النتائج 1 إلى 9 من 9

الموضوع: كلمتين فى نفسى لكل اللى هينتخب شفيق

  1. #1
    Pharma Student
    تاريخ التسجيل
    Mar 2009
    المشاركات
    371

    Angry كلمتين فى نفسى لكل اللى هينتخب شفيق

    بسم الله

    فى كلمتين فى نفسى لازم اقولهم عشان الانتخابات
    فى ناس مش هيعجبها الكلام بس انا لازم اقوله عشان ضميرى يستريح
    مفيش حد يقولى ما تحاوليش تقنعينا احنا حرين فى راينا

    ازاى يعنى؟؟
    هو اللى انت هتختاره ده يبقى رئيسك لوحدك مثلا ولا كلنا هنتدبس فيه

    كل واحد ناوى تنتخب شفيق
    نفسى اساله
    هو انت مش عايش فى اللى احنا فيه؟؟
    انت متعرفش حد كان بيتاخد من بيته فى عز الليل عشان كلمة قالها؟؟
    متعرفش حد قضى سنين من عمره فى المعتقل من غير اى سبب؟؟
    متعرفش ان البطالة مالية البلد وان الشباب مش لاقى يتجوز؟؟ وان الجرايم زادت بسب المستوى الاقتصادى اللى احنا عايشين فيه؟؟
    ما سمعتش عن العشوائيات؟؟ وولاد الشوارع؟؟
    عجباك المرتبات اللى الناس بتاخدها؟؟
    راضىى ان بلدك بتتنهب قدام عينيك؟؟
    انت ما سمعتش ان قطر الصعيد؟ والعبارة اللى غرقت؟؟ واهل الدويقة؟؟ و........
    عجباك الرشاوى والواسطة؟؟

    نفسى اعرف انت شفت ايه من عهد مبارك يخليك عاوز ترجعه تانى؟؟؟؟؟؟

    مسمعتش عن التعذيب اللى كانوا بيتعذبوه؟؟ والناس اللى ماتت؟؟ والنساء اللى اعراضها انتهكت؟؟


    فين نخوتك وكرامتك؟؟


    ومفيش حد يضحك على نفسه ويقول ان شفيق مختلف
    يا ترى بقى سيادته لو كان مختلف كان مبارك وثق فيه وجابه رئيس وزراء له فى اصعب وقت فى مصر؟؟
    واحد مبارك وثق فيه فى الوقت ده
    يا ترى هو ايه؟؟؟؟؟؟؟؟؟؟


    وبلاش حجج فاضية عشان هيرجع الامن
    امن ايه؟؟
    هو اللى هيقضى على البلطجية فى يوم مش مكن يرجعهم فى يوم برده؟؟
    امن ايه تحت الذل والقهر؟؟

    عاوزين الامن اللى كان فى عهد مبارك؟؟


    وما تقوليش احسن من الاخوان
    والله انا مش مصدقة
    يعنى لما ربنا يسالك عن اختيارك
    ليه اخترت واحد فاسد وانت عارف كده كويس وما اخترتش واحد انت واثق انه لا قاتل ولا فاسد ولا حرامى
    هتقوله ايه؟؟؟؟؟؟؟؟؟؟؟




    .............
    انا مش هطول ..بس بجد مش عارفة اللى هينتخب شفيق هينام مرتاح الضمير ازاى

    اما الناس اللى ناوية تقاطع
    فبعد كده لما تكون ماشى فى الشارع وظابط يوقفك يشتمك من غير سبب افتكر انك قاطعت وما شغلتش عقلك انك تختار افضل الموجودين
    وابقى اتبسط ساعتها بفكرك العالى وثقافتك الواسعة اللى خلتك تقاطع

    الانتخابات عاوزين يزوروها ..اكيد

    بس حضرتك لما تقاطع هتسهل عليهم المهمة

    ...........
    اخر حاجة حابة اقولها
    بعد اقل من 40 يوم من الامومة
    وبعد حبى لابنى فى الايام القليلة دى

    بقول لكل واحد هينتخب شفيق
    خاف من دعوة امهات الشهداء(كما نحسبهم)

    اللى شافت ابنها بيكبر قدام عينيها
    وعشان نزل يقول للظلم لا
    اتقتل فى موقعة الجمل ساعة ما كان شفيق رئيس الوزراء
    الجمال اللى سيادته قال انها كانت رايحة ترقص فى التحرير
    فى استفزاز واضح واستخفاف بعقولنا

    دعوة المظلوم مستجابة

    وانت لما تختار واحد وانت عارف انه ظالم تبقى بتعين ظالم انه يظلم
    هل تستطيع ان تلقى الله وانت من اعوان الظالمين؟؟؟


    ومفيش حد يقول الاختلاف فى الراى لا يفسد للود قضية

    الاختلاف المرة مش هيفسد الود بس ..ده هيفسد البلد ومستقبلنا ومستقبل ولادنا


    ................
    اللهم دبر لنا فاننا لا نحسن التدبير

  2. #2
    Moderator
    تاريخ التسجيل
    Mar 2009
    الدولة
    فى الجنه باذن الله
    المشاركات
    8,884

    افتراضي

    كلام ذى الفل

    ومليون مبروك على المولود

    وربنا يباركلكم فيه

    ويتربى فى عزكم


  3. #3
    Pharma Student
    تاريخ التسجيل
    Mar 2009
    المشاركات
    371

    افتراضي

    اللهم امين

    ربنا يبارك فى حضرتك

    وعقبال كل اعضاء المنتدى

  4. #4
    Pb Elite
    تاريخ التسجيل
    Sep 2010
    الدولة
    حيث توجد الأزهار
    المشاركات
    1,100

    افتراضي

    كلامك جميل جدا دكتورة حبيبه .. ربنا يكرمك ويجزيكِ خير يا رب ..
    مبرووووووووووووك على المولود .. يارب اجعله من الذرية الصالحة ويفرح قلبك بيه يارب ..

  5. #5
    Pharma Student
    تاريخ التسجيل
    Mar 2009
    المشاركات
    371

    افتراضي

    اقتباس المشاركة الأصلية كتبت بواسطة Dr_Cinderellaaaaa مشاهدة المشاركة
    كلامك جميل جدا دكتورة حبيبه .. ربنا يكرمك ويجزيكِ خير يا رب ..
    مبرووووووووووووك على المولود .. يارب اجعله من الذرية الصالحة ويفرح قلبك بيه يارب ..

    اللهم امين

    جزانا واياكم يا دكتورة
    ربنا يبارك فيكى


    انا كنت بقعد اكلم النونو وهو جوه واقوله اول رئيس هتشوفه الشيخ حازم ان شاء الله
    فمش معقول
    من الشيخ حازم لشفيق

    انا مش متخيلة بعد اكتر من سنة بعيد عن مصر انزل الاقى شفيق الرئيس

    ربنا ما يكتبها علينا ابداااااااا
    .........
    اللهم ول علينا خيارنا

  6. #6
    Pharma Student
    تاريخ التسجيل
    Sep 2007
    الدولة
    Damietta
    المشاركات
    211

    افتراضي

    اقتباس المشاركة الأصلية كتبت بواسطة حبيبه مشاهدة المشاركة
    اللهم امين

    جزانا واياكم يا دكتورة
    ربنا يبارك فيكى


    انا كنت بقعد اكلم النونو وهو جوه واقوله اول رئيس هتشوفه الشيخ حازم ان شاء الله
    فمش معقول
    من الشيخ حازم لشفيق

    انا مش متخيلة بعد اكتر من سنة بعيد عن مصر انزل الاقى شفيق الرئيس

    ربنا ما يكتبها علينا ابداااااااا
    .........
    اللهم ول علينا خيارنا

    الشيخ حازم انا بعتزرله زي ما اعتزرت للبرادعي لانه صدق القول لما قال انهم ذئاب وثعالب !!

  7. #7
    Pharma Student
    تاريخ التسجيل
    Mar 2009
    المشاركات
    371

    افتراضي

    نفسى اعرف الدكاترة اللى معانا فى المنتدى اللى اختاروا شفيق احساسهم ايه بعد ما شافو مسييرة تاييد شفيق امبارح
    اللى تضم المغنيين والممثلات
    البكائين على مبارك والمولولات
    المتحولون امثال بكرى وابو حامد

    ده غير انى سمعت ان اصحاب كازينوهات شارع الهرم انضموا ليهم

    ده غير الفيديوهات لتصرفاتهم الراقية جداااا!!!!!!!!!


    بصراحة انا مكسوفة لكل شخص محترم ايد شفيق ونادمانة له كمان

  8. #8
    Moderator
    تاريخ التسجيل
    Mar 2009
    الدولة
    فى الجنه باذن الله
    المشاركات
    8,884

    افتراضي

    وتيفه عكاشه بيقول امبارح

    اللى كانوا فى المنصه مش مليون بس

    دول كانوا 2 مليون

    مع ان المنصه دى مكان اصغر من التحرير وما تاخدش اعداد كبيره

    ولا الفنانين اللى قاعدين يتصلوا عليه

    وصابرين الممثله اللى بتقول لحياه المذيعه اللى مع تيفه انتى ام المصريين

    ولا ابو حامد اللى كان عامل فيها ثورجى فى مجلس الشعب ويسقط حكم العسكر

    الوقتى بيأيد شفيق وبيقول يسقط حكم المرشد

    ربنا يهديهم



  9. #9
    Pb Elite
    تاريخ التسجيل
    Sep 2010
    الدولة
    حيث توجد الأزهار
    المشاركات
    1,100

    افتراضي

    اقتباس المشاركة الأصلية كتبت بواسطة محمد سمير مشاهدة المشاركة
    وتيفه عكاشه بيقول امبارح


    ولا الفنانين اللى قاعدين يتصلوا عليه

    وصابرين الممثله اللى بتقول لحياه المذيعه اللى مع تيفه انتى ام المصريين


    كانت حلقة تنرفز
    القناة دى كلها أصلا
    ربنا يهديهم

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •