صفحة 1 من 67 1231151 ... الأخيرةالأخيرة
النتائج 1 إلى 10 من 665

الموضوع: >> @@ .. فضفضه .. فضفض وطلع اللى جواك .. @@ >>

  1. #1
    Moderator
    تاريخ التسجيل
    Mar 2009
    الدولة
    فى الجنه باذن الله
    المشاركات
    8,884

    Smile >> @@ .. فضفضه .. فضفض وطلع اللى جواك .. @@ >>



    الموضوع باين من عنوانه

    فضفضه

    اى حد جواه كلام وعاوز يطلعه

    شفت حاجه او عملت حاجه بسطتك ورفعت من روحك المعنويه

    شفت حاجه ضايقتك

    عندك مشكله ومحتار ومش عارف تعمل ايه

    ................. الخ

    قولنا هنا عشان نشاركك فرحك وحزنك وكل حاجه

    الفضفضه دى شىء صحى جدا وببلاش

    يعنى ما حدش يكتم فى نفسه حاجه

    الموضوع مفتوح ليكم جميعا

    اخوكم

    محمد

  2. #2
    Pharma Student
    تاريخ التسجيل
    Apr 2009
    المشاركات
    1,168

    افتراضي


    علي البركة
    بإذن الله هيكون موضوع جميل والله (هبقي اتفرج من بعيد )

  3. #3
    Moderator
    تاريخ التسجيل
    Mar 2009
    الدولة
    فى الجنه باذن الله
    المشاركات
    8,884

    افتراضي

    ومن بعيد ليه

    ابتدى معانا كده بموقف او حاجه خلتك تبتسمى وتضحكى النهارده

    ولا النهارده ما كنش فى ضحك خالص

  4. #4
    Pb Elite
    تاريخ التسجيل
    Nov 2007
    المشاركات
    2,342

    افتراضي

    موضوع جميل كالعادة يادكتور محمد ولو ان حضرتك سبقتنى فيه لانى كنت ناويه اعمل نفس الموضوع بس مستنية الاجازة مش هتفرق المهم الناس تفضفض
    انا حابه اشارك معاكو بمقال لدكتور معتز بالله عبد الفتاح ممكن ميكونش فضفضة بس متهيالى هيدى للى يقراه جرعة تفاؤل كبيرة ممكن تفيد
    بيقول فيه

    اعملوا.. اعملوا

    لا ينبغى أن يصيبنا الإحباط فنيأس، ويسحقنا الواقع بمشكلاته فنفقد القدرة على الخيال. فنحن يمكن أن نصاب بالإحباط أو الضيق ولكننا لا ينبغى أن نصاب باليأس. اليأس ليس بديلًا مطروحًا لا سيما بين الشباب، فهم طاقة الأمل المتجدد فى غد أفضل. إن اليأس قرين الضعف، والضعف دليل الجهل. ولا ينبغى للجهل أن يغلبنا، بل نحن لاهثون نحو حياة أفضل لنا ولغيرنا قدر استطاعتنا. وحينما قررت أن أعلم ابنى كلمات تساعده على فهم الحياة ومراوغتها، جعلته يحفظ مقولة نابليون: «إذا كنت لا تعرف، تعلّم. وإذا كان ما تريدُ أن تفعلَه صعبا، حاول. وإذا كان ما تريد أن تفعله مستحيلا، حاول أكثر». وهو ما ينبغى أن نطبقه على المستويين الشخصى والعام.

    ثانيا، أنا أثق تماما فى كلام الله، وحين يلهم الله نبيه يعقوب كى يقول «ولا تيأسوا من روح الله، إنه لا ييأس من روح الله إلا القوم الكافرون» فأنا أصدق ربى، وأقول «سمعت وأطعت يا الله» ثم أنفرُ للعمل والجهد وقلبى عامر بيقين أن الله ما وعدنا إلا ليصدقنا وعده، المهم أن نعمل حتى نستحق عطاءه ونعمه. وأنا فى هذا أرتدى عقل وقلب سيدنا نوح الذى طلب إليه ربه أن يصنع سفينة فى قلب الصحراء. هل ممكن لعاقل أن يصدق أن عليه أن يصنع سفينة فى قلب الصحراء؟ نعم المؤمن الواثق فى نصر ربه ثقته فى الغيب، يعمل مطمئنا فى دأب عسى الله أن يجعل فى جهده ما يفيد. المؤمن الواثق يُقيمُ نفسَه حيث أقامه الله. فمن يعمل لهذا البلد، مخلصا، عليه أن يستمر فى العطاء بنفس منطق من يبنى سفينة فى الصحراء، وبنفس منطق الرسول الكريم حينما أمرنا أن نزرع ما فى أيدينا من فسيلة حتى لو كانت القيامة بعد ساعة.

    ويبدو أن موقف اليأس من الإصلاح مسألة متواترة لدرجة أن القرآن الكريم قد سجلها حينما سأل قوم قوما «لم تعظون قوما الله مهلكهم أو معذبهم عذابًا شديدًا قالوا معذرة إلى ربكم ولعلهم يتقون‏» وكأن المعنى أن هناك ثلاث فرق: الأولى تسأل الثانية لماذا تضيعون وقتكم وجهدكم مع قوم اختاروا الضلال حتى أن الله معذبهم (الفريق الثالث)، فكان رد الفريق الثانى أنهم يعظونهم حتى يعذرهم الله ويعرف أنهم ما قصروا فى الإصلاح ما استطاعوا، ولعلهم ينتفعون بالنصيحة. ومن هنا جاء قول الحق سبحانه فى موضع آخر «وَمَا كَانَ رَبُّكَ لِيُهْلِكَ الْقُرَى بِظُلْمٍ وَأَهْلُهَا مُصْلِحُونَ» وليس فقط صالحين. فكأن واجب الإصلاح وليس فقط الصلاح هو ما يضمن التقدم والرقى.

    ثالثا، التاريخ يقول لنا إن بنية المجتمعات تتغير بسرعة شديدة مع تولى القيادة السليمة لها. ما الفرق بين مصر ما قبل 1805 ومصر ما بعد 1805؟ إن شخصًا تولى حكم مصر فى عام 1805، فأعاد تنظيم شئون الدولة، وغير شكل النظام الاقتصادى، وأرسل البعثات للخارج، وأجاد الاستفادة من طاقات المصريين فتحولت مصر مع عام 1813 إلى دولة نامية بحق حتى وصلت إلى قمتها بعد ذلك بعشر سنوات. ما الفرق بين مصر ما قبل 1805 ومصر ما بعد 1805، شخص واحد فى المكان الصحيح، إنه محمد على. والأمر لم يكن بعيدًا عن أسماء عظماء آخرين فى مجالات أخرى، لولا رؤيتهم وشجاعتهم ودأبهم وحسن إدراكهم لواقعهم لما نجحوا ولما أنجحوا المجتمعات التى عاشوا فيها. إن هؤلاء مثل حبات المطر التى تنزل على الأرض الجرداء فتخرج منها زرعا ما ظننا أن بذوره كانت موجودة قط حتى قال أهل اليأس فيها «أنى يحى هذه الله بعد موتها».






  5. #5
    Pharma Student
    تاريخ التسجيل
    Apr 2009
    الدولة
    mansoura
    المشاركات
    1,461

    افتراضي

    ابتدى انا
    هقول على اللى حصلى النهارده
    *ليه الناس مبتقدرش تسيطر على غلها وحقدها ؟؟؟؟
    ليه اساسا ده؟؟؟
    ليه كل حاجه جميله اوى لازم تتعكر بحاجه تافهه بس ذى الزفت؟؟
    ليه مبنقولش الحق ؟؟
    طب بلاش
    مش السكوت افضل برضه؟؟؟؟؟
    ليه مبنحسبش نفسنا ونعمل حساب ربنا؟؟؟؟
    وانه ممكن يتعمل فينا!!!
    اللى بنعمله فى مخاليق ربنا
    ليه الكره يا احقاد؟؟؟؟؟؟؟؟
    ليه الظلم يا عديمى الشخصيه؟؟؟؟؟؟؟
    سكوووووووووووووت سيبونى فى حالى بقى
    بس حبايبنا لما بنيجى عليهم بجد بيبقى غصب عننا
    وانتوا قولتوها قبل كده
    فاكرين؟؟؟؟؟؟
    اوعوا تزعلوا مننا
    لان ده بجد بيكرهنا فى نفسنا
    بنحبكوا بجد والله
    ومنقدرش ابدا نستغنى عنكم
    عارفين ومتاكدين من حبكم
    بس المواقف اللى فاتت مش حاجه
    بالنسبه للوقت ده
    يا رب متخيبوش ظننا
    اه موقفكم صعب
    بس مش اصعب عليينا منكم
    اتمنى اشوفكم كل ثانيه
    وانتم متاكدين انكم كلنا
    معانا دايما بس برضه محتاجينكم جمبنا
    بنحبكم بنحبكم اوعوا تنسوا ده يا اغلى الاحباب
    بل افردهم واعزهم
    معلش بدات الموضوع بحجات محبطه
    بس بجد حالتى ذى الزفت
    دعواتكم



  6. #6
    Moderator
    تاريخ التسجيل
    Mar 2009
    الدولة
    فى الجنه باذن الله
    المشاركات
    8,884

