يوميـات BoNbOoNa في الصيدلية Rx 2 !

[وردة العمر]

بالنسبه لل intradermal ,, sc فيه فرق اة فى فرق واحد بيكون اعمق من التان يعنى على ما اتزكر ان الintradermal هو الاعمق وعموما هتاكد منها بكرة وقولها اكيد
انا دورت فى اللى احنا اخدناة اخدنا فى الصيدلانيات السنادى ان الجلد بيتكون من 3 طبقات من جون لبرة epiderms , derms ,hypoderms
بالنسبه بقى للحقن intradermal معناها انى بحقن فى الطبقه الل فى النصف اللى هيا derms دة اخدناها فى الاساى كانت اول مرة اشوف الحقن دة
اما بالنسبه لل sc فدة بيكون اعمق من الintradermal جوة بكتير
يعنى الصح هو عكس الكلام اللى قولته فى الاول خالص اسفه على الخطا اللى حصل بعد كدة هتاكد الاول وبعد كدة اقول



الانترادرمال دى بتكون فى منطقة بيكون الامداد الدموى اقل بكتير تقريبا منطقة بيكون فيها ليبد كتير

طب ازاى اذكان احنا اخدنا فى الصيدلانيات ان الطبقه derms دى بيكون فيها كل حاجه يعنى بيكون فيها اوعيه دمويه وغدد يريت حد يوضحلى


تمام الاتنين حقن بس ال s.c حقن تحت الجلد يعنى تحت طبقه الجلد كلها., طب هو كدة مش بيكون حقن عضلى ولا لا حاسه انها ملخبطانى شويه يريت حد يوضحها ..
لكن ال intradermal عباره عن حقن فى طبقه الجلد نفسها

[a_fouda2]

السلام عليكم ورحمة الله وبركاته

زى ما الدكتورة قالت الجلد بيتكون من تلات طبقات epiderms , derms ,hypoderms

intradermal من اسمها بيبقى فى ال dermis وهى فعلا فيها كل حاجة بس الكمية اللى بتتحقن فيها بتبقى بسيطة جدا وقليلة عشان :

Intradermal injection is often used for conducting skin allergy tests and testing for antibody formation.

ال S.C بقى بتبقى فى منطقة hypodermis
أنا دورت فى النت لقيت ان
dermis and epidemis collectivley called cutis
&
hypodermis layer also called subcutaneous tissue

والاستخدام بتاعها بيكون عشان

administering vaccines and such medications as insulin,morphine ,diacetylmorphine or goserelin.


ودى مكونات الجلد

الصورة دى بقى بتوضح الفرق بين
subcutaneous ,intradermal & intramascular

أتمنى ان الموضوع كده بقى أوضح

[نعمة]

جزاكي الله خيرا بنونة ع يومياتك
وفعلا الصورة تغني الكلام في الحقيقة صورة الدواء بتسهل ثباته في الذاكرة وبتسهل دخول المعلومات عنه بطريقتك المبسطة وشكرا

[BoNbOoNa]

شكــرا د. a_fouda2 و وردة علــي التوضيح .. جزاكم الله خيــرا

جزاكي الله خيرا بنونة ع يومياتك
وفعلا الصورة تغني الكلام في الحقيقة صورة الدواء بتسهل ثباته في الذاكرة وبتسهل دخول المعلومات عنه بطريقتك المبسطة وشكرا

و جزاكي الله بالمثل
شكـــرا علي المتابعة


====

writing . . .

[dr.muslima]

جزاكي الله خيرا د/بنبونة
المواقف ماشاء الله جميلة (اكتر حاجة بفهمها )
حليت الكويز وجبت 18 صح بس باذن الله هحاول احله وقت تاني وانا مركزة اكتر

وشكرا لكل الدكاترة بجد والله الحوار بينهم ممتع والاسئلة كلها جميلة وممتعة جزاكم الله كل خير وربنا يبارك فيكم ويوفقكم

لسه متابعة معاكي باذن الله

[BoNbOoNa]

... Day 8 &9

انتهيت من الـsupp الحمد لله ... و بدأت احاول اكتب النواقص عشان احضر الطلبية بتاعتها


أخدت يومين راحة من التركيز علي dosage form واحدة ،


و كان اهتمامي اكثر بإني ارص ادوية الطلبية

و ادور علي حاجات اتناقشنا فيها هنا قبل كده ..

علي فكرة مش فاكرة شكل الأموكسيل الشرب . . بيتهيألي العلبة فيها لون احمر و رمادي ؟
هشوف بكرة ان شاء الله

طلع احمر في رمادي فعــلا

أنما بقى اموكسيل اكياس دا أول مره فعلا أسمع عنه

دورت عليه في الصيدلية و طلع مش موجود اموكسيل او اي مضاد حيوي تاني في صورة اكياس

مرة جاءنا رجلا و طلب hair vit و fast care
ممم طيب انا عارفة اقراص الـ hair vit
رحت جبتها و رجعت
- اتفضل يا فندم ...للأسف " أقراص" الـ fast care مش موجودة
ضحك الرجل ,,, و قال .. fast care ده "شامبو" !!
قلت للعاملة تجيبله اللي هو عايزه و تحاسبه و انسحبت بهدوء من المكان ...
احراج ....

شفته بالصدفة و انا برص الطلبيــة

ياريت حضرتك تراجعى البامفلت تانى لأن الدواء ده مش موجود عندنا فى الصيدلية
والبامفلت اللى انا قرأتها مفيهاش حاجة عن المرض ده

عندنا علبتين بس في الصيدلية ،
اللي في الصورة (200 mg ) و التانية 400 mg

راجعت البامفلت تاني :




&



و ده شكل الـsupp من جوه :






باقي تدريبي في اليومين كنت بحاول أقرأ اكبر عدد ممكن من الروشتات
بالذات الاستخدام اللي بيتكتب بالعربي


انتهت فترة الراحة و هبدأ بكرة تاني اركز علي حاجة dosage form معينة

بفكر اخد الـحقــن ،

ربنا ييسر ان شاء الله

~ تـم بحــمد الله ~

[Mahmoud_Seif]

[Nada Radwan]

ياريت لو اخدتى الinjectionالمره الجايه يابونبونتى..
لان دول يعتبروا اكتر حاجه انا ملمه بيها ف الصيدليه عندنا..
لانهم ف الركن اللى باقف فيه
بالنسبه لعلامات الاستفهام
هههههههه مش عارفه بقي
هم اكياس شامبو بانتين وصانسيلك..
والعلبه المدورة اللى هى اكل الاطفال..اسمه جاربـ..حاجه مش فاكراها بصراحه
بس عمرى ماحبيته اطلاقاً..بحس انه شوية خضار مضروب ف الخلاط

بالنسبه بقي للـcyclogest
هو تقريباً كان د.عبدالله قال انه بيبقي contraintracatedفى حالة الاضطرابات العقليه او حاجه زى كده
ده مكتوب ف البامفلت برضه؟؟

[shimoaa]

جزاكي الله خيرا يا بنبونه
وياريت تبدأي المرة الجايه بالحقن .......... لاني برده مركزة عليها بعد ما خلصت المضادات الحيويه

متابعه...........

[مشمشة]

جزاكى الله كل خير يابنبونـــــــــــة

وربنا يكرم كل الدكاترة اللى بتشارك

انا بستفيد جدا من المشاركات دى

ربنا يجعله فى ميزان حسناتكم ان شاء الله