المشكلة الثانية- قلة الإمكانيات

[Amira Said]

السلام عليكم ورحمة الله وبركاته،،

السلام عليكم ورحمة الله وبركاته،،

أساتذتي الكرام، زملائي الطلبة والخريجين، قدّر لنا أن نكون أصحاب مهنة عظيمة تختص بالجانب الصحي في مجتمعنا، لنا حقوق وعلينا واجبات ولابد أن نقوم بواجباتنا بنفس الهمة التي نطالب فيها بحقوقنا.

بدأ د/عبد الله عبد الرحمن هذه الفكرة هنــــــــــــــــــــــــا

ونالت د/ يوجينا شرف البداية هنــــــــــــــــــــــــــــــــــا

مشروع برنامج تطوير الصيدلي بقلم د/عبد الله عبد الرحمن هنـــــــــــــــــــــــــــــــــا



وان شاء الله في هذا الموضوع سنقوم بتجميع روابط الموضوعات لتسهيل الوصول إليها في أي وقت

أرجو من الجميع المشاركة، واستحضار النية

في أمان الله

إن شاء الله في هذا الموضوع سنقوم بمناقشة المشكلة الثانية وهي قلة الإمكانيات أو ضعف الوسائل التعليمية

العملية التعليمية تقوم من وجهة نظري على موارد بشرية وموارد مادّية، الموارد البشرية هي أساتذتنا الكرام والموارد المادية من أجهزة و كيماويات وخلافه

في انتظار آرائكم بخصوص هذا الموضوع كبداية للخروج بتوصيات للتطوير ان شاء الله


-----
طبعا كلنا لينا ذكريات مع الميكروسكوبات اللي جت واحنا في سنة رابعة تطورت شوية وبقى في ميكروسكوبين نضاف في معمل الأبلايد
ولينا ذكريات مع كمية البودر في العقاقير والعضوية والمديسنال، وموازين الصيدلانيات والكيموجراف في البيو أساي

طلعوا كل اللي جواكم

[Amira Said]

انتم فين يا جماعة مفيش تعليق على الامكانيات خالص؟ ولا حتى الماصّات اللي هنفتح لها موضوع منفصل

[محمد سمير]

بالنسبه للموارد البشريه

ان يكون المحاضرلديه موهبة توصيل المعلومه للطلبه بشكل بسيط وشيق

مش مجرد قراءة للداتا الشو وخلاص

يكون شرح مع توضيح بامثله لتسهيل وصول المعلومات

اما بالنسبه للموارد الماديه

ان تكون المعامل مجهزه بالادوات اللازمه وتطبيق ما يدرس فى النظرى عمليا

[Amira Said]

تمام، بالنسبة للموارد البشرية، ليه ميكنش في الدكتور الباحث والدكتور المعلّم، ممكن دكتور يكون بارع في إعداد المنهج المناسب بالطريقة المناسبة ودكتور تاني بارع في شرح المنهج ده
فكرة توزيع الأدوار
وكمان ممكن الاستعانة بالخريجين الجدد في تطوير المناهج وطريقة التدريس

وبرضه عدد الدكاترة بالنسبة للطلبة، زي سكاشن التوكسو مثلا، كنا متوزعين بطريقة جيدة نوعا ما، كل معيد معاه عدد معين من الطلبة

[white light]

بالنسبه للمواد الماديه
تم بحمد الله تعالى تزويد معمل الصيدلانيات بميزان الكترونى واحد فقط بيشتغل عليه 40 طالب مش مشكله اهى خطوه فى تطوير المعامل بس نرجو المزيد

وبالنسبه للميكروسكوبات يجب ان لا ننسى الميكروسكوبات الجديده اللى مستوردنها من امريكا اللى مكنتش بتطلع الا بس فى الامتحان

وايام السكاشن بشتغل بالميكروسكوبات التى عفا عليها الزمن

المفروض يتم تطوير المعامل تطوير شامل بكل ما يحتاجه المعمل من ادوات وكيماويات يعنى مينفعش طالب فى كليه صيدله انه يجيب ادوات معاه لازم المعمل هو اللى يوفر هذه الادوات ممكن يبتدوا السنادى ينسقوا مع طلاب سنه رابعه انهم ياخدوا الادوات منهم .......واللى يكسر حاجه يدفع تمنها

بالنسبه للموارد البشريه ..........ما شاء الله عندنا دكاتره ومعيدين كتير فى الكليه

منهم من يكون عنده المقدره على توصيل المعلومه لطلاب ومنهم لاء مع احترامى للجميع

ليه ميتعملش ليه قبل بدء الدرايه كورسات تدريبيه فى كيفيه التدريس وتوصيل المعلومه بأبسط الطرق للطالب وكيفيه اشراك الطالب فى الشرح مع الدكتور
واكيد ده هيفرق كتير معانا .......اهم حاجه انه هيقلل الكورسات

[Amira Said]

المفروض يتم تطوير المعامل تطوير شامل بكل ما يحتاجه المعمل من ادوات وكيماويات يعنى مينفعش طالب فى كليه صيدله انه يجيب ادوات معاه لازم المعمل هو اللى يوفر هذه الادوات ممكن يبتدوا السنادى ينسقوا مع طلاب سنه رابعه انهم ياخدوا الادوات منهم .......واللى يكسر حاجه يدفع تمنها

فعلا، وده اقتراح تنفيذه سهل، ومطبق فعلا في الصيدلانيات والميكرو

وكمان في التحليلية ليه ميبقاش في في كل زجاجة اوتوماتيك بايبت، وكل طالب يستلم واحدة لشغله في الامتحان

والحامل برضه نفس الفكرة

السنة اللي فاتت قسم المديسنال خد مننا الادوات علشان تبقى موجودة في المعامل، معرفش ايه النظام السنة دي

ليه ميتعملش ليه قبل بدء الدرايه كورسات تدريبيه فى كيفيه التدريس وتوصيل المعلومه بأبسط الطرق للطالب وكيفيه اشراك الطالب فى الشرح مع الدكتور