    افتراضي

    اقتباس المشاركة الأصلية كتبت بواسطة DR.BIBO مشاهدة المشاركة
    موضوع جميل كالعادة يادكتور محمد ولو ان حضرتك سبقتنى فيه لانى كنت ناويه اعمل نفس الموضوع بس مستنية الاجازة مش هتفرق المهم الناس تفضفض



    انا حابه اشارك معاكو بمقال لدكتور معتز بالله عبد الفتاح ممكن ميكونش فضفضة بس متهيالى هيدى للى يقراه جرعة تفاؤل كبيرة ممكن تفيد
    بيقول فيه

    اعملوا.. اعملوا

    مرسى

    و ما فيش فرق بينا

    المهم ان الناس تحكى وتفضفض

    والمقاله جميله جدا

    ومنتظرين المزيد




    اقتباس المشاركة الأصلية كتبت بواسطة مهداه مشاهدة المشاركة
    ابتدى انا



    هقول على اللى حصلى النهارده
    معلش بدات الموضوع بحجات محبطه
    بس بجد حالتى ذى الزفت
    دعواتكم

    كويس انك طلعتى اللى جواكى

    ده هيريحك جامد

    والدنيا ذى ما فيها الحلوين واللى نفوسهم طيبه ونقيه

    موجود العكس برضه

    دى سنة الحياه

    عشان نحس بقيمة الناس الحلوين اللى فى حياتنا

    فخدى حذرك من الناس اللى انتى شايفاهم جواهم الحقد والغل

    وخلى قلبك ابيض دايما وما يتأثرش بالناس دى

    كل ما القلب يبقى نقى وابيض يظهر ده على الوش

    تلاقى وجه الانسان مشرق وساطع

    ربنا يسعدك

    والموضوع مفتوح دايما لاى كلام وفضفضه سواء حلوه او مش حلوه

  7. #7
    Pb Elite
    تاريخ التسجيل
    May 2010
    المشاركات
    1,158

    افتراضي

    موضوع متميز كالعادة يا دكتور

  8. #8
    Pharma Student
    تاريخ التسجيل
    Apr 2009
    المشاركات
    1,168

    افتراضي

    اقتباس المشاركة الأصلية كتبت بواسطة محمد سمير مشاهدة المشاركة
    ومن بعيد ليه

    ابتدى معانا كده بموقف او حاجه خلتك تبتسمى وتضحكى النهارده

    ولا النهارده ما كنش فى ضحك خالص

    مظبوط
    ---------------------------------
    ماشاء الله فيه اقبال جامد عالموضوع بس للاسف كلنا نفس الحالة اليائسة دي معرفش والله ليه كده
    ربنا يفرج همومنا جميعا يااااااااااااااااارب
    ----------------------------------
    بس أهم حاجة نكون علي يقين ب :
    إذِا رفَعت يَدك إلى السَمآء و لهَج لِسآنك بِالدُعاء
    فـثقْ أَنك فَيَ إِحدى ثَلآث حَالآتَ
    [ إمَآ إجَابة ، أو دَفع سُوء ، أو ذُخرٌ للآخرة ]

  9. #9
    Moderator
    تاريخ التسجيل
    Mar 2009
    الدولة
    فى الجنه باذن الله
    المشاركات
    8,884

    افتراضي

    اقتباس المشاركة الأصلية كتبت بواسطة dr emy.hassan مشاهدة المشاركة
    موضوع متميز كالعادة يا دكتور
    مرسى

    بس انا عاوز فضفضه

    ها

    معانا ولا مش معانا

    اقتباس المشاركة الأصلية كتبت بواسطة dr_orchida مشاهدة المشاركة
    مظبوط
    ---------------------------------
    ماشاء الله فيه اقبال جامد عالموضوع بس للاسف كلنا نفس الحالة اليائسة دي معرفش والله ليه كده
    ربنا يفرج همومنا جميعا يااااااااااااااااارب
    ----------------------------------
    بس أهم حاجة نكون علي يقين ب :
    إذِا رفَعت يَدك إلى السَمآء و لهَج لِسآنك بِالدُعاء
    فـثقْ أَنك فَيَ إِحدى ثَلآث حَالآتَ
    [ إمَآ إجَابة ، أو دَفع سُوء ، أو ذُخرٌ للآخرة ]
    الحاله دى سببها الامتحانات والضغط العصبى اللى فيها

    بس هانت كلها كام يوم وتبقوا عال العال والمود يبقى فى السما ان شاء الله

  10. #10
    Pb Elite
    تاريخ التسجيل
    May 2010
    المشاركات
    1,158

    افتراضي

    اقتباس المشاركة الأصلية كتبت بواسطة محمد سمير مشاهدة المشاركة
    مرسى


    بس انا عاوز فضفضه

    ها

    معانا ولا مش معانا
    معاكوا ان شاء الله
    بس نخلص امتحانات

صفحة 1 من 67 1231151 ... الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •