صفحة 1 من 4 123 ... الأخيرةالأخيرة
النتائج 1 إلى 10 من 34

الموضوع: اوتوجراف الذكريات

  1. #1
    Pb Elite
    تاريخ التسجيل
    Nov 2007
    المشاركات
    2,342

    Smile اوتوجراف الذكريات


    اعزائى شعب رابعة صيدلة الكرام


    اخواتى واصحابى و زمايلى

    طبعا النهارده كلكو تعبتو من الكتابه على البلاطى والاتوجرافات بس اكيد كنتو مبسوطين

    وانتو بتقضوا اخر يوم فى المحاضرات

    اخر يوم فى السكاشن

    اخر مرة هنلبس فيها البالطو كطلبه كلنا ان شاء الله


    اخر مرة هندخل فيه المدرج كطلبه


    احساس غريب أوى بس أكيد جميل

    زى ماشفت الدفعة كلها متجمعه النهارده بيكتبو لبعض على البلاطى وفى الاوتوجرافات وبيتصورو صور الذكريات

    فأكيد منتدانا الغالى علينا اللى ياما اتجمعنا فيه سواء فى دراسه أو فى أجازة هيبقى أنسب مكان نكتب فيه

    ولو كلمة بسيطة عن احساسنا باليوم ده
    عايزاكو تكتبو عن كل حاجة
    عن احساسكو عن افكاركو عن كل حاجة جواكو

    عايزين تودعو المعامل بضفادعها وفرانها وميكشراتها وتابلتاتها وسحاحتها

    عايزين تودعو المحاضرات ودكاترتها

    عايزين تكتبو اسامى اصحابكو وتدولهم تهنئه سبيشيال

    عايزين تكتبو عن أحلامكو وافكاركو

    عايزاكو دلوقتى تنسو الامتحانات اللى فاتت والامتحانات اللى جايه وتعيشو اللحظه ديه وتسمتعو بيها بجد

    وتسيبو نفسكو وتسيبو احساسكو يخرج زى ماهو صدقونى هترتاحو أوى

    وخصوصا ان الكلام اللى هيتكتب هنا غير الكلام اللى هيتكتب فى أى حته لانه متسجل بالتاريخ والثانية والدقيقة
    وصعب يتمسح أو يضيع


    اتمنى انكو تعيشو معايا اللحظه ديه وتسمتعو بيها بجد قبل ماندخل فى زحمة النظرى

    ربنا يسعدكو كلكو ويوفقكو ويرزقكو بالخير ليكو كلكو

    ياأحلى دفعة وأجمل ناس قابلتها فى حياتى

    اوعو حد يدخل الموضوع وميسيبش ولو كلمة بسيطة تتسجل للذكرى
    والا
    فى انتظار كلماتكو اللى هتلخص حياتنا فى خمس سنين فاتو من عمرنا بحلوهم ومرهم

    واكيد اتعلمنا فيهم كتير
    وان شاء الله اللى جاى كله احسن
    بالتوفيق للجميع


  2. #2
    Moderator
    تاريخ التسجيل
    Mar 2009
    الدولة
    فى الجنه باذن الله
    المشاركات
    8,884

    افتراضي

    ياااااااااااااااااااااااااه

    فكرتونى بالذى مضى

    ده الايام بتجرى بشكل

    عموما

    مليون مبروك على التخرج مقدما

    وعاوزين نشوف صور مميزه لدفعتكم

  3. #3
    Pharma Student
    تاريخ التسجيل
    Apr 2009
    المشاركات
    1,168

    افتراضي

    أنا عايزة اعييييييييييييييييط

    كان يوم بجد جميل جدااااااااااااااا وفجأة بالنسبة لي والله وبجد كان احلي يوم حصلي
    بس حسيت انه خلاص معدناش هنتجمع كده تااااني الايام دي مش هتتعوض تاااني بجد شعور بيزعل خااالص
    وأول مرة فحياااتي مبقاااش فرحانة بالتخرج ........... حقيقي بجد نفسي أرجع من اعداداي تاااااااااااااني دانا كنت هعمل عمااايل مع صحاااابي اللي أدركت اني معملتهاش معاااهم بس متأخر للاسف
    يلا يلا بدل ما انكد عليكم مبروووووووووووووك علينا الدكترة يا احلي دفعة

  4. #4
    Pharma Student
    تاريخ التسجيل
    Dec 2009
    المشاركات
    90

    افتراضي

    على الرغم من انى ماحضرتش اليوم بس عايزة اقول الى اللقاء يااجمل دفعة واجمل صحبة قابلتها وعايزة اقول شكرا لدكاترة كتير بجديستحقواكل تقدير وياريت دائمانفرح بعض باخبارناالحلوة وبالتوفيق للجميع فى اللى جاى

  5. #5
    Pharma Student
    تاريخ التسجيل
    Sep 2008
    المشاركات
    198

    افتراضي

    هقول ايه بس ...
    هقول حبيتك بحلوك ومرك..
    هقول بكيتينى ورجعتى ضحكتينى ...
    احماض ووقعت واسيتيك وشربت ...
    وانفلامابل وسموكى وشفت...
    وفيشى اودر وشميت ...
    طلعت للدور الخامس وصليت....
    وقالوا ننقل التالت نقلت...
    (لحد مابقالنا مسجد )
    ولا سكشن غبت ولا سكشن اتأخرت....
    و7 ضفادع فيكى شرحت ... (ربنا يسامحنى )
    احلى صحاب فيكى عرفت...
    وبعد امتحاناتك وعيطت...
    وبعد النتيجه هيصت
    يااااااااااااااااااااااااااااااه بحبك بحبك ياصيدلة

  6. #6
    Pharma Student
    تاريخ التسجيل
    Jan 2008
    المشاركات
    24

    افتراضي

    والله كان يوم حلو جدا بس مشكلته بس في الفراق وبالذات اننا مش هنعيش مع الناس اللي بنحبهم تاني بجد كانت اجمل خمس سنين ف حياتي صحيح جو الامتحانات الكتتتتتتتتتتتتييييييييره ضيع علينا الاستمتاع بيها بس ذكرياتها الجميله هتفضل ف قلوبنا علي طول, وداعا يا اجمل كليه واجمل دفعه ف الدنيا كلها.........

  7. #7
    Pharma Student
    تاريخ التسجيل
    Jan 2009
    الدولة
    mansoura
    المشاركات
    827

    افتراضي

    حلوة اوى فكرة الموضوع يا بيبو احنا اللى علينا الدور السنة الجاية ان شاء الله وكلامكم ده انا حساه اوى وبتخيل نفسى فى اللحظة دى من دلوقتى ربنا يوفقكم فى حياتكم الجاية وكل واحد يحقق اللى بيتمناه

  8. #8
    Volunteer
    تاريخ التسجيل
    Oct 2008
    الدولة
    على كوكب سحلقون
    المشاركات
    3,955

    افتراضي

    شكرا يا بيبو عالموضوع وعلى الفكرة المميزة
    واخدة بالك انتى

    احب دلوقتى ابدا كلامى واوجه شكر وتحية
    لاعز اصدقاء قابلتهم فى الكلية


    هتوحشينى أغالية



    هتوحشنى أساحبى


    ليا عودة ان شاء الله
    .....

  9. #9
    Pharma Student
    تاريخ التسجيل
    Feb 2009
    المشاركات
    45

    افتراضي

    عاوزه اقول بجد ان الكليه اجمل ايام حياتى انا بعشق صيدله
    وزعلانه جدا اننا خلاص هانتخرج ولسه مش مستوعبه ده
    بس يارب يبقى الجاى من ايامنا احلى

  10. #10
    Pharma Student
    تاريخ التسجيل
    Apr 2012
    المشاركات
    21

    افتراضي

    بجد يا جماعة فكرة جامدة جدا وانا حاسة الشعور ده من دلوقتى وانا لسه ف اعدادى ويا رب عقبال لما نحصلكوا

صفحة 1 من 4 123 ... الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •