للأسف معرفتش أحضر حفلة النقابة يارب اللي راحوا يكونوا اتبسطوا ويحكولنا بقي ايه اللي حصل
للأسف معرفتش أحضر حفلة النقابة يارب اللي راحوا يكونوا اتبسطوا ويحكولنا بقي ايه اللي حصل
ماشاء الله.. كانت حفلة جميلة..وهتبقي ذكريات حلوة إن شاء الله..
ألف مبروووووووووووووووك لينا يادفعة 2012....
ربنا يوفقك كل واحد في حياته ودايماً نشارك بعض مناسباتنا.. محدش يقطع مرة واحدة كده بقه
الحفلة بصراحة كان اجمل مافيها اننا اتجمعنا من تانى لأن كان بقالنا مدة مشوفناش بعض
باختصار احلى حاجة كانت الصحبة الحلوة واننا ضحكنا من القلب وان كلنا كنا مبسوطين عشان الحمد لله اتخرجنا كنا مبسوطين عشان نفسنا وعشان صحابنا وللناس اللى منعرفهومش حتى والله كنا فرحانين عشان نجاحهم
واروع لحظة واحنا طالعين نستلم شهادة التخرج وواحنا بنتصور كلنا مع بعض ومرسومة على وشنا ضحكة من القلب
كانت لحظة مفيش اجمل منها نستنا كل التعب اللى شوفناه فى الكلية
تحية خاصة للناس اللى تعبت فى تحضير الحفلة وتنظيمها عشان تطلع بالشكل الراقى دة
.....
والله هتوحشينا جدا يا مطحونة
وهتوحشنى ايام الكلية وهتوحشنى اجمل دفعة قضيت معاها اجمل ايام
الحفله كانت حلوة قوى قوى
يا رب نتجمع كدة علطول
ونبقى فرحانين كلنا
السلام عليكم والله انا كنت فرحانه جدا لما خلصت امتحانات والنتيجه ظهرت بس يوم حفلة التخرج كنت زعلانه جدا لان الحفله كانت رااائعة ولانى مش هاتخرج تانى ومش هاحضر الحفله تانى ولا هالبس الروب تانى انا كنت طايره من السعاده يوم الحفله ########################
عندى سؤال مهم جدا ليا انا خريجة جامعة المنصوره ولكن انا من محافظة الغربيه ياترى كارنيه النقابه بتاعى هاطلعه من نقابة الغربيه ولا الدقهليه ؟ وانا هاكون تبع اى نقابه فيهم؟؟؟؟؟ يارب تكون الاجابه نقابة المنصوره
للأسف ... الاجابة الغربية ،،
النقابة بتكون حسب محل الاقامة : (
الف مبروووووووووووووووووووك لدفعتي الغاليه عندي ومبروك ليا وليكم ,,, وبالتوفيق لينا جميعا بإذن الله في حياتنا القادمه
ربنا يوفقكم يارب ,,, الحمدلله