المشاركة الأصلية كتبت بواسطة د///*مطحونة*\\\
كلنا زعلانين
للاسف مرحلة ولازم نعديها زى غيرها عشان نبدا مرحلة جديدة
ربنا يوفقنا جميعا ونبقى قد المسئولية اللى هنبقى فيها
احساس ان الواحد كبر دة احساس صعب اوى!
.....
-----
الكلام دة منقول من عالفيس:
-----
السلام عليكم ورحمة الله وبركاته
كل عام وانتم بخير
وألف مبروك لكل صيادلة 2012
مجرد ملاحظات سريعة خاصة بالمرحلة الجديدة اللي داخلين عليها بإذن الله
.
.
بإذن الله لما تروحوا تسجلوا في النقابة العامة والفرعية ووزارة الصحة
هتستلم كارنيه للنقابة العامة + كارنيه للنقابة الفرعية + ترخيص مزاولة المهنة "دا من وزارة الصحة"
الورق دا بيخلص في الـ 3 أماكن لكن النقابة هنا في الدقهلية بتوفر عليك المشاوير دي كلها وبتجمع منكم الورق كله وينزل الموظفين للقاهرة يخلصوا بدالك كل الإجراءات في النقابة العامة والوزارة
هيدوكم ميعاد تيجي تستلم فيه الحاجات دي كلها (وساعات بتستلموها في حفلة التخرج)
.
.
لما تستلم الحاجات دي .. انت كدا بقيت صيدلي ومن حقك تفتح صيدلية ؟؟؟
.
.
الإجابة: لا ..... مش من حقك دا غير بعد مرور سنة شغل
يعني إيه؟؟
يعني لازم تسجل في الادارة الصحية التابع ليها .. هتسجل "صيدلي تاني" وبعد سنة من تاريخ تسجيلك "صيدلي تاني" تتحول إلي "صيدلي أول" ..
الصيدلي الأول دا بقي هو اللي من حقه امتلاك وإدارة الصيدلية .. هو اللي يقدر يرخّص وهو اللي يسجل مدير
بالتالي لو حضرتك نسيت تسجل صيدلي تاني .. يبقي هيتأخر تسجيلك كصيدلي أول تلقائي .. ودا طبعا مش كويس
.
.
بتسجل إزاي صيدلي تاني ؟؟
هنقولها قدام لما تسجل الاول في النقابة والوزارة
لكن كل الكلام دا يخلينا نتحرك بسرعة في التسجيل في النقابة عشان تطلع الكارنيهات والترخيص بسرعة بحيث أقدر أسجل بسرعة ... أتمني تكون واضحة ..
طبعا ربنا يكون في عون الشباب اللي جيشهم نصف أول .. بتبقي أيام صعبة جدا جدا جدا لضيق الوقت قدامكم .. ربنا يقويكم
.
.
كل عام وانتم بخير
.
.
وعقبال ما نفرح بيكم في حفلة التخرج بتاعتكم بإذن الله
يوم 23 و 24 - 8 إن شاء الله
ويا أهلا بالصيادلة الجدد
.
.
عبدالخالق البليهي
دفعة
2009
.....