ياقاضى ف المحكمه
قولى وكيلك مين؟
بتخاف صحيح ربنا؟
ولا من الظالمين؟
فاكر ياباشا القَسَم
ولا سقط اليمين؟
جيتلك عشان مظلمة
وكانوا كتير شاهدين
كان الشباب ف العمل
ساعة ما جــ الشياطين
والتهمة اصلا باطل
وانت سيد العارفين
عمَّال تأجِّل ليه
وتذل ف المساكين
حرام عليك عمرهم
يضيع ورا الزنازين
إوعاك تكون فاكر
راح تخرس الباقيين
كتر المرار والأسى
بيشعلل الثايرين
ياقاضى ف المحكمه
قولى ضميرك فين
عود العدالة إنحنى
وسكن عاره الجبين