النتائج 1 إلى 4 من 4

الموضوع: .. ترشيح الشاطر لخوض انتخابات الرئاسه ..

  1. #1
    Moderator
    تاريخ التسجيل
    Nov 2008
    الدولة
    Heart 0f My Lover
    المشاركات
    4,321

    Thumbs up .. ترشيح الشاطر لخوض انتخابات الرئاسه ..




    طبعا كلنا تابعنا قرار الاخوان الاخير بخوض الشاطر انتخابات الرئاسه
    وناس كتير رافضه ده من الاول وانا كنت منهم
    بس بعد شويه هدوء و تفكير كده صغيرين

    تعتقد ايه اللى يخلى الاخوان ترجع فى قرارها وترشح واحد منها لخوض الانتخابات ؟

    تعقتد هوه رغبه فى التملك ام هو خوف من كيان ما او مرشح اخر ؟

    تعتقد كيان زى الاخوان يخاف من ايه او من مين ؟

    تعتقد هل الحل النزول بمرشح منهم ؟

    هل قرار نتيجه استشعار الاخوان برد فعل الشعب ضدهم بعد انتخابات الشعب والشورى ؟

    هل تؤيد قرارهم ولا ترفضه؟

    هل القرار بغرض اخر وهوه تفتتيت الاصوات على مرشح اخر ؟

    هل الحل الامثل لتفتيت الاصوات النزول بمرشح ؟






  2. #2
    Moderator
    تاريخ التسجيل
    Oct 2011
    الدولة
    فى بلدى
    المشاركات
    1,499

    افتراضي

    أولا من حق أى حد فى مصر إنه يترشح ومحدش يقدر ينكر ده

    ثانيا فى اجتماع مجلس شورى الإخوان اللى حضره 108 عضو منهم 56 قالوا نرشح الشاطر و 52 قالوا ندعم العوا

    يعنى القرار مش جاى بأغلبية كبيرة وده يدل على عدم اقتناع الإخوان بإنهم ينزلوا حد للرئاسة مع احترامنا طبعا للمهندس خيرت الشاطر

    ثانيا الوقتى فيه 4 مرشحين اسلاميين للرئاسة ( العوا عبد المنعم أبو الفتوح الشخ حازم و اخيرا الشاطر )

    فى الوقت اللى بيفكر يتنازل فيه أحمد شفيق و عمرو موسى للعمر سليمان





  3. #3
    Pharma Student
    تاريخ التسجيل
    Sep 2007
    المشاركات
    2,797

    افتراضي

    زى ماقال زميلى د_محمد من حق اى حزب يرشح مش بس واحد لا عشرة

    المهم الصدق واحترام الكلمه

    صدق رسولنا الكريم حين قال

    ايه المنافق ثلاث ازا حدث كدب وازا وعد اخلف وازا اؤتمن خان

    ازاى نامن لحد توفرت فيه صفتين من صفات المنافقين على مصر

    انا شايفه انهم كانو فاكرين هيقدرو يكتبو الدستور وينص فيه ان مصر يحكمها البرلمان وطبعا مقدروش وفى جدل حول الدستور وشرعيه مجلس الشورى لان الى نزلو انتخابات الشورى كانو اقل من 10%من الشعب المصرى
    فقالو نرشح رئيس اخوان ونبقى اخدنا السلطه سوا الحكم مدنى او رئاسى

    والى عملوه ده كويس جدا لان ثقه الناس اهتزت فيهم خاصه بعد مالاعلام فضى لتوضيح الاخوان ومواقفهم

  4. #4
    Moderator
    تاريخ التسجيل
    Nov 2008
    الدولة
    Heart 0f My Lover
    المشاركات
    4,321

    Thumbs up

    خايف تكون لعبه سياسيه اتلعبت على الاخوان وشربوها


    بعد ما كسبوا تعاطف الناس وبقوا قوه فى الشارع نتيجه الاضطهاد اللى كانوا فيه
    فسابوهم يعملوا اللى هما عايزينه ويضيقوا عليهم ويصغروا فيهم ويبطلوا من عزايمهم عشان برده يقضوا عليهم
    ..
    من الاول قالك مش هناخد اغلبيه
    واخدوا مجلس الشعب وبعديه الشورى اغلبيه نتيجه لاسباب ما
    وبعدين مفيش حاجه مفيده اتعملت من المجلسين نتيجه تضييق المجلس العسكرى او القوه اللى تريد تدميرهم
    فتسرب للناس بعض الاحاسيس ان الاخوان مينفعوش وكثير من ردود الافعال السلبيه
    وبالتالى دمار رصيد الاخوان لدى الشعب
    وهوه المطلوب اثباته
    وبرده سذاجه منهم بس دى احلى من انهم يطمعوا بدرى بدرى كده ويحرقوا نفسهم بأيديهم
    دول عاملين زى اللى ماسك سكينه وكل شويه يعور نفسه فى حته مختلفه


    جننتونى فى امركوا يا اخوان




ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •