Mumps
إلتهاب الغدة النكافية ( النكاف )
سبب إثارته دلوقت
إنه حاليا منتشر جدا على الأقل عندنا هنا فى الغربية وفى مدرستين أتقفلوا تماما فى المنوفية
أنا بيجيلى على الأقل من حوالى أسبووع كدا أكنر من خمس حالات يوميا ...
طبيعة الغدة
الغدة دى عبارة عن زوجين من الغدد اللعابية مكانها
المرض
عبارة عن فايرس paramyoxovirus بيدخل عن طريق الجهاز التنفسى يعنى بيتنقل من النفس
فنخلى بالنا لما الحالات دى تخشلنا الصيدلية
طريق المرض
بيدخل من الجهاز التنفسى ثم للدم ثم بقى يروح لكل أجهزة الجسم
( ودى سبب خطورة المرض دا انه فى بعض الحالات صحيح هى نادرة لكن بتحصل بينتقل للخصيتين والمبايض و بيعمل فيهم إلتهابات بتسبب العقم أحيانا فى الأطفال الغير بالغين !!! )
وبعد كدا يصيب الغدة النكافية
أعراض المرض
بيظهر إنتفاخ فى أحد جانبى الوجه
( الحالة فى الصورة دى متطورة بتبقى فى الأول أقل من كدا )
وطبعا درجة الحرارة بتزيد جدا بتعدى 39
ومش بيعرف ياكل
والفك بيوجعه ومش بيعرف يبلع وكدا
العلاج
الحالة فيروسية يبقى مش فيه علاج
هندى حاجات مسكنة وخافضة للحرارة ومضادة للالتهاب
مع أى مضاد حيوى بسيط
لتفادى السكند اتفكشن باكتيريا
فترة المرض
الحالة بتعدلها بتاع أسبوعين وبتخف وطبعا مش يكون فى اختلاط بالناس ومش يروح المدرسة ويرتاح علشان الفايرس ياخد دورته ومش يعدى حد
التطعيم
طبعا عارفين انه له تطعيم فى الاطفالل
الى ه و الطعم الثلاثى MMR بتاع الحصبة بنوعيها مع النكاف بيتاخد مرتين بعد سنة وقبل دخول المدرسة
فى أمان الله