مشاهدة نتائج الإستطلاع: هل تتفق معى ؟؟

المصوتون
20. أنت لم تصوت في هذا الإستطلاع
  • لا أتفق تماما

    5 25.00%
  • أتفق

    11 55.00%
  • إلى حد ما

    4 20.00%
صفحة 1 من 9 123 ... الأخيرةالأخيرة
النتائج 1 إلى 10 من 88

الموضوع: أخيرا إنتفض الإخوان ... وبدأت المواجهه ...

  1. #1
    Pb Elite
    تاريخ التسجيل
    Feb 2008
    الدولة
    تحت قدمى أمى و أبى
    المشاركات
    2,912

    Smile أخيرا إنتفض الإخوان ... وبدأت المواجهه ...

    السلام عليكم ورحمة الله وبركاته


    كنت متوقع إلى حصل امبارح دا من أول يوم

    إلى جاى دا وجهة نظرى قد تحتمل الصواب والخطأ والأيام تثبت ...


    هذا هو المشهد الحقيقى ولنبدا من البداية

    (1)

    الإتفاق الثلاثى



    وزير الدفاع الأمريكى فى مصر

    بعدها

    عنان فى أمريكا

    بعدها

    إجتماع المجلس العسكرى بالمرشد

    بعدها

    إحتماع السفيرة الامريكية أكثر من مرة بالمرشسد


    الإتفاق بين المجلس العسكرى والإخوان بمباركة أمريكية !!! على الأتى :


    أتفقوا على عقد صفقة بين المجلس العسكرى والاخوان

    بإن المجلس العسكرى يساندهم فى الانتخابات البرلمانية ومجلس الشورى

    ( بالطبع المساندة هتكون بإن الانتخابات تكون نزيهه لأن الاخوان هتكتسح لو كانت الانتخابات نزيهه ودا الى حصل فى المجلسين )

    فى مقابل

    إن الاخوان مترشحش حد للرئاسة

    وإنهم ما يعترضوش على البنود الدستورية الى هينزلوها والى بتقضى بعدم مناقشة مزانيتهم

    وبعزل سلطتهم بحيث تكون دولة جوة دولة

    وبالفعل تمت الصفقة

    وطبعا المجلس العسكرى وافق إن ( من يسميهم الناس سلفيين لانى اصلا معترض على التسمية دى لان كل المسلمين سلفيين والحممد لله )

    يدخلوا الانتخابات ودا لسببين :

    1- لان بدخلهم نافسوا الاخوان على المقاعد بدل مكان هيبقى للاخوان 90% خلوها 505 بس وبقى حزب النور اخد النسبة الباقية الى هى كانت هترحلهم اصلا .

    2- الخلافات الكتير الى هى موجودة فكريا بين منتسبى حزب النور والاخوان مش هيخليهم يعرفوا يعملوا حاجة.

    وبالفعل نجح المجلس العسكرى فى دا ...


    (2)

    الإنتخابات أولا




    طبعا علشان الصفقة تتم بسرعة

    الاخوان نادوا بإن الانتخابات تتعمل الاول قبل الدستور

    وطبعا المجلس اصطنع مشاكل كتير بأنه يسيب البلطجية ينشوا جامد فى الفترة دى ويعمل مشاكل للناس

    علشان الناس الغلابة يقولوا عوزين البلد تستقر بقى عوزين نخلص يبقى نصوت بنعم

    وطبعا بدأوا يناقشوا فى الاعلام إننا عاوزين نغير المادة التانية تبقى دولة مدنية فكل من يحب دينه أصبح ينادى بقول لنعم

    حتى لا تتغير المادة الثانية

    ونزلوا شوية بنود خايبة فى الدستور مش هتضر بالاتفاق المبرم

    ولا تخل برغبة المجلس العسكرى إن محدش يحاسبة ويفضل مستخبى من النهب الى هو ناهبه زى أعوانه ..


    ( وإحنا فى الجيش كان قائد السرية أجتمع بينا ولقنا تلقين أمنى بإن الجيش من مصلحته إننا نقول نعم ونخلى أهلنا يقولوا نعم علشان نستريح بقى ونرجع لثكانتنا العسكرية وبالبلد تهدى ومش عارف إيه )


    (3)

    وثيقة دستورية قبل الانتخابات علطووووول




    إنتهزوا فرصة إن الانتخابات هتتعمل واصطنعوا احداث التحرير والبلطجية وحرق المجمع والانتخابات هتبدأ أهه

    ونزلوا

    وثيقتهم الدستورية

    وإلى بيها معلش فى الكلمة أدوا كل الى حوليهم على قفاهم

    1- محدش يناقش مزانيتهم .

