعاملنى معامله سيئه من غير ماتيجى وتقلى انا زعلانه منك لكذا وكذا
لأن اكيد اللى وصل العلاقه بينا لهذا الحد شئ احنا فعلناه احنا الاتنين ولازم كل واحد فينا يتحمل الآخر لأقصى درجه ..............لأنها عشره وكمان المفروض انها تكون أكتر الناس معرفه بى واكيد لو عملت شئ يزعلها أكيد هيكون من غير قصد

أو تنســاه ولاتــهتم
بــه..؟؟

والله لو حاولت أعرف السبب وصديقتى دى تجاهلتنى تماما لأ ومش كدا استمرت بمعاملتى معامله لا أقبلها أو لكنت عارفه سبب الزعل وكنت متأكده انه ميزعلش حد وكمان حاولت ان ارضيها ولكنها لم تتقبل بل فعلت بى ما لم يفعله أحد بى من قبل ساعتها مش هقول انى هنساها لأ هحاول اتجنبها ............لأنها فى هذه الحاله أكيد عمرى ماكنت عزيزه عليها لأنى لو كنت كدا فعلا عمرها ماكانت هتعمل فيا كدا حتى لو عملت شئ فعلا يزعلها منى ..............لأن أكيد برضه كان بينا أشياء جميله هى نستها وأصبح كل همها ازاى تجرحنى وجرحه بيكون قاسى جدا

[Dr nour]

بسم الله الرحمن الرحيم
زين ما كتبتى لان فعلا ده الى حصلى و بجد بسبب الموضوع ده انا بعيش اتعس ايام و كنت فكرت انى نسيت بس لقيت ان الموضوع مينفعش يتنسى خصوصا انها كانت بجد غالية عندك و انتك لما دخلتى حياتها مكنتشى شخص عادى لا بالعكس كنت غالية عليها فاكيد هيبقى صعب عليكى انك تكونى و لا شئ بالنسبة ليها .
.

اسمحيلى اعقب على كلامك ................صدقينى كلنا مرينا بمثل هذه التجربه وفعلا التجربه بتكون قاسيه جدا وبتمرى بأيام صعبه جدا والأيام دى بتكون طويله يمكنى تأخذ شهور لحد أما تتوازنى وانا بقول تتوازنى مش تنسى لأنك عمرك ماهتنسى ...........أنا مش بقول كدا علشان أحبطك بس فعلا ده اللى بيحصل بس مع مرور الزمن حده الموضوع بتخف وتقدرى تتعايشى بيه
بس صدقينى لما تفوقى من التجربه دى هتكتشفى ان ده أحسن شئ اتعمل ويمكن تعيشى مرتاحه بكتير عن الأول وتكتشفى ان ربنا كان رحيم بيكى قوى ...............لأن صديقتى هى نفسى هى أنا وانتى عمرك ماتقدرى تعيشى وانتى منفصله عنها وان انفصلتى عنها واتغيرت عليكى يبقى مكنتش صديقه ليكى وكانت وهم والحمد الله انى عرفت

اما من حيث المناقشة فاظن انها مطلوبة بس ايه لزمتها لو كنتى متاكده انكم مش هتبقوا اصحاب تانى و الفراق هو الخاتمة .

فعلا زى ماحضرتك قلتى عمركم ماهترجعوا زى الأول لأن فى حاجات أما بتنكسر عمرها مابترجع تانى

اعتقد الحاجة الوحيدة الى ممكن اعملها انى افضل احبها و اخاف و اطمن عليها و احترمها و احافظ عليها على قد ما اقدر . ادعولى اعدى المحنة ديه

هو ده فعلا أحسن شئ نقدر نعمله لأنك عمرك ماهتقدرى انك تغيرى نظره الحب ليها بأى نظره تانيه
وان شاء الله تقدرى تعدى المحنه دى على خير ............وان شاء الله ربنا يعوضك بصديقه أو أصدقاء تقدروا تفهموا بعض وتكونوا فعلا اصدقاء بجد
أنا أسفه انى طولت وانى اتدخلت بس فعلا انا حسيت بيكى قوى فحبيت اقولك انها تجربه وهتعدى ولما تعدى هتحسى انك أفضل

[قناع الذهب]

طبعا بتبقى حاجة تزعل جدا وخصوصا لو انتى حاسة انك معملتيش فى الانسان اللى قدامك دا حاجة وحشة او حاجة ممكن تزعل انا لو حصل كدة معايا بفضل اراجع كل كلمة قلتها بالحرف فى دماغى عشان اعرف انا قلت او عملت حاجة زعلت الشخص دة ولا لا واقعد اسأل برضة مالك مالك مالك مالك لحد ما اعرف انا سبب الزعل دا ولا لا مع انى ببقى متاكدة ان انا مش السبب

[Sincerity]

ميرسى تابعه ونور على مروركو وردكو ....وفعلا نور زى ما قلتى أغلبنا مر بالتجربه دى ...بس المشكله فعلا ان الواحد يكون عنده الجرأه والشجاعه انه يواجه الشخص التانى اللى فجأه ممكن يتغير من تجاهنا ...المشكله ان الحكايه دى حصلت معايا وانا فى فتره امتحانات وبجد أثرت عليا اوى ...بس الحمد لله قدرت أعديها بسلام ...وأتناقشت معاها وفعلا طلعنا أحنا الاتنين غلطانين وكل واحد اتأسف للتانى عن اللى عمله ...وعاوزه أقولكو ان أحنا دلوقتى أعز أصحاب وجايز فعلا كانت الحكايه دى حصلت علشان تقربنا من بعض أكتر

اما من حيث المناقشة فاظن انها مطلوبة بس ايه لزمتها لو كنتى متاكده انكم مش هتبقوا اصحاب تانى و الفراق هو الخاتمة . اعتقد الحاجة الوحيدة الى ممكن اعملها انى افضل احبها و اخاف و اطمن عليها و احترمها و احافظ عليها على قد ما اقدر . ادعولى اعدى المحنة ديه .

مين قال أنكو مش هترجعوا أصحاب تانى ...بس فعلا لو انتو مكنتوش قريبين من بعض ف الاول ممكن نقول كده ...بس صدقينى أنا جربت وقلت ان احنا بقينا دلوقتى أعز اصحاب ...حلو اوى ان شعورك نحيتها هيفضل زى ما هوا وانك هتفضلى تحبيها زى الاول ...بس لو فى فرصه بقولك حاولى...وان شاء الله ربنا يقويكى وتعدى المحنه دى

[Sincerity]

طبعا بتبقى حاجة تزعل جدا وخصوصا لو انتى حاسة انك معملتيش فى الانسان اللى قدامك دا حاجة وحشة او حاجة ممكن تزعل انا لو حصل كدة معايا بفضل اراجع كل كلمة قلتها بالحرف فى دماغى عشان اعرف انا قلت او عملت حاجة زعلت الشخص دة ولا لا واقعد اسأل برضة مالك مالك مالك مالك لحد ما اعرف انا سبب الزعل دا ولا لا مع انى ببقى متاكدة ان انا مش السبب

ميرسى سمسمه على مرورك وردك ....نورتى الموضوع

[تابعة محمد]

بسم الله الرحمن الرحيم
شكرا يا دكتورة نور و سينسيرتى على ردكم . و الحمد الله مش لوحدى الى حصلى ده و اتمنى انه ميحصلش لحد تانى .
بس عارفين اكتر حاجة صبرتنى هى انى دعيت ربنا و قلتله انى بحبها اوى و نفسى اشوفها فى الجنة و ندخلها سوى فلو كان ده علشان يتحقق لازم نبعد فى الدنيا فنبعد بس ندخلها سوى ، و ده كان لما كنا بنتكلم . الحاجة الوحيدة الى ممكن اقولها انى بحبها فى الله لكن محاولة اننا نرجع زى الاول اعتقد انها محتاج وقت طويل .
شكرا مرة تانية على الرد .

[Pharmcist_girl]

موضوع أعجبنى وحبيت أتناقش معاكم فيه

ماذا تفعل عندما يتغير عليك أعز انسان؟؟؟

انســــان عـــزيز علـــيك
تــقضي مــعظم أوقـــاتك مــعه..

كـــان الانــــسان الـــذي تشـــكو لـــه هـــمومك..
تـــسعدك ابتـــسامته الــرقيقه..
وكــان يـــهتــم بــك..
ولا يـــقدر عــلى فراقـــك..
وحـــالك لايــصبح أفضـــل إلا بـلقــياه..و ســماع صــوته كـــل يــوم..

.....................

بــين يوم وليـــله انقــلب حــاله..
وتــغيرت تصـــرفاته...
كــأنــه لـــم تــكن بيــنكم عــلاقة وطيــدة تـــجمعكما..

مـــاذا ســـتكون ردة فعــلك تــجاهه..؟
هـــل تحــاول معــرفة السبــب..؟
أو تنســاه ولاتــهتم
بــه..؟؟

بانتظار ردودكم الرائعة

اولا اشكرك على الموضوع

ثانيا انتى قولتى اعز الاعزاء يبقى لازم نهنم و نهتم و نهتم 1000000000000 مرة كمان لان فى زمان ده صعب نلاقى حد قلبنا يرتحاله ونطمناله الصديق اللى بجد نادر اما نلاقيه عشان كده نحافظ عليه ده رايه

لكن لو صديق اى كلام او اساسا لا يستحق لقب صديق يبقى جت منه و احسن برضه لكن اعز الاعزاء مستحيل نفرط فيه وشكرا دكتورة فله

[Sincerity]

اولا اشكرك على الموضوع

ثانيا انتى قولتى اعز الاعزاء يبقى لازم نهنم و نهتم و نهتم 1000000000000 مرة كمان لان فى زمان ده صعب نلاقى حد قلبنا يرتحاله ونطمناله الصديق اللى بجد نادر اما نلاقيه عشان كده نحافظ عليه ده رايه

لكن لو صديق اى كلام او اساسا لا يستحق لقب صديق يبقى جت منه و احسن برضه لكن اعز الاعزاء مستحيل نفرط فيه وشكرا دكتورة فله

الشكر لله ...ميرسى على مرورك وردك .....نورتينى

[Mahinour]

اكيد هتكلم معاها و اعرف السبب و احاول اتناقش معاها فيه و احل الامر و اذا اثرت فما الى الا الدعاء لها بالعفو