    2- محدش يحاسبهم .

    3- حقهم فى الاعتراض على اى تعديل يتخذه مجلس الشعب .


    طبعا الاخوان مرعوبين الانتخابات متمش

    فبدل ما ينزلوا الميدان بقوا بيروحوا يأمنوا الميدان بحيث إنه ما يحصلش أى إشتباكات مثلا تأخر الانتخابات أو تلغيها .


    ونجح المجلس العسكرى وتمت الإنتخابات والاخوان أصبحوا أغلبية فى المجلسين


    (4)

    مجلس إيه يعينى على المجلس




    بعد ما دخلوا الاخوان المجلس


    وبعد ما بقوا بيحوالوا يعملوا أى حاجة لقوا نفسهم مش عارفين

    طيب

    هناقش النهاردة قضية الغاز

    نحن نعترض ونشجب ونحاسب الوزير.... هاتوا الوزير

    طب تمام حصل كل دا

    ليس من حق المجلس إتخاذ إجراءات تنفيذية كلها أصلا من حق الحكومة


    الناس الامريكان إزاى يتهربوا

    هاتوا الوزير إزاى

    هاتوا رئيس الوزرة

    إزااااااى

    طب ماشى عملتوا إيه فى الاخر

    ولا حاجة


    بدأ الإخوان يحسوا إنهم أخدوا قلم كبير على قفاهم

    وإن المجلس دا أصلا بلا سلطات وأنه مجرد صورة لو الى حوليه مش مزبط

    (4)

    حتى الإعلان الدستورى مش هتعملووه




    قوموا الدنيا كلها على الاخوان وحزب النور

    بقى هما دول الى هيحطوا دستور مصر

    الازهر انسحب

    النصارى بالاجماع انسحبوا

    لا يمكن لفئة واحدة أين البرادعى اين احمد زويل أين اين


    خلاص مفيش دستور

    هههههه


    (5)

    الإخوان لازم احنا نكون الحكومة إحنا الحكومة







    بدل محنا كل ما نيجى نعمل الحاجة مشعارفين قالوا خلاص

    هنسحب الثقة من الحكومة ونبقى احنى الحكومة

    طبعا المجلس العسكرى
    : إحنا متفأناش على كدا

    مستحيل طبعا

    ومن هنا بدأ الإخوان يفهموا اللعبة

    وبدأوا يدخلوا فى مواجهه حقيقية مع المجلس وبدأ تبدأ المعارضة ويرتفع صوت الإخوان أمام المجلس العسكرى

    (6)

    فى الأبواب المغلقة الإخوان يقولون




    لأما نشكل الحكومة لأما كل شئ إنتهى


    بدأ شد وجذب بينهم

    داخل الابواب المغلقة

    وبعد ما المجلس تعنت

    ظهر دا فى الاعلام

    وبدأت الحرب تشتعل


    إنتهت بالخبر الى سمعناه إمبارح




    (7)

    الاخوان يتخلوا عن إتفاقهم من العسكرى







    ورشحوا خيرت الشاطر

    وبدأت المعركة

    فى إنتظار باقى الحكاية



    وربنا يستر



    ( دى وجهة نظرى فى كل إلى حدث والله أعلم بصحتها وأسف طبعا للإطالة )





  2. #2
    Pharma Student
    تاريخ التسجيل
    Jan 2009
    الدولة
    Under the blue sky
    المشاركات
    1,748

    افتراضي

    حوارك دا بيفكرني ببني ادم و الشيطان

    الشيطان بيوسوس للانسان ويزين كل رغبات بني ادم اللحظيه

    الموقف بعد كدا بيعتمد علي الانسان نفسه اذا كان هيسمع الكلام و يقول يلا نفسي
    ولا يقاوم و يفضل علي مبادؤه

    ردة الفعل بتعتمد علي قراره,,,الشيطان مضربوش علي ايده و أمره

    هل الشيطان هيتعاقب مكان الانسان ولا كل واحد مسئول عن عمله

    ((فلا تلوموني ولوموا أنفسكم))

    بالضبط الشيطان هو المجلس العسكري و الاخوان هي البني ادم

    الوضع اللي هما فيه الوقتي هم السبب فيه لا مجلس ولا امريكا

    آفة الجشع و السلطه تمكنت منهم ووصلتهم لهذا الحد

    واخدين الشعب كله لعبه ف اديهم

    ياماااااااا قلنا المجلس البرلماني بلا صلاحيات .....بقينا حاقدين

    الاستفتاء غلط اساسا قولوا لا.... بقينا علمانيين

    الجنزوري بلااااااااش ......بقينا مخربين

    المجلس العسكري بيدمر البلد .....بقينا خونه وعملا

    للاسف اللي عاوز الوقتي يقسم مصر و شتت الاصوات لصالح الفلول هم الاخوان

  3. #3
    Pharma Student
    تاريخ التسجيل
    Sep 2007
    المشاركات
    2,797

    افتراضي

    انا مبسوطه اوى من الى الاخوان عملوه لان ده هز صورتهم جااااااااااااااامد جدا قدام كل الشعب المصرى والى كانو بيقدرو يضحكو على الجهله السياسه منهم ويخدعوهم باسم الدين

    بس الان اى حد بيفهم هيقلك مينفعش حزب يستاثر بالسلطه مهما كان الحزب ده لان من مبادئ الديمقراطيه مراعيه باقى الاحزاب

    من مبادئ الديمقراطيه ان كل واحد يعبر عن رايه بحريه مش المرشد ياخد القرار وكله سمعا وطاعا
    الى راح قدم اوراق الترشح للشاطر هو محامى الاخوان وهما الى اعلنو عن ترشح الشاطر انا للان مش مصدقه ان الاخوان ......لدرجه دى سمعا وطاعا وخلاص

    كمان الى كانو بيقدرو يضحكو عليهم بعد توعيه الاعلام لازم يخافو منهم ومن تلاعبهم وعدم مصداقيتهم
    المفروض الى خايف على نفسه يبدا ينسحب م الجماعه دى لانها مسيرها فيوم م الايام هترجع جماعه محظورة تانى او هيتغير اسمها الى حزب الاخوان الديمقراطى المنحل

  4. #4
    Pb Elite
    تاريخ التسجيل
    Feb 2008
    الدولة
    تحت قدمى أمى و أبى
    المشاركات
    2,912

    افتراضي

    بلاش نطعن فى حد يا اخونا

    كل شخص وكل مجموعة مرهونة بعملها ولها وعليها



    أنا كل إلى مقتنع بيه

    إن الاخوان للاسف مضحوك عليهم سواء من المجلس العسكرى

    أو منهم فيهم

    ربنا يهدينا ويهديهم

    وعلشان كدا دينا مفهوش جماعات لان الإنتماء لجماعة يجعل خطأ الشخص خطأ للمجموعة فتخيل مجوعة مكونة من 100 شخص أخطأ كل منهم خطأ واحد فقط وفى كل مرة ينسب خطأ الشخص للمجموعة إذا فهذه المجموعة ما هى إلا أخطاء



    قال تعالى

    ( ولا تزر وازرة وزر أخرى )

    -----
    + YouTube Video
    ERROR: If you can see this, then YouTube is down or you don't have Flash installed.


    الأستاذ الجزار يعترف تقريبا بالقصة الى فوق

  5. #5
    Volunteer
    تاريخ التسجيل
    Nov 2011
    الدولة
    ¨°o.O ((أم الدنيا)) O.o°¨
    المشاركات
    583

    Smile

    د/أحمد شبند

    إنت جبت من الآخر

    بجد حضرتك فاهم اللعبة كويس أوي




  6. #6
    Moderator
    تاريخ التسجيل
    Nov 2008
    الدولة
    Heart 0f My Lover
    المشاركات
    4,321

    Thumbs up

    خايف تكون لعبه سياسيه اتلعبت على الاخوان وشربوها


    بعد ما كسبوا تعاطف الناس وبقوا قوه فى الشارع نتيجه الاضطهاد اللى كانوا فيه
    فسابوهم يعملوا اللى هما عايزينه ويضيقوا عليهم ويصغروا فيهم ويبطلوا من عزايمهم عشان برده يقضوا عليهم
    ..
    من الاول قالك مش هناخد اغلبيه
    واخدوا مجلس الشعب وبعديه الشورى اغلبيه نتيجه لاسباب ما
    وبعدين مفيش حاجه مفيده اتعملت من المجلسين نتيجه تضييق المجلس العسكرى او القوه اللى تريد تدميرهم
    فتسرب للناس بعض الاحاسيس ان الاخوان مينفعوش وكثير من ردود الافعال السلبيه
    وبالتالى دمار رصيد الاخوان لدى الشعب
    وهوه المطلوب اثباته
    وبرده سذاجه منهم بس دى احلى من انهم يطمعوا بدرى بدرى كده ويحرقوا نفسهم بأيديهم
    دول عاملين زى اللى ماسك سكينه وكل شويه يعور نفسه فى حته مختلفه


    جننتونى فى امركوا يا اخوان




  7. #7
    Pb Elite
    تاريخ التسجيل
    Feb 2008
    الدولة
    تحت قدمى أمى و أبى
    المشاركات
    2,912

    افتراضي

    إكمالا لما بدأ

    الأن حرب نفسية

    ثم بعد ذلك تزوير متوقع لصالح مرشح المجلس العسكرى

    دى خطة المجلس العسكرى حاليا

    إستحالة خيرط الشاطر يكسب الإنتخابات ( إلا إذا أصبح فى اتفاق تانى وساعتها هيبقى إتفاق كبير قوى )

    وإستحالة للأسف الشيخ حازم يفوز

    ( إلا لو فى حاجة برضو ومظنش فيما علمت عن الشيخ حازم ولكن يبقى الجميع بشرا )


    يعنى من الاخر الرئيس القادم لازم هيكون تحت قبضة المجلس العسكرى

    على الأقل دا من وجهة نظر المجلس العسكرى لأن دى مسألة حياة أو موت بالنسبة ليهم لأن غير كدا كلهم هيترمو فى السجن

    فالقادم سيكون به أشياء غريبة وعجيبة ويبقى الإنتظار...!!!


  8. #8
    Pharma Student
    تاريخ التسجيل
    Mar 2009
    المشاركات
    371

    افتراضي

    بل استحالة الشعب يتنازل تانى عن حقوقه
    ان شاء الله مش هنسكت
    والرئيس هييجى باختيارنا

    يمكرون ويمكر الله والله خير الماكرين

    نستعين بالله وناخد بالاسباب وربنا هيكرمنا ويرزقنا من يتقيه فينا



    حازموووووووووون

  9. #9
    Volunteer
    تاريخ التسجيل
    Nov 2011
    الدولة
    ¨°o.O ((أم الدنيا)) O.o°¨
    المشاركات
    583

    Smile

    اقتباس المشاركة الأصلية كتبت بواسطة حبيبه مشاهدة المشاركة
    بل استحالة الشعب يتنازل تانى عن حقوقه
    ان شاء الله مش هنسكت
    والرئيس هييجى باختيارنا

    يمكرون ويمكر الله والله خير الماكرين

    نستعين بالله وناخد بالاسباب وربنا هيكرمنا ويرزقنا من يتقيه فينا



    حازموووووووووون
    ربنا يستر يا دكتورة حبيبة المجلس العسكري يوشك أن يوقع بحازم أبواسماعيل ويترصد له .كنت أتمني لو لم يترشح الشاطر ويدعم الاخوان حازم ابو اسماعيل فهو بحاجة الي مساندة قوية ضد مكبر أكبر ..
    -الله المستعان-

  10. #10
    Pharma Student
    تاريخ التسجيل
    Dec 2008
    المشاركات
    803

    افتراضي

    دا المتوقع من الاخوان ..
    ليه الناس بتستغرب؟؟!!
    الشعب كان في حالة غيبوبة سياسية ، محدش فاهم حاجة ، ولا حد بيضور علي أخبار الدين ، الناس عرفت الاخوان لانهم عرفوا ازاي يعرضوا نفسهم ، وبقوا في ذهن ناس كتير ان هما اللي بيمثلوا الدين وللاسف الناس اللي اعتقدت كدا وعيهم الديني معدوم !!
    مع وائل الابراشي حلقة يوم الاتنين اللي فات ده المتحدث الرسمي باسم الحرية والعدالة كان معاه وقال انهم شايفين انه السلطة التشريعية ( مجلس الشعب ) مش كفاية عشان الاخوان ينفذوا خطط النهضة بتاعتهم هما محتاجين سلطة تنفيذية ( حكومة ) تبعهم عشان تساعدهم ، يعني عايزين هما يشكلوا حكومة بحجة انهم الاغلبية في مجلس الشعب ، وطبعا كل ده هيتوج لو كان الارئيس تبعهم برده!! ويبقوا بلعوا البلد ..
    حسبي الله ونعم الوكيل..
    الشيخ حازم ربنا معاه وينجيه من المكيدة اللي الله اعلم مين اللي مدبرها عشان يخرجة برا الليلة خالص.. مش عايزة أقول المجلس العسكري الله أعلم برده ..

    وكل السيناريو اللي حصل ده كان متوقع ،ورغم ان الاخوان قالوا في اول الثورة انهم مش هيرشحوا حد بس كنت واثقة انهم مش هيسيبوا أي فرصة للفوز بأكثر حجم ممكن من السلطة والنفوذ ..

صفحة 1 من 9 123 ... الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •